Juan 19:19 - Mixteco del suroeste de Tlaxiaco Oaxaca

¹⁹ Jee nta̱túníꞌ Pilato ya̱ kuneeꞌ tu̱ꞌun xi̱ni̱ꞌ kurúsiꞌ, ya̱ kachiꞌ‑i suꞌva: “Jesús te̱e ñuunꞌ Nazaret, ya̱ kúvi te̱e kúñáꞌnú ya̱ tátúníꞌ nu̱u̱nꞌ rá ñɨvɨ Israel”, káchíꞌ tu̱ꞌun vá.

Juan 19:19 ပူးပေါင်းရင်းမြစ်များ

Mateo 2:23

Jee sáá nkenta re̱ꞌ yukuán, jee kua̱ꞌa̱nꞌ re̱ꞌ kuneeꞌ re̱ꞌ ɨɨn ñuunꞌ naní Nazaret. Sukuán nsi̱kúnkuvi rá tu̱ꞌun nkachiꞌ rá te̱e ya̱ nna̱kani ráa tu̱ꞌun nkene yuꞌú máá maá Ndiosíꞌ ne̱ yanaꞌán, ya̱ kuna̱ní Jesús te̱e ñuunꞌ Nazaret.

Mateo 27:37

Jee ntee ráa tutuꞌ xi̱ni̱ꞌ kurúsiꞌ re̱ꞌ nu̱u̱nꞌ ntee ráa na̱ jie̱ꞌe̱ꞌ nxi̱kóñáꞌán ráa re̱ꞌ jee káchíꞌ‑i suꞌva: “Yaꞌá ví Jesús, ya̱ kúvi te̱e kúñáꞌnú ya̱ tátúníꞌ nu̱u̱nꞌ rá ñɨvɨ Israel.”

Marcos 15:26

Jee kua̱ꞌ xíkóñáꞌán ráa re̱ꞌ, sukuán ntee ráa nu̱u̱nꞌ tutuꞌ, ya̱ nte̱kaa ráa xi̱ni̱ꞌ kurúsiꞌ, ya̱ káchíꞌ: “Te̱e kúñáꞌnú ya̱ tátúníꞌ nu̱u̱nꞌ rá ñɨvɨ Israel.”

Lucas 18:37

Jee nkachiꞌ ráa nu̱u̱nꞌ re̱ꞌ ya̱ Jesús, te̱e ñuunꞌ Nazaret, kua̱jia̱ꞌa‑a yukuán.

Lucas 23:38

Jee suni nééꞌ ɨɨn tutuꞌ xi̱ni̱ꞌ kurúsiꞌ re̱ꞌ nu̱u̱nꞌ kúvi xi̱ni̱ꞌ re̱ꞌ nu̱u̱nꞌ ntee ráa [rá tu̱ꞌun griego, jín tu̱ꞌun latín, jín tu̱ꞌun hebreo], jee káchíꞌ tu̱ꞌun vá suꞌva: “Te̱e kúñáꞌnú tátúníꞌ nu̱u̱nꞌ rá ñɨvɨ ñuunꞌ Israel kúvi te̱e yaꞌá”, káchíꞌ‑i.

Juan 1:49

Jee nna̱xiníkó Natanael: ―Mestrúꞌ, noꞌó kúvi nijia Se̱ꞌya Ndiosíꞌ, jee noꞌó kúvi te̱e nísotíñú ya̱ kiji tatúníꞌ nú nu̱u̱nꞌ rá ñɨvɨ ñuunꞌ maáó Israel ―nkachiꞌ re̱ꞌ.

Juan 18:33

Jee tukuni nni̱kó Pilato nni̱vɨ re̱ꞌ iniꞌ vetíñú pretorio vá, jee nkana re̱ꞌ Jesús jee ni̱ka̱tu̱ꞌún re̱ꞌ maa: ―¿Á noꞌó kúvi te̱e kúñáꞌnú ya̱ tátúníꞌ nu̱u̱nꞌ rá ñɨvɨ ñuunꞌ Israel?

Juan 19:12

Jee ne̱ hora yukuán jee núkú Pilato na̱ja siaáꞌ re̱ꞌ Jesús. Soo rá te̱e kúñáꞌnú nu̱u̱nꞌ ñɨvɨ Israel kánajíín ráa jee káchíꞌ ráa: ―Retú siaáꞌ nú te̱e yaꞌá, jee ntu̱ví kámani nú jín te̱e nísotíñú tátúníꞌ nu̱u̱nꞌ ñuunꞌ Roma. Chi néni ɨɨn te̱e ya̱ saꞌá‑a maáa te̱e nísotíñú, jee íñɨ́ re̱ꞌ si̱kɨ̱ꞌ te̱e tátúníꞌ nu̱u̱nꞌ ñuunꞌ Roma ―nkachiꞌ ráa.

Juan 19:14

Jee ki̱vɨ̱ꞌ yukuán kúvi ki̱vɨ̱ꞌ ya̱ sáꞌá stákoo rá ñɨvɨ ya̱ kenta koo viko Pascua, jee nɨ́ kaxu̱vi̱ꞌ. Saájee nkachiꞌ Pilato nu̱u̱nꞌ rá ñɨvɨ Israel: ―¡Kune̱ꞌyá rán! ¡Yaꞌá íñɨ́ te̱e kúñáꞌnú nu̱u̱nꞌ ránú, ya̱ tátúníꞌ nu̱u̱nꞌ rán!

Juan 19:21

Jee rá su̱tu̱ꞌ kúñáꞌnú nu̱u̱nꞌ rá ñɨvɨ Israel, nkachiꞌ ráa nu̱u̱nꞌ Pilato: ―Koto tée nú “Te̱e kúñáꞌnú ya̱ tátúníꞌ nu̱u̱nꞌ rá ñɨvɨ Israel”, chisaꞌ tée nú ya̱ “Te̱e vá nkachiꞌ nuꞌuꞌ kúvi te̱e kúñáꞌnú ya̱ tátúníꞌ ni̱ꞌ nu̱u̱nꞌ rá ñɨvɨ Israel.”

Juan 19:3

Jee kúyatin ráa jee nkachiꞌ ráa nu̱u̱nꞌ re̱ꞌ: ―¡Natɨɨn tu̱ꞌun káva̱ꞌa noꞌó ya̱ tátúníꞌ nu̱u̱nꞌ rá ñɨvɨ Israel! ―nkachiꞌ ráa, jee kátúꞌ ráa nu̱u̱nꞌ re̱ꞌ.

Hechos 26:9

’I̱ña̱jée nékúvi ñúꞌún iniꞌ ni̱ꞌ, ya̱ íyó saꞌá kini víꞌí ni̱ꞌ si̱kɨ̱ꞌ rá ñɨvɨ ya̱ yɨ́ꞌɨ́ ráa nu̱u̱nꞌ Jesús, te̱e ñuunꞌ Nazaret.

Hechos 3:6

Soo nkachiꞌ Pedro nu̱u̱nꞌ re̱ꞌ: ―Ntu̱náꞌ xu̱ꞌún plata ni̱ꞌ íyó ni oro ni̱ꞌ. Soo ya̱ kúmí ni̱ꞌ, yaꞌá ví ya̱ taji ni̱ꞌ nu̱u̱nꞌ nú. Nu̱u̱nꞌ súví Jesús ya̱ kúvi Cristo, te̱e ñuunꞌ Nazaret, tátúníꞌ ni̱ꞌ nu̱u̱nꞌ nú: ¡Nakuiñɨꞌ!, jee, ¡kaka! ―nkachiꞌ Pedro.