Lucas 1:77 - Mixteco del suroeste de Tlaxiaco Oaxaca

⁷⁷ Jee sáva sikúkáꞌnú nú iniꞌ rá ñɨvɨ re̱ꞌ ya̱ sikáku re̱ꞌ ráa jie̱ꞌe̱ꞌ kua̱chi ráa, jie̱ꞌe̱ꞌ ya̱ kunekáꞌnú iniꞌ re̱ꞌ ráa nu̱u̱nꞌ kua̱chi ráa.

Lucas 1:77 ပူးပေါင်းရင်းမြစ်များ

Lucas 3:3

Jee ni̱kónúun Juan ntáká rá nu̱u̱nꞌ kúvi yunúte ntekáꞌnú Jordán, stékútu̱ꞌún re̱ꞌ nu̱u̱nꞌ rá ñɨvɨ ya̱ sikuánuté re̱ꞌ ráa ré nakani iniꞌ ráa jie̱ꞌe̱ꞌ kua̱chi ráa jee kunikɨnꞌ ráa Ndiosíꞌ sáva kunekáꞌnú iniꞌ Ndiosíꞌ jie̱ꞌe̱ꞌ kua̱chi ráa.

Lucas 3:6

Sáva ntáká rá ñɨvɨ kuniꞌ ráa na̱ja sikíji Ndiosíꞌ ya̱ sikáku re̱ꞌ ñɨvɨ. Sukuán káchíꞌ nu̱u̱nꞌ tutuꞌ ntee Isaías.

Juan 1:29

Jee ki̱vɨ̱ꞌ steñu̱ꞌún jee niniꞌ Juan máá Jesús ya̱ váji‑i nu̱u̱nꞌ re̱ꞌ, jee nkachiꞌ re̱ꞌ nu̱u̱nꞌ rá ñɨvɨ: ―Kune̱ꞌyá rán chi te̱e yaꞌá kúvi kuéntáꞌ ɨɨn lanchi lúlí ya̱ nchu̱ichí Ndiosíꞌ maa, chi kuéntáꞌ jiáꞌníꞌ rá ñɨvɨ Israel lanchi lúlí sókóꞌ ráa maa nu̱u̱nꞌ Ndiosíꞌ jee sukuán sííyo te̱e yaꞌá kua̱chi si̱kɨ̱ꞌ rá ñɨvɨ.

Juan 1:34

Jee ya̱ niniꞌ ni̱ꞌ vá, jee jiáꞌa ni̱ꞌ ya̱ naáꞌ jie̱ꞌe̱ꞌ re̱ꞌ ya̱ maáréꞌ kúvi nijia Se̱ꞌya Ndiosíꞌ ―nkachiꞌ Juan.

Hechos 10:43

Jee jie̱ꞌe̱ꞌ re̱ꞌ, nɨꞌɨ rá te̱e ya̱ nna̱kani ráa tu̱ꞌun nkene yuꞌú Ndiosíꞌ, jee nna̱stúvi ráa ya̱ naáꞌ jie̱ꞌe̱ꞌ Jesús. Nkachiꞌ ráa ya̱, jie̱ꞌe̱ꞌ ya̱ nsa̱ꞌá re̱ꞌ, nɨꞌɨ ñɨvɨ ya̱ kúneí iniꞌ ráa re̱ꞌ ni̱ꞌi̱nꞌ ráa ya̱ kunekáꞌnú iniꞌ Ndiosíꞌ jie̱ꞌe̱ꞌ kua̱chi ráa.

Hechos 19:4

Jee nkachiꞌ Pablo: ―Juan nsi̱kuánuté re̱ꞌ rá ñɨvɨ ya̱ nna̱kani iniꞌ ráa jie̱ꞌe̱ꞌ kua̱chi ráa. Jee káchíꞌ re̱ꞌ nu̱u̱nꞌ rá ñɨvɨ ya̱ íyó kuneí iniꞌ ráa ɨɨn te̱e kiji ya̱ta̱ꞌ re̱ꞌ. Jesús ví te̱e vá ya̱ íyó kuneí iniꞌ ráa ―nkachiꞌ Pablo.

Hechos 2:38

Jee nna̱xiníkó Pedro nu̱u̱nꞌ ráa: ―Nakani iniꞌ rán kua̱chi rán, jee kuanuté rán, sáva stúvi rán ya̱ ya nki̱vɨ rán nu̱u̱nꞌ Jesús ya̱ kúvi Cristo, sáva kunekáꞌnú iniꞌ Ndiosíꞌ kua̱chi rán, jee kutaꞌviꞌ rán Ta̱chi̱ꞌ Ííꞌ re̱ꞌ.

Hechos 3:19

Nakani iniꞌ rán jie̱ꞌe̱ꞌ kua̱chi rán, jee nakunikɨnꞌ rán Ndiosíꞌ, sáva xinónoo re̱ꞌ kua̱chi rán. Jee sáva maá I̱toꞌoꞌ‑ó taji tiempúꞌ ya̱ nuva̱ꞌa iniꞌ rán.

Hechos 5:31

Jee Jesús vá, nxi̱náa Ndiosíꞌ re̱ꞌ kuñáꞌnú re̱ꞌ ichi kuáꞌá‑a. Ñani Ndiosíꞌ re̱ꞌ sáva tátúníꞌ re̱ꞌ yukuán jee xínánitáꞌvíꞌ re̱ꞌ ñɨvɨ. Nsa̱ꞌá Ndiosíꞌ suꞌva, sáva ku̱ꞌva re̱ꞌ ya̱ nakani iniꞌ rá ñɨvɨ Israel jie̱ꞌe̱ꞌ rá kua̱chi ráa, jee kunekáꞌnú iniꞌ re̱ꞌ jie̱ꞌe̱ꞌ rá kua̱chi ráa.

Romanos 3:25

Chi ñani Ndiosíꞌ Jesús sáva kuviꞌ re̱ꞌ jee katɨ ni̱ñɨ̱ꞌ re̱ꞌ sáva so̱ko̱ꞌ re̱ꞌ maáréꞌ jie̱ꞌe̱ꞌ kua̱chi‑ó, sáva kunekáꞌnú iniꞌ Ndiosíꞌ kua̱chi‑ó, jie̱ꞌe̱ꞌ kúneí iniꞌ‑ó Jesús. Jee sukuán stúvi Ndiosíꞌ ya̱ na̱a̱ꞌ kúvi re̱ꞌ chi njia̱ꞌa re̱ꞌ nu̱u̱nꞌ rá kua̱chi nsa̱ꞌá ñɨvɨ tiempúꞌ yanaꞌán, jee ntu nxínóꞌo re̱ꞌ ráa,

Efesios 1:7

Jee ni̱ꞌi̱ꞌ Cristo nu̱u̱nꞌ kurúsiꞌ jee ñatɨ ni̱ñɨ̱ꞌ re̱ꞌ sáva chunáán nkáꞌnú re̱ꞌ nu̱u̱nꞌ Ndiosíꞌ jie̱ꞌe̱ꞌ kua̱chi‑ó sáva nakani núne re̱ꞌ yó ya̱ nkɨ́ꞌɨ‑ó ka̱ꞌ nu̱u̱nꞌ kua̱chi‑ó, jie̱ꞌe̱ꞌ yɨ́ꞌɨ́‑ó nu̱u̱nꞌ Cristo. Jee suꞌva nékáꞌnú iniꞌ Ndiosíꞌ yó, sánikua̱ꞌ ntántúníꞌ nasɨ́kuitɨꞌ íyó mániꞌ iniꞌ re̱ꞌ néꞌyá re̱ꞌ yó,