Juan 8:39 - Mixteco del suroeste de Tlaxiaco Oaxaca

³⁹ Jee nna̱xiníkó ráa jee nkachiꞌ ráa: ―Tátáꞌ jííꞌ yanaꞌán ránꞌ kúvi Abraham. Jee nkachiꞌ Jesús nu̱u̱nꞌ ráa: ―Retánꞌ kúvi nijia rán tataꞌ ichiyúkúnꞌ váji ne̱ nu̱u̱nꞌ Abraham jee yukuán jee saꞌá rán tiñu váꞌa kuéntáꞌ nsa̱ꞌá Abraham tiñu váꞌa nékúvi. [Soo ntu sáꞌá rán maa.]

Juan 8:39 ပူးပေါင်းရင်းမြစ်များ

Mateo 3:9

Jee saáva koto káchíꞌ rán iniꞌ ánímaꞌ rán: “[Ka̱ku ráníꞌ] chi jííꞌ yanaꞌán ránꞌ ví Abraham.” Chi káchíꞌ ni̱ꞌ nu̱u̱nꞌ rán ya̱ Ndiosíꞌ kuvi saꞌá re̱ꞌ ya̱ nuvi ne̱ rá yu̱u̱ꞌ yaꞌá sáva kuvi ráa tataꞌ se̱ꞌya Abraham.

Mateo 5:45

Saꞌá sukuán sáva ránoꞌó se̱ꞌya Ndiosíꞌ saꞌá rán kuéntáꞌ Tátáꞌ rán Ndiosíꞌ ya̱ nééꞌ antivɨ́ súkún chi maáréꞌ vá sáꞌá re̱ꞌ ya̱ kéne nka̱niiꞌ túúnꞌ‑u nu̱u̱nꞌ rá ñɨvɨ níváꞌa jín rá ñɨvɨ váꞌa, jee síkúun re̱ꞌ sa̱vi̱ꞌ nu̱u̱nꞌ rá ñɨvɨ jiáꞌnu na̱a̱ꞌ jín nu̱u̱nꞌ rá ñɨvɨ ntu jiáꞌnu na̱a̱ꞌ.

Juan 8:33

Jee nna̱xiníkó ráa nu̱u̱nꞌ re̱ꞌ: ―Ichiyúkúnꞌ váji ne̱ nu̱u̱nꞌ Abraham kúvi ráníꞌ, jee ni ntu nkúvi kuitɨꞌ ránꞌ musúꞌ kéꞌen ñɨvɨ ya̱ yɨ́ꞌɨ́ ránꞌ xi̱ntíín ni ɨɨn ñɨvɨ. ¿Na̱ja vá kúvi kachiꞌ nú ya̱ kenta nakui̱ñɨ̱ꞌ núne rán rúja? ―nkachiꞌ ráa.

Juan 8:37

Jíníꞌ ni̱ꞌ ya̱ ichiyúkúnꞌ kéne nu̱u̱nꞌ Abraham kúvi rán, soo sú sukuán íyó jee níꞌvɨ́ꞌ iniꞌ rán kaꞌniꞌ rán nuꞌuꞌ, chi ntu̱ví jiáꞌa rán ki̱vɨ tu̱ꞌun káchíꞌ ni̱ꞌ iniꞌ ánímaꞌ rán.

Juan 8:43

¿Na̱ jie̱ꞌe̱ꞌ chi ntu̱ví jiáku̱ꞌun iniꞌ rán rá tu̱ꞌun káchíꞌ ni̱ꞌ rúja? Chi ntu̱ví kuíni rán chuꞌun soꞌo rán rá tu̱ꞌun káꞌánꞌ ni̱ꞌ.

Juan 8:56

Jee tátáꞌ jííꞌ rán Abraham nku̱sɨ̱ɨ̱ꞌ nasɨ́kuitɨꞌ iniꞌ re̱ꞌ ya̱ kuniꞌ re̱ꞌ ki̱vɨ̱ꞌ kiji ni̱ꞌ iniꞌ ñɨ̱vɨ́ yaꞌá. Jee niniꞌ re̱ꞌ maa, jee nku̱sɨ̱ɨ̱ꞌ nasɨ́kuitɨꞌ iniꞌ re̱ꞌ ―nkachiꞌ Jesús.

Romanos 4:12

Jee suni Abraham kúvi re̱ꞌ tátáꞌ nu̱u̱nꞌ rá ñɨvɨ Israel ya̱ níso ráa seña circuncisión. Soo nsú tátáꞌ ráa kúvi re̱ꞌ jie̱ꞌe̱ꞌ ya̱ kua̱chi kuitɨꞌ níso ráa seña vá, chisaꞌ suni jíka ráa ichi njiáꞌa tátáꞌ ránꞌ Abraham ya̱ nku̱neí iniꞌ re̱ꞌ Ndiosíꞌ. Jee nku̱neí iniꞌ re̱ꞌ sukuán ne̱ sáá ntiáꞌan saꞌá circuncidar re̱ꞌ maáréꞌ, nékúvi.

Romanos 4:16

Saáva ni̱ꞌi̱nꞌ ñɨvɨ ta̱ꞌvi̱ꞌ ya̱ nchi̱sóyuꞌú Ndiosíꞌ jie̱ꞌe̱ꞌ ya̱ kúneí iniꞌ ráa re̱ꞌ, sáva kúvi ta̱ꞌvi̱ꞌ vá ya̱ síkútaꞌviꞌ re̱ꞌ nu̱u̱nꞌ‑ó sú ntu íyó ni̱ꞌi̱nꞌ‑ó maa. Síkútaꞌviꞌ re̱ꞌ maa sáva kino̱o kutú ya̱ nchi̱sóyuꞌú re̱ꞌ nu̱u̱nꞌ nta̱ká rá ñɨvɨ ya̱ kúvi ichiyúkúnꞌ Abraham. Soo síkútaꞌviꞌ re̱ꞌ maa nsú kua̱chi kuitɨꞌ nu̱u̱nꞌ rá ñɨvɨ Israel ya̱ yɨ́ꞌɨ́ ráa nu̱u̱nꞌ ley, chisaꞌ suni nu̱u̱nꞌ nta̱ká rá ñɨvɨ ya̱ kúneí iniꞌ ráa Ndiosíꞌ kuéntáꞌ kua̱ꞌ Abraham. Sukuán suvire̱ꞌ kúvi tátáꞌ ntáká‑órán ichinúúnꞌ Ndiosíꞌ.

Romanos 9:7

Ni nsú ntáká rá se̱ꞌya ichiyúkúnꞌ nkene nu̱u̱nꞌ Abraham kúvi nijia ráa se̱ꞌya re̱ꞌ. Chisaꞌ nkachiꞌ Ndiosíꞌ nu̱u̱nꞌ re̱ꞌ: “Nu̱u̱nꞌ se̱ꞌya nú Isaac kiji ráa ya̱ kuvi se̱ꞌya ichiyúkúnꞌ nú.”

Gálatas 3:29

Chi retú yɨ́ꞌɨ́ rán nu̱u̱nꞌ Cristo, ña̱re se̱ꞌya ichiyúkúnꞌ Abraham kúvi rán. Jee ni̱ꞌi̱nꞌ rán ta̱ꞌvi̱ꞌ táji Ndiosíꞌ sáni nchi̱sóyuꞌú re̱ꞌ.

Gálatas 3:7

Suꞌva íyó kuniꞌ rán ya̱ rá ñɨvɨ kúneí iniꞌ ráa Jesús, suviráa kúvi rá se̱ꞌya Abraham ichinúúnꞌ Ndiosíꞌ.