Juan 6:39 - Mixteco del suroeste de Tlaxiaco Oaxaca

³⁹ Jee yaꞌá kúvi ya̱ kuíni maáréꞌ ya̱ nchu̱ichí nuꞌuꞌ, ya̱ nta̱ká rá ñɨvɨ ya̱ ntaji re̱ꞌ nu̱u̱nꞌ ni̱ꞌ, jee nsáꞌ sukuíta ni̱ꞌ ni ɨɨn, chisaꞌ xinátekuꞌ i̱i̱ꞌ ni̱ꞌ ráa jee xinákóo ni̱ꞌ ráa kene ráa nteñu rá níꞌiꞌ ki̱vɨ̱ꞌ nu̱u̱nꞌ nɨ́ꞌɨ.

Juan 6:39 ပူးပေါင်းရင်းမြစ်များ

Mateo 10:15

Chi máá naáꞌ vá káchíꞌ ni̱ꞌ nu̱u̱nꞌ ránoꞌó, ya̱ ki̱vɨ̱ꞌ kiji keꞌneꞌ Ndiosíꞌ kua̱chi ñɨvɨ, sú kunoꞌo nasɨ́kuitɨꞌ rá ñɨvɨ ñuunꞌ Sodoma jín ñuunꞌ Gomorra soo yakuꞌ ka̱ꞌ kunoꞌo ráa nsú káꞌ kua̱ꞌ xe̱e̱nꞌ nasɨ́kuitɨꞌ ntántúníꞌ ka̱ꞌ kunoꞌo rá ñɨvɨ ñuunꞌ vá.

Mateo 18:14

Jee suni sukuán, ntu̱ví kuíni Tátáꞌ rán ya̱ nééꞌ antivɨ́ súkún, ya̱ kinaanꞌ ni ɨɨn rá su̱chí lúlí yaꞌá.

Lucas 12:32

’Koto yúꞌví rán, ránoꞌó ya̱ kúvi rán kuéntáꞌ yakuꞌ lanchi ni̱ꞌ, chi Tátáꞌ rán Ndiosíꞌ kúváꞌa iniꞌ re̱ꞌ taji re̱ꞌ nu̱u̱nꞌ rán ya̱ ki̱vɨ rán xi̱ntíín re̱ꞌ nu̱u̱nꞌ tátúníꞌ re̱ꞌ nu̱u̱nꞌ rán.

Juan 12:48

Soo ñɨvɨ ya̱ kúníichiꞌ iniꞌ‑i nuꞌuꞌ, jee ntu̱ví tɨ́ɨn‑ɨ tu̱ꞌun káꞌánꞌ ni̱ꞌ, jee ya̱ íyó ɨɨn ya̱ sanáaꞌ‑a kua̱chi si̱kɨ̱ꞌ ñɨvɨ vá jee keꞌneꞌ‑e kua̱chi si̱kɨ̱ꞌ vá. Rá tu̱ꞌun ya̱ nkachiꞌ ni̱ꞌ ví ya̱ keꞌneꞌ‑e kua̱chi vá ki̱vɨ̱ꞌ nu̱u̱nꞌ nɨ́ꞌɨ.

Juan 17:12

Chi ni nééꞌ ni̱ꞌ jín ráa iniꞌ ñɨ̱vɨ́ yaꞌá, jee nñu̱maꞌñu ñusava ni̱ꞌ ráa jín fuersáꞌ ni̱ꞌin ííꞌ níso nú ya̱ ntaji nú nu̱u̱nꞌ ni̱ꞌ. Jee nñu̱maꞌñu ñusava ni̱ꞌ ráa saáva ni ɨɨn ráa ntu ñánaanꞌ ráa, chisaꞌ métúꞌún ɨɨn ráa ni vá ña̱naanꞌ chi saá íyó kɨ̱naanꞌ re̱ꞌ, sáva nsi̱kúnkuvi nu̱u̱nꞌ káchíꞌ tu̱ꞌun nééꞌ nu̱u̱nꞌ Tutuꞌ ya̱ níso Tu̱ꞌun Ndiosíꞌ.

Juan 17:2

Chi ntaji nú tiñu níso ni̱ꞌ ya̱ tátúníꞌ ni̱ꞌ nu̱u̱nꞌ ntáká ñɨvɨ ñɨ̱vɨ́, sáva ntáká rá ñɨvɨ ya̱ ntaji nú nu̱u̱nꞌ ni̱ꞌ kɨꞌɨ ráa nu̱u̱nꞌ ni̱ꞌ, ni̱ꞌi̱nꞌ ráa ya̱ kutekuꞌ ráa nɨ́ɨ́nkání jín‑ó saꞌá ni̱ꞌ.

Juan 17:24

’Tátáꞌ ni̱ꞌ, jee rá ñɨvɨ ya̱ ntaji nú nu̱u̱nꞌ ni̱ꞌ, jee kuíni ni̱ꞌ ya̱ suni maáráa kuneeꞌ ráa jín nuꞌuꞌ nu̱u̱nꞌ kuneeꞌ ni̱ꞌ, sáva kuniꞌ ráa na̱ja viiꞌ nasɨ́kuitɨꞌ kúñáꞌnú ni̱ꞌ ya̱ ntaji nú nu̱u̱nꞌ ni̱ꞌ, chi ñúnúunꞌ nú nuꞌuꞌ ne̱ ntiáꞌan ka̱ꞌ nsa̱ꞌá nú ñɨ̱vɨ́.

Juan 17:6

’Chi rá ñɨvɨ nka̱ji nú iniꞌ ñɨ̱vɨ́ yaꞌá ya̱ ntaji nú ráa nu̱u̱nꞌ ni̱ꞌ, jee nstúvi ni̱ꞌ noꞌó nu̱u̱nꞌ ráa. Rá ñɨvɨ nú nkuvi ráa jee ntaji nú ráa nu̱u̱nꞌ ni̱ꞌ, jee ntɨɨn ráa ñúꞌún iniꞌ ráa tu̱ꞌun nú.

Juan 17:9

’Jee jíkánꞌ táꞌvíꞌ ni̱ꞌ nu̱u̱nꞌ nú jie̱ꞌe̱ꞌ ráa. Nsú jie̱ꞌe̱ꞌ rá ñɨvɨ ñɨ̱vɨ́ ya̱ ntu yɨ́ꞌɨ́ ráa nu̱u̱nꞌ ni̱ꞌ jíkánꞌ táꞌvíꞌ ni̱ꞌ. Chisaꞌ jíkánꞌ táꞌvíꞌ ni̱ꞌ jie̱ꞌe̱ꞌ rá ñɨvɨ ya̱ ntaji nú ráa nu̱u̱nꞌ ni̱ꞌ kɨꞌɨ ráa nu̱u̱nꞌ ni̱ꞌ, chi ñɨvɨ nú ví ráa.

Juan 18:9

Nkachiꞌ re̱ꞌ sukuán sáva sikúnkuvi tu̱ꞌun ya̱ nkaꞌanꞌ re̱ꞌ jín Tátáꞌ re̱ꞌ Ndiosíꞌ, sáá nkachiꞌ re̱ꞌ: “Rá ñɨvɨ ya̱ ntaji nú nu̱u̱nꞌ ni̱ꞌ, jee ntu̱ví nsu̱kuíta ni̱ꞌ ni ɨɨn ráa”, nkachiꞌ re̱ꞌ.

Juan 5:28

’Jee koto tívɨ́ xíniꞌ rán jie̱ꞌe̱ꞌ yaꞌá, chi kiji hora ya̱ teso̱ꞌo nta̱ká kuitɨꞌ rá ni̱yɨ yɨ́ꞌɨ́ veꞌi ñáñá teso̱ꞌo ráa ta̱chi̱yuꞌú ni̱ꞌ.

Juan 6:37

Chi nta̱ká ñɨvɨ ya̱ táji Tátáꞌ ni̱ꞌ nu̱u̱nꞌ ni̱ꞌ, jee natuꞌva ráa nuꞌuꞌ. Jee ɨɨn ñɨvɨ natuꞌva‑a nuꞌuꞌ ni nsáꞌ sukuíta ni̱ꞌ maa nu̱u̱nꞌ ni̱ꞌ.

Juan 6:40

Chi yaꞌá kúvi ya̱ kuíni Tátáꞌ ni̱ꞌ ya̱ nchu̱ichí nuꞌuꞌ: Nta̱ká ñɨvɨ ya̱ jínúꞌ iniꞌ ráa néꞌyá ráa Se̱ꞌya Ndiosíꞌ, jee kúneí iniꞌ ráa maa, jee kutekuꞌ ráa nɨ́ɨ́nkání jín re̱ꞌ, jee xinátekuꞌ i̱i̱ꞌ ni̱ꞌ ráa jee xinákóo ni̱ꞌ ráa kene ráa nteñu rá níꞌiꞌ ki̱vɨ̱ꞌ nu̱u̱nꞌ nɨ́ꞌɨ. Chi nuꞌuꞌ kuvi ni̱ꞌ Se̱ꞌya Ndiosíꞌ ―nkachiꞌ Jesús.

Juan 6:44

Chi ni ɨɨn ñɨvɨ ni nkúvi natuꞌva‑a nu̱u̱nꞌ nuꞌuꞌ, retú nsáꞌ nástúꞌva Tátáꞌ ni̱ꞌ maa nu̱u̱nꞌ ni̱ꞌ. Tátáꞌ ni̱ꞌ ví ya̱ nchu̱ichí nuꞌuꞌ, jee nástúꞌva re̱ꞌ ñɨvɨ nu̱u̱nꞌ ni̱ꞌ, jee xinákóo ni̱ꞌ maa kene‑e nteñu rá níꞌiꞌ ki̱vɨ̱ꞌ nu̱u̱nꞌ nɨꞌɨ.

Juan 6:54

Chi ñɨvɨ ya̱ yájíꞌ‑i yɨkɨkúñu ni̱ꞌ, jín ya̱ koꞌo rán ni̱ñɨ̱ꞌ ni̱ꞌ, ya̱ níꞌínꞌ ráa ya̱ tékúꞌ ráa nɨ́ɨ́nkání jín Ndiosíꞌ jee nuꞌuꞌ jee xinátekuꞌ i̱i̱ꞌ ni̱ꞌ ráa jee xinákóo ni̱ꞌ ráa kene ráa nteñu rá níꞌiꞌ ki̱vɨ̱ꞌ nu̱u̱nꞌ nɨ́ꞌɨ.

Romanos 8:11

Jee nna̱xinákóo Ndiosíꞌ Jesús nkene‑e nteñu rá ni̱yɨ jee nxi̱nátekuꞌ re̱ꞌ maa. Jee nu̱u̱nꞌ yɨ́ꞌɨ́ Ta̱chi̱ꞌ Ííꞌ re̱ꞌ iniꞌ rán, jee maáréꞌ ya̱ nna̱xinákóo ñunéꞌyúꞌ Cristo Jesús nkene‑e nteñu rá ni̱yɨ jee suni sukuán maáréꞌ xinátekuꞌ re̱ꞌ ñunéꞌyúꞌ rán ya̱ jíꞌíꞌ. Jee saꞌá re̱ꞌ maa jín Ta̱chi̱ꞌ Ííꞌ re̱ꞌ ya̱ yɨ́ꞌɨ́‑ɨ iniꞌ rán.

1 Corintios 6:14

Chi Ndiosíꞌ ya̱ nxi̱nákóo re̱ꞌ yɨkɨkúñu I̱toꞌoꞌ‑ó Jesús jee nxi̱nátekuꞌ i̱i̱ꞌ re̱ꞌ maa nkene‑e nteñu rá ni̱yɨ, jee suni sukuán xinákóo re̱ꞌ yɨkɨkúñu‑ó jín fuersáꞌ ííꞌ níꞌin níso re̱ꞌ.

2 Timoteo 2:19

Soo jiákɨ́nꞌ kutú Ndiosíꞌ tu̱ꞌun re̱ꞌ, nu̱u̱nꞌ jiáni kutú re̱ꞌ rá ñɨvɨ re̱ꞌ. Jee níso vá tu̱ꞌun yaꞌá kuéntáꞌ ɨɨn seyúꞌ ya̱ káchíꞌ‑i: “Jíníꞌ I̱toꞌoꞌ‑ó rá ñɨvɨ yɨ́ꞌɨ́ nu̱u̱nꞌ re̱ꞌ”, jín, “Nta̱ká ñɨvɨ ya̱ jiáꞌayuꞌú ráa ya̱ I̱toꞌoꞌ ráa ví Cristo, íyó saꞌá sɨ́ɨ́n ráa maáráa nu̱u̱nꞌ rá níváꞌa.”

Santiago 5:15

Jee nu̱u̱nꞌ jíkánꞌ táꞌvíꞌ ráa jín ya̱ kúneí iniꞌ ráa Ndiosíꞌ, jee yukuán xinúvi‑i ñɨvɨ kúꞌvíꞌ vá, jee nako̱o‑o saꞌá I̱toꞌoꞌ‑ó nusɨ̱ɨ̱ꞌ iniꞌ‑i. Jee retú nsa̱ꞌá ñɨvɨ kúꞌvíꞌ vá kua̱chi jee kunekáꞌnú iniꞌ Ndiosíꞌ kune̱ꞌyá re̱ꞌ maa.

1 Pedro 1:5

Chi jie̱ꞌe̱ꞌ ya̱ kúneí iniꞌ rán ya̱ sáꞌá Ndiosíꞌ jie̱ꞌe̱ꞌ rán, saáva kúmí re̱ꞌ ránoꞌó jín fuersáꞌ ííꞌ ni̱ꞌin re̱ꞌ sáva ni̱ꞌi̱nꞌ rán xinánitáꞌvíꞌ re̱ꞌ ránoꞌó ya̱ íyó stákoo‑o nsa̱ꞌá re̱ꞌ sáva stúvi nijinꞌ re̱ꞌ maa sáá kenta tióꞌ nu̱u̱nꞌ nɨ́ꞌɨ.

Judas 1:1

Nuꞌuꞌ Judas, ya̱ kúvi ni̱ꞌ musúꞌ Jesús, níso re̱ꞌ tiñu Cristo ya̱ ñani Ndiosíꞌ re̱ꞌ sáva tatúníꞌ re̱ꞌ nu̱u̱nꞌ nɨꞌɨ. Jee kúvi ni̱ꞌ ñaniꞌ Jacobo. Jee tée ni̱ꞌ tutuꞌ yaꞌá nu̱u̱nꞌ ránoꞌó ñɨvɨ ya̱ nkana Tátáꞌ‑ó Ndiosíꞌ ránoꞌó kɨꞌɨ rán nu̱u̱nꞌ re̱ꞌ, jee ñúnúunꞌ re̱ꞌ ránoꞌó. Jee maá Jesús, ya̱ kúvi re̱ꞌ Cristo, jee kúmí re̱ꞌ ránoꞌó ya̱ yɨ́ꞌɨ́ rán xi̱ntíín re̱ꞌ.