Juan 3:29 - Mixteco del suroeste de Tlaxiaco Oaxaca

²⁹ Chi te̱e tánáꞌá ví ya̱ íyó re̱ꞌ jín ñaꞌan tánáꞌá jín re̱ꞌ. Soo te̱e ya̱ ma̱ni̱ꞌ jín te̱e tánáꞌá vá jee íñɨ́ re̱ꞌ jín te̱e tánáꞌá vá jee tésóꞌo re̱ꞌ rá tu̱ꞌun káꞌánꞌ‑a. Jee kúsɨ́ɨꞌ nasɨ́kuitɨꞌ iniꞌ re̱ꞌ tésóꞌo re̱ꞌ ya̱ káchíꞌ te̱e tánáꞌá vá. Saájee suni sukuán chítú ya̱ kúsɨ́ɨꞌ iniꞌ ni̱ꞌ.

Juan 3:29 ပူးပေါင်းရင်းမြစ်များ

Mateo 22:2

―Suꞌva tátúníꞌ Ndiosíꞌ nééꞌ antivɨ́ súkún nu̱u̱nꞌ rá ñɨvɨ yɨ́ꞌɨ́ xi̱ntíín re̱ꞌ, kúnkunuún kúvi‑i kuéntáꞌ ɨɨn te̱e ya̱ tátúníꞌ ɨɨn ñuunꞌ, jee maáréꞌ nsa̱ꞌá re̱ꞌ ɨɨn viko tána̱ꞌá se̱ꞌya yɨ́ɨ́ re̱ꞌ.

Mateo 25:1

’Saájee, nééꞌ Ndiosíꞌ antivɨ́ súkún jee suꞌva kenta tatúníꞌ re̱ꞌ nu̱u̱nꞌ rá ñɨvɨ kívɨ naꞌá re̱ꞌ kuéntáꞌ u̱ji̱ꞌ rá ñaꞌan súchí núún íyó ninuꞌun, ya̱ ntɨɨn tanu̱u̱nꞌ ráa kantil ráa, jee nkene ráa kua̱taꞌanꞌ ráa te̱e tánáꞌá.

Mateo 9:15

Soo nkachiꞌ Jesús nu̱u̱nꞌ ráa: ―¿Á kuvi kukuíꞌyáꞌ iniꞌ rá ñɨvɨ kútáꞌán jín te̱e sukuán tánáꞌá ni nééꞌ re̱ꞌ jín ráa rúja? Ntu̱ví. Soo kenta rá ki̱vɨ̱ꞌ siíyo rá inka ñɨvɨ te̱e sukuán tánáꞌá vá nu̱u̱nꞌ ráa, saájee kuneeꞌ niteꞌ ráa.

Lucas 15:6

Jee sáá nenta‑a veꞌi‑i, jee kana‑a rá ñɨvɨ ma̱ni̱ꞌ jín‑i jín rá ñɨvɨ nééꞌ yatin jín‑i, jee kachiꞌ‑i nu̱u̱nꞌ ráa: “Kusɨ̱ɨ̱ꞌ iniꞌ rán jín nuꞌuꞌ, chi nna̱niꞌinꞌ ni̱ꞌ lanchi ni̱ꞌ ya̱ nsu̱kuíta ti̱ꞌ maátíꞌ”, kachiꞌ‑i.

Juan 15:11

Nkachiꞌ ni̱ꞌ rá tu̱ꞌun yaꞌá nu̱u̱nꞌ rán, sáva kusɨ̱ɨ̱ꞌ iniꞌ ánímaꞌ rán kuéntáꞌ kúsɨ́ɨꞌ iniꞌ ni̱ꞌ, jee sáva chuchítú ni̱ꞌ nu̱u̱nꞌ kúsɨ́ɨꞌ iniꞌ ánímaꞌ rán.

Juan 16:24

Ne̱ vitan jee ni ntiáꞌan ka̱ka̱nꞌ rán nu̱u̱nꞌ Tátáꞌ ni̱ꞌ nu̱u̱nꞌ súví nuꞌuꞌ. Jee vitan jee íyó ka̱ka̱nꞌ rán jie̱ꞌe̱ꞌ yɨ́ꞌɨ́ rán nu̱u̱nꞌ ni̱ꞌ jee ni̱ꞌi̱nꞌ rán ya̱ taji re̱ꞌ nu̱u̱nꞌ rán, sáva chitú ya̱ kúsɨ́ɨꞌ nasɨ́kuitɨꞌ iniꞌ rán.

Juan 17:13

’Soo vitan jee kua̱najiaaꞌ ni̱ꞌ nu̱u̱nꞌ nééꞌ nú, soo ni nééꞌ ni̱ꞌ ntíꞌ ka̱ꞌ iniꞌ ñɨ̱vɨ́ yaꞌá jee káchíꞌ ni̱ꞌ rá tu̱ꞌun yaꞌá, sáva chitú ya̱ kusɨ̱ɨ̱ꞌ nasɨ́kuitɨꞌ iniꞌ ánímaꞌ ráa, kuéntáꞌ kúsɨ́ɨꞌ iniꞌ nuꞌuꞌ.

Juan 3:30

Chi saá íyó kukueꞌeꞌ ka̱ꞌ kúñáꞌnú Jesús, jee nuꞌuꞌ chi saá íyó nuyakuꞌ ka̱ꞌ tiñu níso nuꞌuꞌ.

2 Corintios 11:2

Chi ñúꞌún kuíñɨ́ iniꞌ ni̱ꞌ néꞌyá ni̱ꞌ ránoꞌó, sáni kuíñɨ́ iniꞌ maá Ndiosíꞌ néꞌyá re̱ꞌ ránoꞌó. Chi nsa̱ꞌá ni̱ꞌ kuéntáꞌ te̱e jíka na̱ꞌvi̱ꞌ, chi njia̱ꞌayuꞌú ni̱ꞌ ku̱ꞌva ni̱ꞌ ránoꞌó nu̱u̱nꞌ métúꞌún Cristo, kuéntáꞌ kúvi re̱ꞌ yɨɨ́ rán, ku̱ꞌva ni̱ꞌ ránoꞌó nu̱u̱nꞌ re̱ꞌ kuéntáꞌ jiáꞌa ráa ɨɨn ñaꞌan núún íyó ninuꞌun nu̱u̱nꞌ yɨɨ́ ña.

Filipenses 2:2

Jee nu̱u̱nꞌ íyó suꞌva nijia, jee saꞌá rán ya̱ chuchítú ya̱ nasásɨ́ɨꞌ kue̱ꞌe̱ꞌ rán ka̱ꞌ iniꞌ ánímaꞌ ni̱ꞌ, jie̱ꞌe̱ꞌ ya̱ nuún iniꞌ rán, jín jie̱ꞌe̱ꞌ ya̱ ɨɨn nuún kunu̱u̱nꞌ rán ɨɨn inka rán, jín jie̱ꞌe̱ꞌ ya̱ kani nuún iniꞌ rán, jín jie̱ꞌe̱ꞌ ya̱ kuꞌun nuún iniꞌ rán.

1 Juan 1:4

Tée ráníꞌ rá tu̱ꞌun yaꞌá nu̱u̱nꞌ ránú sáva chuchítú ya̱ kúsɨ́ɨꞌ iniꞌ ánímaꞌ ránú.

2 Juan 1:12

Íyó kue̱ꞌe̱ꞌ na̱ tu̱ꞌun tee ni̱ꞌ nu̱u̱nꞌ rán, soo ntu kuíni ni̱ꞌ tee ni̱ꞌ maa jín tinta nu̱u̱nꞌ tutuꞌ, chi íyó tu̱ꞌun neí iniꞌ ni̱ꞌ ya̱ kua̱jiane̱ꞌyá ni̱ꞌ ránoꞌó, jee kaꞌanꞌ máá maáó sáva ji̱nu iniꞌ ni̱ꞌ ya̱ kusɨ̱ɨ̱ꞌ iniꞌ ánímaꞌ‑ó.

Apoclipsis 21:9

Jee ɨɨn táꞌán rá ni uxáꞌ najiáꞌáꞌ ííꞌ ya̱ ínaꞌá ni uxáꞌ rá ko̱ꞌo̱ꞌ ya̱ ñúꞌún chitú ni uxáꞌ rá tu̱nóꞌó koo nu̱u̱nꞌ nɨ́ꞌɨ vá, nkenta re̱ꞌ nu̱u̱nꞌ ni̱ꞌ, jee nkachiꞌ re̱ꞌ: ―Neꞌenꞌ, jee xinéꞌénꞌ ni̱ꞌ noꞌó ñaꞌan ya̱ tana̱ꞌá ña, jee kuvi ña ñasɨ́ꞌɨ́ maáréꞌ ya̱ kúvi re̱ꞌ Lanchi Lúlí Ndiosíꞌ ―nkachiꞌ najiáꞌáꞌ ííꞌ vá.