Juan 8:36 - Mixteco del suroeste de Tlaxiaco Oaxaca

³⁶ Saájee, retú nuꞌuꞌ ya̱ kúvi ni̱ꞌ Se̱ꞌya Ndiosíꞌ, nakani núne ni̱ꞌ ránoꞌó kene rán xi̱ntíín kua̱chi rán, jee nakui̱ñɨ̱ꞌ núne nijia rán xi̱ntíín kua̱chi rán.

Juan 8:36 ပူးပေါင်းရင်းမြစ်များ

Lucas 4:18

Ta̱chi̱ꞌ Ííꞌ I̱toꞌoꞌ‑ó Ndiosíꞌ íyó‑o jín nuꞌuꞌ, chi ñani Ndiosíꞌ nuꞌuꞌ sáva nakani ni̱ꞌ tu̱ꞌun váꞌa re̱ꞌ nu̱u̱nꞌ rá ñɨvɨ láꞌví, jee suni nchu̱ichí re̱ꞌ nuꞌuꞌ sáva nasaꞌá váꞌa ni̱ꞌ iniꞌ rá ñɨvɨ ya̱ íyó tu̱nkuíꞌyáꞌ iniꞌ ánímaꞌ ráa, jín sáva kachitu̱ꞌún ni̱ꞌ tu̱ꞌun váꞌa ya̱ nakani núne ni̱ꞌ rá ñɨvɨ ya̱ yɨ́ꞌɨ́ ráa xi̱ntíín kua̱chi ráa, jín suni sáva saꞌá ni̱ꞌ ya̱ nakune̱ꞌyá rá ñɨvɨ kuáá, jee suni sáva nakani núne ni̱ꞌ rá ñɨvɨ nu̱u̱nꞌ tu̱nóꞌó jíchi rá ñɨvɨ ráa,

Romanos 8:2

Chi nku̱neí Ta̱chi̱ꞌ Ííꞌ Ndiosíꞌ sáꞌá re̱ꞌ ya̱ kutekuꞌ‑ó jín Ndiosíꞌ, jie̱ꞌe̱ꞌ yɨ́ꞌɨ́‑ó nu̱u̱nꞌ Cristo Jesús, jee nákani núne re̱ꞌ ránoꞌó ya̱ nsáꞌ kɨꞌɨ‑ó ka̱ꞌ xi̱ntíín kua̱chi jín nsáꞌ kenta‑ó kuéntáꞌ kuviꞌ‑ó nu̱u̱nꞌ Ndiosíꞌ.

1 Corintios 7:22

Chi te̱e ya̱ kúvi musúꞌ ya̱ nkeꞌen ñɨvɨ, sáá nkana I̱toꞌoꞌ‑ó maa kɨꞌɨ‑ɨ nu̱u̱nꞌ re̱ꞌ, jee vitan jee ya nakui̱ñɨ̱ꞌ núne‑e nu̱u̱nꞌ kua̱chi‑i, ya̱ yɨ́ꞌɨ́‑ɨ xi̱ntíín I̱toꞌoꞌ‑ó. Jee suni sukuán kúvi jín te̱e íñɨ́ núne ya̱ sáꞌá‑a tiñu maáa, sáá nkana Ndiosíꞌ maa kɨꞌɨ‑ɨ nu̱u̱nꞌ re̱ꞌ, jee saájee ya kúvi‑i musúꞌ ya̱ yɨ́ꞌɨ́ xi̱ntíín I̱toꞌoꞌ‑ó Cristo.

2 Corintios 3:17

Chi I̱toꞌoꞌ vá ví Ta̱chi̱ꞌ Ííꞌ. Jee nu̱u̱nꞌ íyó Ta̱chi̱ꞌ Ííꞌ I̱toꞌoꞌ‑ó iniꞌ ánímaꞌ ñɨvɨ, jee nákuíñɨꞌ núne ñɨvɨ vá nu̱u̱nꞌ xi̱ntíín ley vá.

Gálatas 5:1

Nna̱kani núne Cristo yó, sáva kuiñɨ núne yó. Saáva kuiñɨ ni̱ꞌin núne rán nu̱u̱nꞌ tu̱ꞌun ley vá ya̱ nta̱túníꞌ Ndiosíꞌ. Jee koto kíninkava tuku rán xi̱ntíín tu̱ꞌun vá ya̱ kuvi tuku rán musúꞌ sátíñú saɨn.