Lucas 11:42 - Mixteco del suroeste de Tlaxiaco Oaxaca

⁴² ’¡Na̱ ka̱ꞌ xe̱e̱nꞌ kunoꞌo rán ka̱ꞌ ránoꞌó!, chi násokoꞌ rán nu̱u̱nꞌ Ndiosíꞌ ni u̱ji̱ꞌ ni u̱ji̱ꞌ ta sientúꞌ nɨꞌɨ nantíñú rán ne̱ nantíñú káyánká ne̱ yu̱ku̱ꞌ mi̱nu stíláꞌ, jín yu̱ku̱ꞌ ruda, jín ntáká ka̱ꞌ rá yuveꞌ, soo ntu sáꞌá rán kuéntáꞌ kueꞌnu na̱a̱ꞌ rán nu̱u̱nꞌ Ndiosíꞌ ni ya̱ kunu̱u̱nꞌ rán Ndiosíꞌ jín ñɨvɨ. Íyó saꞌá rán rá tiñu yaꞌá ni jín nsáꞌ xínóo rán saꞌá rán rá inka rá tiñu.

Lucas 11:42 ပူးပေါင်းရင်းမြစ်များ

Mateo 23:13

’¡Na̱ ka̱ꞌ xe̱e̱nꞌ kunoꞌo rán ka̱ꞌ ránoꞌó, te̱e xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ, jín ránoꞌó te̱e kúvi fariseo!, ¡te̱e sansuꞌva kúvi rán! Chi jiásɨ́ꞌ rán ya̱ ki̱vɨ rá ñɨvɨ xi̱ntíín Ndiosíꞌ ya̱ nééꞌ antivɨ́ súkún tatúníꞌ re̱ꞌ nu̱u̱nꞌ ráa, chi ránoꞌó jee ni ntu kívɨ rán xi̱ntíín re̱ꞌ, jee ni ntu jiáꞌa rán ya̱ ki̱vɨ rá inka ka̱ꞌ ñɨvɨ.

Mateo 23:23

’¡Na̱ ka̱ꞌ xe̱e̱nꞌ kunoꞌo rán ka̱ꞌ ránoꞌó, te̱e xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ, jín ránoꞌó te̱e kúvi fariseo!, chi, ¡te̱e sansuꞌva ví rán!, chi násokoꞌ rán nu̱u̱nꞌ Ndiosíꞌ ni u̱ji̱ꞌ ni u̱ji̱ꞌ ta sientúꞌ nɨꞌɨ nantíñú rán ne̱ nantíñú káyánká ne̱ yu̱ku̱ꞌ mi̱nu stíláꞌ, jín yu̱ku̱ꞌ anís, jín yu̱ku̱ꞌ comino, soo ntu sáꞌá rán rá tiñu máá ñáꞌnú víꞌí ka̱ꞌ ya̱ tátúníꞌ Ndiosíꞌ, ya̱ kueꞌnu na̱a̱ꞌ rán, jín ya̱ kunáꞌví iniꞌ rán ñanitáꞌán rán, jín ya̱ kuneí iniꞌ rán Ndiosíꞌ. Íyó saꞌá rán rá tiñu yaꞌá ni jín nsáꞌ xínóo rán saꞌá rán rá inka rá tiñu.

Mateo 23:27

’¡Na̱ ka̱ꞌ xe̱e̱nꞌ kunoꞌo rán ka̱ꞌ ránoꞌó!, te̱e xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ, jín ránoꞌó fariseo, chi, ¡te̱e sansuꞌva kúvi rán! Chi kúvi rán kuéntáꞌ kúvi rá ñáñá rá ni̱yɨ nkaꞌyu kuíjín jee ne̱ túvi viiꞌ ñunkúún‑u nu̱u̱nꞌ nijinꞌ, soo ichi iniꞌ‑i chi ne̱ yɨ́ꞌɨ́ chitú yɨkɨníyɨ jín nɨꞌɨ ya̱ téꞌyúꞌ iniꞌ‑i.

Lucas 18:12

Jee nééꞌ niteꞌ ni̱ꞌ u̱vi̱ꞌ íchí ya̱ semana, jee suni táji ni̱ꞌ u̱ji̱ꞌ ni u̱ji̱ꞌ ta sientúꞌ ntáká nu̱u̱nꞌ ya̱ níꞌínꞌ ni̱ꞌ”, nkachiꞌ fariseo vá.

Juan 5:42

Soo nuꞌuꞌ chi jíníꞌ ni̱ꞌ na̱sa iniꞌ rán ya̱ ntu ñúꞌún iniꞌ rán ya̱ kunu̱u̱nꞌ rán Ndiosíꞌ.

1 Juan 4:20

Jee retú néni ɨɨn ñɨvɨ kachiꞌ: “Maáníꞌ ñúnúunꞌ ni̱ꞌ Ndiosíꞌ”, jee retú táꞌvi iniꞌ‑i néꞌyá‑a ñanitáꞌán‑a, jee ñɨvɨ túꞌún ví‑i. Chi ñɨvɨ ya̱ ntu ñúnúunꞌ‑u táꞌán‑a ya̱ jíníꞌ‑i jín nchinúún‑u, jee ntu kúvi kunu̱u̱nꞌ‑u Ndiosíꞌ ya̱ ntiáꞌan kuniꞌ‑i re̱ꞌ jín nchinúún‑u.