Juan 20:23 - Mixteco del suroeste de Tlaxiaco Oaxaca

²³ Néni ɨɨn ñɨvɨ ya̱ kunekáꞌnú iniꞌ rán kua̱chi sáꞌá ñɨvɨ vá, jee ya̱ nne̱káꞌnú iniꞌ jie̱ꞌe̱ꞌ kua̱chi‑i, jee ñɨvɨ ya̱ ntu̱ví kunekáꞌnú iniꞌ rán kua̱chi ñɨvɨ vá, jee kino̱o‑o jín kua̱chi‑i.

Juan 20:23 ပူးပေါင်းရင်းမြစ်များ

Mateo 16:19

Jee taji ni̱ꞌ nu̱u̱nꞌ noꞌó nakáa ya̱ jíne‑e sáva ki̱vɨ ñɨvɨ xi̱ntíín Ndiosíꞌ ya̱ nééꞌ antivɨ́ súkún tátúníꞌ re̱ꞌ nu̱u̱nꞌ‑u. Jee néni ɨɨn tu̱ꞌun ni̱ꞌ xinéꞌénꞌ nú iniꞌ ñɨ̱vɨ́ yaꞌá ya̱ ntu íyó saꞌá ñɨvɨ maa, jee suni ya nkachiꞌ Ndiosíꞌ ya̱ nééꞌ antivɨ́ súkún ya̱ ntu íyó saꞌá ñɨvɨ maa. Jee néni ɨɨn tu̱ꞌun ni̱ꞌ xinéꞌénꞌ nú iniꞌ ñɨ̱vɨ́ yaꞌá ya̱ kuvi saꞌá ñɨvɨ maa, jee suni ya nkachiꞌ Ndiosíꞌ ya̱ kuvi saꞌá ñɨvɨ maa.

Mateo 18:18

Chi máá naáꞌ vá káchíꞌ ni̱ꞌ nu̱u̱nꞌ rán, ya̱ néni ɨɨn ñɨvɨ ya̱ sáꞌá kutú rán maa sánáaꞌ rán iniꞌ ñɨ̱vɨ́ yaꞌá ya̱ íyó síkɨꞌ‑ɨ jie̱ꞌe̱ꞌ rá tiñu níváꞌa sáꞌá‑a, jee suni sukuán saꞌá Ndiosíꞌ jín‑i nu̱u̱nꞌ nééꞌ re̱ꞌ antivɨ́ súkún, jee néni ɨɨn ñɨvɨ ya̱ kuéntáꞌ nánají rán maa nakama̱ni̱ꞌ rán iniꞌ ñɨ̱vɨ́ yaꞌá jín ñanitáꞌán rán ya̱ nakani iniꞌ‑i jie̱ꞌe̱ꞌ tiñu niváꞌa nsa̱ꞌá‑a, jee suni sukuán sáꞌá Ndiosíꞌ jín‑i nu̱u̱nꞌ nééꞌ re̱ꞌ antivɨ́ súkún.

Juan 20:22

Jee saájee ntivɨꞌ ta̱chi̱ꞌ Jesús jee nkachiꞌ re̱ꞌ nu̱u̱nꞌ ráa: ―Yaꞌá rán maáréꞌ ya̱ kúvi Ta̱chi̱ꞌ Ííꞌ ni̱ꞌ.

Hechos 10:43

Jee jie̱ꞌe̱ꞌ re̱ꞌ, nɨꞌɨ rá te̱e ya̱ nna̱kani ráa tu̱ꞌun nkene yuꞌú Ndiosíꞌ, jee nna̱stúvi ráa ya̱ naáꞌ jie̱ꞌe̱ꞌ Jesús. Nkachiꞌ ráa ya̱, jie̱ꞌe̱ꞌ ya̱ nsa̱ꞌá re̱ꞌ, nɨꞌɨ ñɨvɨ ya̱ kúneí iniꞌ ráa re̱ꞌ ni̱ꞌi̱nꞌ ráa ya̱ kunekáꞌnú iniꞌ Ndiosíꞌ jie̱ꞌe̱ꞌ kua̱chi ráa.

Hechos 2:38

Jee nna̱xiníkó Pedro nu̱u̱nꞌ ráa: ―Nakani iniꞌ rán kua̱chi rán, jee kuanuté rán, sáva stúvi rán ya̱ ya nki̱vɨ rán nu̱u̱nꞌ Jesús ya̱ kúvi Cristo, sáva kunekáꞌnú iniꞌ Ndiosíꞌ kua̱chi rán, jee kutaꞌviꞌ rán Ta̱chi̱ꞌ Ííꞌ re̱ꞌ.

1 Corintios 5:4

Sáá nútútú rán jee ñúꞌúnꞌ iniꞌ ánímaꞌ ni̱ꞌ ránoꞌó kuéntáꞌ íyó ni̱ꞌ jín rán, jee fuersáꞌ níꞌin ííꞌ I̱toꞌoꞌ‑ó Jesús íyó‑o jín ránoꞌó, jee nu̱u̱nꞌ súví I̱toꞌoꞌ‑ó Jesús

Efesios 2:20

Chi nsa̱ꞌá Ndiosíꞌ ya̱ maáórán kúvi‑ó kuéntáꞌ veꞌi ya̱ yósóꞌ nu̱u̱nꞌ koo jie̱ꞌe̱ꞌ ve̱ꞌí. Jee koo jie̱ꞌe̱ꞌ ve̱ꞌí vá kúvi Tu̱ꞌun Ndiosíꞌ ya̱ nste̱kútu̱ꞌún rá te̱e níso tiñu apóstol, ya̱ nchu̱ichí re̱ꞌ sáva stúvi ráa tu̱ꞌun re̱ꞌ, jín rá te̱e nna̱kani ráa tu̱ꞌun nkene yuꞌú re̱ꞌ. Jee máá Cristo Jesús kúvi kuéntáꞌ yu̱u̱ꞌ maá ñáꞌnú ka̱ꞌ ya̱ yɨ́tuvi skináꞌ veꞌi vá.

1 Timoteo 1:20

Jee sava ráa nsa̱ꞌá suꞌva ví Himeneo jín Alejandro. Ya nsi̱áꞌa ni̱ꞌ ráa sáva ki̱vɨ ráa xi̱ntíín Satanás, sáva kunoꞌo ráa, sáva sukuáꞌa ráa maáráa, ya̱ nka̱ꞌánꞌ niva̱ꞌa ráa ka̱ꞌ si̱kɨ̱ꞌ Ndiosíꞌ.