Lucas 12:11 - Mixteco del suroeste de Tlaxiaco Oaxaca

¹¹ ’Jee sáá kɨ̱na̱siáꞌa rá ñɨvɨ ránoꞌó iniꞌ rá veꞌi sinagoga ichinúúnꞌ rá te̱e jiéꞌnéꞌ kua̱chi jín rá te̱e nísotíñú, jee koto nániꞌvɨꞌ iniꞌ rán na̱ja naxiníkó rán ni ná kúvi ya̱ kachiꞌ rán nama rán maárán ni ná kúvi ya̱ kaꞌanꞌ rán.

Lucas 12:11 ပူးပေါင်းရင်းမြစ်များ

Mateo 23:34

Saáva, nuꞌuꞌ chúichí ni̱ꞌ nu̱u̱nꞌ rán rá te̱e nákani tu̱ꞌun kéne yuꞌú máá maá Ndiosíꞌ, jín rá te̱e tu̱ꞌva ya̱ jíníꞌ va̱ꞌa tu̱ꞌun re̱ꞌ, jín rá te̱e ya̱ xínéꞌénꞌ va̱ꞌa tu̱ꞌun re̱ꞌ, jee ránoꞌó chi kaꞌniꞌ rán sava ráa, jee tekaa rán sava ráa nu̱u̱nꞌ kurúsiꞌ, jee kuun rán yoꞌo sava ráa iniꞌ rá veꞌi sinagoga rán, jee kunikɨnꞌ rán ráa sakini rán ráa ñuunꞌ ta ñuunꞌ.

Mateo 6:25

’Jee saáva káchíꞌ ni̱ꞌ nu̱u̱nꞌ rán ya̱ koto nániꞌvɨꞌ iniꞌ rán jie̱ꞌe̱ꞌ na̱ja kutekuꞌ rán, va̱ni jie̱ꞌe̱ꞌ rénákúvi ya̱ kajiꞌ rán, áxí, rénákúvi ya̱ koꞌo rán, jee koto nániꞌvɨꞌ iniꞌ rán jie̱ꞌe̱ꞌ yɨkɨkúñu rán, va̱ni ré jie̱ꞌe̱ꞌ na̱ saꞌma kuꞌun rán. Chi, ¿á nsáꞌ ya̱ yɨ́yáꞌvi ka̱ꞌ ví ya̱ sáꞌá Ndiosíꞌ jín‑ó ni tékúꞌ‑ó nsú ka̱ꞌ ya̱ kajiꞌ‑ó rúja?, jee, ¿á nsáꞌ yɨ́yáꞌvi ka̱ꞌ yɨkɨkúñu‑ó, nsú káꞌ saꞌma ñúꞌún‑ó rúja?

Mateo 6:27

Jee, ¿né ɨɨn ránoꞌó retú nániꞌvɨꞌ níviniꞌ iniꞌ‑i jee á kuvi sikuéꞌnu‑u maáa kusúkún‑u ɨɨn yɨ̱kɨ kání ka̱ꞌ rúja?

Mateo 6:28

’Jee, ¿na̱ jie̱ꞌe̱ꞌ chi nániꞌvɨꞌ iniꞌ rán jie̱ꞌe̱ꞌ saꞌma kuꞌun rán rúja? Kune̱ꞌyá rán na̱ja jiáꞌnu rá itaꞌ ni̱kɨ̱ꞌ xtíláꞌ yúkú ya̱ ni ntu̱ví sátíñú yɨ́ɨ́ ráa, jee ni ntu̱ví táví ráa.

Mateo 6:31

Jee saáva koto nániꞌvɨꞌ iniꞌ rán jee kachiꞌ rán: “¿Ná kúvi ya̱ kajiꞌ‑ó?”, áxí, “¿ná kúvi ya̱ koꞌo‑ó?”, áxí, “¿ná kúvi ya̱ kuꞌun‑ó?”

Mateo 6:34

Jee saáva, koto nániꞌvɨꞌ iniꞌ rán jie̱ꞌe̱ꞌ ya̱ kiji ki̱vɨ̱ꞌ steñu̱ꞌún, chi kiji ya̱ naniꞌvɨꞌ iniꞌ rán steñu̱ꞌún. Jee ya̱ nkuvi ni nániꞌvɨꞌ iniꞌ rán jie̱ꞌe̱ꞌ rá tiñu íyó vitan.

Lucas 12:22

Saájee nkachiꞌ Jesús nu̱u̱nꞌ rá te̱e kútáꞌán jín re̱ꞌ súkuáꞌa re̱ꞌ ráa: ―Saáva káchíꞌ ni̱ꞌ nu̱u̱nꞌ rán ya̱ koto nániꞌvɨꞌ iniꞌ rán jie̱ꞌe̱ꞌ na̱ja kutekuꞌ rán, va̱ni jie̱ꞌe̱ꞌ rénákúvi ya̱ kajiꞌ rán, jee koto nániꞌvɨꞌ iniꞌ rán jie̱ꞌe̱ꞌ yɨkɨkúñu rán, va̱ni ré jie̱ꞌe̱ꞌ na̱ saꞌma kuꞌun rán.