Juan 19:42 - Mixteco del suroeste de Tlaxiaco Oaxaca

⁴² Jee saájee yukuán nchi̱só ráa ñunéꞌyúꞌ Jesús, chi jie̱ꞌe̱ꞌ nééꞌ yatin yaviꞌ yu̱u̱ꞌ vá yukuán chi jie̱ꞌe̱ꞌ ni ka̱ꞌ ya̱ nkenta nku̱yatin ki̱vɨ̱ꞌ nájiáví rá ñɨvɨ Israel.

Juan 19:42 ပူးပေါင်းရင်းမြစ်များ

Mateo 12:40

Chi kuéntáꞌ kua̱ꞌ ñúꞌún Jonás u̱ni̱ꞌ ki̱vɨ̱ꞌ jín u̱ni̱ꞌ yakuááꞌ iniꞌ ɨɨn tia̱ká máá káꞌnú nasɨ́kuitɨꞌ, jee suni sukuán kuvi jín nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, chi kɨse̱ꞌí ni̱ꞌ chi̱ji ñuꞌun u̱ni̱ꞌ ki̱vɨ̱ꞌ jín u̱ni̱ꞌ yakuááꞌ.

Juan 19:14

Jee ki̱vɨ̱ꞌ yukuán kúvi ki̱vɨ̱ꞌ ya̱ sáꞌá stákoo rá ñɨvɨ ya̱ kenta koo viko Pascua, jee nɨ́ kaxu̱vi̱ꞌ. Saájee nkachiꞌ Pilato nu̱u̱nꞌ rá ñɨvɨ Israel: ―¡Kune̱ꞌyá rán! ¡Yaꞌá íñɨ́ te̱e kúñáꞌnú nu̱u̱nꞌ ránú, ya̱ tátúníꞌ nu̱u̱nꞌ rán!

Juan 19:20

Jee kue̱ꞌe̱ꞌ víꞌí rá ñɨvɨ Israel nkaꞌvi ráa tu̱ꞌun níso xi̱ni̱ꞌ kurúsiꞌ vá, chi nu̱u̱nꞌ nte̱kaa ráa Jesús jee káá‑a yatin ñuunꞌ, jee xi̱ni̱ꞌ kurúsiꞌ vá ntee ráa tu̱ꞌun hebreo, jín tu̱ꞌun griego, jín tu̱ꞌun latín.

Juan 19:31

Nkuvi yaꞌá ki̱vɨ̱ꞌ ya̱ sáꞌá stákoo rá ñɨvɨ ya̱ kenta koo ki̱vɨ̱ꞌ viko Pascua, jee rá te̱e kúñáꞌnú nu̱u̱nꞌ Israel ntu̱ví kuíni ráa kunintakaa rá ñunéꞌyúꞌ nu̱u̱nꞌ kurúsiꞌ ki̱vɨ̱ꞌ nájiáví, chi ki̱vɨ̱ꞌ nájiáví vá kúvi ki̱vɨ̱ꞌ ííꞌ nasɨ́kuitɨꞌ nu̱u̱nꞌ ráa. Saáva ni̱ka̱nꞌ táꞌvíꞌ ráa nu̱u̱nꞌ Pilato ya̱ tají re̱ꞌ ya̱ ka̱ꞌnu̱ꞌ ráa yɨkɨ sɨ́ꞌɨn rá níntakaa‑a nu̱u̱nꞌ kurúsiꞌ vá, jee sáva xinúun ráa rá ni̱yɨ vá nu̱u̱nꞌ kurúsiꞌ.

Juan 19:41

Jee yatin nu̱u̱nꞌ nte̱kaa ráa Jesús káá tataꞌ sáꞌá jee nu̱u̱nꞌ káá tataꞌ sáꞌá yukuán nééꞌ ɨɨn yaviꞌ jiáá veꞌi ni̱yɨ nu̱u̱nꞌ ni ɨɨn ni̱yɨ ntiáꞌan kɨꞌɨ yukuán.

Hechos 13:29

Jee sáá nsi̱kúnkuvi ráa nɨꞌɨ ya̱ káchíꞌ Tu̱ꞌun Ndiosíꞌ jie̱ꞌe̱ꞌ Jesús, ya̱ níso nu̱u̱nꞌ Tutuꞌ Ííꞌ, jee nxi̱núun ráa ñunéꞌyúꞌ re̱ꞌ nu̱u̱nꞌ kurúsiꞌ, jee nse̱ꞌí ráa maa iniꞌ yaviꞌ kava.

1 Corintios 15:4

jín ya̱ nse̱ꞌí ráa re̱ꞌ, jín ya̱ nna̱tekuꞌ i̱i̱ꞌ re̱ꞌ jee nkene re̱ꞌ nteñu rá níyɨ ki̱vɨ̱ꞌ uníꞌ, sánikua̱ꞌ káchíꞌ ya̱chi̱ꞌ nu̱u̱nꞌ Tutuꞌ Ííꞌ níso Tu̱ꞌun Ndiosíꞌ.

Colosenses 2:12

Jee ya ña̱nuté rán kúvi kuéntáꞌ ni̱ꞌi̱ꞌ rán jee nyɨse̱ꞌí rán jín Cristo, sáá ni̱ꞌi̱ꞌ re̱ꞌ jee nyɨꞌɨ se̱ꞌí re̱ꞌ. Jee sukuán jee suni kuéntáꞌ nxi̱nátekuꞌ i̱i̱ꞌ Ndiosíꞌ ránoꞌó jín Cristo, jie̱ꞌe̱ꞌ kúneí iniꞌ rán fuersáꞌ ííꞌ ni̱ꞌin níso Ndiosíꞌ. Fuersáꞌ ííꞌ vá ví ya̱ ña̱tíñú re̱ꞌ sáva nxi̱nátekuꞌ i̱i̱ꞌ re̱ꞌ Cristo jee nxi̱nákóo re̱ꞌ maa jín yɨkɨkúñu‑u nteñu rá níꞌiꞌ.