Juan 20:15 - Mixteco del suroeste de Tlaxiaco Oaxaca

¹⁵ Nkachiꞌ Jesús nu̱u̱nꞌ ña: ―Nánáꞌ, ¿na̱ kuvi chi náꞌyúꞌ nú? ¿Né ɨɨn nánukú nú? ―nkachiꞌ re̱ꞌ nu̱u̱nꞌ ña. Soo káꞌvi iniꞌ ña ya̱ kúvi re̱ꞌ ɨɨn te̱e ya̱ kúmí tataꞌ sáꞌá káá yukuán, jee nkachiꞌ ña nu̱u̱nꞌ re̱ꞌ: ―Tátáꞌ, retú suvinú kua̱ꞌa̱nꞌ nú jín re̱ꞌ, jee kachiꞌ nú né núꞌ nsa̱ꞌá nú maa sáva nakeꞌen ni̱ꞌ maa kɨ̱ꞌɨ̱nꞌ ni̱ꞌ jín‑i ―nkachiꞌ ña.

Juan 20:15 ပူးပေါင်းရင်းမြစ်များ

Mateo 12:34

¡Ránoꞌó ya̱ kúvi rán kuéntáꞌ tataꞌ ko̱o̱ꞌ xe̱e̱nꞌ! Jee, ¿na̱sa kúvi kachiꞌ rán tu̱ꞌun váꞌa rúja?, chi ñɨvɨ kánéꞌén ví maárán. Chi máá ya̱ ñúꞌún chitú ánímaꞌ ñɨvɨ ví ya̱ kéne yuꞌú‑u káchíꞌ‑i.

Mateo 28:5

Saájee nkachiꞌ najiáꞌáꞌ ííꞌ vá nu̱u̱nꞌ rá ñaꞌan vá: ―Koto yúꞌví rán, chi jíníꞌ ni̱ꞌ ya̱ nánukú rán Jesús, ya̱ níꞌiꞌ‑i nu̱u̱nꞌ kurúsiꞌ.

Marcos 16:6

Soo nkachiꞌ re̱ꞌ nu̱u̱nꞌ ráa: ―Koto yúꞌví rán. Jesús te̱e ñuunꞌ Nazaret ya̱ nánukú rán, ya̱ níꞌiꞌ nu̱u̱nꞌ kurúsiꞌ, ya nna̱tekuꞌ i̱i̱ꞌ re̱ꞌ, ya nxi̱nákóo Ndiosíꞌ re̱ꞌ nkene re̱ꞌ nteñu rá ni̱yɨ. Ntu̱ví re̱ꞌ ka̱ꞌ yaꞌá. Kune̱ꞌyá rán nu̱u̱nꞌ ñakɨnꞌ ráa re̱ꞌ.

Lucas 2:44

Chi nkaꞌvi iniꞌ ráa ya̱ kútáꞌán re̱ꞌ nteñu rá ñɨvɨ ya̱ kua̱noꞌonꞌ jín ráa ichi. Jee ɨɨn ki̱vɨ̱ꞌ ya̱ ñúꞌún ráa ichi, jee nka̱jiéꞌé nánukú ráa re̱ꞌ nteñu rá ñɨvɨ táꞌán ráa jín rá ñɨvɨ jíníꞌ ta̱ꞌán jín ráa.

Lucas 24:5

Jee nyu̱ꞌví ráña, jee nna̱kunta nei nu̱u̱nꞌ ráña nu̱u̱nꞌ ñuꞌun, jee nkachiꞌ ráa nu̱u̱nꞌ ráña: ―¿Na̱ kuvi chi nánukú rán nteñu rá ni̱yɨ ɨɨn ya̱ tékúꞌ?

Juan 1:38

Saájee nna̱koto yátá Jesús, jee niniꞌ re̱ꞌ ya̱ níkɨ́nꞌ ráa ya̱ta̱ꞌ re̱ꞌ, jee nkachiꞌ re̱ꞌ nu̱u̱nꞌ ráa: ―¿Ná kúvi ya̱ nánukú rán? ―nkachiꞌ re̱ꞌ nu̱u̱nꞌ ráa. Jee nna̱xiníkó ráa nu̱u̱nꞌ re̱ꞌ, jee nkachiꞌ ráa: ―Mestrúꞌ, ¿né núꞌ kúvi nu̱u̱nꞌ nééꞌ nú? ―nkachiꞌ ráa.

Juan 18:4

Soo ya̱ jíníꞌ Jesús nɨꞌɨ rá tu̱nóꞌó va̱ji nu̱u̱nꞌ re̱ꞌ, jee saáva nkene re̱ꞌ kua̱taꞌanꞌ re̱ꞌ ráa, jee nkachiꞌ re̱ꞌ: ―¿Né ɨɨn nánukú rán? ―nkachiꞌ re̱ꞌ.

Juan 18:7

Jee saáva tukuni ni̱ka̱tu̱ꞌún Jesús ráa: ―¿Né ɨɨn nánukú rán? Jee nkachiꞌ ráa: ―Jesús tée ñuunꞌ Nazaret ―nkachiꞌ ráa.

Juan 20:13

Jee nkachiꞌ ráa nu̱u̱nꞌ ña: ―Nánáꞌ, ¿na̱ kuvi chi náꞌyúꞌ nú? ―nkachiꞌ ráa nu̱u̱nꞌ ña. Jee nkachiꞌ ña nu̱u̱nꞌ ráa: ―Nna̱keꞌen ráa I̱toꞌoꞌ ni̱ꞌ kua̱ꞌa̱nꞌ ráa jín re̱ꞌ, jee ntu̱ví jíníꞌ ni̱ꞌ né núꞌ nchi̱só ráa maa.