Juan 21:25 - Mixteco del suroeste de Tlaxiaco Oaxaca

²⁵ Jee suni íyó kue̱ꞌe̱ꞌ víꞌí ka̱ꞌ rá inka tiñu ya̱ nsa̱ꞌá Jesús, jee retánꞌ tee jie̱ꞌe̱ꞌ ta ɨɨn ɨɨn rá tiñu nsa̱ꞌá re̱ꞌ, jee káꞌvi iniꞌ ni̱ꞌ ya̱ ni nkénta iniꞌ ñɨ̱vɨ́ yaꞌá koo rá tutuꞌ ya̱ kuneeꞌ rá tu̱ꞌun jie̱ꞌe̱ꞌ tiñu nsa̱ꞌá re̱ꞌ. Sukuán koo.

Juan 21:25 ပူးပေါင်းရင်းမြစ်များ

Mateo 11:5

Rá ñɨvɨ kuáá jee núnijinꞌ nchinúún ráa jee nákune̱ꞌyá ráa, jee rá ñɨvɨ lénkó nákaka ráa, jee rá ñɨvɨ nóꞌo kue̱ꞌi̱ꞌ ni̱ꞌyɨ stéꞌyúꞌ ñɨɨn naní lepra jee kuíyo ni̱ꞌyɨ ñɨɨn ráa jee nónoo ráa nu̱u̱nꞌ kue̱ꞌi̱ꞌ ráa, jee rá ñɨvɨ sóꞌó jee núnijinꞌ so̱ꞌo ráa, jee rá ni̱yɨ jee nátekuꞌ ráa sáꞌá ni̱ꞌ, jee nu̱u̱nꞌ rá ñɨvɨ láꞌví káchítu̱ꞌún ni̱ꞌ tu̱ꞌun váꞌa jie̱ꞌe̱ꞌ nuꞌuꞌ ya̱ kuvi ni̱ꞌi̱nꞌ ráa ya̱ natavaꞌ ni̱ꞌ ráa nu̱u̱nꞌ kua̱chi ráa sikáku ni̱ꞌ ráa.

Mateo 19:24

Jee tukuni níkó ni̱ꞌ káchíꞌ ni̱ꞌ nu̱u̱nꞌ rán, ya̱ víjí ka̱ꞌ ki̱vɨ ɨɨn ñɨvɨ kúká xi̱ntíín Ndiosíꞌ nu̱u̱nꞌ tatúníꞌ re̱ꞌ nu̱u̱nꞌ‑u nsú káꞌ jia̱ꞌa ɨɨn kitɨ máá káꞌnú naní kameyúꞌ ɨɨn yaviꞌ jie̱ꞌe̱ꞌ yɨkɨtíkú ―nkachiꞌ Jesús.

Marcos 5:16

Jee rá ñɨvɨ niniꞌ ya̱ nkuvi, jee nna̱kani ráa nu̱u̱nꞌ rá ñɨvɨ nkenta yukuán, ya̱ nkuvi jín te̱e nyɨ́ꞌɨ rá ta̱chi̱ꞌ néꞌí jín rá kúchíꞌ.

Hechos 10:38

Jesús kúvi re̱ꞌ te̱e ñuunꞌ Nazaret. Jíníꞌ rán ya̱ ñani Ndiosíꞌ re̱ꞌ jee njia̱ꞌa‑a nu̱u̱nꞌ re̱ꞌ Ta̱chi̱ꞌ Ííꞌ‑i jín fuersáꞌ ííꞌ‑i. Jee ni̱kónúun re̱ꞌ nsa̱ꞌá re̱ꞌ ya̱ váꞌa, jee nxi̱núvi re̱ꞌ rá ñɨvɨ nóꞌo sáꞌá kui̱ꞌna̱ꞌ kúñáꞌnú, chi Ndiosíꞌ íñɨ́ jín re̱ꞌ.

Hechos 20:35

Jee jie̱ꞌe̱ꞌ nsa̱ꞌá ni̱ꞌ nɨꞌɨ yaꞌá, jee suꞌva nna̱stúvi ni̱ꞌ ya̱ íyó satíñú ni̱ꞌin‑ó sukuán, sáva chineí‑ó rá ñɨvɨ kúmániꞌ nu̱u̱nꞌ. Naku̱ꞌun iniꞌ rán tu̱ꞌun ya̱ nkachiꞌ I̱toꞌoꞌ‑ó Jesús: “Netuꞌ kúvi‑ó ka̱ꞌ ku̱ꞌva‑ó nsú ká natɨɨn‑ó.”

Hebreos 11:32

¿Ná kachiꞌ ni̱ꞌ ka̱ꞌ rúja? Ntu néen ka̱ꞌ nakani ni̱ꞌ jie̱ꞌe̱ꞌ Gedeón, Barac, Sansón, Jefté, David, Samuel, jín rá ñɨvɨ nna̱kani ráa tu̱ꞌun nkene yuꞌú Ndiosíꞌ.