Juan 6:24 - Mixteco del suroeste de Tlaxiaco Oaxaca

²⁴ Jee sáá niniꞌ rá ñɨvɨ vá ya̱ ntu ka̱ꞌ nééꞌ Jesús yukuán, ni rá te̱e súkuáꞌa re̱ꞌ vá, jee nki̱vɨ rá ñɨvɨ vá iniꞌ rá barkúꞌ vá jee kua̱ꞌa̱nꞌ ráa ne̱ ñuunꞌ Capernaum, kua̱nanukú ráa Jesús.

Juan 6:24 ပူးပေါင်းရင်းမြစ်များ

Mateo 14:34

Jee sáá njia̱ꞌa ráa íyo ka̱ꞌ ichi yúnteñúꞌún vá, jee nkenta ráa nu̱u̱nꞌ káá ñuꞌun ñuunꞌ Genesaret.

Marcos 1:37

Jee sáá nna̱niꞌinꞌ ráa re̱ꞌ, nkachiꞌ ráa nu̱u̱nꞌ re̱ꞌ: ―Nɨꞌɨ ránuꞌuꞌ nánukú ránꞌ noꞌó.

Marcos 6:53

Jee sáá njia̱ꞌa ráa íyo ka̱ꞌ ichi yúnteñúꞌún vá jee nkenta ráa nu̱u̱nꞌ káá ñuunꞌ Genesaret. Jee niꞌniꞌ ráa barkúꞌ yuꞌú nteñúꞌún.

Lucas 8:40

Jee sáá nni̱kó Jesús nna̱kuatáꞌví rá ñɨvɨ kue̱ꞌe̱ꞌ íñɨ́ yukuán re̱ꞌ, chi nétu kuvi ráa re̱ꞌ.

Juan 20:15

Nkachiꞌ Jesús nu̱u̱nꞌ ña: ―Nánáꞌ, ¿na̱ kuvi chi náꞌyúꞌ nú? ¿Né ɨɨn nánukú nú? ―nkachiꞌ re̱ꞌ nu̱u̱nꞌ ña. Soo káꞌvi iniꞌ ña ya̱ kúvi re̱ꞌ ɨɨn te̱e ya̱ kúmí tataꞌ sáꞌá káá yukuán, jee nkachiꞌ ña nu̱u̱nꞌ re̱ꞌ: ―Tátáꞌ, retú suvinú kua̱ꞌa̱nꞌ nú jín re̱ꞌ, jee kachiꞌ nú né núꞌ nsa̱ꞌá nú maa sáva nakeꞌen ni̱ꞌ maa kɨ̱ꞌɨ̱nꞌ ni̱ꞌ jín‑i ―nkachiꞌ ña.

Juan 6:17

Jee nki̱vɨ ráa iniꞌ ɨɨn barkúꞌ, jee kua̱ꞌa̱nꞌ ráa íyo ka̱ꞌ ichi yúnteñúꞌún nu̱u̱nꞌ káá ñuunꞌ Capernaum. Jee ya nku̱neenꞌ, jee ntiáꞌan nenta Jesús nu̱u̱nꞌ ráa.

Juan 6:23

Jee rá inka ka̱ꞌ barkúꞌ va̱ji ichi ñuunꞌ Tiberias, jee nkenta rává yatin nu̱u̱nꞌ nneeꞌ ráa nyajiꞌ ráa i̱xta̱tíláꞌ sáá njia̱ꞌa Jesús ya̱ kútaꞌviꞌ nu̱u̱nꞌ Ndiosíꞌ jie̱ꞌe̱ꞌ‑e.

Juan 6:26

Jee nna̱xiníkó Jesús nu̱u̱nꞌ ráa jee nkachiꞌ re̱ꞌ: ―Máá nááꞌ vá káchíꞌ ni̱ꞌ nu̱u̱nꞌ rán ya̱ nánukú rán nuꞌuꞌ nsú jie̱ꞌe̱ꞌ ya̱ niniꞌ rán rá seña a̱nasɨ́ nsa̱ꞌá ni̱ꞌ, chisaꞌ jie̱ꞌe̱ꞌ ya̱ nyajiꞌ rán i̱xta̱tíláꞌ ne̱ nnaꞌaꞌ iniꞌ rán.

Juan 6:59

Jee rá tu̱ꞌun yukuán nkachiꞌ Jesús sáá xínéꞌénꞌ re̱ꞌ rá ñɨvɨ iniꞌ veꞌi sinagoga nu̱u̱nꞌ kútútú rá ñɨvɨ Israel ñuunꞌ Capernaum.

Juan 7:11

Jee rá te̱e kúñáꞌnú nu̱u̱nꞌ rá ñɨvɨ Israel nna̱nukú ráa re̱ꞌ viko, jee sava ráa nkachiꞌ: ―¿Né núꞌ íyó te̱e yukuán rúja? ―nkachiꞌ ráa.