Juan 6:70 - Mixteco del suroeste de Tlaxiaco Oaxaca

⁷⁰ Jee nna̱xiníkó Jesús nu̱u̱nꞌ ráa: ―¿Á nsú nuꞌuꞌ nka̱ji ni̱ꞌ u̱xu̱vi̱ꞌ (12) ránoꞌó rúja? Jee ɨɨn ránoꞌó kúvi kui̱ꞌna̱ꞌ.

Juan 6:70 ပူးပေါင်းရင်းမြစ်များ

Juan 13:18

’Nsú jie̱ꞌe̱ꞌ ntáká rán káꞌánꞌ ni̱ꞌ. Chi jíníꞌ ni̱ꞌ né ɨɨn ví ránoꞌó ya̱ nka̱ji ni̱ꞌ. Soo sáva sikúnkuvi rá tu̱ꞌun ya̱ nééꞌ nu̱u̱nꞌ Tutuꞌ níso Tu̱ꞌun Ndiosíꞌ ya̱ káꞌánꞌ‑a jie̱ꞌe̱ꞌ nuꞌuꞌ, jee káchíꞌ‑i: Te̱e ya̱ yájíꞌ nkáá jín nuꞌuꞌ, jee nkenta re̱ꞌ si̱kɨ̱ꞌ ni̱ꞌ, káchíꞌ nu̱u̱nꞌ Tutuꞌ.

Juan 13:2

Jee viko Pascua ni kúxíní Jesús jín rá te̱e súkuáꞌa re̱ꞌ ráa, jee ya nchuꞌun kui̱ꞌna̱ꞌ kúñáꞌnú iniꞌ ánímaꞌ Judas ya̱ naku̱ꞌva re̱ꞌ Jesús xi̱ntíín rá te̱e kánéꞌén. Judas kúvi se̱ꞌya Simón Iscariote.

Juan 13:21

Jee sáá nkuvi nkachiꞌ Jesús rá tu̱ꞌun yaꞌá, jee nnu̱kuéká nasɨ́kuitɨꞌ iniꞌ ánímaꞌ re̱ꞌ jee njia̱ꞌa re̱ꞌ ya̱ naáꞌ jee nkachiꞌ re̱ꞌ: ―Máá nááꞌ vá káchíꞌ ni̱ꞌ nu̱u̱nꞌ rán ya̱ ɨɨn ránoꞌó naku̱ꞌva‑a nuꞌuꞌ nu̱u̱nꞌ rá te̱e kua̱chi ―nkachiꞌ Jesús.

Juan 13:27

Jee sáá nkuvi ntɨɨn Judas i̱xta̱tíláꞌ vá, jee ntañúꞌún kuitɨꞌ nki̱vɨ Satanás, ya̱ kúvi ta̱chi̱ꞌ kíni kúñáꞌnú, iniꞌ Judas. Saájee nkachiꞌ Jesús nu̱u̱nꞌ Judas: ―Tiñu saꞌá nú, jee ñamani saꞌá maa.

Juan 15:16

Chi nsú ránoꞌó nka̱ji rán nuꞌuꞌ, chisaꞌ nuꞌuꞌ nka̱ji ni̱ꞌ ránoꞌó ya̱ kɨꞌɨ rán nu̱u̱nꞌ ni̱ꞌ, jee ñani ni̱ꞌ ránoꞌó kuneeꞌ tiñu si̱kɨ̱ꞌ rán, sáva saꞌá rán tiñu ni̱ꞌ kuéntáꞌ kúun uva, sáva tiñu váꞌa vá kino̱o‑o kutú‑u. Sáva néni ɨɨn ka̱ka̱nꞌ rán nu̱u̱nꞌ Tátáꞌ ni̱ꞌ nu̱u̱nꞌ súví nuꞌuꞌ jie̱ꞌe̱ꞌ yɨ́ꞌɨ́ rán nu̱u̱nꞌ ni̱ꞌ jee taji re̱ꞌ maa nu̱u̱nꞌ rán.

Juan 15:19

Chi retánꞌ íñɨ́ i̱i̱ꞌ rán ichi jiáꞌnu rá ñɨvɨ ñɨ̱vɨ́ ya̱ ntu yɨ́ꞌɨ́ ráa xi̱ntíín Ndiosíꞌ, saájee íyó kunu̱u̱nꞌ ráa ránoꞌó, kuéntáꞌ ñúnúunꞌ ráa rá ñɨvɨ íñɨ́ jín ráa. Soo jie̱ꞌe̱ꞌ ya̱ nka̱ji ni̱ꞌ ránoꞌó ya̱ nsáꞌ kɨꞌɨ rán ka̱ꞌ nu̱u̱nꞌ ñujiínꞌ ñɨvɨ ñɨ̱vɨ́ yaꞌá jee ntu káꞌ jiáꞌnu rán kuéntáꞌ jiáꞌnu ráa. Jee jie̱ꞌe̱ꞌ saáva táꞌvi iniꞌ ráa néꞌyá ráa ránoꞌó.

Juan 17:12

Chi ni nééꞌ ni̱ꞌ jín ráa iniꞌ ñɨ̱vɨ́ yaꞌá, jee nñu̱maꞌñu ñusava ni̱ꞌ ráa jín fuersáꞌ ni̱ꞌin ííꞌ níso nú ya̱ ntaji nú nu̱u̱nꞌ ni̱ꞌ. Jee nñu̱maꞌñu ñusava ni̱ꞌ ráa saáva ni ɨɨn ráa ntu ñánaanꞌ ráa, chisaꞌ métúꞌún ɨɨn ráa ni vá ña̱naanꞌ chi saá íyó kɨ̱naanꞌ re̱ꞌ, sáva nsi̱kúnkuvi nu̱u̱nꞌ káchíꞌ tu̱ꞌun nééꞌ nu̱u̱nꞌ Tutuꞌ ya̱ níso Tu̱ꞌun Ndiosíꞌ.

Juan 2:2

Jee suni nkana rá ñɨvɨ vá Jesús jín rá te̱e súkuáꞌa re̱ꞌ ráa ya̱ kɨ̱ꞌɨ̱nꞌ ráa viko tánáꞌá vá.

Juan 20:24

Soo Tomás ya̱ kúvi re̱ꞌ ɨɨn rá ni uxúꞌ u̱vi̱ꞌ (12) rá te̱e nsu̱kuáꞌa Jesús ráa, ya̱ káꞌánꞌ ráa maa kuatíꞌ, ntu̱ví íyó re̱ꞌ jín ráa sáá nnenta Jesús.

Juan 6:64

Soo íyó sava rán ntu kúneí iniꞌ rán nuꞌuꞌ. Nkachiꞌ Jesús suꞌva chi ne̱ xíꞌnañúꞌún ya̱ jíníꞌ re̱ꞌ né ɨɨn ví rá ñɨvɨ ya̱ ntu ínúꞌ iniꞌ ráa re̱ꞌ, jín né ɨɨn ví ya̱ naku̱ꞌva‑a re̱ꞌ nu̱u̱nꞌ rá te̱e nísotíñú.

Juan 6:67

Saájee nkachiꞌ Jesús nu̱u̱nꞌ ni uxúꞌ u̱vi̱ꞌ (12) rá te̱e ya̱ súkuáꞌa re̱ꞌ ráa: ―¿Á ntu suni kuíni ránoꞌó kɨ̱ꞌɨ̱nꞌ rán? ―nkachiꞌ Jesús.

Juan 6:71

Nkaꞌanꞌ re̱ꞌ sukuán jie̱ꞌe̱ꞌ Judas Iscariote, ya̱ kúvi se̱ꞌya Simón, chi Judas yaꞌá naku̱ꞌva‑a re̱ꞌ xi̱ntíín rá te̱e nísotíñú, asúꞌ ɨɨn rá u̱xu̱vi̱ꞌ (12) ya̱ nkáji re̱ꞌ ví‑i.

Juan 8:44

Chi ránoꞌó chi tátáꞌ rán kúvi kui̱ꞌna̱ꞌ kúñáꞌnú, chi kuíni rán saꞌá rán rá tiñu ya̱ níyo iniꞌ tátáꞌ rán vá saꞌá rán. Chi maáréꞌ kúvi re̱ꞌ ya̱ sáꞌá re̱ꞌ ni̱yɨ ne̱ tiempúꞌ xíꞌnañúꞌún ya̱ ña̱ko̱o ñɨ̱vɨ́ yaꞌá. Jee ni ntu̱ví íñɨ́‑ɨ jín ya̱ naáꞌ, chi ntu̱ví ñúꞌún ya̱ naáꞌ iniꞌ‑i. Sáá káꞌánꞌ re̱ꞌ tu̱ꞌun túꞌún jee káꞌánꞌ re̱ꞌ sánikua̱ꞌ na̱sa íyó maáréꞌ, chi ya̱ kini túꞌún ví re̱ꞌ jee kúvi re̱ꞌ tátáꞌ nu̱u̱nꞌ ya̱ váji tu̱ꞌun túꞌún.

Hechos 1:17

Jee ɨɨn rá táꞌán ránꞌ nkuvi re̱ꞌ, jee nni̱ꞌi̱nꞌ re̱ꞌ tiñu yaꞌá saꞌá re̱ꞌ jín ránꞌ jie̱ꞌe̱ꞌ Tu̱ꞌun Ndiosíꞌ ―nkachiꞌ Pedro.

Hechos 13:10

Jee nkachiꞌ re̱ꞌ nu̱u̱nꞌ‑u: ―¡Kúneí tu̱ntúꞌún jín nú! ¡Máá jíka xínáꞌví nú! ¡Se̱ꞌya kui̱ꞌna̱ꞌ kúvi nú! ¡Kénta nú si̱kɨ̱ꞌ nɨꞌɨ ya̱ váꞌa! ¿Á ni nsíkɨ́kui̱ñɨ̱ꞌ nú ya̱ nátatúꞌún nú jie̱ꞌe̱ꞌ ichi na̱a̱ꞌ I̱toꞌoꞌ ráníꞌ Jesús rúja?

1 Timoteo 3:11

Suni sukuán, rá ñaꞌan íyó kueꞌnu ñáꞌnú ráña, jee íyó kuvi ráa rá ñaꞌan, ya̱ ntu sátúꞌún ráña si̱kɨ̱ꞌ inka ñɨvɨ, jín ya̱ ntu jíꞌi víꞌí ráña nixiꞌ, jín ya̱ sukuáni síkúnkuvi ráña nɨꞌɨ ya̱ káchíꞌ ráña ya̱ kúvi kuneí iniꞌ ñɨvɨ ráña.

Tito 2:3

Jee suni sukuán xinéꞌénꞌ nú rá ñaꞌan ñáꞌnú, ya̱ kaka na̱a̱ꞌ ráña, ya̱ kɨtíñú ráña nu̱u̱nꞌ Ndiosíꞌ, jín ya̱ nkákuíyuꞌú ráña, jín ya̱ nsú máá tiñu jíꞌi sáꞌá ráña, jín ya̱ xinéꞌénꞌ ráña ya̱ váꞌa,

1 Juan 3:8

Soo ñɨvɨ ya̱ sáꞌá kua̱chi, jee íñɨ́ ráa jín kui̱ꞌna̱ꞌ kúñáꞌnú. Chi kui̱ꞌna̱ꞌ kúñáꞌnú sáꞌá‑a kua̱chi ne̱ tiempúꞌ xíꞌnañúꞌún. Jee jie̱ꞌe̱ꞌ yaꞌá kúvi ya̱ nkiji máá Se̱ꞌya Ndiosíꞌ sáva xináánꞌ re̱ꞌ rá tiñu ya̱ sáꞌá kui̱ꞌna̱ꞌ kúñáꞌnú.