Juan 7:17 - Mixteco del suroeste de Tlaxiaco Oaxaca

¹⁷ Jee retú na̱ni ñɨvɨ kuíni‑i saꞌá‑a tiñu ya̱ kuíni máá Ndiosíꞌ, jee kuniꞌ ñɨvɨ vá jie̱ꞌe̱ꞌ tu̱ꞌun káchíꞌ ni̱ꞌ, chi kuniꞌ‑i retú va̱ji ne̱ nu̱u̱nꞌ Ndiosíꞌ tu̱ꞌun káchíꞌ ni̱ꞌ, áxí retú va̱ji ne̱ nu̱u̱nꞌ nuꞌuꞌ.

Juan 7:17 ပူးပေါင်းရင်းမြစ်များ

Mateo 6:22

’Nchinúún nú kúvi‑i kuéntáꞌ kantil nu̱u̱nꞌ yɨkɨkúñu nú chi kívɨ ñuꞌunꞌ nchinúún stúúnꞌ iniꞌ yɨkɨkúñu nú. Chi retú íyó nijinꞌ va̱ꞌa nchinúún nú, jee ni̱ꞌi̱nꞌ yɨkɨkúñu nú ñuꞌunꞌ túúnꞌ.

Lucas 8:15

Soo rá nikɨn tataꞌ ya̱ ñákava nu̱u̱nꞌ ñu̱ꞌún váꞌa, suvi kúvi rá ñɨvɨ ya̱ jín ánímaꞌ na̱a̱ꞌ va̱ꞌa tésóꞌo ráa Tu̱ꞌun Ndiosíꞌ, jee chúꞌun iniꞌ ráa maa síkúnkuvi ráa maa jee kúníꞌin ráa jíjia ráa jín tu̱ꞌun vá jee suꞌva jiáꞌa tataꞌ sáꞌá.

Juan 3:21

Soo ñɨvɨ ya̱ sáꞌá tiñu na̱a̱ꞌ jee nátuꞌva‑a ñuꞌunꞌ vá, sáva natu̱vi rá tiñu saꞌá‑a sáni kuíni Ndiosíꞌ ―nkachiꞌ Jesús.

Juan 8:43

¿Na̱ jie̱ꞌe̱ꞌ chi ntu̱ví jiáku̱ꞌun iniꞌ rán rá tu̱ꞌun káchíꞌ ni̱ꞌ rúja? Chi ntu̱ví kuíni rán chuꞌun soꞌo rán rá tu̱ꞌun káꞌánꞌ ni̱ꞌ.

Juan 8:44

Chi ránoꞌó chi tátáꞌ rán kúvi kui̱ꞌna̱ꞌ kúñáꞌnú, chi kuíni rán saꞌá rán rá tiñu ya̱ níyo iniꞌ tátáꞌ rán vá saꞌá rán. Chi maáréꞌ kúvi re̱ꞌ ya̱ sáꞌá re̱ꞌ ni̱yɨ ne̱ tiempúꞌ xíꞌnañúꞌún ya̱ ña̱ko̱o ñɨ̱vɨ́ yaꞌá. Jee ni ntu̱ví íñɨ́‑ɨ jín ya̱ naáꞌ, chi ntu̱ví ñúꞌún ya̱ naáꞌ iniꞌ‑i. Sáá káꞌánꞌ re̱ꞌ tu̱ꞌun túꞌún jee káꞌánꞌ re̱ꞌ sánikua̱ꞌ na̱sa íyó maáréꞌ, chi ya̱ kini túꞌún ví re̱ꞌ jee kúvi re̱ꞌ tátáꞌ nu̱u̱nꞌ ya̱ váji tu̱ꞌun túꞌún.

Juan 8:47

Chi ñɨvɨ yɨ́ꞌɨ́ nu̱u̱nꞌ Ndiosíꞌ jee suviráa chúꞌun iniꞌ ráa rá tu̱ꞌun re̱ꞌ. Soo ránoꞌó chi ntu̱ví chúꞌun iniꞌ rán maa, chi ntu̱ví kúvi rán ñɨvɨ re̱ꞌ ―nkachiꞌ Jesús.

Hechos 17:11

Soo rá ñɨvɨ yukuán nkuva̱ꞌa ka̱ꞌ iniꞌ ráa nsú káꞌ rá ñɨvɨ ñuunꞌ Tesalónica, chi va̱ne̱ꞌ ñuꞌun káñá iniꞌ ráa ntɨɨn ráa tu̱ꞌun yaꞌá. Jee ni ki̱vɨ̱ꞌ súkuáꞌa ráa Tutuꞌ Ííꞌ níso Tu̱ꞌun Ndiosíꞌ, sáva kuniꞌ ráa ré ya̱ naáꞌ ví ya̱ káchíꞌ Pablo jín Silas.