Lucas 11:39 - Mixteco del suroeste de Tlaxiaco Oaxaca

³⁹ Soo nkachiꞌ I̱toꞌoꞌ‑ó nu̱u̱nꞌ fariseo vá: ―Ránoꞌó fariseo, jee kuéntáꞌ nákete rán kua̱chi ya̱ta̱ꞌ vasúꞌ jíꞌi rán jín ya̱ta̱ꞌ ko̱ꞌo̱ꞌ ñúyájíꞌ rán. Soo ichi iniꞌ ránú ñúchitú máá tu̱ꞌun u̱ꞌvi̱ꞌ iniꞌ jín tu̱ꞌun níváꞌa.

Lucas 11:39 ပူးပေါင်းရင်းမြစ်များ

Génesis 6:5

Jee niniꞌ I̱toꞌoꞌ‑ó ya̱ ntántúníꞌ kánéꞌén víꞌí ñɨvɨ ya̱ íyó nu̱u̱nꞌ ñu̱ꞌún, jee ntáká ya̱ ñúꞌún iniꞌ ánímaꞌ ráa ví ya̱ yɨ́táꞌán mani ya̱ kánéꞌí.

Mateo 15:19

Chi ne̱ ánímaꞌ ñɨvɨ va̱ji ntáká ya̱ níváꞌa ñúꞌún iniꞌ antúníꞌ ñɨvɨ, ya̱ sáꞌá ñɨvɨ ni̱yɨ, jín ñɨvɨ ya̱ ya nta̱na̱ꞌá soo núnéꞌén ráa jín inka ñɨvɨ ya̱ ntu ntánáꞌá jín ráa, jín ya̱ sáꞌá téní ráa, jín ya̱ sáꞌá kuíꞌná ráa, jín ya̱ kátúꞌún ráa, jín ya̱ kákuíyuꞌú ráa si̱kɨ̱ꞌ táꞌán ráa.

Mateo 7:15

’Kumí rán maárán nu̱u̱nꞌ rá te̱e túꞌún ya̱ káchíꞌ ráa nika̱ꞌ ya̱ kúvi ráa ñɨvɨ nákani tu̱ꞌun kéne yuꞌú Ndiosíꞌ nu̱u̱nꞌ ráa, jee káñunkúún sáꞌá ráa nika̱ꞌ maáráa va̱ji ráa nu̱u̱nꞌ rán kuéntáꞌ lanchi másúꞌ, soo ñúꞌún kánéꞌén iniꞌ ráa kuéntáꞌ ñúꞌún máñáꞌ iniꞌ váꞌúꞌ xéénꞌ.

Lucas 16:15

Jee nkachiꞌ re̱ꞌ nu̱u̱nꞌ ráa: ―Ránoꞌó jee sáꞌá rán nika̱ꞌ ya̱ kúvi rán te̱e na̱a̱ꞌ nu̱u̱nꞌ rá ñɨvɨ. Soo Ndiosíꞌ jee jíníꞌ re̱ꞌ na̱ja jiáni iniꞌ ánímaꞌ rán. Chi rá tiñu ya̱ jiáni iniꞌ rá ñɨvɨ ya̱ yɨ́yáꞌvi‑i nu̱u̱nꞌ ráa, soo nu̱u̱nꞌ Ndiosíꞌ chi maa tiñu néꞌí níváꞌa ví‑i nu̱u̱nꞌ re̱ꞌ.

Lucas 7:13

Jee sáá niniꞌ I̱toꞌoꞌ‑ó Jesús ña, jee nku̱náꞌví iniꞌ re̱ꞌ ña, jee nkachiꞌ re̱ꞌ nu̱u̱nꞌ ña: ―Koto náꞌyúꞌ nú ―nkachiꞌ re̱ꞌ.

Lucas 7:19

jee nchui̱chí re̱ꞌ ráa kua̱ꞌa̱nꞌ ráa nu̱u̱nꞌ I̱toꞌoꞌ‑ó sáva katu̱ꞌún ráa: ―¿Á noꞌó ví Cristo ya̱ nchi̱sóyuꞌú Ndiosíꞌ ya̱ íyó kiji‑i tatúníꞌ‑i nu̱u̱nꞌ nɨꞌɨ?, áxí, ¿á íyó kunetu ráníꞌ inka ka̱ꞌ? ―nkachiꞌ Juan ya̱ kachiꞌ ráa.

Juan 12:6

Sú nkachiꞌ re̱ꞌ sukuán, soo nsú jie̱ꞌe̱ꞌ ya̱ kúnáꞌví nijia iniꞌ re̱ꞌ rá láꞌví, chisaꞌ jie̱ꞌe̱ꞌ ni ka̱ꞌ ya̱ maáréꞌ kúvi ɨɨn te̱e kuíꞌná. Chi maáréꞌ kúvi te̱e ya̱ nééꞌ si̱kɨ̱ꞌ re̱ꞌ kúmí re̱ꞌ ñunu xu̱ꞌún nu̱u̱nꞌ rá táꞌán te̱e súkuáꞌa Jesús ráa, jee tɨ́ɨn kuíꞌná re̱ꞌ yakuꞌ xu̱ꞌún nu̱u̱nꞌ chúꞌun ráa ya̱ kúmí re̱ꞌ.

Juan 13:2

Jee viko Pascua ni kúxíní Jesús jín rá te̱e súkuáꞌa re̱ꞌ ráa, jee ya nchuꞌun kui̱ꞌna̱ꞌ kúñáꞌnú iniꞌ ánímaꞌ Judas ya̱ naku̱ꞌva re̱ꞌ Jesús xi̱ntíín rá te̱e kánéꞌén. Judas kúvi se̱ꞌya Simón Iscariote.

Hechos 5:3

Soo nkachiꞌ Pedro nu̱u̱nꞌ‑u: ―Ananías, ¿na̱ jie̱ꞌe̱ꞌ chi nku̱neí Satanás ntɨɨn‑ɨ ánímaꞌ nú, sáva katúꞌún nú nu̱u̱nꞌ Ta̱chi̱ꞌ Ííꞌ Ndiosíꞌ, jee nkino̱o nú jín sava xu̱ꞌún ya̱ꞌvi ñuꞌun nú ya̱ nxi̱kó nú?

Gálatas 1:14

Jee nkaa ni̱ꞌ ka̱ꞌ kúñáꞌnú ni̱ꞌ nu̱u̱nꞌ ñujiínꞌ Judaísmo, nsú káꞌ rá inka táꞌán ni̱ꞌ jiáꞌnu nkáá jín ni̱ꞌ. Nku̱káñá iniꞌ ni̱ꞌ nsi̱kúnkuvi ni̱ꞌ rá costumbre ya̱ nxi̱nóo rá jííꞌ yanaꞌán ni̱ꞌ nu̱u̱nꞌ ránꞌ.

2 Timoteo 3:5

jín ya̱ kachiꞌ ráa nika̱ꞌ ya̱ yɨ́tíñú ráa nu̱u̱nꞌ Ndiosíꞌ, soo jie̱ꞌe̱ꞌ tiñu sáꞌá ráa stúvi ráa ya̱ kúíchi iniꞌ ráa maa, chi kasɨꞌ ráa ya̱ sama fuersáꞌ ííꞌ níso re̱ꞌ iniꞌ ánímaꞌ ráa. Chusává nú nu̱u̱nꞌ ñɨvɨ ya̱ íyó suꞌva.

Tito 1:15

Rá ñɨvɨ íyó ninuꞌun jiáni ninuꞌun iniꞌ ráa jie̱ꞌe̱ꞌ nta̱ká nantíñú. Soo rá ñɨvɨ máñáꞌ ya̱ ntu ínúꞌ iniꞌ ráa tu̱ꞌun nááꞌ, jee ntu̱náꞌ jiáni ninuꞌun iniꞌ ráa jie̱ꞌe̱ꞌ ni ɨɨn nantíñú, chi ñúꞌún máñáꞌ antúníꞌ ráa jee ntu jíníꞌ ráa ya̱ níso kua̱chi si̱kɨ̱ꞌ ráa.

Santiago 4:8

Natuꞌva rán nu̱u̱nꞌ Ndiosíꞌ, jee natuꞌva re̱ꞌ nu̱u̱nꞌ rán. ¡Ñɨvɨ kua̱chi! ¡Íyó saꞌá noo rán maárán nu̱u̱nꞌ kua̱chi sáꞌá rán! ¡Ñɨvɨ ya̱ ɨɨn u̱vi̱ꞌ ñúꞌún iniꞌ ánímaꞌ rán! ¡Jee íyó saꞌá ninuꞌun rán ánímaꞌ rán!