Juan 5:34 - Mixteco del suroeste de Tlaxiaco Oaxaca

³⁴ Soo nuꞌuꞌ chi ntu jíniñúꞌún ni̱ꞌ ya̱ ku̱ꞌva inka ñɨvɨ ya̱ naáꞌ jie̱ꞌe̱ꞌ ni̱ꞌ, soo rá tu̱ꞌun yaꞌá káchíꞌ ni̱ꞌ maa sáva retú i̱nu̱ꞌ iniꞌ rán ya̱ naáꞌ jee ni̱ꞌi̱nꞌ rán ya̱ natavaꞌ Ndiosíꞌ ránoꞌó nu̱u̱nꞌ kua̱chi rán jee nanitáꞌvíꞌ rán.

Juan 5:34 ပူးပေါင်းရင်းမြစ်များ

Lucas 13:34

’¡Jerusalén! ¡Jerusalén! Ránoꞌó ñɨvɨ ñuunꞌ vá ya̱ jiáꞌníꞌ rán rá te̱e ya̱ nákani ráa rá tu̱ꞌun kéne yuꞌú máá maá Ndiosíꞌ, jee kúun rán yu̱u̱ꞌ rá te̱e ya̱ nchu̱ichí Ndiosíꞌ va̱ji nu̱u̱nꞌ nú. Jee kue̱ꞌe̱ꞌ íchí nkuini ni̱ꞌ nastútú ni̱ꞌ rá se̱ꞌya ñuunꞌ nú, kuéntáꞌ kua̱ꞌ nastútú ɨɨn che̱tán rá se̱ꞌya ti̱ꞌ chi̱ji rá chi̱yo̱ꞌ ti̱ꞌ, soo ntu nkuíni nú.

Lucas 19:10

Chi nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, va̱ji ni̱ꞌ nánukú ni̱ꞌ rá ñɨvɨ súkuíta ráa maáráa síkɨ́naanꞌ ráa maáráa jee sáva sikáku ni̱ꞌ ráa ―nkachiꞌ Jesús.

Lucas 24:47

Jee te̱ku̱tu̱ꞌún tu̱ꞌun ni̱ꞌ ya̱ nu̱u̱nꞌ nuꞌuꞌ váji ya̱ nakani iniꞌ ñɨvɨ jie̱ꞌe̱ꞌ kua̱chi ráa sáva kunekáꞌnú iniꞌ Ndiosíꞌ ráa jie̱ꞌe̱ꞌ kua̱chi ráa. Te̱ku̱tu̱ꞌún tu̱ꞌun ni̱ꞌ nu̱u̱nꞌ rá ñɨvɨ ntáká rá ñuunꞌ kua̱íyó ñɨ̱vɨ́ jee kajiéꞌé‑e ne̱ ñuunꞌ Jerusalén.

Juan 20:31

Soo rá tu̱ꞌun yaꞌá ntee ni̱ꞌ nu̱u̱nꞌ tutuꞌ yaꞌá, sáva ránoꞌó ji̱nu̱ꞌ iniꞌ rán ya̱ Jesús kúvi re̱ꞌ Cristo, ya̱ nátavaꞌ‑a ñɨvɨ nu̱u̱nꞌ kua̱chi ráa, jín ya̱ kúvi re̱ꞌ Se̱ꞌya Ndiosíꞌ, jee sáva ni̱ꞌi̱nꞌ rán ya̱ kutekuꞌ rán nɨ́ɨ́nkání jín re̱ꞌ jie̱ꞌe̱ꞌ ya̱ kúneí iniꞌ rán re̱ꞌ.

Juan 5:32

Soo íyó inka ka̱ꞌ ya̱ jiáꞌa ya̱ naáꞌ jie̱ꞌe̱ꞌ nuꞌuꞌ. Jee jíníꞌ ni̱ꞌ ya̱ íyó na̱a̱ꞌ nijia tu̱ꞌun ya̱ jiáꞌa re̱ꞌ jie̱ꞌe̱ꞌ ni̱ꞌ.

Juan 5:41

Ntu núkú ni̱ꞌ ya̱ nakuetúꞌún rá ñɨvɨ nuꞌuꞌ.

Juan 8:54

Saájee nna̱xiníkó Jesús: ―Retánꞌ nuꞌuꞌ nákuetúꞌún ni̱ꞌ maáníꞌ jee ntu̱náꞌ yɨ́yáꞌvi ya̱ nákuetúꞌún ni̱ꞌ maáníꞌ. Maá Tátáꞌ ni̱ꞌ kúvi ya̱ nákuetúꞌún re̱ꞌ nuꞌuꞌ. Jee maáréꞌ kúvi ya̱ káchíꞌ rán ya̱ Ndiosíꞌ rán kúvi re̱ꞌ.

Romanos 10:1

Ránoꞌó ñaniꞌ jín ku̱ꞌva ni̱ꞌ ya̱ yɨ́ꞌɨ́ rán naꞌá Cristo, ñúkúvi víꞌí iniꞌ ánímaꞌ ni̱ꞌ jie̱ꞌe̱ꞌ rá ñɨvɨ Israel ya̱ natavaꞌ Ndiosíꞌ ráa nu̱u̱nꞌ kua̱chi ráa sikáku re̱ꞌ ráa. Jee jie̱ꞌe̱ꞌ vá jíkánꞌ táꞌvíꞌ ni̱ꞌ nu̱u̱nꞌ Ndiosíꞌ jie̱ꞌe̱ꞌ ráa.

Romanos 10:21

Soo jie̱ꞌe̱ꞌ rá ñɨvɨ Israel nkaꞌanꞌ Isaías ya̱ nkachiꞌ Ndiosíꞌ jie̱ꞌe̱ꞌ ráa: “Nuví niñuꞌ síkááꞌ ni̱ꞌ rá naꞌá ni̱ꞌ nu̱u̱nꞌ ráa kána ni̱ꞌ ráa nu̱u̱nꞌ ni̱ꞌ ya̱ kúvi ráa ñɨvɨ ya̱ ntu káníjiá ráa jín ya̱ jiááꞌ iniꞌ ráa.”

Romanos 12:21

Koto jia̱ꞌa rán ya̱ kuneí ya̱ niváꞌa jín rán, chisaꞌ saꞌá rán ya̱ váꞌa jee suꞌva kuneí nú jín ya̱ niváꞌa vá.

Romanos 3:3

Jee, ¿ná kuvi retú sava ráa ntu nsi̱kúnkuvi na̱a̱ꞌ ráa nu̱u̱nꞌ Ndiosíꞌ? ¿Á saꞌá yukuán ya̱ nsáꞌ sikúnkuvi na̱a̱ꞌ Ndiosíꞌ tu̱ꞌun njia̱ꞌayuꞌú re̱ꞌ rúja?

1 Corintios 9:22

Jee sáá nééꞌ ni̱ꞌ jín rá ñaniꞌ‑ó ya̱ táyáꞌ iniꞌ tu̱jiáni iniꞌ ráa jie̱ꞌe̱ꞌ ya̱ ntiáꞌan kujia iniꞌ ráa nu̱u̱nꞌ Tu̱ꞌun Ndiosíꞌ, jee suni sukuán jiáꞌnu ni̱ꞌ sáni jiáꞌnu maáráa ya̱ táyáꞌ iniꞌ, sáva ni̱ꞌi̱nꞌ ni̱ꞌ ya̱ sijínúꞌ ni̱ꞌ iniꞌ ráa tu̱ꞌun vá. Jee sukuán násaꞌá ni̱ꞌ maáníꞌ, chi jiáꞌnu ni̱ꞌ sánikua̱ꞌ jiáꞌnu ntáká nu̱u̱nꞌ ñɨvɨ, sáva sú na̱ja ka̱ꞌ kuneí sijínúꞌ ni̱ꞌ iniꞌ sava ráa ji̱nu̱ꞌ iniꞌ ráa Jesús jee natavaꞌ re̱ꞌ ráa nu̱u̱nꞌ kua̱chi ráa sikáku re̱ꞌ ráa.

1 Timoteo 4:16

Nito koo nú maánú na̱sa jiáꞌnu nú jín nu̱u̱nꞌ tu̱ꞌun xínéꞌénꞌ nú. Jee kuni̱ꞌin nú nu̱u̱nꞌ tiñu yaꞌá, chi retú sáꞌá nú suꞌva, jee saꞌá nú ya̱ maánú jín suni rá ñɨvɨ tésóꞌo ya̱ káchíꞌ nú, kunikɨnꞌ va̱ꞌa rán ichi nátavaꞌ Ndiosíꞌ ránoꞌó nu̱u̱nꞌ kua̱chi rán síkáku re̱ꞌ ránoꞌó.

1 Juan 5:9

Jee nu̱u̱nꞌ ya̱ tɨ́ɨn kuéntáꞌ‑ó tu̱ꞌun jiáꞌa rá ñɨvɨ ya̱ naáꞌ, soo ya̱ ñáꞌnú ka̱ꞌ ví tu̱ꞌun na̱a̱ꞌ jiáꞌa Ndiosíꞌ, chi tu̱ꞌun na̱a̱ꞌ Ndiosíꞌ ví yaꞌá, chi njia̱ꞌa re̱ꞌ ya̱ naáꞌ jie̱ꞌe̱ꞌ Se̱ꞌya re̱ꞌ.