Juan 7:28 - Mixteco del suroeste de Tlaxiaco Oaxaca

²⁸ Saájee sáá súkuáꞌa Jesús rá ñɨvɨ chíkéꞌi iniꞌ veñu̱ꞌun káꞌnú, jee nkaꞌanꞌ ni̱ꞌin re̱ꞌ: ―¿Á jíníꞌ nijia rán nuꞌuꞌ, jee á jíníꞌ nijia rán ne̱ núꞌ va̱ji ni̱ꞌ rúja? Soo nsáꞌ kúvi iniꞌ maáníꞌ ya̱ va̱ji ni̱ꞌ ñɨ̱vɨ́ yaꞌá. Chi maáréꞌ ya̱ nchu̱ichí re̱ꞌ nuꞌuꞌ jee na̱a̱ꞌ víꞌí re̱ꞌ. Jee ni̱ꞌ ntu̱ví jíníꞌ rán iniꞌ re̱ꞌ.

Juan 7:28 ပူးပေါင်းရင်းမြစ်များ

Mateo 11:27

’Maá Tátáꞌ ni̱ꞌ, nna̱taji re̱ꞌ ntáká ya̱ íyó nu̱u̱nꞌ nuꞌuꞌ. Jee ni ɨɨn ñɨvɨ ntu jíníꞌ ráa iniꞌ ni̱ꞌ né ɨɨn kúvi nuꞌuꞌ, ya̱ kúvi ni̱ꞌ Se̱ꞌya re̱ꞌ, chisaꞌ métúꞌún Tátáꞌ ni̱ꞌ Ndiosíꞌ ví ya̱ jíníꞌ re̱ꞌ iniꞌ ni̱ꞌ né ɨɨn kúvi nuꞌuꞌ. Jee suni ni ɨɨn ntu̱náꞌ jíníꞌ iniꞌ Tátáꞌ ni̱ꞌ né ɨɨn kúvi re̱ꞌ, chisaꞌ nuꞌuꞌ ya̱ kúvi ni̱ꞌ Se̱ꞌya re̱ꞌ jíníꞌ ni̱ꞌ iniꞌ re̱ꞌ né ɨɨn kúvi re̱ꞌ, jee néni ɨɨn ñɨvɨ ya̱ kuíni ni̱ꞌ stúvi ni̱ꞌ maa nu̱u̱nꞌ ráa jee kuniꞌ ráa iniꞌ Ndiosíꞌ né ɨɨn kúvi re̱ꞌ, chi nuꞌuꞌ ya̱ kúvi ni̱ꞌ Se̱ꞌya re̱ꞌ stúvi ni̱ꞌ maa nu̱u̱nꞌ ráa.

Mateo 2:23

Jee sáá nkenta re̱ꞌ yukuán, jee kua̱ꞌa̱nꞌ re̱ꞌ kuneeꞌ re̱ꞌ ɨɨn ñuunꞌ naní Nazaret. Sukuán nsi̱kúnkuvi rá tu̱ꞌun nkachiꞌ rá te̱e ya̱ nna̱kani ráa tu̱ꞌun nkene yuꞌú máá maá Ndiosíꞌ ne̱ yanaꞌán, ya̱ kuna̱ní Jesús te̱e ñuunꞌ Nazaret.

Mateo 26:55

Jee kuíre nkachiꞌ re̱ꞌ nu̱u̱nꞌ rá ñɨvɨ kue̱ꞌe̱ꞌ vá: ―¿Á nkene rán va̱ji rán jín yuchiꞌ jín yutun si̱kɨ̱ꞌ nuꞌuꞌ sáva tɨɨn rán nuꞌuꞌ, kuéntáꞌ réáꞌ ɨɨn te̱e kuíꞌná ví ni̱ꞌ rúja? Ni ki̱vɨ̱ꞌ nééꞌ ni̱ꞌ iniꞌ chíkéꞌi veñu̱ꞌun káꞌnú xínéꞌénꞌ ni̱ꞌ Tu̱ꞌun Ndiosíꞌ, jee ntu ntɨ́ɨn rán nuꞌuꞌ.

Lucas 10:22

’Maá Tátáꞌ ni̱ꞌ nna̱taji re̱ꞌ ntáká ya̱ íyó nu̱u̱nꞌ nuꞌuꞌ. Jee ni ɨɨn ñɨvɨ ntu jíníꞌ ráa iniꞌ ni̱ꞌ né ɨɨn kúvi nuꞌuꞌ ya̱ kúvi Se̱ꞌya re̱ꞌ, chisaꞌ métúꞌún Tátáꞌ ni̱ꞌ Ndiosíꞌ ví ya̱ jíníꞌ re̱ꞌ iniꞌ ni̱ꞌ né ɨɨn kúvi ni̱ꞌ. Jee suni ni ɨɨn ntu̱náꞌ jíníꞌ iniꞌ Tátáꞌ ni̱ꞌ né ɨɨn kúvi re̱ꞌ, chisaꞌ nuꞌuꞌ ya̱ kúvi ni̱ꞌ Se̱ꞌya re̱ꞌ jíníꞌ ni̱ꞌ iniꞌ re̱ꞌ né ɨɨn kúvi re̱ꞌ, jee néni ɨɨn ñɨvɨ ya̱ kuíni ni̱ꞌ stúvi ni̱ꞌ maa nu̱u̱nꞌ ráa jee jíníꞌ ráa iniꞌ Ndiosíꞌ né ɨɨn kúvi re̱ꞌ, chi nuꞌuꞌ ya̱ kúvi ni̱ꞌ Se̱ꞌya re̱ꞌ stúvi ni̱ꞌ maa nu̱u̱nꞌ ráa ―nkachiꞌ Jesús.

Lucas 2:11

Chi vitan jee nkaku ɨɨn te̱e ya̱ natavaꞌ re̱ꞌ ránoꞌó nu̱u̱nꞌ kua̱chi rán sikáku re̱ꞌ ránoꞌó ya̱ kúvi re̱ꞌ Cristo ya̱ kúvi re̱ꞌ I̱toꞌoꞌ‑ó, jee nkaku re̱ꞌ nu̱u̱nꞌ ñuunꞌ Belén ya̱ kúvi ñuunꞌ nkaku David.

Lucas 2:39

Jee sáá nnɨꞌɨ nsi̱kúnkuvi José jín María ntáká tiñu sánikua̱ꞌ káchíꞌ tu̱ꞌun nta̱túníꞌ I̱toꞌoꞌ‑ó Ndiosíꞌ nu̱u̱nꞌ ley re̱ꞌ, jee nni̱kó ráa kua̱noꞌonꞌ ráa nu̱u̱nꞌ Galilea nu̱u̱nꞌ ñuunꞌ ráa Nazaret.

Lucas 2:4

Jee suni José ranika̱ꞌ nkene re̱ꞌ ñuunꞌ Nazaret ɨɨn rá ñuunꞌ Galilea, jee kua̱noꞌonꞌ re̱ꞌ ñuunꞌ yɨ́ꞌɨ́ xi̱ntíín Judea, naní Belén, ya̱ kúvi ñuunꞌ nu̱u̱nꞌ nkaku David jííꞌ re̱ꞌ yanaꞌán. Chi kúvi re̱ꞌ se̱ꞌya ichiyúkúnꞌ va̱ji nu̱u̱nꞌ David.

Lucas 2:51

Saájee nna̱kechí re̱ꞌ jín ráa, kua̱noꞌonꞌ re̱ꞌ jín ráa nu̱u̱nꞌ ñuunꞌ Nazaret, jee nchiꞌi re̱ꞌ maáréꞌ xi̱ntíín ráa. Jee nánáꞌ re̱ꞌ nchu̱va̱ꞌa ña iniꞌ ánímaꞌ ña ntáká jie̱ꞌe̱ꞌ rá nkuvi yukuán.

Juan 1:46

Jee nkachiꞌ Natanael nu̱u̱nꞌ Felipe: ―¿Á kúvi kene ɨɨn ya̱ váꞌa ñuunꞌ Nazaret rúja? ―nkachiꞌ Natanael. Jee nkachiꞌ Felipe nu̱u̱nꞌ re̱ꞌ: ―Neꞌenꞌ jee kuniꞌ nú ―nkachiꞌ re̱ꞌ.

Juan 10:36

soo nu̱u̱nꞌ nkachiꞌ re̱ꞌ sukuán jie̱ꞌe̱ꞌ ráa, saájee jie̱ꞌe̱ꞌ nuꞌuꞌ, ya̱ Tátáꞌ ni̱ꞌ Ndiosíꞌ chi nsa̱ꞌá sɨ́ɨ́n re̱ꞌ nuꞌuꞌ kɨtíñú ni̱ꞌ saꞌá ni̱ꞌ tiñu re̱ꞌ jee nchu̱ichí re̱ꞌ nuꞌuꞌ va̱ji ni̱ꞌ iniꞌ ñɨvɨ yaꞌá, jee ránoꞌó, ¿na̱ja kúvi káchíꞌ rán ya̱ káꞌánꞌ niva̱ꞌa ni̱ꞌ jie̱ꞌe̱ꞌ Ndiosíꞌ, jie̱ꞌe̱ꞌ ya̱ nkachiꞌ ni̱ꞌ: “Kúvi ni̱ꞌ Se̱ꞌya Ndiosíꞌ”, rúja?

Juan 12:49

Chi nuꞌuꞌ jee ntu̱ví káꞌánꞌ ni̱ꞌ tu̱ꞌun ya̱ kúvi iniꞌ maáníꞌ, chisaꞌ Tátáꞌ ni̱ꞌ ya̱ nchu̱ichí re̱ꞌ nuꞌuꞌ jín tiñu yaꞌá, jee maáréꞌ nta̱túníꞌ re̱ꞌ nu̱u̱nꞌ nuꞌuꞌ na̱sa íyó kachiꞌ ni̱ꞌ, jín na̱ jie̱ꞌe̱ꞌ kaꞌanꞌ ni̱ꞌ jín ñɨvɨ.

Juan 14:10

¿Á ntu̱ví jínúꞌ iniꞌ nú ya̱ yɨ́ꞌɨ́ Tátáꞌ ni̱ꞌ iniꞌ ni̱ꞌ jín ya̱ yɨ́ꞌɨ́ ni̱ꞌ iniꞌ Tátáꞌ ni̱ꞌ résa? Chi ntáká rá tu̱ꞌun ya̱ káchíꞌ ni̱ꞌ nu̱u̱nꞌ rán, jee nsú rá tu̱ꞌun ya̱ jiáni xi̱ni̱ꞌ maáníꞌ kúvi ya̱ káchíꞌ ni̱ꞌ. Chisaꞌ jie̱ꞌe̱ꞌ ni ka̱ꞌ ya̱ yɨ́ꞌɨ́ Tátáꞌ ni̱ꞌ iniꞌ ni̱ꞌ, jee saáva maáréꞌ sáꞌá ntáká tiñu ya̱ sáꞌá nuꞌuꞌ.

Juan 14:31

Soo íyó kuvi sukuán sáva kuniꞌ rá ñɨvɨ ñɨ̱vɨ́ yaꞌá ya̱ ñúnúunꞌ ni̱ꞌ Tátáꞌ ni̱ꞌ, jín ya̱ síkúnkuvi ni̱ꞌ sáꞌá ni̱ꞌ sánikua̱ꞌ nta̱túníꞌ Tátáꞌ ni̱ꞌ nu̱u̱nꞌ ni̱ꞌ. Nakuiñɨꞌ‑órán, jee nkɨ́ꞌɨ́nꞌ‑órán ―nkachiꞌ Jesús.

Juan 16:3

Jee saꞌá ráa sukuán jín ránoꞌó, chi ntu̱ví jíníꞌ ráa iniꞌ Tátáꞌ ni̱ꞌ ni iniꞌ nuꞌuꞌ.

Juan 17:25

’Tátáꞌ ni̱ꞌ, noꞌó chi na̱a̱ꞌ nasɨ́kuitɨꞌ kúvi nú. Soo rá ñɨvɨ ñɨ̱vɨ́ chi ntu̱ví jíníꞌ ráa iniꞌ noꞌó, soo nuꞌuꞌ chi jíníꞌ ni̱ꞌ iniꞌ noꞌó, jee jíníꞌ rá ñɨvɨ yaꞌá ya̱ noꞌó nchu̱ichí nú nuꞌuꞌ va̱ji ni.

Juan 17:3

Jee suꞌva kúvi ya̱ kutekuꞌ ñɨvɨ nɨ́ɨ́nkání jín‑ó: ya̱ kuniꞌ ráa iniꞌ noꞌó, ya̱ métúꞌún maánú vá kúvi nijia maá Ndiosíꞌ nijia, jín ya̱ suni kuniꞌ ráa iniꞌ nuꞌuꞌ, ya̱ maáníꞌ vá kúvi Jesús ya̱ níso ni̱ꞌ tiñu Cristo ya̱ nchu̱ichí nú nuꞌuꞌ va̱ji ni̱ꞌ jín tiñu ntaji nú níso ni̱ꞌ.

Juan 3:2

Jee ña̱ꞌa̱nꞌ te̱e yaꞌá yakuááꞌ nu̱u̱nꞌ nééꞌ Jesús, jee nkachiꞌ re̱ꞌ nu̱u̱nꞌ Jesús: ―Mestrúꞌ, jíníꞌ ránꞌ ya̱ máá Ndiosíꞌ nchu̱ichí noꞌó va̱ji nú sáva xínéꞌénꞌ nú rá tu̱ꞌun re̱ꞌ, kuéntáꞌ ɨɨn Mestrúꞌ nu̱u̱nꞌ ránꞌ. Chi ni̱ꞌ ɨɨn ñɨvɨ nsáꞌ kúvi saꞌá rá seña a̱nasɨ́ sáꞌá nú, retú ntu íyó Ndiosíꞌ jín‑i.

Juan 3:33

Jee ɨɨn ñɨvɨ ya̱ tɨ́ɨn‑ɨ ya̱ naáꞌ jiáꞌa re̱ꞌ, jee kúnáaꞌ iniꞌ ñɨvɨ vá ya̱ na̱a̱ꞌ kúvi Ndiosíꞌ.

Juan 5:32

Soo íyó inka ka̱ꞌ ya̱ jiáꞌa ya̱ naáꞌ jie̱ꞌe̱ꞌ nuꞌuꞌ. Jee jíníꞌ ni̱ꞌ ya̱ íyó na̱a̱ꞌ nijia tu̱ꞌun ya̱ jiáꞌa re̱ꞌ jie̱ꞌe̱ꞌ ni̱ꞌ.

Juan 5:43

Jee nuꞌuꞌ chi nu̱u̱nꞌ súví Tátáꞌ ni̱ꞌ va̱ji ni̱ꞌ, jee ntu nákuatáꞌví rán nuꞌuꞌ. Soo retú inka te̱e kiji re̱ꞌ nu̱u̱nꞌ súví maáréꞌ jee nakuatáꞌví rán maa.

Juan 6:42

Saájee nkachiꞌ ráa: ―¿Á nsú te̱e yaꞌá ví Jesús ya̱ kúvi se̱ꞌya José? Jee jíníꞌ‑ó né ɨɨn ví tátáꞌ re̱ꞌ jín nánáꞌ re̱ꞌ. ¿Na̱sa kúvi káchíꞌ re̱ꞌ: “Ne̱ antivɨ́ nkikuun ni̱ꞌ, rúsa”? ―nkachiꞌ ráa.

Juan 7:14

Soo sáá nku̱sáva íyó viko, jee nki̱vɨ Jesús chíkéꞌi iniꞌ veñu̱ꞌun káꞌnú jee xínéꞌénꞌ re̱ꞌ rá ñɨvɨ.

Juan 8:14

Saájee nna̱xiníkó Jesús nu̱u̱nꞌ ráa, jee nkachiꞌ re̱ꞌ: ―Asúnika̱ꞌ jiáꞌa ni̱ꞌ ya̱ naáꞌ jie̱ꞌe̱ꞌ maáníꞌ, jee ya̱ naáꞌ kúvi nijia tu̱ꞌun jiáꞌa ni̱ꞌ. Chi jíníꞌ ni̱ꞌ né núꞌ kúvi nu̱u̱nꞌ va̱ji ni̱ꞌ, jín né núꞌ kúvi nu̱u̱nꞌ kɨ̱ꞌɨ̱nꞌ ni̱ꞌ. Soo ránoꞌó chi ntu̱ví jíníꞌ ránú né núꞌ kúvi nu̱u̱nꞌ va̱ji ni̱ꞌ, ni né núꞌ kúvi nu̱u̱nꞌ kɨ̱ꞌɨ̱nꞌ ni̱ꞌ.

Juan 8:16

Soo retánꞌ nuꞌuꞌ jee sánáaꞌ ni̱ꞌ jie̱ꞌe̱ꞌ ñɨvɨ, jee na̱a̱ꞌ keꞌneꞌ nijia ni̱ꞌ jie̱ꞌe̱ꞌ ñɨvɨ vá. Chi nsú métúꞌún ni̱ꞌ ni saꞌá maa, chi nuꞌuꞌ jín Tátáꞌ ni̱ꞌ, chi maáréꞌ ví ya̱ nchu̱ichí re̱ꞌ nuꞌuꞌ va̱ji ni̱ꞌ jín tiñu níso ni̱ꞌ.

Juan 8:19

Saájee suviráa nkachiꞌ nu̱u̱nꞌ re̱ꞌ: ―¿Né núꞌ íyó Tátáꞌ nú résa? Jee nna̱xiníkó Jesús: ―Ni ntu̱ví jíníꞌ ránú né ɨɨn kúvi nuꞌuꞌ, jee suni ni ntu̱ví jíníꞌ rán iniꞌ Tátáꞌ ni̱ꞌ. Chi retánꞌ jíníꞌ rán né ɨɨn kúvi nuꞌuꞌ jee yukuán jee suni kuniꞌ rán iniꞌ re̱ꞌ ―nkachiꞌ Jesús.

Juan 8:26

Íyó kue̱ꞌe̱ꞌ tu̱ꞌun ya̱ kachiꞌ ni̱ꞌ jie̱ꞌe̱ꞌ rán, jín suni kue̱ꞌe̱ꞌ jie̱ꞌe̱ꞌ sanáaꞌ ni̱ꞌ jie̱ꞌe̱ꞌ rán. Soo maáréꞌ ya̱ nchu̱ichí re̱ꞌ nuꞌuꞌ, na̱a̱ꞌ kúvi re̱ꞌ, jee rá tu̱ꞌun ya̱ nteso̱ꞌo ni̱ꞌ ya̱ nkachiꞌ re̱ꞌ ví rá tu̱ꞌun káchíꞌ ni̱ꞌ nu̱u̱nꞌ ñɨvɨ ñɨ̱vɨ́ yaꞌá.

Juan 8:42

Saájee nkachiꞌ Jesús nu̱u̱nꞌ ráa: ―Jee retánꞌ Ndiosíꞌ kúvi re̱ꞌ Tátáꞌ rán, jee kunu̱u̱nꞌ rán nuꞌuꞌ nékúvi. Chi nuꞌuꞌ, jee ne̱ nu̱u̱nꞌ Ndiosíꞌ nkene ni̱ꞌ va̱ji ni̱ꞌ. Jee nsú jie̱ꞌe̱ꞌ nkuini maáníꞌ jee va̱ji ni, chisaꞌ maáréꞌ nta̱jí re̱ꞌ nuꞌuꞌ va̱ji ni̱ꞌ.

Juan 9:29

Ránuꞌuꞌ chi jíníꞌ ránꞌ ya̱ nkaꞌanꞌ Ndiosíꞌ jín Moisés. Soo jie̱ꞌe̱ꞌ te̱e yukuán, chi ni ntu̱ví jíníꞌ ránꞌ né núꞌ va̱ji re̱ꞌ ―nkachiꞌ ráa.

Hechos 17:23

Chi ni jíkónúun ni̱ꞌ néꞌyá ni̱ꞌ rá kue̱ꞌe̱ꞌ santúꞌ néñu̱ꞌun rán, jee nna̱niꞌinꞌ ni̱ꞌ ɨɨn altar ya̱ yukuán níso tu̱ꞌun yaꞌá: “Nu̱u̱nꞌ néñu̱ꞌun‑ó ɨɨn ndiosíꞌ ya̱ ntu jíníꞌ‑ó.” Saájee ya̱ néñu̱ꞌun rán jee ntu jíníꞌ rán, yaꞌá ví ya̱ stékútu̱ꞌún ni̱ꞌ nu̱u̱nꞌ rán.

Romanos 1:28

Nu̱u̱nꞌ nku̱ichi iniꞌ ráa tɨɨn kuéntáꞌ ráa ya̱ íyó Ndiosíꞌ. Nna̱siáꞌa Ndiosíꞌ ráa nu̱u̱nꞌ antúníꞌ kánéꞌí ráa sáva saꞌá ráa tiñu ya̱ ntu̱ví íyó saꞌá ráa.

Romanos 3:4

¡Ntu̱né íyó sukuán! Chisaꞌ na̱a̱ꞌ kúvi Ndiosíꞌ súnika̱ꞌ nta̱ká ñɨvɨ kúvi ráa ñɨvɨ túꞌún, sáni káchíꞌ nu̱u̱nꞌ Tutuꞌ níso Tu̱ꞌun Ndiosíꞌ: Sáva kene na̱a̱ꞌ nú jín tu̱ꞌun káꞌánꞌ nú, jee kuneí nú sáá tée ñɨvɨ kua̱chi si̱kɨ̱ꞌ nú. Káchíꞌ David nu̱u̱nꞌ Ndiosíꞌ.

2 Corintios 1:18

Soo sánikua̱ꞌ na̱a̱ꞌ kúvi Ndiosíꞌ jee síkúnkuvi na̱a̱ꞌ re̱ꞌ ya̱ káchíꞌ re̱ꞌ, jee suni sukuán tu̱ꞌun káchíꞌ ráníꞌ nu̱u̱nꞌ ránoꞌó, nsáꞌ káchíꞌ ránꞌ “kuvi” soo tuku “ntu̱ví” káchíꞌ ránꞌ.

2 Corintios 4:6

Chi Ndiosíꞌ ví ya̱ nta̱túníꞌ re̱ꞌ ya̱ tu̱u̱nꞌ ñuꞌunꞌ nu̱u̱nꞌ neenꞌ sáá nsa̱ꞌá re̱ꞌ ñɨ̱vɨ́. Suni maá Ndiosíꞌ ví ya̱ stúúnꞌ re̱ꞌ iniꞌ ánímaꞌ‑ó sáva tu̱u̱nꞌ iniꞌ ánímaꞌ‑ó ya̱ kuniꞌ‑ó ya̱ viiꞌ nasɨ́kuitɨꞌ kúñáꞌnú re̱ꞌ chi jíníꞌ‑ó iniꞌ Jesús ya̱ kúvi Cristo, kuéntáꞌ jiánu̱te̱ꞌ nu̱u̱nꞌ re̱ꞌ.

Tito 1:2

chi íyó tu̱neí iniꞌ‑ó ya̱ kutekuꞌ‑ó nɨ́ɨ́nkání jín re̱ꞌ, chi nchi̱sóyuꞌú re̱ꞌ maa ne̱ ntiáꞌan ka̱ꞌ kijiéꞌé kɨ̱ko̱o ñɨ̱vɨ́. Jee ntu kátúꞌún re̱ꞌ.

Hebreos 6:18

Jee saájee íyó u̱vi̱ꞌ tu̱ꞌun nkachiꞌ re̱ꞌ vá ya̱ ni ntu̱né kúvi sama‑a, chi ntu kuvi katúꞌún Ndiosíꞌ. Saáva nsa̱náaꞌ re̱ꞌ sukuán sáva nuneí téyɨ́ɨ́ iniꞌ maáórán ya̱ numíjiꞌíꞌ nna̱tuꞌva‑ó nu̱u̱nꞌ re̱ꞌ nama re̱ꞌ yó, sáva ni̱ꞌi̱nꞌ‑ó tu̱neí iniꞌ‑ó ya̱ ni̱ꞌi̱nꞌ‑ó ta̱ꞌvi̱ꞌ taji re̱ꞌ nu̱u̱nꞌ‑ó.

1 Juan 5:10

Jee ñɨvɨ ya̱ kúneí iniꞌ ráa Se̱ꞌya Ndiosíꞌ, jee ñúꞌún ya̱ naáꞌ jiáꞌa Ndiosíꞌ iniꞌ ánímaꞌ ñɨvɨ vá. Jee ñɨvɨ ya̱ ntu jínúꞌ iniꞌ ráa Ndiosíꞌ, jee nátatúꞌún ñɨvɨ vá re̱ꞌ chi ntu ínúꞌ iniꞌ ráa tu̱ꞌun na̱a̱ꞌ ya̱ njiáꞌa re̱ꞌ jie̱ꞌe̱ꞌ Se̱ꞌya re̱ꞌ.