Juan 21:17 - Mixteco del suroeste de Tlaxiaco Oaxaca

¹⁷ Jee ya̱ uníꞌ íchí nkachiꞌ re̱ꞌ nu̱u̱nꞌ Pedro: ―Simón, se̱ꞌya Jonás, ¿á ñúnúunꞌ nú nuꞌuꞌ? Jee nnu̱kuéká víꞌí iniꞌ Pedro chi ya̱ uníꞌ íchí ni̱ka̱tu̱ꞌún re̱ꞌ maa: “¿Á ñúnúunꞌ nú nuꞌuꞌ?”, jee nkachiꞌ Pedro nu̱u̱nꞌ re̱ꞌ: ―I̱toꞌoꞌ, noꞌó jíníꞌ nú nɨꞌɨ, noꞌó jíníꞌ ya̱ ñúnúunꞌ ni̱ꞌ noꞌó. Jee nkachiꞌ Jesús nu̱u̱nꞌ re̱ꞌ: ―Kumí nú rá ñɨvɨ yɨ́ꞌɨ́ xi̱ntíín ni̱ꞌ ya̱ kúvi ráa kuéntáꞌ rá lanchi ni̱ꞌ.

Juan 21:17 ပူးပေါင်းရင်းမြစ်များ

Mateo 25:40

’Jee nuꞌuꞌ ya̱ kúvi ya̱ tátúníꞌ nu̱u̱nꞌ nɨꞌɨ naxiníkó ni̱ꞌ nu̱u̱nꞌ ráa, jee kachiꞌ ni̱ꞌ: “Máá nááꞌ vá káchíꞌ ni̱ꞌ nu̱u̱nꞌ rán ya̱, mákua sukuán nsa̱ꞌá rán jín ɨɨn rá ñanitáꞌán ni̱ꞌ yaꞌá, ya̱ kúneí iniꞌ ráa nuꞌuꞌ, sú ɨɨn máá ñɨvɨ láꞌví ka̱ꞌ kúvi‑i, saájee nu̱u̱nꞌ nuꞌuꞌ nsa̱ꞌá rán maa”, kachiꞌ ni̱ꞌ.

Marcos 14:72

Jee ntañúꞌún kuitɨꞌ, nkana stóꞌo ya̱ uvíꞌ íchí. Jee nna̱ku̱ꞌun iniꞌ Pedro ya̱ nkachiꞌ Jesús nu̱u̱nꞌ re̱ꞌ: “Ne̱ ntiáꞌan ka̱ꞌ kana stóꞌo ya̱ uvíꞌ íchí, u̱ni̱ꞌ íchí kachiꞌ nú ya̱ ntu̱ví jíníꞌ nú nuꞌuꞌ”, nkachiꞌ Jesús. Jee sáá nna̱ku̱ꞌun iniꞌ re̱ꞌ tu̱ꞌun vá, jee nnaꞌyuꞌ re̱ꞌ.

Juan 12:8

Chi sukuáni nééꞌ rá láꞌví jín ránoꞌó, soo nuꞌuꞌ chi nsáꞌ nɨ́ɨ́nkání kuneeꞌ ni̱ꞌ jín ránoꞌó ―nkachiꞌ Jesús.

Juan 13:38

Jee nna̱xiníkó Jesús: ―¿Á nijia nú ya̱ íyó túꞌva nú kuviꞌ nú jie̱ꞌe̱ꞌ nuꞌuꞌ? Chi máá naáꞌ vá káchíꞌ ni̱ꞌ nu̱u̱nꞌ nú ya̱ ne̱ ntiáꞌan ka̱ꞌ kana stóꞌo jee u̱ni̱ꞌ íchí kachiꞌ nú ya̱ ntu jíníꞌ nú nuꞌuꞌ ―nkachiꞌ Jesús.

Juan 14:15

’Retú ñúnúunꞌ rán nuꞌuꞌ, jee kaníjiá rán sikúnkuvi rán rá tu̱ꞌun ya̱ nta̱túníꞌ ni̱ꞌ nu̱u̱nꞌ rán.

Juan 15:10

Jee retú ñúꞌún iniꞌ rán ya̱ sikúnkuvi rán rá tu̱ꞌun ya̱ tátúníꞌ ni̱ꞌ, jee sukuán kino̱o kutú rán kuiñɨ ni̱ꞌin rán nu̱u̱nꞌ tu̱ꞌun ñúnúunꞌ ni̱ꞌ ránoꞌó, sánikua̱ꞌ ñúꞌún iniꞌ ni̱ꞌ síkúnkuvi ni̱ꞌ rá tu̱ꞌun ya̱ nta̱túníꞌ Tátáꞌ ni̱ꞌ nu̱u̱nꞌ ni̱ꞌ, jee kínóo kutú ni̱ꞌ íñɨ́ ni̱ꞌin ni̱ꞌ nu̱u̱nꞌ tu̱ꞌun ñúnúunꞌ re̱ꞌ nuꞌuꞌ.

Juan 16:30

Vitan jee jíníꞌ ráníꞌ ya̱ nɨꞌɨ kuitɨꞌ jíníꞌ nú, jee ntu̱ví jíniñúꞌún nú ya̱ ka̱ka̱tu̱ꞌún ni ɨɨn ñɨvɨ noꞌó, jee saáva jie̱ꞌe̱ꞌ vá jínúꞌ nijia iniꞌ ránꞌ ya̱ ne̱ nu̱u̱nꞌ Ndiosíꞌ nkene nú va̱ji nú ―nkachiꞌ ráa.

Juan 18:27

Jee tukuni nkachiꞌ Pedro ya̱ ntu̱ví jíníꞌ‑i, jee kuísá ntañúꞌún kuitɨꞌ nkana stóꞌo.

Juan 18:4

Soo ya̱ jíníꞌ Jesús nɨꞌɨ rá tu̱nóꞌó va̱ji nu̱u̱nꞌ re̱ꞌ, jee saáva nkene re̱ꞌ kua̱taꞌanꞌ re̱ꞌ ráa, jee nkachiꞌ re̱ꞌ: ―¿Né ɨɨn nánukú rán? ―nkachiꞌ re̱ꞌ.

Juan 21:18

Máá nááꞌ vá káchíꞌ ni̱ꞌ nu̱u̱nꞌ nú ya̱ sáá súchí nú ka̱ꞌ, jee nákúꞌun maánú saꞌma nú jee kua̱ꞌa̱nꞌ nú nu̱u̱nꞌ kuíni maánú. Soo sáá kujííꞌ nú jee sikáa nú naꞌá nú jee nachuꞌun inka ñɨvɨ saꞌma noꞌó, jee kɨ̱na̱ka ráa noꞌó nu̱u̱nꞌ ntu̱ví kuini nú kɨ̱ꞌɨ̱nꞌ nú.

Juan 4:16

Jee nkachiꞌ Jesús nu̱u̱nꞌ ña: ―Kuáꞌán, chi kɨ̱kana nú yɨɨ́ nú jee kiji nú jín re̱ꞌ yaꞌá ―nkachiꞌ Jesús.

Hechos 1:24

Jee nkaꞌanꞌ ráa jín Ndiosíꞌ, jee nkachiꞌ ráa: ―I̱toꞌoꞌ‑ó, suvinú vá, nijin iniꞌ nú na̱sa kúvi ánímaꞌ ntáká ñɨvɨ. Stúvi nú nu̱u̱nꞌ ránꞌ, né ɨɨn núvíꞌ rá yaꞌá vá nka̱ji nú,

Hechos 11:10

Jee u̱ni̱ꞌ íchí nkuvi yaꞌá suꞌva. Jee nɨꞌɨ yaꞌá nnaa ne̱ súkún.

Hechos 15:8

Jee Ndiosíꞌ jíníꞌ ánímaꞌ rá ñɨvɨ. Jee nna̱stúvi re̱ꞌ nu̱u̱nꞌ ráa, ya̱ ya nxi̱nánitáꞌvíꞌ re̱ꞌ ráa, chi njia̱ꞌa re̱ꞌ Ta̱chi̱ꞌ Ííꞌ re̱ꞌ nu̱u̱nꞌ ráa, kuéntáꞌ kua̱ꞌ ya̱ ntaji re̱ꞌ nu̱u̱nꞌ ránꞌ.

2 Corintios 1:12

Suꞌva káꞌánꞌ téyɨ́ɨ́ ráníꞌ, ya̱ ne̱ ánímaꞌ ránꞌ jíníꞌ ránꞌ ya̱, ñaꞌnu na̱a̱ꞌ ránꞌ jee saɨn ni̱yo iniꞌ ránꞌ ñaꞌnu ránꞌ jín rá ñɨvɨ ñɨ̱vɨ́ yaꞌá, sáni kuíni Ndiosíꞌ. Jee víꞌí káꞌ jíníꞌ ránꞌ ya̱ nsa̱ꞌá ránꞌ sukuán nu̱u̱nꞌ ránoꞌó. Chi ntu ñáꞌnu ránꞌ sáni ya̱ níchí xíniꞌ maáránꞌ, chisaꞌ chíneí chituvi Ndiosíꞌ ránuꞌuꞌ saꞌá ránꞌ sukuán, chi íyó mániꞌ iniꞌ re̱ꞌ néꞌyá re̱ꞌ ránuꞌuꞌ.

Efesios 4:30

Jee koto sáꞌá rán kua̱chi sáva nsíkúkuíꞌyáꞌ rán iniꞌ Ta̱chi̱ꞌ Ííꞌ Ndiosíꞌ. Chi nni̱ꞌi̱nꞌ rán Ta̱chi̱ꞌ Ííꞌ vá kuéntáꞌ ɨɨn seyúꞌ ya̱ stúvi ya̱ kúvi rán ñɨvɨ Ndiosíꞌ, ne̱kua̱ꞌ kiji máá ki̱vɨ̱ꞌ ya̱ nakani núne Ndiosíꞌ yó nu̱u̱nꞌ ya̱ nóꞌo‑ó ñɨ̱vɨ́ yaꞌá jee xinánitáꞌvíꞌ re̱ꞌ yó.

1 Pedro 1:6

Jee jie̱ꞌe̱ꞌ vá ví ya̱ kusɨ̱ɨ̱ꞌ víꞌí iniꞌ rán, asúnika̱ꞌ sáá íyó koo tu̱nkuíꞌyáꞌ iniꞌ rán vitan jie̱ꞌe̱ꞌ kéꞌín tu̱nóꞌó táꞌánꞌ rán yakuꞌ ni tióꞌ.

2 Pedro 3:1

Ránoꞌó ya̱ ñúnúunꞌ ni̱ꞌ, yaꞌá kúvi tutuꞌ uvíꞌ ya̱ tée ni̱ꞌ nu̱u̱nꞌ ránoꞌó. Jee tée ni̱ꞌ nu̱u̱nꞌ ni núvíꞌ rá tutuꞌ yaꞌá sáva xinákúꞌun ni̱ꞌ iniꞌ rán sáva xiníꞌvɨ́ꞌ ni̱ꞌ iniꞌ rán ya̱ kani ninuꞌun antúníꞌ rán,

Apoclipsis 2:23

Jee kaꞌniꞌ ni̱ꞌ rá se̱ꞌya ña. ’Saájee ntáká rá grupo rá ñɨvɨ kúneí iniꞌ ráa nuꞌuꞌ, jee kukáꞌnú iniꞌ ráa ya̱ nuꞌuꞌ ví ya̱ kávii kuitɨꞌ jíníꞌ ni̱ꞌ nɨꞌɨ ya̱ jiáni iniꞌ antúníꞌ ñɨvɨ jín nɨꞌɨ ya̱ ñúꞌún ánímaꞌ ñɨvɨ. Jee naku̱ꞌva ni̱ꞌ nu̱u̱nꞌ ta ɨɨn ɨɨn rá ñɨvɨ na̱ja kua̱ꞌ sáni tiñu ya̱ nsa̱ꞌá ráa.

Apoclipsis 3:19

’Chi ntáká rá ñɨvɨ ya̱ ñúnúunꞌ ni̱ꞌ, jee núxeenꞌ ni̱ꞌ nu̱u̱nꞌ ráa jee xínóꞌo ni̱ꞌ ráa náchuꞌun na̱a̱ꞌ ni̱ꞌ ichi ráa. Saáva nakukáñá iniꞌ ráa nakunikɨnꞌ ráa ichi váꞌa jee nakani iniꞌ ráa.