Juan 21:19 - Mixteco del suroeste de Tlaxiaco Oaxaca

¹⁹ Nkachiꞌ Jesús rá tu̱ꞌun yaꞌá sáva stúvi‑i na̱ja kuviꞌ Pedro, jee jie̱ꞌe̱ꞌ na̱ja kuviꞌ Pedro stúvi‑i ya̱ kúñáꞌnú nasɨ́kuitɨꞌ Ndiosíꞌ. Jee sáá nkuvi nkachiꞌ Jesús rá tu̱ꞌun yaꞌá, jee kuíre nkachiꞌ tuku re̱ꞌ nu̱u̱nꞌ Pedro: ―¡Kunikɨnꞌ nuꞌuꞌ!

Juan 21:19 ပူးပေါင်းရင်းမြစ်များ

Mateo 10:38

Jee néni ɨɨn ñɨvɨ ya̱ ntu jiéꞌnéꞌ iniꞌ‑i kunikɨnꞌ‑ɨ nuꞌuꞌ chi ntu jiéꞌnéꞌ iniꞌ‑i kunoꞌo‑o súka̱ꞌ ne̱ kuviꞌ‑i kuéntáꞌ ɨɨn ya̱ níso‑o kurúsiꞌ sáva kuviꞌ‑i nu̱u̱nꞌ vá jee ntu níkɨ́nꞌ‑ɨ nuꞌuꞌ jee nsú ñɨvɨ ya̱ íyó ni̱ꞌi̱nꞌ‑i ya̱ kɨꞌɨ‑ɨ xi̱ntíín ni̱ꞌ.

Mateo 19:28

Jee nkachiꞌ Jesús: ―Máá nááꞌ vá káchíꞌ ni̱ꞌ nu̱u̱nꞌ rán, ya̱ sáá kenta tiempúꞌ ya̱ nɨꞌɨ nasama jiáá, sáá kenta nuꞌuꞌ, ya̱ nta̱jí Ndiosíꞌ nuꞌuꞌ nu̱u̱nꞌ ñɨ̱vɨ́ yaꞌá sáva kuvi ni̱ꞌ Se̱ꞌya Ñɨvɨ, jee sáá kuneeꞌ ni̱ꞌ teyuꞌ kúñáꞌnú nu̱u̱nꞌ tatúníꞌ ni̱ꞌ, nu̱u̱nꞌ viiꞌ nasɨ́kuitɨꞌ kúñáꞌnú ni̱ꞌ, jee ránoꞌó ya̱ níkɨ́nꞌ rán nuꞌuꞌ, jee suni sukuán kuneeꞌ rán ni uxúꞌ u̱vi̱ꞌ (12) teyuꞌ ñáꞌnú, sáva sanáaꞌ rán tatúníꞌ rán nu̱u̱nꞌ rá ñɨvɨ ya̱ kúvi ráa rá ni uxúꞌ u̱vi̱ꞌ (12) tataꞌ ichiyúkúnꞌ ya̱ nkene ráa nu̱u̱nꞌ rá ni uxúꞌ u̱vi̱ꞌ (12) rá se̱ꞌya yɨ́ɨ́ Israel.

Mateo 8:22

Soo nkachiꞌ Jesús nu̱u̱nꞌ‑u: ―Kunikɨnꞌ nuꞌuꞌ, ku̱ꞌva nú ya̱ rá ñɨvɨ kuéntáꞌ níꞌiꞌ ráa nu̱u̱nꞌ Ndiosíꞌ kɨ̱se̱ꞌí ráa rá ni̱yɨ ráa ―nkachiꞌ Jesús.

Juan 12:26

Jee retú íyó ne̱ ni ɨɨn sátíñú‑u nu̱u̱nꞌ nuꞌuꞌ, jee íyó‑o kunikɨnꞌ‑ɨ nuꞌuꞌ. Chi ñɨvɨ ya̱ sátíñú nu̱u̱nꞌ nuꞌuꞌ, jee nu̱u̱nꞌ kuneeꞌ ni̱ꞌ jee suni yukuán kuneeꞌ musúꞌ ni̱ꞌ. Jee retú íyó ɨɨn ñɨvɨ sátíñú nu̱u̱nꞌ nuꞌuꞌ, jee saꞌá Tátáꞌ ni̱ꞌ ya̱ kúñáꞌnú ráa.

Juan 12:33

Jee nkachiꞌ Jesús rá tu̱ꞌun yaꞌá sukuán, sáva stúvi re̱ꞌ na̱sa kuviꞌ re̱ꞌ.

Juan 18:32

Jee sukuán nsi̱kúnkuvi nu̱u̱nꞌ rá tu̱ꞌun nkachiꞌ Jesús jie̱ꞌe̱ꞌ ya̱ na̱sa íyó kuviꞌ re̱ꞌ.

Juan 21:18

Máá nááꞌ vá káchíꞌ ni̱ꞌ nu̱u̱nꞌ nú ya̱ sáá súchí nú ka̱ꞌ, jee nákúꞌun maánú saꞌma nú jee kua̱ꞌa̱nꞌ nú nu̱u̱nꞌ kuíni maánú. Soo sáá kujííꞌ nú jee sikáa nú naꞌá nú jee nachuꞌun inka ñɨvɨ saꞌma noꞌó, jee kɨ̱na̱ka ráa noꞌó nu̱u̱nꞌ ntu̱ví kuini nú kɨ̱ꞌɨ̱nꞌ nú.

Juan 21:22

Jee nkachiꞌ Jesús nu̱u̱nꞌ Pedro: ―Retú kuíni ni̱ꞌ ya̱ kino̱o re̱ꞌ kutekuꞌ re̱ꞌ ne̱ ki̱vɨ̱ꞌ nikó tuku ni̱ꞌ niji ni̱ꞌ, ¿na̱ kuvi chi jítú iniꞌ nú maa? Noꞌó, kunikɨnꞌ nuꞌuꞌ ―nkachiꞌ Jesús.

Filipenses 1:20

Ñúꞌún numíjiꞌíꞌ iniꞌ ni̱ꞌ jee íyó tu̱ꞌun neí iniꞌ ni̱ꞌ, ya̱ nkúkanuun ni̱ꞌ, jín ya̱ koo neí iniꞌ ni̱ꞌ vitan kuéntáꞌ sukuáni, sáva kuatíñú Ndiosíꞌ nuꞌuꞌ, sáva stúvi re̱ꞌ ya̱ kúñáꞌnú ví Cristo, vasúꞌ tékúꞌ ni̱ꞌ áxí vasúꞌ kuviꞌ ni̱ꞌ.

2 Pedro 1:14

chi máá I̱toꞌoꞌ‑ó Jesús ya̱ kúvi Cristo nsi̱kúkáꞌnú kájí re̱ꞌ iniꞌ nuꞌuꞌ ya̱ va̱kuyatin ya̱ kuviꞌ ni̱ꞌ xinóo ni̱ꞌ ñunéꞌyúꞌ ni̱ꞌ.