Juan 6:64 - Mixteco del suroeste de Tlaxiaco Oaxaca

⁶⁴ Soo íyó sava rán ntu kúneí iniꞌ rán nuꞌuꞌ. Nkachiꞌ Jesús suꞌva chi ne̱ xíꞌnañúꞌún ya̱ jíníꞌ re̱ꞌ né ɨɨn ví rá ñɨvɨ ya̱ ntu ínúꞌ iniꞌ ráa re̱ꞌ, jín né ɨɨn ví ya̱ naku̱ꞌva‑a re̱ꞌ nu̱u̱nꞌ rá te̱e nísotíñú.

Juan 6:64 ပူးပေါင်းရင်းမြစ်များ

Mateo 10:4

jín Simón ya̱ níñɨ re̱ꞌ jín rá te̱e yɨ́ꞌɨ́ ñujiínꞌ cananista, jín Judas Iscariote, ya̱ naku̱ꞌva‑a Jesús xi̱ntíín rá te̱e túfíꞌ ta̱ꞌán ráa néꞌyá ráa re̱ꞌ.

Juan 10:26

Soo ránoꞌó chi ntu̱ví ínúꞌ iniꞌ rán maa, chi nsú ñɨvɨ ni̱ꞌ kúvi rán, ya̱ kúvi kuéntáꞌ lanchi ni̱ꞌ.

Juan 18:4

Soo ya̱ jíníꞌ Jesús nɨꞌɨ rá tu̱nóꞌó va̱ji nu̱u̱nꞌ re̱ꞌ, jee saáva nkene re̱ꞌ kua̱taꞌanꞌ re̱ꞌ ráa, jee nkachiꞌ re̱ꞌ: ―¿Né ɨɨn nánukú rán? ―nkachiꞌ re̱ꞌ.

Juan 5:42

Soo nuꞌuꞌ chi jíníꞌ ni̱ꞌ na̱sa iniꞌ rán ya̱ ntu ñúꞌún iniꞌ rán ya̱ kunu̱u̱nꞌ rán Ndiosíꞌ.

Juan 6:36

Soo sáni nkachiꞌ ni̱ꞌ nu̱u̱nꞌ rán, ya̱ ntu̱ví kúneí iniꞌ rán nuꞌuꞌ, súka̱ꞌ ya̱ niniꞌ rán nuꞌuꞌ.

Juan 6:60

Saáva sáá nteso̱ꞌo kue̱ꞌe̱ꞌ rá ñɨvɨ súkuáꞌa re̱ꞌ ráa rá tu̱ꞌun xínéꞌénꞌ re̱ꞌ, jee nkachiꞌ ráa: ―Víjí víꞌí jie̱ꞌe̱ꞌ tu̱ꞌun yaꞌá. ¿Né ɨɨn kúvi tɨɨn maa rúja?

Juan 6:61

Jee ya jíníꞌ máá Jesús ya̱ rá ñɨvɨ ya̱ súkuáꞌa re̱ꞌ ráa táyuꞌú ráa sukuán, jee nkachiꞌ re̱ꞌ nu̱u̱nꞌ ráa: ―¿Á chúníní tu̱ꞌun ni̱ꞌ iniꞌ ránoꞌó?

Juan 6:66

Jee ne̱ ki̱vɨ̱ꞌ yukuán jee kue̱ꞌe̱ꞌ ñɨvɨ ya̱ nsu̱kuáꞌa Jesús ráa, nxi̱nóo ráa re̱ꞌ, jee ntu̱ví ka̱ꞌ nku̱táꞌán ráa jín re̱ꞌ.

Juan 8:23

Saájee nkachiꞌ Jesús nu̱u̱nꞌ ráa: ―Ránoꞌó chi ñɨvɨ ñɨ̱vɨ́ chi̱ji yaꞌá kúvi rán. Soo nuꞌuꞌ chi ne̱ ñuunꞌ antivɨ́ súkún si̱kɨ̱ꞌ va̱ji ni̱ꞌ. Jee ránoꞌó chi ñɨvɨ ñɨ̱vɨ́ yaꞌá kúvi rán. Soo nuꞌuꞌ chi nsú ñɨ̱vɨ́ yaꞌá va̱ji ni̱ꞌ.

Juan 8:55

Soo ni ntu̱ví jíníꞌ rán iniꞌ re̱ꞌ. Soo nuꞌuꞌ chi jíníꞌ va̱ꞌa ni̱ꞌ iniꞌ re̱ꞌ. Jee retú kachiꞌ ni̱ꞌ ya̱ ntu̱ví jíníꞌ ni̱ꞌ re̱ꞌ, saájee kuvi ni̱ꞌ ɨɨn te̱e túꞌún nékúvi kuéntáꞌ ránoꞌó. Soo jíníꞌ va̱ꞌa ni̱ꞌ iniꞌ re̱ꞌ, jee chúꞌun iniꞌ ni̱ꞌ tu̱ꞌun re̱ꞌ.

Hechos 15:18

Suꞌva nkachiꞌ I̱toꞌoꞌ‑ó, ya̱ nsa̱ꞌá re̱ꞌ ya̱ kuniꞌ ñɨvɨ ne̱ rá tiempúꞌ ya̱ta̱ꞌ.

Romanos 8:29

Chi rá ñɨvɨ vá ya̱ jíníꞌ ya̱chi̱ꞌ re̱ꞌ nka̱ji ya̱chi̱ꞌ re̱ꞌ nékúvi, jee sunisaá ya̱ nkuna̱a̱ꞌ ya̱chi̱ꞌ iniꞌ re̱ꞌ ya̱ kuneen ráa iniꞌ Se̱ꞌya re̱ꞌ, sáva kuvi‑i Se̱ꞌya ñáꞌnú ya̱ kosoꞌ‑o nu̱u̱nꞌ kue̱ꞌe̱ꞌ ñaniꞌ‑i jín ku̱ꞌva‑a.

2 Timoteo 2:19

Soo jiákɨ́nꞌ kutú Ndiosíꞌ tu̱ꞌun re̱ꞌ, nu̱u̱nꞌ jiáni kutú re̱ꞌ rá ñɨvɨ re̱ꞌ. Jee níso vá tu̱ꞌun yaꞌá kuéntáꞌ ɨɨn seyúꞌ ya̱ káchíꞌ‑i: “Jíníꞌ I̱toꞌoꞌ‑ó rá ñɨvɨ yɨ́ꞌɨ́ nu̱u̱nꞌ re̱ꞌ”, jín, “Nta̱ká ñɨvɨ ya̱ jiáꞌayuꞌú ráa ya̱ I̱toꞌoꞌ ráa ví Cristo, íyó saꞌá sɨ́ɨ́n ráa maáráa nu̱u̱nꞌ rá níváꞌa.”

Hebreos 4:13

Jee ni ntu̱né íyó ni ɨɨn ya̱ nsa̱ꞌá Ndiosíꞌ ya̱ ntu túvi nijinꞌ nu̱u̱nꞌ re̱ꞌ, chisaꞌ nɨꞌɨ kuitɨꞌ núne ráa nu̱u̱nꞌ re̱ꞌ chi túvi nijinꞌ‑i néꞌyá maáréꞌ, ya̱ nu̱u̱nꞌ re̱ꞌ naku̱ꞌva‑ó kuéntáꞌ nɨꞌɨ ya̱ sáꞌá‑ó.