Juan 6:63 - Mixteco del suroeste de Tlaxiaco Oaxaca

⁶³ Chi Ta̱chi̱ꞌ Ííꞌ Ndiosíꞌ ví ya̱ sáꞌá ya̱ kutekuꞌ ñɨvɨ nɨ́ɨ́nkání jín Ndiosíꞌ. Soo máá yɨkɨkúñu ntu̱náꞌ íyótiñu‑u saꞌá‑a sukuán. Rá tu̱ꞌun nkachiꞌ ni̱ꞌ sáꞌá‑a kívɨ Ta̱chi̱ꞌ Ííꞌ Ndiosíꞌ iniꞌ ñɨvɨ jee jiáꞌa‑a ya̱ kutekuꞌ ñɨvɨ nɨ́ɨ́nkání jín Ndiosíꞌ.

Juan 6:63 ပူးပေါင်းရင်းမြစ်များ

Génesis 2:7

Saájee jín ti̱ka̱cha̱a̱ꞌ ñuꞌun nsa̱ꞌá I̱toꞌoꞌ‑ó Ndiosíꞌ ɨɨn ñɨvɨ. Jee ntivɨꞌ ta̱chi̱ꞌ re̱ꞌ i̱xti̱nꞌ ñɨvɨ vá jín yo̱ko̱yuꞌú re̱ꞌ ya̱ stekúꞌ‑u ñɨvɨ vá, jee nkenta kúvi ñɨvɨ vá ɨɨn ya̱ tékúꞌ.

Juan 5:21

’Chi kuéntáꞌ naxinákóo Tátáꞌ ni̱ꞌ rá níꞌiꞌ, jee saꞌá re̱ꞌ ya̱ natekuꞌ i̱i̱ꞌ tuku ráa, jee suni sukuán maáníꞌ, ya̱ kúvi ni̱ꞌ Se̱ꞌya re̱ꞌ, chi suni saꞌá ni̱ꞌ ya̱ natekuꞌ i̱i̱ꞌ néni ɨɨn ya̱ kuíni maáníꞌ.

Juan 6:68

Jee nna̱xiníkó Simón Pedro nu̱u̱nꞌ re̱ꞌ: ―I̱toꞌoꞌ, ¿né ɨɨn nu̱u̱nꞌ kúvi kɨ̱ꞌɨ̱nꞌ ránꞌ? Chi maánú íyó jín tu̱ꞌun ya̱ saꞌá ya̱ kutekuꞌ ránꞌ nɨ́ɨ́nkání jín Ndiosíꞌ.

Hechos 5:20

―Kuáꞌán rán. Jee kuiñɨ rán iniꞌ veñu̱ꞌun káꞌnú. Jee nakani rán nu̱u̱nꞌ rá ñɨvɨ nɨꞌɨ tu̱ꞌun na̱ja kúvi kutekuꞌ ráa jín Ndiosíꞌ ―nkachiꞌ najiáꞌáꞌ ííꞌ Ndiosíꞌ.

Romanos 10:17

Saáva kuneí iniꞌ ñɨvɨ Cristo va̱ji jie̱ꞌe̱ꞌ teso̱ꞌo ráa tu̱ꞌun, jee tu̱ꞌun tésóꞌo ráa kúvi tu̱ꞌun váꞌa Ndiosíꞌ jie̱ꞌe̱ꞌ Cristo.

Romanos 2:25

Íyótiñu nijia ya̱ níso nú seña Ndiosíꞌ nu̱u̱nꞌ yɨkɨkúñu nú, ya̱ káchíꞌ‑ó circuncisión, retú sáꞌá nú ya̱ káchíꞌ tu̱ꞌun nta̱túníꞌ Ndiosíꞌ ya̱ njiáꞌa re̱ꞌ nu̱u̱nꞌ Moisés yanaꞌán ya̱ káchíꞌ‑ó ley. Soo retú jiáꞌa nú nu̱u̱nꞌ ya̱ tátúníꞌ ley vá, sú nsa̱ꞌá circuncidar nú maánú soo kúvi kuéntáꞌ ntu nsa̱ꞌá circuncidar nú maánú kuéntáꞌ rá ñɨvɨ inka nación.

Romanos 8:2

Chi nku̱neí Ta̱chi̱ꞌ Ííꞌ Ndiosíꞌ sáꞌá re̱ꞌ ya̱ kutekuꞌ‑ó jín Ndiosíꞌ, jie̱ꞌe̱ꞌ yɨ́ꞌɨ́‑ó nu̱u̱nꞌ Cristo Jesús, jee nákani núne re̱ꞌ ránoꞌó ya̱ nsáꞌ kɨꞌɨ‑ó ka̱ꞌ xi̱ntíín kua̱chi jín nsáꞌ kenta‑ó kuéntáꞌ kuviꞌ‑ó nu̱u̱nꞌ Ndiosíꞌ.

1 Corintios 15:45

Chi suni sukuán níso nu̱u̱nꞌ Tutuꞌ nééꞌ Tu̱ꞌun Ndiosíꞌ ya̱: “Adán nkuvi re̱ꞌ te̱e ya̱ nsa̱ꞌá xíꞌnañúꞌún Ndiosíꞌ maa, jee nkenta kuvi re̱ꞌ ɨɨn ya̱ tékúꞌ.” Soo maá Cristo ya̱ kúvi kuéntáꞌ Adán nu̱u̱nꞌ nɨ́ꞌɨ, jee nkene‑e ne̱ antivɨ́ súkún va̱ji‑i iniꞌ ñɨ̱vɨ́ yaꞌá jín tiñu níso re̱ꞌ ya̱ nastekúꞌ‑u rá ñɨvɨ níꞌi.

Gálatas 5:25

Nu̱u̱nꞌ xítékúꞌ Ta̱chi̱ꞌ Ííꞌ Ndiosíꞌ yó jín Ndiosíꞌ, saájee kaka‑ó ichi na̱a̱ꞌ sáni jiáni Ta̱chi̱ꞌ Ííꞌ re̱ꞌ yó.

Gálatas 5:6

Chi ntáká‑ó ya̱ yɨ́ꞌɨ́‑ó nu̱u̱nꞌ Cristo Jesús, ntu̱náꞌ íyótiñu koo circuncidado maáó, áxí ntu̱ví. Soo ya̱ yɨ́yáꞌvi ka̱ꞌ vá kúneí iniꞌ‑ó Jesús, jee ya̱ kúneí iniꞌ‑ó maa sáꞌá ya̱ kunu̱u̱nꞌ‑ó táꞌán‑ó.

Gálatas 6:15

Chi nu̱u̱nꞌ yɨ́ꞌɨ́‑ó nu̱u̱nꞌ Cristo Jesús, ntu̱náꞌ íyótiñu ré saꞌá circuncidar‑ó áxí nsáꞌ saꞌá circuncidar‑ó. Soo ya̱ yɨ́yáꞌvi ka̱ꞌ ví ya̱ sáꞌá Ndiosíꞌ ya̱ nújiáá‑ó.

1 Tesalonicenses 2:13

Jee suni yɨ́táꞌán jiáꞌa ráníꞌ ya̱ kútaꞌviꞌ ránꞌ nu̱u̱nꞌ Ndiosíꞌ, chi ntɨɨn ránú tu̱ꞌun nteso̱ꞌo rán ya̱ nkachitu̱ꞌún ráníꞌ. Soo ntu̱ví ntɨ́ɨn ránú tu̱ꞌun vá kuéntáꞌ tu̱ꞌun káꞌánꞌ métúꞌún te̱e ni. Chisaꞌ ntɨɨn rán maá kuéntáꞌ Tu̱ꞌun Ndiosíꞌ kúvi‑i, ya̱ máá nááꞌ nijia ya̱ Tu̱ꞌun Ndiosíꞌ kúvi‑i. Jee tu̱ꞌun vá sátíñú iniꞌ ránoꞌó ya̱ kúneí iniꞌ rán Cristo.

1 Timoteo 4:8

Chi sikújia‑ó yɨkɨkúñu‑ó jee íyótiñu yakuꞌ, soo retú kueꞌnu‑ó ichi na̱a̱ꞌ sáni kuíni Ndiosíꞌ íyótiñu nɨꞌɨ nu̱u̱nꞌ. Chi suꞌva ni̱ꞌi̱nꞌ‑ó ya̱ váꞌa ya̱ nchi̱sóyuꞌú Ndiosíꞌ taji re̱ꞌ ni ya̱ tékúꞌ‑ó tiempúꞌ vitan, jín tiempúꞌ kiji ichinúúnꞌ sáá kutekuꞌ‑ó nɨ́ɨ́nkání jín re̱ꞌ.

Hebreos 13:9

Íyó kéꞌín tu̱ꞌun xínéꞌénꞌ ñɨvɨ ya̱ ntu kúnuún jín Tu̱ꞌun Ndiosíꞌ. Jee koto jiáꞌa rán ya̱ nastúꞌva rá tu̱ꞌun vá ránoꞌó nu̱u̱nꞌ‑u. Chi íyó váꞌa ya̱ nukutú ánímaꞌ‑ó saꞌá Ndiosíꞌ chi íyó mániꞌ iniꞌ re̱ꞌ yó, nsú káꞌ jie̱ꞌe̱ꞌ tu̱ꞌun ya̱ tátúníꞌ jie̱ꞌe̱ꞌ ya̱ yájíꞌ‑ó, chi ni ntu̱náꞌ váꞌa nsa̱ꞌá tu̱ꞌun tátúníꞌ vá nu̱u̱nꞌ rá ñɨvɨ ya̱ nyɨ̱tíñú ráa nsa̱ꞌá ráa maa.

Hebreos 4:12

Chi Tu̱ꞌun Ndiosíꞌ suni tékúꞌ‑u chi ni̱ꞌin yɨ́ɨ́‑ɨ xá jee sátíñú‑u iniꞌ‑ó. Chi Tu̱ꞌun Ndiosíꞌ kúvi kuéntáꞌ ɨɨn yuchiꞌ espada xe̱e̱nꞌ, soo xe̱e̱nꞌ nasɨ́kuitɨꞌ ka̱ꞌ kúvi tu̱ꞌun re̱ꞌ nsú káꞌ kua̱ꞌ xe̱e̱nꞌ ntáká rá yuchiꞌ espada ya̱ xe̱e̱nꞌ ni núvíꞌ íyó ichi yuꞌú, chi suni kívɨ tu̱ꞌun re̱ꞌ ne̱ nu̱u̱nꞌ kúnú iniꞌ‑ó sáva stúvi kájí‑i na̱sa íyó antúníꞌ‑ó jín ánímaꞌ‑ó, kuéntáꞌ kívɨ yuchiꞌ espada ne̱ nu̱u̱nꞌ kúnú sáva sasɨ́ɨ́n‑ɨ ne̱ nu̱u̱nꞌ ñútáꞌán rá yɨkɨ‑ó jín rá miki yɨkɨ‑ó. Jee jiéꞌnéꞌ na̱a̱ꞌ tu̱ꞌun re̱ꞌ antúníꞌ‑ó jín rá kuíni ánímaꞌ‑ó saꞌá‑ó.

Santiago 1:18

Jee ña̱tíñú re̱ꞌ tu̱ꞌun na̱a̱ꞌ re̱ꞌ, sáva saꞌá re̱ꞌ ya̱ nakaku‑ó ya̱ kuvi‑ó se̱ꞌya re̱ꞌ, sáni kuíni re̱ꞌ. Nsa̱ꞌá re̱ꞌ suꞌva sáva kuvi‑ó rá se̱ꞌya xíꞌnañúꞌún ya̱ ña̱ko̱so̱ꞌ nu̱u̱nꞌ kue̱ꞌe̱ꞌ ka̱ꞌ se̱ꞌya re̱ꞌ, ya̱ va̱ji nu̱u̱nꞌ rá ñɨvɨ ya̱ nsa̱ꞌá re̱ꞌ.

1 Pedro 1:23

Chi nna̱kaku jiáá tuku rán, soo nsáꞌ nna̱kaku rán se̱ꞌya ni̱ñɨ̱ꞌ nu̱u̱nꞌ sɨꞌɨ́ ya̱ jíꞌíꞌ‑i, chisaꞌ nna̱kaku rán sáꞌá Tu̱ꞌun Ndiosíꞌ ya̱ tékúꞌ‑u jee kino̱o‑o nɨ́ɨ́nkání.

1 Pedro 3:18

Chi suni íyó nijia ya̱ Cristo nnoꞌo re̱ꞌ jee ɨɨn íchíni ni̱ꞌi̱ꞌ re̱ꞌ nchu̱náán re̱ꞌ nu̱u̱nꞌ rá kua̱chi rá ñɨvɨ íyótiñu‑u nɨ́ɨ́nkání. Súka̱ꞌ te̱e na̱a̱ꞌ kúvi re̱ꞌ ntu kuáchi re̱ꞌ, soo nnoꞌo re̱ꞌ jie̱ꞌe̱ꞌ ya̱ váꞌa nu̱u̱nꞌ rá ñɨvɨ ya̱ ntu kúvi ñɨvɨ na̱a̱ꞌ, sáva na̱siáꞌa re̱ꞌ yó nu̱u̱nꞌ Ndiosíꞌ. Jee súka̱ꞌ ni̱ꞌi̱ꞌ nijia re̱ꞌ sáá ntekuꞌ re̱ꞌ jín yɨkɨkúñu re̱ꞌ, soo nna̱tekuꞌ i̱i̱ꞌ tuku re̱ꞌ nsa̱ꞌá Ta̱chi̱ꞌ Ííꞌ Ndiosíꞌ.

1 Pedro 3:21

Jee kuéntáꞌ kua̱ꞌ nkáku ráa nu̱u̱nꞌ nute vá, jee suni kuéntáꞌ sukuán kúnkunuún kúvi‑i ya̱ jiánuté‑ó tiempúꞌ vitan síkáku‑u ñɨvɨ, jie̱ꞌe̱ꞌ ya̱ nna̱tekuꞌ i̱i̱ꞌ Jesús ya̱ kúvi Cristo nkene‑e nteñu rá níyɨ. Soo nsú jie̱ꞌe̱ꞌ ya̱ siíyo rá téꞌén ñunéꞌyúꞌ‑ó jín nute, chisaꞌ jiánuté‑ó sáva stúvi‑ó ya̱ ne̱ ánímaꞌ‑ó chisóyuꞌú‑ó kueꞌnu na̱a̱ꞌ‑ó nu̱u̱nꞌ Ndiosíꞌ jín ya̱ jíkánꞌ táꞌvíꞌ‑ó nu̱u̱nꞌ Ndiosíꞌ ya̱ sííyo kua̱chi‑ó nonoo ánímaꞌ‑ó ya̱ jíníꞌ‑ó ya̱ ntu níso‑ó kua̱chi.