Lucas 12:28 - Mixteco del suroeste de Tlaxiaco Oaxaca

²⁸ Jee ya̱ sukuán viiꞌ nasɨ́kuitɨꞌ síkúnijin Ndiosíꞌ rá yu̱ku̱ꞌ yúkú íyó nu̱u̱nꞌ kuꞌúꞌ vitan, jee ki̱vɨ̱ꞌ steñu̱ꞌún chuꞌun ñɨvɨ maa nu̱u̱nꞌ ñuꞌúnꞌ sikáyúꞌ‑u maa, jee ya̱ sukuán síkúnijin Ndiosíꞌ yu̱ku̱ꞌ yúkú saájee saꞌ víꞌí káꞌ sikúnijin re̱ꞌ ránoꞌó ya̱ matíꞌínꞌ nijia kúneí iniꞌ rán re̱ꞌ.

Lucas 12:28 ပူးပေါင်းရင်းမြစ်များ

Mateo 14:31

Jee kuísá ntañúꞌún kuitɨꞌ nsi̱kááꞌ Jesús naꞌá re̱ꞌ, jee nna̱tɨɨn re̱ꞌ naꞌá‑a, jee nkachiꞌ re̱ꞌ nu̱u̱nꞌ‑u: ―¡Na̱ ka̱ꞌ yakuꞌ ka̱ꞌ kúneí iniꞌ nú nuꞌuꞌ! ¿Na̱ kuvi chi ni̱yo tu̱ꞌun jiáni iniꞌ nú jie̱ꞌe̱ꞌ nuꞌuꞌ? ―nkachiꞌ Jesús.

Mateo 16:8

Soo ya jíníꞌ Jesús ya̱ káchíꞌ ráa, jee nkachiꞌ re̱ꞌ: ―¡Na̱ ka̱ꞌ te̱e ya̱ yakuꞌ kúneí iniꞌ kúvi rán! ¿Na̱ kuvi chi káchíꞌ rán ya̱ ntu váji rán jín i̱xta̱tíláꞌ?

Mateo 17:17

Saájee nna̱xiníkó Jesús jee nkachiꞌ re̱ꞌ: ―¡Na̱ ka̱ꞌ ránoꞌó ya̱ ntu ínúꞌ iniꞌ rán Ndiosíꞌ jín ya̱ nku̱sɨ́ɨ́n rán nu̱u̱nꞌ ya̱ nááꞌ! ¿Na̱ja ka̱ꞌ tiempúꞌ vá íyó kuneeꞌ ni̱ꞌ jín ránoꞌó? ¿Na̱ja ka̱ꞌ tiempúꞌ vá íyó keꞌneꞌ iniꞌ ni̱ꞌ nu̱u̱nꞌ ránoꞌó? Kínaka rán se̱ꞌya yɨ́ɨ́ nú nu̱u̱nꞌ ni̱ꞌ yaꞌá ―nkachiꞌ Jesús.

Mateo 17:20

Jee nkachiꞌ Jesús nu̱u̱nꞌ ráa: ―Ntu nkúvi tavaꞌ rán maa jie̱ꞌe̱ꞌ matíꞌínꞌ kúneí iniꞌ rán Ndiosíꞌ. Chi máá naáꞌ vá káchíꞌ ni̱ꞌ nu̱u̱nꞌ rán, ya̱ retánꞌ kúneí iniꞌ rán Ndiosíꞌ, sú máá lúlí nijia kua̱ꞌ kuéntáꞌ íyó ɨɨn nikɨn lúlí yutun kúlíꞌ, yukuán jee kachiꞌ rán nu̱u̱nꞌ ɨɨn yuku yaꞌá: “Kuiyo nu̱u̱nꞌ íñɨ́ nú yaꞌá, jee kuáꞌán kuiñɨ nu̱u̱nꞌ yukuán”, jee kuiyo‑o, jee ntu íyó ɨɨn tiñu víjí ya̱ nkúvi saꞌá rán.

Mateo 6:30

Jee ya̱ sukuán viiꞌ nasɨ́kuitɨꞌ síkúnijin Ndiosíꞌ rá yu̱ku̱ꞌ yúkú íyó nu̱u̱nꞌ kuꞌúꞌ vitan, jee ki̱vɨ̱ꞌ steñu̱ꞌún chuꞌun ñɨvɨ maa nu̱u̱nꞌ ñuꞌúnꞌ sikáyúꞌ‑u maa, jee ya̱ sukuán síkúnijin Ndiosíꞌ rá yu̱ku̱ꞌ yúkú, jee, ¿á nsú saꞌ víꞌí káꞌ sikúnijin re̱ꞌ ránoꞌó rúja? Ránoꞌó chi matíꞌínꞌ nijia kúneí iniꞌ rán re̱ꞌ.

Mateo 8:26

Jee nkachiꞌ re̱ꞌ nu̱u̱nꞌ ráa: ―¿Na̱ kuvi chi yúꞌví víꞌí rán rúja?, ránoꞌó ya̱ yakuꞌ kúneí iniꞌ rán nuꞌuꞌ ―nkachiꞌ re̱ꞌ. Saájee nnakui̱ñɨ̱ꞌ nichiꞌ re̱ꞌ, jee nnu̱xeenꞌ re̱ꞌ nu̱u̱nꞌ ta̱chi̱ꞌ xéénꞌ jín nu̱u̱nꞌ jísóꞌ nteñúꞌún, jee ña̱kui̱ñɨ̱ꞌ rává, jee níín kuitɨꞌ nkuvi.

Lucas 8:25

Jee nkachiꞌ re̱ꞌ nu̱u̱nꞌ ráa: ―¿Né núꞌ íyó ya̱ kúneí iniꞌ ránú nuꞌuꞌ rúja? ―nkachiꞌ re̱ꞌ. Soo nyu̱ꞌví ráa jee nti̱vɨ́ xíniꞌ ráa jee nkachiꞌ ɨɨn inka ráa: ―¿Na̱ te̱e ka̱ꞌ kúvi te̱e yaꞌá, ya̱ ne̱ nu̱u̱nꞌ rá ta̱chi̱ꞌ víjin jín nu̱u̱nꞌ nute tátúníꞌ re̱ꞌ, jee káníjiá ráa maa? ―nkachiꞌ ráa.

Hebreos 6:7

Chi [suni rá ñɨvɨ ya̱ tɨ́ɨn ráa Tu̱ꞌun Ndiosíꞌ kúvi ráa kuéntáꞌ] kúvi ñuꞌun ya̱ jíꞌi‑i ntesáví, ya̱ kue̱ꞌe̱ꞌ íchí kúun sa̱vi̱ꞌ nu̱u̱nꞌ‑u. Jee sáꞌá Ndiosíꞌ ya̱ netuꞌ kúvi ñuꞌun vá retú kéne tataꞌ sáꞌá nu̱u̱nꞌ‑u ya̱ íyótiñu nu̱u̱nꞌ rá ñɨvɨ ya̱ sátíñú nu̱u̱nꞌ‑u.

1 Pedro 1:24

Chi káchíꞌ nu̱u̱nꞌ Tutuꞌ Ííꞌ ya̱: Ntáká ñɨvɨ ñɨ̱vɨ́ kúvi ráa kuéntáꞌ yu̱ku̱ꞌ, jee ntáká ya̱ viiꞌ íyó ñɨvɨ kúvi kuéntáꞌ itaꞌ yúkú, chi náchi yu̱ku̱ꞌ, jee jiétéꞌ itaꞌ.