Lucas 11:48 - Mixteco del suroeste de Tlaxiaco Oaxaca

⁴⁸ Jee saáva stúvi rán ya̱ nááꞌ jie̱ꞌe̱ꞌ ya̱ nsa̱ꞌá rá jííꞌ rán jín ya̱ kánitáꞌán iniꞌ rán jín rá tiñu ya̱ nsa̱ꞌá rá jííꞌ rán yanaꞌán. Chi maáráa ñaꞌniꞌ ráa rá te̱e nna̱kani tu̱ꞌun nkene yuꞌú máá maá Ndiosíꞌ ne̱ yanaꞌán jee ránoꞌó sáꞌá rán veꞌi ni̱yɨ rá te̱e vá.

Lucas 11:48 ပူးပေါင်းရင်းမြစ်များ

Mateo 23:27

’¡Na̱ ka̱ꞌ xe̱e̱nꞌ kunoꞌo rán ka̱ꞌ ránoꞌó!, te̱e xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ, jín ránoꞌó fariseo, chi, ¡te̱e sansuꞌva kúvi rán! Chi kúvi rán kuéntáꞌ kúvi rá ñáñá rá ni̱yɨ nkaꞌyu kuíjín jee ne̱ túvi viiꞌ ñunkúún‑u nu̱u̱nꞌ nijinꞌ, soo ichi iniꞌ‑i chi ne̱ yɨ́ꞌɨ́ chitú yɨkɨníyɨ jín nɨꞌɨ ya̱ téꞌyúꞌ iniꞌ‑i.

Mateo 23:31

Jee suꞌva stúvi rán ya̱ nááꞌ si̱kɨ̱ꞌ maáránoꞌó ya̱ kúvi rán se̱ꞌya ichiyúkúnꞌ nkene rán nu̱u̱nꞌ rá jííꞌ rán yanaꞌán ya̱ ñaꞌniꞌ ráa rá te̱e nna̱kani tu̱ꞌun nkene yuꞌú máá maá Ndiosíꞌ ne̱ yanaꞌán.

Lucas 11:47

’¡Na̱ ka̱ꞌ xe̱e̱nꞌ kunoꞌo rán ka̱ꞌ ránoꞌó!, chi násaꞌá viiꞌ rán rá veꞌi ni̱yɨ rá te̱e nna̱kani tu̱ꞌun nkene yuꞌú máá maá Ndiosíꞌ ne̱ yanaꞌán, jee rá jííꞌ yanaꞌán rán ñaꞌniꞌ ráa rá te̱e vá.

Lucas 11:49

Jee saáva tu̱ꞌun níchí káchíꞌ Ndiosíꞌ: “Chuichí ni̱ꞌ rá te̱e ni̱ꞌ nakani tu̱ꞌun kene yuꞌú maá maáníꞌ nu̱u̱nꞌ ráa jín rá najiáꞌáꞌ ni̱ꞌ ya̱ kúvi apóstol ni̱ꞌ nu̱u̱nꞌ ráa. Jee sava rá te̱e vá kaꞌniꞌ rá ñɨvɨ ráréꞌ, jee sava ka̱ꞌ rá te̱e vá kuniꞌ u̱ꞌvi̱ꞌ rá ñɨvɨ ráréꞌ, káchíꞌ Ndiosíꞌ.”

Romanos 1:32

Sú jíníꞌ va̱ꞌa ráa tu̱ꞌun na̱a̱ꞌ tátúníꞌ Ndiosíꞌ ya̱ rá ñɨvɨ ya̱ sáꞌá suꞌva íyó ni̱ꞌi̱nꞌ ráa ya̱ kuviꞌ ráa, jee nsáꞌ kua̱chi sáꞌá ráa maa, chisaꞌ suni kúváꞌa iniꞌ ráa néꞌyá ráa sáꞌá inka ñɨvɨ maa.

Santiago 5:10

Rá ñaniꞌ jín rá ku̱ꞌva, íyó tɨɨn kuéntáꞌ rán kuéntáꞌ ɨɨn ñujiínꞌ kunikɨnꞌ rán na̱sa nnoꞌo rá ñɨvɨ nna̱kani ráa tu̱ꞌun nkene yuꞌú Ndiosíꞌ jee ni̱yo káꞌnú iniꞌ ráa, ya̱ nu̱u̱nꞌ súví I̱toꞌoꞌ‑ó nkachitu̱ꞌún ráa tu̱ꞌun re̱ꞌ.