Lucas 1:78 - Mixteco del suroeste de Tlaxiaco Oaxaca

⁷⁸ Chi nasɨ́kuitɨꞌ náꞌví iniꞌ Ndiosíꞌ‑ó ne̱ ánímaꞌ re̱ꞌ ñunkúún iniꞌ re̱ꞌ yó, jee saáva ne̱ antivɨ́ kiji re̱ꞌ kistuúnꞌ re̱ꞌ iniꞌ antúníꞌ‑ó kuéntáꞌ túúnꞌ nka̱niiꞌ ya̱ káa‑a.

Lucas 1:78 ပူးပေါင်းရင်းမြစ်များ

Juan 3:16

’Chi na̱ ka̱ꞌ vá ñúnúunꞌ ka̱ꞌ Ndiosíꞌ ñɨvɨ ñɨ̱vɨ́, saáva njia̱ꞌa re̱ꞌ Se̱ꞌya métúꞌún re̱ꞌ nkiji‑i, sáva nta̱ká rá ñɨvɨ ya̱ kúneí iniꞌ ráa maa, jee nsáꞌ kɨ̱naanꞌ ráa, chisaꞌ kutekuꞌ ráa nɨ́ɨ́nkání jín re̱ꞌ.

Efesios 5:14

Jee jie̱ꞌe̱ꞌ vá káchíꞌ tu̱ꞌun yaꞌá suꞌva: Noto, noꞌó ya̱ kíxíꞌ iniꞌ nú, jee nako̱o nú nteñu rá ñɨvɨ ya̱ kúvi kuéntáꞌ ñɨvɨ níꞌiꞌ, jee Cristo stúúnꞌ re̱ꞌ ñuꞌunꞌ re̱ꞌ iniꞌ ánímaꞌ nú.

Filipenses 1:8

Chi jíníꞌ Ndiosíꞌ, ya̱ ñúnúunꞌ ni̱ꞌ nta̱ká ránoꞌó sáni ñúnúunꞌ Cristo Jesús yó.

Filipenses 2:1

Saájee, nu̱u̱nꞌ íyó neí iniꞌ‑ó, jie̱ꞌe̱ꞌ ya̱ yɨ́ꞌɨ́‑ó nu̱u̱nꞌ Cristo, jee nu̱u̱nꞌ ñúnúunꞌ re̱ꞌ yó sáꞌá ya̱ núváꞌa iniꞌ‑ó, jee nu̱u̱nꞌ chíneí táꞌán Ta̱chi̱ꞌ Ííꞌ Ndiosíꞌ jín yó sáva koo ma̱ni̱ꞌ táꞌán‑ó ɨɨn inka‑ó, jee nu̱u̱nꞌ ñunkúún iniꞌ‑ó ɨɨn inka táꞌán‑ó jee nu̱u̱nꞌ kúnáꞌví iniꞌ‑ó ɨɨn inka táꞌán‑ó.

Colosenses 3:12

Saáva sama iniꞌ rán, chi nka̱ji Ndiosíꞌ ránoꞌó sáva kuvi rán ñɨvɨ maáréꞌ, ya̱ nsa̱ꞌá sɨ́ɨ́n re̱ꞌ ránoꞌó nu̱u̱nꞌ ya̱ níváꞌa, jee ñúnúunꞌ re̱ꞌ ránoꞌó. Jee koo rán suꞌva: ya̱ kunáꞌví iniꞌ rán rá táꞌán rán, jín ya̱ kuva̱ꞌa iniꞌ rán kune̱ꞌyá rán táꞌán rán, jín ya̱ kuꞌun láꞌví iniꞌ rán, jín ya̱ koo másúꞌ iniꞌ rán, jín ya̱ káꞌnú koo iniꞌ rán jín táꞌán rán,

2 Pedro 1:19

Jee kúmí‑ó tu̱ꞌun ya̱ íyó kutú ka̱ꞌ nsú káꞌ ya̱ niniꞌ ránꞌ jínúunꞌ ránꞌ. Tu̱ꞌun vá kúvi tu̱ꞌun nkene yuꞌú Ndiosíꞌ ya̱ njia̱ꞌa re̱ꞌ nu̱u̱nꞌ rá te̱e ya̱ ntee ráa maa nu̱u̱nꞌ Tutuꞌ Ííꞌ, jee va̱ꞌa saꞌá ránú ya̱ tɨɨn kuéntáꞌ va̱ꞌa rán rá tu̱ꞌun vá, kuéntáꞌ kua̱ꞌ tɨ́ɨn kuéntáꞌ rán kantil ya̱ túúnꞌ xúꞌún nu̱u̱nꞌ neenꞌ, jee tɨɨn kuéntáꞌ va̱ꞌa rán rá tu̱ꞌun vá ne̱kua̱ꞌ kenta Cristo kuéntáꞌ va̱kunijinꞌ ki̱vɨ̱ꞌ jee xtuúnꞌ re̱ꞌ iniꞌ ánímaꞌ rán kuéntáꞌ túúnꞌ tiu̱u̱nꞌ xúꞌún ya̱neꞌenꞌ.

1 Juan 3:17

Soo néni ɨɨn ñɨvɨ ya̱ kúmí‑i rá nantíñú íyó ñɨ̱vɨ́ yaꞌá, jee jíníꞌ‑i ya̱ kúmániꞌ ya̱ jíniñúꞌún ñanitáꞌán‑a kutekuꞌ‑u, soo nu̱u̱nꞌ kutú ánímaꞌ‑a, jee ni ntu̱náꞌ jiáꞌa‑a ya̱ jíniñúꞌún ñanitáꞌán‑a, ¿na̱sa kúvi ñúꞌún iniꞌ ñɨvɨ vá ya̱ sáꞌá Ndiosíꞌ ya̱ kunu̱u̱nꞌ‑u, résa?

Apoclipsis 22:16

’Jee nuꞌuꞌ Jesús, nchu̱ichí ni̱ꞌ najiáꞌáꞌ ííꞌ ni̱ꞌ sáva stúvi re̱ꞌ nu̱u̱nꞌ noꞌó rá tu̱ꞌun na̱a̱ꞌ yaꞌá sáva ku̱ꞌva nú maa nu̱u̱nꞌ rá grupo rá ñɨvɨ ya̱ jínúꞌ iniꞌ ráa nuꞌuꞌ. Jee ne̱ nu̱u̱nꞌ David váji ni̱ꞌ ya̱ kúvi ni̱ꞌ Se̱ꞌya ichiyúkúnꞌ ya̱ nkene ni̱ꞌ ne̱ nu̱u̱nꞌ David. Viiꞌ víꞌí kúñáꞌnú ni̱ꞌ kuéntáꞌ kua̱ꞌ viiꞌ jiánu̱te̱ꞌ tiu̱u̱nꞌ xúꞌún ya̱ kenta ntáká ya̱neꞌenꞌ.