Lucas 10:34 - Mixteco del suroeste de Tlaxiaco Oaxaca

³⁴ Jee ña̱kuyatin re̱ꞌ nu̱u̱nꞌ káá te̱e vá, jee nsa̱tátán re̱ꞌ rá nu̱u̱nꞌ ntu̱fi̱ꞌ te̱e vá jín nixiꞌ nu̱xi uva níso re̱ꞌ, jee nsu̱kún re̱ꞌ rá nu̱u̱nꞌ ntu̱fi̱ꞌ vá. Jee nna̱neꞌen re̱ꞌ te̱e vá nchi̱só re̱ꞌ maa ya̱ta̱ꞌ burrúꞌ yósóꞌ re̱ꞌ, jee kua̱ꞌa̱nꞌ re̱ꞌ jín‑i ɨɨn veꞌi nu̱u̱nꞌ kínóo rá ñɨvɨ, jee nku̱mí re̱ꞌ maa.

Lucas 10:34 ပူးပေါင်းရင်းမြစ်များ

Génesis 42:27

Jee sáá nkenta ráa nu̱u̱nꞌ kino̱o ráa kusuꞌ ráa yakuááꞌ, jee ɨɨn ráa nnine yuꞌú kuxtáꞌ‑a sáva ku̱ꞌva‑a ya̱ kajiꞌ burrúꞌ‑u, jee niniꞌ‑i ya̱ ñúꞌún xu̱ꞌún‑u yukuán, yuꞌú kuxtáꞌ‑a.

Marcos 14:8

Nsa̱ꞌá ña na̱kua̱ꞌ nku̱neí ña. Nyosoꞌ ña aceite vá nu̱u̱nꞌ ñunéꞌyúꞌ ni̱ꞌ, sáva saꞌá stákoo ya̱chi̱ꞌ ña nuꞌuꞌ, ne̱ ntiáꞌan se̱ꞌí ráa nuꞌuꞌ.

Lucas 10:33

Soo ɨɨn te̱e ñuunꞌ Samaria, ya̱ suni ichi yukuán kua̱ꞌa̱nꞌ re̱ꞌ, jee nkenta re̱ꞌ nu̱u̱nꞌ káá te̱e vá, jee sáá niniꞌ re̱ꞌ maa jee nku̱náꞌví iniꞌ re̱ꞌ maa.

Lucas 10:35

Jee ki̱vɨ̱ꞌ steñu̱ꞌún [sáá nkenta kɨ̱ꞌɨ̱nꞌ re̱ꞌ], jee ntavaꞌ re̱ꞌ u̱vi̱ꞌ xu̱ꞌún ka̱a ya̱ kúvi ya̱ꞌvi ɨɨn ñɨvɨ u̱vi̱ꞌ ki̱vɨ̱ꞌ jee njia̱ꞌa re̱ꞌ maa nu̱u̱nꞌ te̱e xín veꞌi vá, jee nkachiꞌ re̱ꞌ nu̱u̱nꞌ‑u: “Kumí nú te̱e yaꞌá, jee xu̱ꞌún ya̱ ka̱xi̱nꞌ nú ka̱ꞌ jín re̱ꞌ, jee sáá nikó ni̱ꞌ jee nachunáán ni̱ꞌ maa nu̱u̱nꞌ nú”, nkachiꞌ‑i.

Lucas 2:7

Jee nsi̱káku ña se̱ꞌya yɨ́ɨ́ ña ya̱ kúvi se̱ꞌya xíꞌnañúꞌún ña, jee nsu̱kún ña saꞌma maa, jee ñakɨnꞌ ña maa nu̱u̱nꞌ káá ya̱ yájíꞌ rá sa̱na̱ꞌ, chi ntu̱ví íyó núne ka̱ꞌ iniꞌ veꞌi nu̱u̱nꞌ kínóo rá ñɨvɨ.

Romanos 12:20

Saáva: “Retú jíníꞌ u̱ꞌvi̱ꞌ ñɨvɨ ránoꞌó, jee retú jíso̱ko‑o, jee ku̱ꞌva rán kajiꞌ‑i. Jee retú jíchíꞌ‑i nute, jee ku̱ꞌva rán nute koꞌo‑o. Chi sukuán ku̱ꞌva rán tu̱nkánuun nu̱u̱nꞌ ráa ne̱ tɨɨn ñuꞌunꞌ nu̱u̱nꞌ ráa.”

1 Tesalonicenses 5:15

Nito koo rán maáránoꞌó ya̱ koto náchunáán ni ɨɨn rán ya̱ ni̱váꞌa nu̱u̱nꞌ ni ɨɨn ñɨvɨ sáꞌá niva̱ꞌa nu̱u̱nꞌ ránoꞌó. Chisaꞌ sukuáni nanukú rán ya̱ váꞌa kuvi nu̱u̱nꞌ ɨɨn inka rán jín nu̱u̱nꞌ nɨꞌɨ rá ñɨvɨ.