Lucas 10:29 - Mixteco del suroeste de Tlaxiaco Oaxaca

²⁹ Soo nkuini te̱e vá stúvi re̱ꞌ ya̱ kúvi re̱ꞌ te̱e na̱a̱ꞌ jee nkachiꞌ re̱ꞌ nu̱u̱nꞌ Jesús: ―¿Né ɨɨn kúvi ñanitáꞌán ni̱ꞌ? ―nkachiꞌ‑i.

Lucas 10:29 ပူးပေါင်းရင်းမြစ်များ

Marcos 8:34

I̱ña̱jée nkana re̱ꞌ rá ñɨvɨ jín rá te̱e súkuáꞌa re̱ꞌ ráa, jee nkachiꞌ re̱ꞌ nu̱u̱nꞌ ráa: ―Retú néni ɨɨn ñɨvɨ kuíni‑i kunikɨnꞌ‑ɨ nuꞌuꞌ, íyó xináánꞌ‑a iniꞌ‑i rá níyo iniꞌ maáa, jee ɨɨn ni koo iniꞌ‑i kunoꞌo‑o jie̱ꞌe̱ꞌ níkɨ́nꞌ nuꞌuꞌ kuéntáꞌ ɨɨn ya̱ níso‑o kurúsiꞌ sáva kuviꞌ‑i nu̱u̱nꞌ vá. Jee kunikɨnꞌ‑ɨ nuꞌuꞌ.

Lucas 10:36

¿Né ɨɨn ni núníꞌ rá te̱e vá káꞌvi iniꞌ nú ya̱ nsa̱ꞌá re̱ꞌ kuéntáꞌ ɨɨn ñanitáꞌán nu̱u̱nꞌ te̱e nkininkava‑a xi̱ntíín rá te̱e kuíꞌná? ―nkachiꞌ Jesús.

Lucas 16:15

Jee nkachiꞌ re̱ꞌ nu̱u̱nꞌ ráa: ―Ránoꞌó jee sáꞌá rán nika̱ꞌ ya̱ kúvi rán te̱e na̱a̱ꞌ nu̱u̱nꞌ rá ñɨvɨ. Soo Ndiosíꞌ jee jíníꞌ re̱ꞌ na̱ja jiáni iniꞌ ánímaꞌ rán. Chi rá tiñu ya̱ jiáni iniꞌ rá ñɨvɨ ya̱ yɨ́yáꞌvi‑i nu̱u̱nꞌ ráa, soo nu̱u̱nꞌ Ndiosíꞌ chi maa tiñu néꞌí níváꞌa ví‑i nu̱u̱nꞌ re̱ꞌ.

Romanos 10:3

Chi ntu tɨ́ɨn kuéntáꞌ ráa ya̱ Ndiosíꞌ ví ya̱ sáꞌá re̱ꞌ ya̱ kino̱o na̱a̱ꞌ ñɨvɨ nu̱u̱nꞌ re̱ꞌ. Chisaꞌ núkú ráa saꞌá maáráa ya̱ kino̱o na̱a̱ꞌ ráa nu̱u̱nꞌ re̱ꞌ, jee ntu chíꞌi ráa maáráa nu̱u̱nꞌ ya̱ sáꞌá re̱ꞌ ya̱ kino̱o na̱a̱ꞌ ráa nu̱u̱nꞌ re̱ꞌ.

Romanos 4:2

Chi retú nstúvi Abraham ya̱ nkino̱o na̱a̱ꞌ re̱ꞌ jie̱ꞌe̱ꞌ tiñu nsa̱ꞌá re̱ꞌ, jee íyó jie̱ꞌe̱ꞌ ya̱ kuvi kaꞌanꞌ téyɨ́ɨ́ re̱ꞌ, soo ntu̱ví nu̱u̱nꞌ Ndiosíꞌ.

Gálatas 3:11

Jee kájíkuitɨꞌ ya̱ ni ɨɨn ñɨvɨ nki̱nóo na̱a̱ꞌ nu̱u̱nꞌ Ndiosíꞌ jie̱ꞌe̱ꞌ ya̱ núkú ñɨvɨ vá saꞌá‑a ya̱ káchíꞌ tu̱ꞌun ley nta̱túníꞌ Ndiosíꞌ. Chi káchíꞌ Tu̱ꞌun Ndiosíꞌ nééꞌ nu̱u̱nꞌ tutuꞌ ya̱: “Ñɨvɨ ya̱ sáꞌá Ndiosíꞌ ya̱ kínóo na̱a̱ꞌ ráa nu̱u̱nꞌ re̱ꞌ, jie̱ꞌe̱ꞌ ya̱ kúneí iniꞌ ráa re̱ꞌ, kutekuꞌ ráa nɨ́ɨ́nkání jín re̱ꞌ.”

Santiago 2:24

Jee néꞌyá rán jie̱ꞌe̱ꞌ tiñu váꞌa sáꞌá ɨɨn ñɨvɨ ya̱ stúvi ya̱ kínóo na̱a̱ꞌ ñɨvɨ vá nu̱u̱nꞌ Ndiosíꞌ jee nsú jie̱ꞌe̱ꞌ ya̱ kua̱chi ínúꞌ iniꞌ‑i, jee ntu sáꞌá‑a tiñu váꞌa.