Lucas 1:58 - Mixteco del suroeste de Tlaxiaco Oaxaca

⁵⁸ Jee rá ñɨvɨ nééꞌ yatin jín ña jín rá táꞌán ña, jee sáá nteso̱ꞌo ráa ya̱ nku̱náꞌví nasɨ́kuitɨꞌ iniꞌ I̱toꞌoꞌ‑ó ña, jee ne̱ jíꞌín ráa nku̱sɨ̱ɨ̱ꞌ iniꞌ ráa jín ña.

Lucas 1:58 ပူးပေါင်းရင်းမြစ်များ

Génesis 19:19

chi ya̱ íyó mániꞌ iniꞌ nú néꞌyá nú nuꞌuꞌ ya̱ kúvi ni̱ꞌ musúꞌ nú, jee ntántúníꞌ kúváꞌa iniꞌ nú néꞌyá nú nuꞌuꞌ jie̱ꞌe̱ꞌ ya̱ nsa̱ꞌá nú jín nuꞌuꞌ, chi nsi̱káku nú nuꞌuꞌ, soo nkúvi kaku ni̱ꞌ ne̱ rá yuku chi sa̱naanꞌ kitaꞌanꞌ ya̱ xináa vá nuꞌuꞌ jee kuviꞌ ni̱ꞌ.

Génesis 21:6

Saájee nkachiꞌ Sara: “nsa̱ꞌá Ndiosíꞌ ya̱ jiákúꞌ ni̱ꞌ, jee néni ɨɨn ñɨvɨ ya̱ teso̱ꞌo‑o ya̱ níyo ɨɨn se̱ꞌya ni̱ꞌ kúsɨ́ɨꞌ iniꞌ‑i jín nuꞌuꞌ jee kuekuꞌ‑u jín nuꞌuꞌ.”

Lucas 1:14

Jee nusɨ̱ɨ̱ꞌ nasɨ́kuitɨꞌ iniꞌ nú jee yasɨ́ɨ́ꞌ iniꞌ ánímaꞌ nú kuvi re̱ꞌ, jee kue̱ꞌe̱ꞌ rá ñɨvɨ kusɨ̱ɨ̱ꞌ iniꞌ ánímaꞌ ráa jie̱ꞌe̱ꞌ ya̱ kaku‑u,

Lucas 1:25

“Suꞌva nsa̱ꞌá I̱toꞌoꞌ‑ó jín nuꞌuꞌ, chi vitan íyó mániꞌ iniꞌ re̱ꞌ néꞌyá re̱ꞌ nuꞌuꞌ chi nsíyo re̱ꞌ tu̱nkánuun íyó ni̱ꞌ nu̱u̱nꞌ rá ñɨvɨ ya̱ ntu íyó se̱ꞌya ni̱ꞌ.”

Lucas 1:57

Jee sáá nkenta tiempúꞌ kaku se̱ꞌya Elisabet, jee nsi̱káku ña ɨɨn súchí yɨ́ɨ́.

Lucas 14:12

Jee suni nkachiꞌ re̱ꞌ nu̱u̱nꞌ te̱e ya̱ kana‑a re̱ꞌ kajiꞌ re̱ꞌ i̱xta̱ꞌ veꞌi‑i: ―Sáá sáꞌá nú neyu áxí xíní ya̱ ku̱ꞌva nú kajiꞌ rá ñɨvɨ jee koto kána nú rá ñɨvɨ ma̱ni̱ꞌ jín nú, jín rá ñaniꞌ nú, jín rá táꞌán nú, jín rá ñɨvɨ kúká ya̱ nééꞌ yatin jín nú, nsuñájee nakana tuku ráa noꞌó, jee natají tuku ráa nu̱u̱nꞌ nú.

Romanos 12:15

Jee kusɨ̱ɨ̱ꞌ iniꞌ rán jín rá ñɨvɨ ya̱ kúsɨ́ɨꞌ iniꞌ ya̱ va̱ꞌa kua̱ꞌa̱nꞌ jín‑i, jee jiaku iniꞌ rán jín rá ñɨvɨ jiáku iniꞌ.

1 Corintios 12:26

Chi retú nóꞌo ɨɨn rá pedasúꞌ yɨkɨkúñu‑ó tu̱nóꞌó, jee kua̱íyó nɨ́ɨ́nkáꞌnú rá pedasúꞌ yɨkɨkúñu‑ó nóꞌo jín‑i. Jee retú ɨɨn pedasúꞌ yɨkɨkúñu‑ó ni̱ꞌi̱nꞌ‑i ya̱ ñáꞌnú‑u, jee suni ne̱ kua̱íyó rá pedasúꞌ yɨkɨkúñu‑ó núsɨ́ɨꞌ iniꞌ ráa jín‑i ranika̱ꞌ.