Juan 7:20 - Mixteco del suroeste de Tlaxiaco Oaxaca

²⁰ Jee nna̱xiníkó rá ñɨvɨ kue̱ꞌe̱ꞌ vá nu̱u̱nꞌ Jesús, jee nkachiꞌ ráa: ―Ta̱chi̱ꞌ kíni yɨ́ꞌɨ́ noꞌó. ¿Né ɨɨn níꞌvɨ́ꞌ iniꞌ‑i kaꞌniꞌ‑i noꞌó?

Juan 7:20 ပူးပေါင်းရင်းမြစ်များ

Mateo 10:25

Jee te̱e ya̱ kútúꞌva, íyó va̱ꞌani ya̱ kuvi re̱ꞌ kuéntáꞌ kua̱ꞌ mestrúꞌ re̱ꞌ. Jee suni sukuán ɨɨn musúꞌ, suni íyó va̱ꞌani retú kuvi re̱ꞌ kuéntáꞌ kua̱ꞌ i̱toꞌoꞌ‑o. Saáva retú kachiꞌ rá ñɨvɨ ya̱ i̱toꞌoꞌ xí veꞌi ví Beelzebú, ya̱ kúvi kui̱ꞌna̱ꞌ kúñáꞌnú, jee si̱kɨ̱ꞌ ká kaꞌanꞌ niva̱ꞌa ráa kune̱ꞌyá ráa rá ñɨvɨ táꞌán veꞌi re̱ꞌ.

Mateo 12:24

Soo sáá nteso̱ꞌo rá te̱e yɨ́ꞌɨ́ ñujiínꞌ fariseo tu̱ꞌun yaꞌá, jee nkachiꞌ ráa: ―Te̱e yaꞌá chi, nsú Ndiosíꞌ chíneí‑i maáréꞌ táváꞌ re̱ꞌ rá kui̱ꞌna̱ꞌ iniꞌ ñɨvɨ, chi kua̱chi táváꞌ re̱ꞌ rá kui̱ꞌna̱ꞌ jín fuersáꞌ njiáꞌa Beelzebú nu̱u̱nꞌ re̱ꞌ. Beelzebú, kúvi Satanás, i̱toꞌoꞌ rá kui̱ꞌna̱ꞌ ―nkachiꞌ ráa.

Mateo 9:34

Soo rá te̱e ya̱ yɨ́ꞌɨ́ ñujiínꞌ fariseo, nkachiꞌ ráa: ―Táváꞌ re̱ꞌ rá kui̱ꞌna̱ꞌ jín tiñu kákini njiáꞌa i̱toꞌoꞌ rá kui̱ꞌna̱ꞌ nu̱u̱nꞌ re̱ꞌ.

Marcos 3:30

Nkachiꞌ Jesús sukuán chi nkachiꞌ rá ñɨvɨ, ya̱ yɨ́ꞌɨ́ ta̱chi̱ꞌ néꞌí maa.

Juan 10:20

Jee kue̱ꞌe̱ꞌ ráa nkachiꞌ: ―Ta̱chi̱ꞌ kini yɨ́ꞌɨ́ iniꞌ re̱ꞌ, jee sáná xíniꞌ re̱ꞌ vá káꞌánꞌ re̱ꞌ sukuán. ¿Na̱ kuvi chi tésóꞌo rán nu̱u̱nꞌ káꞌánꞌ re̱ꞌ? ―nkachiꞌ ráa.

Juan 8:48

Saájee nna̱xiníkó rá ñɨvɨ Israel, jee nkachiꞌ ráa nu̱u̱nꞌ Jesús: ―¿Á ntu su va̱tu̱ni káchíꞌ ránꞌ ya̱ kúvi nú ɨɨn te̱e ñuunꞌ Samaria, jín ya̱ yɨ́ꞌɨ́ ɨɨn kui̱ꞌna̱ꞌ iniꞌ nú? ―nkachiꞌ ráa.

Juan 8:49

Jee nna̱xiníkó Jesús: ―Nuꞌuꞌ chi ntu̱ví na̱ kui̱ꞌna̱ꞌ yɨ́ꞌɨ́ iniꞌ ni̱ꞌ. Chisaꞌ íyó ya̱ ñáꞌnú nu̱u̱nꞌ ni̱ꞌ nu̱u̱nꞌ Tátáꞌ ni̱ꞌ, jee ránoꞌó chi ntu̱ví íyó ya̱ ñáꞌnú nu̱u̱nꞌ rán nu̱u̱nꞌ nuꞌuꞌ.

Juan 8:52

Saájee rá te̱e kúñáꞌnú nu̱u̱nꞌ rá ñɨvɨ Israel nkachiꞌ ráa nu̱u̱nꞌ Jesús: ―Vitan jee jíníꞌ va̱ꞌa rán ya̱ yɨ́ꞌɨ́ ta̱chi̱ꞌ kíni iniꞌ nú. Chi Abraham jee ni̱ꞌi̱ꞌ‑i, jín suni rá te̱e nna̱kani ráa tu̱ꞌun nkene yuꞌú Ndiosíꞌ ne̱ yanaꞌán, jee suni ni̱ꞌi̱ꞌ ráa. Jee noꞌó chi káchíꞌ nú ya̱: “Néni ɨɨn ñɨvɨ ya̱ chuꞌun iniꞌ tu̱ꞌun ni̱ꞌ, jee ni̱ꞌ nsáꞌ kuviꞌ‑i”, káchíꞌ nú.

Hechos 26:24

Sáá náma re̱ꞌ maáréꞌ suꞌva, jee nkaꞌanꞌ ni̱ꞌin Festo: ―Sáꞌá xi̱ni̱ꞌ nú jín tu̱ꞌun káꞌánꞌ nú, ká Pablo. Máá súkuáꞌa nasɨ́kuitɨꞌ nú, jee nkenta kúꞌvíꞌ xi̱ni̱ꞌ nú.