Juan 19:15 - Mixteco del suroeste de Tlaxiaco Oaxaca

¹⁵ Soo nka̱najíín ráa: ―¡Tavaꞌ maa! ¡Tavaꞌ maa! ¡Tekaa maa nu̱u̱nꞌ kurúsiꞌ! ―nkachiꞌ ráa nu̱u̱nꞌ Pilato. Jee nkachiꞌ Pilato nu̱u̱nꞌ ráa: ―¿Á tekaa ni̱ꞌ te̱e nísotíñú rán nu̱u̱nꞌ kurúsiꞌ? Soo nna̱xiníkó rá su̱tu̱ꞌ kúñáꞌnú: ―Ránuꞌuꞌ chi ntu̱ví íyó inka ka̱ꞌ te̱e nísotíñú nu̱u̱nꞌ ránꞌ chisaꞌ métúꞌún ni te̱e nísotíñú Roma ví ya̱ tátúníꞌ nu̱u̱nꞌ ránꞌ ―nkachiꞌ ráa.

Juan 19:15 ပူးပေါင်းရင်းမြစ်များ

Génesis 49:10

Jee nkuíyo bastón nu̱u̱nꞌ Judá, jee kino̱o bastón te̱e néetiñu jín rá ichiyúkúnꞌ kiji nu̱u̱nꞌ re̱ꞌ ya̱ tatúníꞌ ráa ne̱kua̱ꞌ kiji te̱e xí karútíꞌ vá, jee rá ñɨvɨ ntáká rá ñuunꞌ kaníjiá ráa re̱ꞌ.

Mateo 22:17

Saáva kachiꞌ xá nu̱u̱nꞌ ráníꞌ na̱ja jiáni iniꞌ nú, ¿á yɨ́netuꞌ ya̱ chunáán‑ó xu̱ꞌún náneeꞌ te̱e ya̱ tátúníꞌ nación Roma, áxí ntu̱ví? ―nkachiꞌ rává nu̱u̱nꞌ Jesús.

Lucas 23:18

Soo ntáká rá ñɨvɨ kue̱ꞌe̱ꞌ ya̱ íñɨ́ yukuán, ɨɨn nuún ni nka̱najíín ráa, jee nkachiꞌ ráa: ―¡Íyó kuviꞌ re̱ꞌ! Jee, ¡siaáꞌ Barrabás kiji re̱ꞌ nu̱u̱nꞌ ránꞌ!

Juan 18:31

Saájee nkachiꞌ Pilato nu̱u̱nꞌ ráa: ―Kuáꞌán rán jín‑i jee saꞌá na̱a̱ꞌ rán kua̱chi si̱kɨ̱ꞌ‑ɨ kua̱ꞌ káchíꞌ ley rán. Jee nna̱xiníkó rá te̱e kúñáꞌnú nu̱u̱nꞌ ñuunꞌ Israel nu̱u̱nꞌ re̱ꞌ: ―Soo ntu jiáꞌa te̱e tátúnúꞌ Roma nu̱u̱nꞌ ránuꞌuꞌ kaꞌniꞌ ránꞌ ni ɨɨn ñɨvɨ.

Juan 19:6

Rá su̱tu̱ꞌ kúñáꞌnú jín rá te̱e kúmí veñu̱ꞌun káꞌnú sáá niniꞌ ráa Jesús, jee nka̱najíín ráa, jee nkachiꞌ ráa: ―¡Tekaa maa nu̱u̱nꞌ kurúsiꞌ! ¡Tekaa maa nu̱u̱nꞌ kurúsiꞌ! ―nkachiꞌ ráa. Jee nkachiꞌ Pilato nu̱u̱nꞌ ráa: ―Yaꞌá rán te̱e yaꞌá, jee tekaa maárán maa. Chi nuꞌuꞌ jee ni ntu̱náꞌ kua̱chi nnániꞌinꞌ ni̱ꞌ si̱kɨ̱ꞌ re̱ꞌ ―nkachiꞌ Pilato.

Hechos 13:28

Chi sú ntu nkútúníꞌ na̱ jie̱ꞌe̱ꞌ kaꞌniꞌ ráa maa, jee ni̱ka̱nꞌ ráa nu̱u̱nꞌ Pilato tají re̱ꞌ kɨ̱kaꞌniꞌ maa.

Hechos 21:36

Chi nnita nɨꞌɨ rá ñɨvɨ ya̱ta̱ꞌ‑a, jee kánajíín ráa: ―¡Íyó kuviꞌ re̱ꞌ!

Hechos 22:22

Jee nteso̱ꞌo ráa ne̱ ya̱ nkachiꞌ re̱ꞌ tu̱ꞌun yaꞌá, soo nka̱jiéꞌé nka̱najíín ráa: ―Xináánꞌ rán ɨɨn te̱e íyó suꞌva nu̱u̱nꞌ ñɨ̱vɨ́ yaꞌá. Chi ntu̱ví íyó kutekuꞌ re̱ꞌ.