Juan 8:24 - Mixteco del suroeste de Tlaxiaco Oaxaca

²⁴ Saáva nkachiꞌ ni̱ꞌ ya̱ kuniso i̱i̱ꞌ rán rá kua̱chi rán sáá kuviꞌ rán. Chi retú ntu̱ví jínúꞌ iniꞌ rán ya̱ Nuꞌuꞌ Ví‑i, ya̱ káchíꞌ ni̱ꞌ, saáva kuniso i̱i̱ꞌ rán rá kua̱chi rán sáá kuviꞌ rán ―nkachiꞌ Jesús.

Juan 8:24 ပူးပေါင်းရင်းမြစ်များ

Mateo 24:5

Chi kue̱ꞌe̱ꞌ ñɨvɨ káñunkúún kachiꞌ ráa nika̱ꞌ ya̱ kiji ráa nu̱u̱nꞌ súví ni̱ꞌ, jee kachiꞌ ráa nika̱ꞌ: “Nuꞌuꞌ ví Cristo”, jee kue̱ꞌe̱ꞌ víꞌí ñɨvɨ xináꞌví ráa jín tu̱ꞌun xínéꞌénꞌ ráa.

Marcos 13:6

Chi kue̱ꞌe̱ꞌ ñɨvɨ káñunkúún káchíꞌ ráa nika̱ꞌ ya̱ kiji ráa nu̱u̱nꞌ súví ni̱ꞌ jee kachiꞌ ráa: “Nuꞌuꞌ ví Cristo.” Jee kue̱ꞌe̱ꞌ víꞌí ñɨvɨ xináꞌví ráa.

Marcos 16:16

Ɨɨn ñɨvɨ ya̱ kuneí iniꞌ‑i tu̱ꞌun vá, jee kuanuté‑e, jee natavaꞌ Ndiosíꞌ maa nu̱u̱nꞌ kua̱chi‑i sikáku re̱ꞌ maa. Soo ɨɨn ya̱ ntu kúneí iniꞌ tu̱ꞌun vá, jee sanáaꞌ Ndiosíꞌ si̱kɨ̱ꞌ‑ɨ ya̱ kunoꞌo‑o.

Lucas 21:8

Saájee nkachiꞌ re̱ꞌ: ―Kumí rán maárán ya̱ ni ntu̱náꞌ xináꞌví ñɨvɨ ránoꞌó. Chi kue̱ꞌe̱ꞌ ñɨvɨ káñunkúún kachiꞌ ráa nika̱ꞌ ya̱ kiji ráa nu̱u̱nꞌ súví ni̱ꞌ jee kachiꞌ ráa: “Nuꞌuꞌ ví Cristo”, jee suni kachiꞌ ráa ya̱: “Ya nku̱yatin tiempúꞌ”, ñani Ndiosíꞌ kiji ni̱ꞌ tatúníꞌ ni̱ꞌ ñɨ̱vɨ́, soo koto níkɨ́nꞌ rán ráa.

Juan 13:19

Jee ne̱ vitan jee ya̱ káchíꞌ ya̱chi̱ꞌ ni̱ꞌ na̱ kúvi ya̱ kuvi sú ne̱ ntiáꞌan ka̱ꞌ kuvi‑i, sáva sáá kuvi rá tu̱ꞌun nkachiꞌ ni̱ꞌ yaꞌá, jee i̱nu̱ꞌ iniꞌ rán ya̱ Nuꞌuꞌ Ví ya̱ íyó nɨ́ɨ́nkání.

Juan 3:18

Jee ñɨvɨ ya̱ kúneí iniꞌ‑i Se̱ꞌya re̱ꞌ ntu níta‑a. Soo ñɨvɨ ya̱ ntu̱ví kúneí iniꞌ‑i Se̱ꞌya re̱ꞌ jee ya̱ ni̱ta‑a, chi ntu̱ví nkúneí iniꞌ ráa máá Se̱ꞌya métúꞌún Ndiosíꞌ.

Juan 3:36

Jee ñɨvɨ ya̱ kúneí iniꞌ‑i Se̱ꞌya Ndiosíꞌ jee ni̱ꞌi̱nꞌ‑i ya̱ kutekuꞌ‑u nɨ́ɨ́nkání jín Ndiosíꞌ. Soo ñɨvɨ ya̱ ntu káníjiá kuneí iniꞌ‑i Se̱ꞌya Ndiosíꞌ, jee ni nsáꞌ kuniꞌ‑i na̱ kúvi ya̱ kutekuꞌ‑u nɨ́ɨ́nkání jín Ndiosíꞌ.

Juan 4:26

Jee nkachiꞌ Jesús nu̱u̱nꞌ ña: ―Nuꞌuꞌ ví Mesías ya̱ káꞌánꞌ jín nú ―nkachiꞌ re̱ꞌ.

Juan 8:21

Saájee tukuni nkachiꞌ Jesús nu̱u̱nꞌ ráa: ―Nuꞌuꞌ chi kɨ̱ꞌɨ̱nꞌ ni̱ꞌ, jee nanukú rán nuꞌuꞌ, soo nsáꞌ naniꞌinꞌ rán nuꞌuꞌ, chi kuniso i̱i̱ꞌ rán kua̱chi sáá kuviꞌ rán. Saáva nsáꞌ kuvi kɨ̱ꞌɨ̱nꞌ rán nu̱u̱nꞌ kɨ̱ꞌɨ̱nꞌ ni̱ꞌ kuneeꞌ ni̱ꞌ ―nkachiꞌ Jesús.

Juan 8:25

Saájee ni̱ka̱tu̱ꞌún ráa Jesús: ―Noꞌó, ¿né ɨɨn kúvi nú résa? ―nkachiꞌ ráa. Saájee nkachiꞌ re̱ꞌ nu̱u̱nꞌ ráa: ―Ne̱ ya̱ xíꞌnañúꞌún nkachiꞌ ni̱ꞌ né ɨɨn kúvi ni̱ꞌ nu̱u̱nꞌ rán.

Juan 8:28

Saájee nkachiꞌ Jesús: ―Nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, sáá xináa rán nuꞌuꞌ nu̱u̱nꞌ kurúsiꞌ, jee kuniꞌ rán ya̱ Nuꞌuꞌ Ví‑i, ya̱ káchíꞌ ni̱ꞌ, Jee kuniꞌ rán ya̱ ni ɨɨn tiñu ntu sáꞌá ni̱ꞌ ya̱ máá maáníꞌ. Chisaꞌ sáꞌá ni̱ꞌ sánikua̱ꞌ nxi̱néꞌénꞌ Tátáꞌ ni̱ꞌ nuꞌuꞌ, jee rá tu̱ꞌun yukuán ví ya̱ káchíꞌ ni̱ꞌ.

Juan 8:58

Jee nkachiꞌ Jesús nu̱u̱nꞌ ráa: ―Máá nááꞌ vá káchíꞌ ni̱ꞌ nu̱u̱nꞌ rán, ya̱ ne̱ ntiáꞌan ka̱ꞌ kaku Abraham, jee ya̱ íyó nuꞌuꞌ ―nkachiꞌ Jesús.

Hechos 4:12

Soo kua̱chi Jesús kúvi natavaꞌ re̱ꞌ yó nu̱u̱nꞌ kua̱chi‑ó xinánitáꞌvíꞌ re̱ꞌ yó, chi ntu̱né íyó inka ka̱ꞌ nu̱u̱nꞌ kɨꞌɨ‑ó sáva nanitáꞌvíꞌ‑ó. Chi ntu̱né íyó inka ka̱ꞌ súví ni ɨɨn ñɨvɨ nu̱u̱nꞌ ñɨ̱vɨ́ yaꞌá ya̱ njia̱ꞌa Ndiosíꞌ nu̱u̱nꞌ ñɨvɨ sáva natavaꞌ re̱ꞌ yó nu̱u̱nꞌ kua̱chi‑ó sikáku re̱ꞌ yó ―nkachiꞌ Pedro.

Hebreos 12:25

Jee saáva nito koo rán sáva ntu kúíchi iniꞌ rán Ndiosíꞌ ya̱ káꞌánꞌ jín rán. Chi nu̱u̱nꞌ ntu nkáku rá ñɨvɨ ya̱ nku̱ichi iniꞌ ráa maáréꞌ ya̱ nneeꞌ re̱ꞌ iniꞌ ñɨ̱vɨ́ yaꞌá jee nstúꞌva ya̱chi̱ꞌ re̱ꞌ nu̱u̱nꞌ ráa, jee saꞌ víꞌí káꞌ nkáku‑órán tu̱nóꞌó kunoꞌo‑ó retú nanikóyátá‑ó nu̱u̱nꞌ maáréꞌ ya̱ nééꞌ antivɨ́ jee stúꞌva ya̱chi̱ꞌ re̱ꞌ nu̱u̱nꞌ yó.

Hebreos 2:3

Jee nu̱u̱nꞌ ni̱yo sukuán, jee maáórán, ¿na̱sa ka̱ꞌ vá saꞌá‑ó jee kaku‑ó nu̱u̱nꞌ tu̱nóꞌó vá, retú ntu nénu̱u̱nꞌ‑ó chuꞌun iniꞌ‑ó jie̱ꞌe̱ꞌ tu̱ꞌun máá ñáꞌnú káꞌ jie̱ꞌe̱ꞌ ya̱ na̱sa natavaꞌ Jesús yó nu̱u̱nꞌ kua̱chi‑ó sikáku re̱ꞌ yó rúja? Chi xíꞌna ka̱ꞌ nkachitu̱ꞌún maá I̱toꞌoꞌ‑ó Jesús tu̱ꞌun yaꞌá, jee kuíre rá te̱e ya̱ nteso̱ꞌo maa, jee nna̱stúvi ráa ya̱ naáꞌ jie̱ꞌe̱ꞌ tu̱ꞌun yaꞌá nu̱u̱nꞌ‑órán