Juan 8:31 - Mixteco del suroeste de Tlaxiaco Oaxaca

³¹ Saájee nkachiꞌ Jesús nu̱u̱nꞌ rá ñɨvɨ Israel ya̱ nínuꞌ iniꞌ ráa re̱ꞌ: ―Retú kɨꞌɨ ni̱ꞌin rán nu̱u̱nꞌ rá tu̱ꞌun ya̱ xínéꞌénꞌ ni̱ꞌ ránoꞌó, saájee kúvi nijia rán ñɨvɨ ya̱ súkuáꞌa ni̱ꞌ ránoꞌó.

Juan 8:31 ပူးပေါင်းရင်းမြစ်များ

Mateo 24:13

Soo rá ñɨvɨ kuni̱ꞌin kuiñɨ kutú ráa jín ni̱ꞌ ne̱ nu̱u̱nꞌ kenta ji̱nu jee suviráa ví ya̱ sikáku Ndiosíꞌ ráa.

Juan 1:47

Jee sáá niniꞌ Jesús Natanael ya̱ váji kuyatin‑i, jee nkaꞌanꞌ re̱ꞌ jie̱ꞌe̱ꞌ‑e: ―Yaꞌá ví nijia ɨɨn se̱ꞌya tataꞌ ñuunꞌ Israel ya̱ kúvi te̱e na̱a̱ꞌ, ya̱ ntu ñúꞌún tu̱ntúꞌún tuꞌva yuꞌú re̱ꞌ ―nkachiꞌ Jesús.

Juan 2:2

Jee suni nkana rá ñɨvɨ vá Jesús jín rá te̱e súkuáꞌa re̱ꞌ ráa ya̱ kɨ̱ꞌɨ̱nꞌ ráa viko tánáꞌá vá.

Juan 6:55

Chi yɨkɨkúñu ni̱ꞌ ví ya̱ yájíꞌ nijia jee ni̱ñɨ̱ꞌ ni̱ꞌ ví ya̱ jíꞌi nijia.

Juan 8:36

Saájee, retú nuꞌuꞌ ya̱ kúvi ni̱ꞌ Se̱ꞌya Ndiosíꞌ, nakani núne ni̱ꞌ ránoꞌó kene rán xi̱ntíín kua̱chi rán, jee nakui̱ñɨ̱ꞌ núne nijia rán xi̱ntíín kua̱chi rán.

Hechos 13:43

Sáá ntu̱ꞌu̱ꞌ ya̱ nnu̱tútú ráa, jee kue̱ꞌe̱ꞌ rá ñɨvɨ Israel jín rá ñɨvɨ ya̱ ntu kúvi Israel, ya̱ nni̱vɨ ráa ñujiínꞌ Israel jee néñu̱ꞌun ráa Ndiosíꞌ, jee nnikɨnꞌ ráa Pablo jín Bernabé. Jee nkaꞌanꞌ rává jín ráa, jee nna̱kutíñú rává nu̱u̱nꞌ ráa ya̱ kuni̱ꞌin ráa nu̱u̱nꞌ Ndiosíꞌ, sáva nachituvi re̱ꞌ ráa.

Hechos 14:22

Yukuán, nna̱chituvi ráa ánímaꞌ rá ñɨvɨ yɨ́ꞌɨ́ nu̱u̱nꞌ Jesús. Nna̱xiníꞌvɨ́ꞌ ráa iniꞌ rává kuni̱ꞌin rává kúneí iniꞌ rává Jesús. Nkachiꞌ ráa: ―Kue̱ꞌe̱ꞌ tu̱nóꞌó nínísaá kunoꞌo‑ó jee ki̱vɨ‑ó nu̱u̱nꞌ tátúníꞌ Ndiosíꞌ.

Hechos 26:22

Ne̱ vitan Ndiosíꞌ nchi̱neí nuꞌuꞌ. Jee íñɨ́ ni̱ꞌ, sáva nástúvi ni̱ꞌ ya̱ naáꞌ nu̱u̱nꞌ rá ñɨvɨ ñáꞌnú jín nu̱u̱nꞌ rá ñɨvɨ láꞌví. Jee ntu sɨ́ɨ́n káꞌánꞌ ni̱ꞌ ya̱ nkachiꞌ Moisés jín rá inka te̱e ya̱ nna̱kani ráa tu̱ꞌun nkene yuꞌú Ndiosíꞌ, chi káchíꞌ ni̱ꞌ mákua nkachiꞌ ráa ya̱ kuvi.

Romanos 11:22

Saáva tɨɨn kuéntáꞌ rán na̱sa kúváꞌa iniꞌ Ndiosíꞌ jín ya̱ xichiꞌ re̱ꞌ. Nu̱u̱nꞌ ráa ya̱ nkininkava ráa ntu nku̱neí iniꞌ ráa Cristo jee xichiꞌ re̱ꞌ ráa. Soo kúváꞌa iniꞌ re̱ꞌ néꞌyá re̱ꞌ noꞌó, retú kino̱o ni̱ꞌin nú nu̱u̱nꞌ ya̱ kúváꞌa iniꞌ re̱ꞌ néꞌyá re̱ꞌ noꞌó jie̱ꞌe̱ꞌ kúneí iniꞌ nú Cristo. Chi retú ntu̱ví, jee suni ne̱ maánú naneeꞌ.

Romanos 2:7

Jee rá ñɨvɨ níkɨ́nꞌ ni̱ꞌin ráa sáꞌá ráa ya̱ váꞌa chi núkú ráa ya̱ saꞌá Ndiosíꞌ ya̱ nuñáꞌnú ráa, jín ya̱ nakuatáꞌví re̱ꞌ ráa jín ya̱ nku̱víꞌ ráa ka̱ꞌ. Jee nachunáán re̱ꞌ nu̱u̱nꞌ ráa ya̱ kutekuꞌ ráa jín re̱ꞌ nɨ́ɨ́nkání.

Colosenses 1:23

Jee sukuán sáꞌá re̱ꞌ, nu̱u̱nꞌ na̱a̱ꞌ nijia ya̱ kúníꞌin rán kúkutú rán kúneí iniꞌ rán Cristo, jee íñɨ́ ni̱ꞌin rán. Jee ntu núsɨ́ɨ́n rán nu̱u̱nꞌ ya̱ íyó tu̱ꞌun neí iniꞌ‑ó ya̱ nanitáꞌvíꞌ‑ó, ya̱ táji tu̱ꞌun váꞌa jie̱ꞌe̱ꞌ Cristo nu̱u̱nꞌ‑ó, ya̱ nteso̱ꞌo rán. Chi tu̱ꞌun váꞌa yaꞌá tékútu̱ꞌún‑u kua̱íyó rá ñuunꞌ ñɨ̱vɨ́ yaꞌá. Jee nuꞌuꞌ Pablo nkenta kúvi ni̱ꞌ ɨɨn ya̱ jiátíñú Ndiosíꞌ nuꞌuꞌ stékútu̱ꞌún ni̱ꞌ tu̱ꞌun váꞌa vá.

1 Timoteo 2:15

Soo sáá xtaꞌvíꞌ ráña se̱ꞌya, jee natavaꞌ Cristo rá ñaꞌan nu̱u̱nꞌ rá kua̱chi ráña sikáku re̱ꞌ ráña, retú kuni̱ꞌin ráña kuneí iniꞌ ráña Cristo, jee kunu̱u̱nꞌ ráña ñɨvɨ, jee sasɨ́ɨ́n ráña maáráña nu̱u̱nꞌ ya̱ níváꞌa, jee kaka ñáꞌnú ráña.

1 Timoteo 4:16

Nito koo nú maánú na̱sa jiáꞌnu nú jín nu̱u̱nꞌ tu̱ꞌun xínéꞌénꞌ nú. Jee kuni̱ꞌin nú nu̱u̱nꞌ tiñu yaꞌá, chi retú sáꞌá nú suꞌva, jee saꞌá nú ya̱ maánú jín suni rá ñɨvɨ tésóꞌo ya̱ káchíꞌ nú, kunikɨnꞌ va̱ꞌa rán ichi nátavaꞌ Ndiosíꞌ ránoꞌó nu̱u̱nꞌ kua̱chi rán síkáku re̱ꞌ ránoꞌó.

2 Timoteo 3:14

Soo noꞌó, kuni̱ꞌin nú jín ya̱ nku̱tu̱ꞌvá nú, ya̱ jínúꞌ iniꞌ nú. Chi suvinú vá jíníꞌ nú iniꞌ rá ñɨvɨ ya̱ nxi̱néꞌénꞌ maa noꞌó.

Hebreos 3:14

Chi ni̱yo tu̱neí iniꞌ‑ó ne̱ tiempúꞌ xíꞌnañúꞌún ya̱ káchíꞌ tu̱ꞌun na̱a̱ꞌ. Jee retú koo kutú tu̱neí iniꞌ‑ó sukuán ne̱kua̱ꞌ kenta nu̱u̱nꞌ nɨ́ꞌɨ tékúꞌ‑ó, jee sukuán kenta‑ó kuneeꞌ nkáꞌnú‑ó jín Cristo.

Hebreos 8:9

Jee ntu kúvi‑i kuéntáꞌ kua̱ꞌ maá tratúꞌ nsa̱ꞌá ni̱ꞌ jín rá jííꞌ ráa yanaꞌán, ki̱vɨ̱ꞌ kuéntáꞌ ntɨɨn ni̱ꞌ naꞌá ráa jee ntavaꞌ ni̱ꞌ ráa nu̱u̱nꞌ ñuunꞌ Egipto. Chi jie̱ꞌe̱ꞌ ya̱ ntu nsi̱kúnkuvi na̱a̱ꞌ ráa nu̱u̱nꞌ tratúꞌ ni̱ꞌ, jee saáva nkuiyo ni̱ꞌ nu̱u̱nꞌ ráa”, káchíꞌ I̱toꞌoꞌ‑ó Ndiosíꞌ.

Santiago 1:25

Soo ɨɨn ñɨvɨ chúꞌun iniꞌ‑i tu̱ꞌun ley na̱a̱ꞌ Jesús, ya̱ sáꞌá‑a ya̱ nakui̱ñɨ̱ꞌ núne‑ó nkɨ́ꞌɨ‑ó nu̱u̱nꞌ kua̱chi‑ó, jee nákuíñɨꞌ ni̱ꞌin‑i, jee nsáꞌ kua̱chi tésóꞌo‑o tu̱ꞌun vá, jee nsáꞌ náánꞌ iniꞌ‑i tu̱ꞌun vá, chisaꞌ sáꞌá‑a ya̱ káchíꞌ tu̱ꞌun vá, saájee na̱ ka̱ꞌ netuꞌ ka̱ꞌ kúvi ñɨvɨ vá jín ya̱ sáꞌá‑a.

1 Juan 2:19

Jee nteñu maáórán nkene ráa, soo ntu̱ví nkúvi ráa táꞌán‑órán ya̱ yɨ́ꞌɨ́‑órán nu̱u̱nꞌ Jesús. Chi retánꞌ nkuvi ráa táꞌán‑órán, jee nkino̱o ráa jín‑ó, nékúvi. Soo nkene ráa nteñu‑ó kua̱ꞌa̱nꞌ ráa sáva túvi kájí ya̱ nsú táꞌán‑ó kúvi nta̱ká ráa.

1 Juan 2:24

Chuꞌun va̱ꞌa rán iniꞌ ánímaꞌ rán tu̱ꞌun ya̱ ya nteso̱ꞌo rán ne̱ xíꞌnañúꞌún ya̱ ni̱nu̱ꞌ iniꞌ rán. Jee retú tu̱ꞌun nteso̱ꞌo rán ne̱ xíꞌnañúꞌún kínóo kutú‑u ñúꞌún iniꞌ ánímaꞌ rán, saájee suni kino̱o kutú rán yɨ́ꞌɨ́ rán nu̱u̱nꞌ Se̱ꞌya Ndiosíꞌ jín nu̱u̱nꞌ maá Tátáꞌ‑ó Ndiosíꞌ.

2 Juan 1:9

Nta̱ká ñɨvɨ ya̱ jiáꞌa ka̱ꞌ nu̱u̱nꞌ tu̱ꞌun na̱a̱ꞌ, jee ntu kínóo kutú ráa jín tu̱ꞌun nxi̱néꞌénꞌ Cristo, jee ntu̱ví íyó Tátáꞌ‑ó Ndiosíꞌ jín ráa. Jee ñɨvɨ ya̱ kínóo kutú‑u jín tu̱ꞌun vá jee Tátáꞌ‑ó Ndiosíꞌ jín suni máá Se̱ꞌya re̱ꞌ íyó ráa jín ñɨvɨ vá.