Lucas 11:29 - Mixteco del suroeste de Tlaxiaco Oaxaca

²⁹ Jee sáá ntakaꞌ víꞌí rá ñɨvɨ kue̱ꞌe̱ꞌ ka̱ꞌ jee nka̱jiéꞌé Jesús nkachiꞌ re̱ꞌ: ―Rá ñɨvɨ ya̱ íyó tiempúꞌ vitan jee máá ñɨvɨ níváꞌa kúvi ráa, chi jíkánꞌ ráa ya̱ ku̱ꞌva ni̱ꞌ ɨɨn seña a̱nasɨ́ nu̱u̱nꞌ ráa. Soo ni ɨɨn seña ntu̱náꞌ ku̱ꞌva ni̱ꞌ nu̱u̱nꞌ ráa, chisaꞌ kua̱chi ku̱ꞌva ni̱ꞌ nu̱u̱nꞌ ráa máá seña a̱nasɨ́ kuéntáꞌ kua̱ꞌ máá seña a̱nasɨ́ ya̱ nsa̱ꞌá Ndiosíꞌ jín Jonás.

Lucas 11:29 ပူးပေါင်းရင်းမြစ်များ

Jonás 1:1

Nkachiꞌ I̱toꞌoꞌ‑ó Ndiosíꞌ tu̱ꞌun re̱ꞌ nu̱u̱nꞌ Jonás. Jonás kúvi se̱ꞌya ɨɨn te̱e naní Amitai. Jee nkachiꞌ I̱toꞌoꞌ‑ó nu̱u̱nꞌ Jonás:

Mateo 3:7

Soo sáá niniꞌ re̱ꞌ ya̱ kénta kue̱ꞌe̱ꞌ víꞌí rá te̱e yɨ́ꞌɨ́ ñujiínꞌ fariseo jín rá te̱e yɨ́ꞌɨ́ ñujiínꞌ saduceo nu̱u̱nꞌ síkuánuté re̱ꞌ, jee nkachiꞌ re̱ꞌ nu̱u̱nꞌ ráa: ―Ránoꞌó, kuéntáꞌ tataꞌ ko̱o̱ꞌ xe̱e̱nꞌ kúvi rán. ¿Né ɨɨn nxtúꞌva ya̱chi̱ꞌ nu̱u̱nꞌ rán, ya̱ kene kunu rán ka̱ku rán nu̱u̱nꞌ tu̱nóꞌó xéénꞌ kiji ya̱ xinóꞌo Ndiosíꞌ ránoꞌó chi kítɨ́ꞌ iniꞌ re̱ꞌ néꞌyá re̱ꞌ kua̱chi rán rúja?

Marcos 8:38

Chi néni ɨɨn ya̱ kúkanuun‑u jie̱ꞌe̱ꞌ nuꞌuꞌ jín jie̱ꞌe̱ꞌ tu̱ꞌun ni̱ꞌ nu̱u̱nꞌ rá ñɨvɨ kua̱chi yaꞌá, ya̱ na̱ni jie̱ꞌe̱ꞌ xínóo ráa Ndiosíꞌ, jee suni maáníꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee kukanuun ni̱ꞌ jie̱ꞌe̱ꞌ ñɨvɨ vá, sáá niji ni̱ꞌ va̱ne̱ꞌ tu̱u̱nꞌ nasɨ́kuitɨꞌ ya̱ viiꞌ kúñáꞌnú ni̱ꞌ jín Tátáꞌ ni̱ꞌ Ndiosíꞌ, jín rá najiáꞌáꞌ ííꞌ re̱ꞌ ―nkachiꞌ Jesús.

Lucas 11:16

Soo sava ráa ka̱ꞌ jítotúníꞌ ráa iniꞌ re̱ꞌ, jee jíkánꞌ ráa nu̱u̱nꞌ re̱ꞌ ya̱ saꞌá re̱ꞌ ɨɨn seña a̱nasɨ́ va̱ji ne̱ antivɨ́ súkún.

Lucas 11:50

Jee saáva si̱kɨ̱ꞌ rá ñɨvɨ tiempúꞌ vitan nakuniꞌi kua̱chi si̱kɨ̱ꞌ ráa kunoꞌo ráa jie̱ꞌe̱ꞌ ntáká rá te̱e nna̱kani tu̱ꞌun nkene yuꞌú Ndiosíꞌ ya̱ ñaꞌniꞌ rá ñɨvɨ ne̱ tiempúꞌ ña̱ko̱o ñɨ̱vɨ́ jín ne̱ vitan,

Lucas 12:1

Jee ni ya̱ kúvi sukuán, jee nku̱tútú ntántúníꞌ mil rá ñɨvɨ kue̱ꞌe̱ꞌ, jee ne̱ nákuniꞌi táꞌán ráa ya̱ta̱ꞌ ɨɨn inka rá táꞌán ráa. Jee nka̱jiéꞌé Jesús káchíꞌ re̱ꞌ xíꞌna ka̱ꞌ nu̱u̱nꞌ rá te̱e kútáꞌán jín re̱ꞌ súkuáꞌa re̱ꞌ, jee nkachiꞌ re̱ꞌ nu̱u̱nꞌ ráa: ―Kumí rán maárán koto tɨ́ɨn rán rá tu̱ꞌun káꞌánꞌ rá te̱e fariseo, chi te̱e sansuꞌva kúvi ráa jee kuéntáꞌ kua̱ꞌ levadura, chi jiéténuun tu̱ꞌun ráa nu̱u̱nꞌ rá ñɨvɨ jee kenta nuún kuvi ráa ñɨvɨ sansuꞌva, kuéntáꞌ kua̱ꞌ sáꞌá levadura sáá xínáa‑a chi̱ji ñujien.

Lucas 9:41

Saájee nkachiꞌ Jesús: ―¡Na̱ ka̱ꞌ rá ñɨvɨ yaꞌá ya̱ ntu ínúꞌ iniꞌ ráa Ndiosíꞌ jín ya̱ nku̱sɨ́ɨ́n rán nu̱u̱nꞌ ya̱ nááꞌ! ¿Na̱ja ka̱ꞌ tiempúꞌ vá íyó kuneeꞌ ni̱ꞌ jín ránoꞌó? ¿Na̱ja ka̱ꞌ tiempúꞌ vá íyó keꞌneꞌ iniꞌ ni̱ꞌ nu̱u̱nꞌ ránoꞌó? Kínaka se̱ꞌya yɨ́ɨ́ nú yaꞌá ―nkachiꞌ Jesús.

Juan 2:18

Saájee rá te̱e kúñáꞌnú nu̱u̱nꞌ rá ñɨvɨ Israel nkachiꞌ ráa nu̱u̱nꞌ re̱ꞌ: ―¿Na̱ seña xtúvi nú nu̱u̱nꞌ ránꞌ ya̱ íyó tiñu níso nú ya̱ sáꞌá nú rá tiñu yaꞌá résa? ―nkachiꞌ ráa.

Juan 6:30

Saáva nkachiꞌ ráa nu̱u̱nꞌ re̱ꞌ: ―¿Na̱ seña a̱nasɨ́ saꞌá nú sáva kuniꞌ ráníꞌ maa, sáva i̱nu̱ꞌ iniꞌ ránꞌ noꞌó? ¿Na̱ tiñu saꞌá nú?

Juan 8:44

Chi ránoꞌó chi tátáꞌ rán kúvi kui̱ꞌna̱ꞌ kúñáꞌnú, chi kuíni rán saꞌá rán rá tiñu ya̱ níyo iniꞌ tátáꞌ rán vá saꞌá rán. Chi maáréꞌ kúvi re̱ꞌ ya̱ sáꞌá re̱ꞌ ni̱yɨ ne̱ tiempúꞌ xíꞌnañúꞌún ya̱ ña̱ko̱o ñɨ̱vɨ́ yaꞌá. Jee ni ntu̱ví íñɨ́‑ɨ jín ya̱ naáꞌ, chi ntu̱ví ñúꞌún ya̱ naáꞌ iniꞌ‑i. Sáá káꞌánꞌ re̱ꞌ tu̱ꞌun túꞌún jee káꞌánꞌ re̱ꞌ sánikua̱ꞌ na̱sa íyó maáréꞌ, chi ya̱ kini túꞌún ví re̱ꞌ jee kúvi re̱ꞌ tátáꞌ nu̱u̱nꞌ ya̱ váji tu̱ꞌun túꞌún.

1 Corintios 1:22

Chi rá ñɨvɨ ñuunꞌ ni̱ꞌ Israel jee jíkánꞌ ráa ya̱ saꞌá Ndiosíꞌ tiñu a̱nasɨ́ sáva i̱nu̱ꞌ iniꞌ ráa ya̱ Tu̱ꞌun Ndiosíꞌ ví‑i. Jee rá ñɨvɨ ntu kúvi ráa ñɨvɨ ñuunꞌ Israel núkú ráa tu̱ꞌun níchí ya̱ sijínúꞌ‑u iniꞌ ráa.