Juan 20:29 - Mixteco del suroeste de Tlaxiaco Oaxaca

²⁹ Jee nkachiꞌ Jesús nu̱u̱nꞌ re̱ꞌ: ―Tomás, ¿á jínúꞌ iniꞌ nú chi niniꞌ nú nuꞌuꞌ? Na̱ ka̱ꞌ netuꞌ ka̱ꞌ kúvi rá ñɨvɨ ya̱ ntu néꞌyá ráa nuꞌuꞌ jee kúneí iniꞌ ránuꞌuꞌ.

Juan 20:29 ပူးပေါင်းရင်းမြစ်များ

Mateo 13:16

’Soo ránoꞌó chi na̱ ka̱ꞌ netuꞌ ka̱ꞌ kúvi nchinúún rán, chi néꞌyá rán tiñu sáꞌá ni̱ꞌ, jee na̱ ka̱ꞌ netuꞌ ka̱ꞌ kúvi so̱ꞌo rán chi tésóꞌo rán tu̱ꞌun káchíꞌ ni̱ꞌ, jee jiáku̱ꞌun iniꞌ rán maa.

Lucas 1:45

¡Na̱ ka̱ꞌ netuꞌ ka̱ꞌ kúvi nú ya̱ ni̱nu̱ꞌ iniꞌ nú chi sikúnkuvi I̱toꞌoꞌ‑ó Ndiosíꞌ ya̱ nkachiꞌ re̱ꞌ nu̱u̱nꞌ nú! ―nkachiꞌ Elisabet.

Juan 20:28

Saájee nna̱xiníkó Tomás jee nkachiꞌ‑i nu̱u̱nꞌ re̱ꞌ: ―¡I̱toꞌoꞌ maáníꞌ jín Ndiosíꞌ maáníꞌ!

Juan 20:8

Saájee suni nki̱vɨ inka te̱e nsu̱kuáꞌa Jesús maa ya̱ nkenta ya̱ xíꞌnañúꞌún nu̱u̱nꞌ yuꞌú yaviꞌ ni̱yɨ vá jee niniꞌ‑i ya̱ nkuvi sukuán, jee ni̱nu̱ꞌ iniꞌ‑i ya̱ nna̱tekuꞌ i̱i̱ꞌ Jesús.

Juan 4:48

Saájee nkachiꞌ Jesús nu̱u̱nꞌ re̱ꞌ: ―Retánꞌ ntu néꞌyá rán rá seña jín tiñu a̱nasɨ́, jee nsáꞌ kúneí kuitɨꞌ iniꞌ rán nuꞌuꞌ ―nkachiꞌ Jesús.

2 Corintios 5:7

Chi níkɨ́nꞌ‑ó jiáꞌnu‑ó sáni kuíni re̱ꞌ jie̱ꞌe̱ꞌ kúneí iniꞌ‑ó re̱ꞌ, jee nsú jie̱ꞌe̱ꞌ ya̱ túvi néꞌyá‑ó ñɨ̱vɨ́ yaꞌá.

Hebreos 11:1

Soo vitan jee, ya̱ ínúꞌ iniꞌ‑ó kúneí iniꞌ‑ó Ndiosíꞌ, yukuán kúvi ya̱ kúnáaꞌ nijia iniꞌ‑ó ya̱ ni̱ꞌi̱nꞌ‑ó ntáká ya̱ íyó tu̱neí iniꞌ‑ó nétu‑ó ni̱ꞌi̱nꞌ‑ó ya̱ saꞌá Ndiosíꞌ jín‑ó. Jee suni yukuán kúvi ya̱ ne̱ yuchí kúkáꞌnú iniꞌ‑ó ya̱ íyó sú ntiáꞌan kuniꞌ jínúunꞌ‑ó maa vitan.

Hebreos 11:27

Jee jie̱ꞌe̱ꞌ ya̱ ni̱nu̱ꞌ iniꞌ re̱ꞌ nku̱neí iniꞌ re̱ꞌ Ndiosíꞌ, jee nkene re̱ꞌ nu̱u̱nꞌ ñuunꞌ Egipto, jee ntu nyúꞌví re̱ꞌ ya̱ ki̱tɨ̱ꞌ iniꞌ te̱e tátúníꞌ Egipto, chi ni̱ñɨ ni̱ꞌin re̱ꞌ nsi̱kúnkuvi re̱ꞌ ya̱ nkachiꞌ Ndiosíꞌ kuéntáꞌ retánꞌ néꞌyá jínúunꞌ re̱ꞌ Ndiosíꞌ ya̱ ntu túvi kune̱ꞌyá‑ó.

Hebreos 11:39

Jee súnika̱ꞌ ntáká ráa nni̱ꞌi̱nꞌ ráa ya̱ nna̱kuatúꞌún Ndiosíꞌ ráa jie̱ꞌe̱ꞌ ya̱ ni̱nu̱ꞌ iniꞌ ráa nku̱neí iniꞌ ráa re̱ꞌ, soo ntu nníꞌínꞌ ráa ya̱ nchi̱sóyuꞌú re̱ꞌ ku̱ꞌva re̱ꞌ nu̱u̱nꞌ ráa.

1 Pedro 1:8

Maáréꞌ ví ya̱ ñúnúunꞌ rán re̱ꞌ súnika̱ꞌ ntu jíníꞌ jínúunꞌ rán re̱ꞌ, jee jínúꞌ iniꞌ rán re̱ꞌ sú ntu néꞌyá rán re̱ꞌ vitan jee ne̱ sɨ̱ɨ̱ꞌ kúvi iniꞌ rán kúsɨ́ɨꞌ iniꞌ rán ya̱ ntántúníꞌ nasɨ́kuitɨꞌ viiꞌ ya̱ ni ntu kúvi ni̱ꞌi̱nꞌ rán ka̱ꞌ tu̱ꞌun na̱ja vá kachiꞌ rán maa.