Juan 20:28 - Mixteco del suroeste de Tlaxiaco Oaxaca

²⁸ Saájee nna̱xiníkó Tomás jee nkachiꞌ‑i nu̱u̱nꞌ re̱ꞌ: ―¡I̱toꞌoꞌ maáníꞌ jín Ndiosíꞌ maáníꞌ!

Juan 20:28 ပူးပေါင်းရင်းမြစ်များ

Mateo 14:33

Jee maáráa ya̱ ñúꞌún iniꞌ barkúꞌ vá, nna̱kui̱ñɨ̱ꞌ ítɨ́ ráa nu̱u̱nꞌ Jesús nneñu̱ꞌun ráa re̱ꞌ, jee nkachiꞌ ráa nu̱u̱nꞌ re̱ꞌ: ―¡Máá nááꞌ nijia maánú kúvi Se̱ꞌya Ndiosíꞌ! ―nkachiꞌ ráa.

Lucas 24:52

Jee maáráa chi, sáá nkuvi nneñu̱ꞌun ráa re̱ꞌ, jee nni̱kó ráa kua̱noꞌonꞌ ráa nu̱u̱nꞌ ñuunꞌ Jerusalén, jee kúsɨ́ɨꞌ nasɨ́kuitɨꞌ iniꞌ ánímaꞌ ráa.

Juan 1:1

Ne̱ xíꞌnañúꞌún ya̱ ne̱ ntiáꞌan kiko̱o ñɨ̱vɨ́, jee ya̱ íyó re̱ꞌ ya̱ kúvi re̱ꞌ Tu̱ꞌun. Jee maáréꞌ ya̱ kúvi re̱ꞌ Tu̱ꞌun ya̱ nééꞌ re̱ꞌ jín Ndiosíꞌ, jee maáréꞌ ya̱ kúvi Tu̱ꞌun vá kúvi re̱ꞌ Ndiosíꞌ.

Juan 20:16

Nkachiꞌ Jesús nu̱u̱nꞌ ña: ―¡María! Jee nna̱koto ña jee káꞌánꞌ ña tu̱ꞌun hebreo jee nkachiꞌ ña: ―¡Raboni! ―ya̱ kuíni káchíꞌ Mestrúꞌ.

Juan 20:27

Kuíre nkachiꞌ Jesús nu̱u̱nꞌ Tomás: ―Tuví xi̱ntíín nú yaꞌá, jee kune̱ꞌyá rá naꞌá ni̱ꞌ, jee saꞌá yatin naꞌá nú jee tuví naꞌá nú yɨkɨ íkáꞌ ni̱ꞌ. Koto kúkaꞌán nú ré ni̱núꞌ iniꞌ nú, chisaꞌ i̱nu̱ꞌ iniꞌ nú.

Juan 20:29

Jee nkachiꞌ Jesús nu̱u̱nꞌ re̱ꞌ: ―Tomás, ¿á jínúꞌ iniꞌ nú chi niniꞌ nú nuꞌuꞌ? Na̱ ka̱ꞌ netuꞌ ka̱ꞌ kúvi rá ñɨvɨ ya̱ ntu néꞌyá ráa nuꞌuꞌ jee kúneí iniꞌ ránuꞌuꞌ.

Juan 20:31

Soo rá tu̱ꞌun yaꞌá ntee ni̱ꞌ nu̱u̱nꞌ tutuꞌ yaꞌá, sáva ránoꞌó ji̱nu̱ꞌ iniꞌ rán ya̱ Jesús kúvi re̱ꞌ Cristo, ya̱ nátavaꞌ‑a ñɨvɨ nu̱u̱nꞌ kua̱chi ráa, jín ya̱ kúvi re̱ꞌ Se̱ꞌya Ndiosíꞌ, jee sáva ni̱ꞌi̱nꞌ rán ya̱ kutekuꞌ rán nɨ́ɨ́nkání jín re̱ꞌ jie̱ꞌe̱ꞌ ya̱ kúneí iniꞌ rán re̱ꞌ.

Juan 5:23

Nsa̱ꞌá re̱ꞌ suꞌva, sáva nta̱ká ñɨvɨ chiñúꞌún ráa nuꞌuꞌ, ya̱ kúvi ni̱ꞌ Se̱ꞌya re̱ꞌ, kuéntáꞌ chíñúꞌún ráa Tátáꞌ ni̱ꞌ. Jee ñɨvɨ ya̱ ntu chíñúꞌún nuꞌuꞌ, ya̱ kúvi Se̱ꞌya re̱ꞌ, jee suni ntu chíñúꞌún ñɨvɨ vá Tátáꞌ ni̱ꞌ ya̱ nchu̱ichí nuꞌuꞌ va̱ji ni̱ꞌ.

1 Timoteo 3:16

Va̱tu̱ꞌ nijia ya̱ kúvi ya̱ naáꞌ, ya̱ mánasɨ́ ví tu̱ꞌun yuꞌuꞌ jie̱ꞌe̱ꞌ ichi na̱a̱ꞌ Ndiosíꞌ, ya̱ sukuán ntañúꞌún nstúvi re̱ꞌ nu̱u̱nꞌ‑ó: Ndiosíꞌ ntu̱vi nu̱u̱nꞌ ñɨ̱vɨ́, jee ni̱yo yɨkɨkúñu re̱ꞌ, chi nkenta kúvi re̱ꞌ ɨɨn te̱e. Nstúvi kájí nijia Ta̱chi̱ꞌ Ííꞌ re̱ꞌ, ya̱ na̱a̱ꞌ ví re̱ꞌ. Ntu̱vi re̱ꞌ nu̱u̱nꞌ rá najiáꞌáꞌ ííꞌ Ndiosíꞌ. Nte̱ku̱tu̱ꞌún jie̱ꞌe̱ꞌ re̱ꞌ nu̱u̱nꞌ rá ñɨvɨ ñɨ̱vɨ́. Ni̱nu̱ꞌ iniꞌ ñɨvɨ ñɨ̱vɨ́ re̱ꞌ. Nnaa re̱ꞌ kua̱noꞌonꞌ re̱ꞌ súkún nu̱u̱nꞌ ñuunꞌ viiꞌ nasɨ́kuitɨꞌ nu̱u̱nꞌ tátúníꞌ Ndiosíꞌ.