Juan 6:36 - Mixteco del suroeste de Tlaxiaco Oaxaca

³⁶ Soo sáni nkachiꞌ ni̱ꞌ nu̱u̱nꞌ rán, ya̱ ntu̱ví kúneí iniꞌ rán nuꞌuꞌ, súka̱ꞌ ya̱ niniꞌ rán nuꞌuꞌ.

Juan 6:36 ပူးပေါင်းရင်းမြစ်များ

Lucas 16:31

’Soo nkachiꞌ Abraham nu̱u̱nꞌ‑u: “Soo retú ntu tɨɨn kuéntáꞌ ráa tu̱ꞌun ntee Moisés jín rá tu̱ꞌun nna̱kani rá te̱e ya̱ njiáꞌa Ndiosíꞌ nu̱u̱nꞌ rává, jee asúnika̱ꞌ natekuꞌ ɨɨn ni̱yɨ nako̱o‑o kɨ̱ꞌɨ̱nꞌ‑ɨ nu̱u̱nꞌ ráa, suni ni nsáꞌ sijínúꞌ‑u iniꞌ ráa”, nkachiꞌ Abraham ―nkachiꞌ Jesús.

Juan 12:37

Soo súnika̱ꞌ kue̱ꞌe̱ꞌ víꞌí rá seña a̱nasɨ́ nsa̱ꞌá Jesús nu̱u̱nꞌ ráa, soo ni ntu̱ví nínúꞌ iniꞌ ráa re̱ꞌ.

Juan 15:24

Chi retánꞌ ni ntu̱ví nsáꞌá ni̱ꞌ rá tiñu a̱nasɨ́ váꞌa nteñu ráa, ya̱ ntu̱ví sáꞌá ni ɨɨn inka ñɨvɨ maa, jee nsáꞌ koo kua̱chi si̱kɨ̱ꞌ ráa nékúvi. Soo vitan jee ya̱ niniꞌ ráa rá tiñu ya̱ nsa̱ꞌá ni̱ꞌ jee táꞌvi iniꞌ ráa néꞌyá ráa nuꞌuꞌ jín Tátáꞌ ni̱ꞌ.

Juan 6:26

Jee nna̱xiníkó Jesús nu̱u̱nꞌ ráa jee nkachiꞌ re̱ꞌ: ―Máá nááꞌ vá káchíꞌ ni̱ꞌ nu̱u̱nꞌ rán ya̱ nánukú rán nuꞌuꞌ nsú jie̱ꞌe̱ꞌ ya̱ niniꞌ rán rá seña a̱nasɨ́ nsa̱ꞌá ni̱ꞌ, chisaꞌ jie̱ꞌe̱ꞌ ya̱ nyajiꞌ rán i̱xta̱tíláꞌ ne̱ nnaꞌaꞌ iniꞌ rán.

Juan 6:30

Saáva nkachiꞌ ráa nu̱u̱nꞌ re̱ꞌ: ―¿Na̱ seña a̱nasɨ́ saꞌá nú sáva kuniꞌ ráníꞌ maa, sáva i̱nu̱ꞌ iniꞌ ránꞌ noꞌó? ¿Na̱ tiñu saꞌá nú?

Juan 6:37

Chi nta̱ká ñɨvɨ ya̱ táji Tátáꞌ ni̱ꞌ nu̱u̱nꞌ ni̱ꞌ, jee natuꞌva ráa nuꞌuꞌ. Jee ɨɨn ñɨvɨ natuꞌva‑a nuꞌuꞌ ni nsáꞌ sukuíta ni̱ꞌ maa nu̱u̱nꞌ ni̱ꞌ.

Juan 6:40

Chi yaꞌá kúvi ya̱ kuíni Tátáꞌ ni̱ꞌ ya̱ nchu̱ichí nuꞌuꞌ: Nta̱ká ñɨvɨ ya̱ jínúꞌ iniꞌ ráa néꞌyá ráa Se̱ꞌya Ndiosíꞌ, jee kúneí iniꞌ ráa maa, jee kutekuꞌ ráa nɨ́ɨ́nkání jín re̱ꞌ, jee xinátekuꞌ i̱i̱ꞌ ni̱ꞌ ráa jee xinákóo ni̱ꞌ ráa kene ráa nteñu rá níꞌiꞌ ki̱vɨ̱ꞌ nu̱u̱nꞌ nɨ́ꞌɨ. Chi nuꞌuꞌ kuvi ni̱ꞌ Se̱ꞌya Ndiosíꞌ ―nkachiꞌ Jesús.

Juan 6:64

Soo íyó sava rán ntu kúneí iniꞌ rán nuꞌuꞌ. Nkachiꞌ Jesús suꞌva chi ne̱ xíꞌnañúꞌún ya̱ jíníꞌ re̱ꞌ né ɨɨn ví rá ñɨvɨ ya̱ ntu ínúꞌ iniꞌ ráa re̱ꞌ, jín né ɨɨn ví ya̱ naku̱ꞌva‑a re̱ꞌ nu̱u̱nꞌ rá te̱e nísotíñú.