Juan 18:30 - Mixteco del suroeste de Tlaxiaco Oaxaca

³⁰ Jee nna̱xiníkó ráa jee nkachiꞌ ráa nu̱u̱nꞌ re̱ꞌ: ―Retánꞌ nsú te̱e sáꞌá niva̱ꞌa ví‑i jee nsáꞌ kiji ránꞌ natají ránꞌ maa nu̱u̱nꞌ nú nékúvi.

Juan 18:30 ပူးပေါင်းရင်းမြစ်များ

Marcos 10:33

―Kune̱ꞌyá rán. Kua̱nkaa‑ó ñuunꞌ káꞌnú Jerusalén. Jee nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee naku̱ꞌva ɨɨn te̱e nuꞌuꞌ nu̱u̱nꞌ rá su̱tu̱ꞌ kúñáꞌnú jín nu̱u̱nꞌ rá te̱e xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ. Jee sanáaꞌ ráa ya̱ kaꞌniꞌ ráa nuꞌuꞌ. Jee naku̱ꞌva ráa nuꞌuꞌ xi̱ntíín rá ñɨvɨ ya̱ ntu kúvi nación Israel.

Marcos 15:3

Jee nxi̱kóñáꞌán rá su̱tu̱ꞌ kúñáꞌnú re̱ꞌ kue̱ꞌe̱ꞌ víꞌí kua̱chi.

Lucas 24:7

sáá nkachiꞌ re̱ꞌ nu̱u̱nꞌ rán: “Nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee sáá íyó naku̱ꞌva ñɨvɨ nuꞌuꞌ xi̱ntíín rá te̱e kua̱chi, jee tekaa ráa nuꞌuꞌ nu̱u̱nꞌ kurúsiꞌ jee kuviꞌ ni, jee ki̱vɨ̱ꞌ uníꞌ jee natekuꞌ i̱i̱ꞌ ni̱ꞌ nako̱o ni̱ꞌ kene ni̱ꞌ nteñu rá ni̱yɨ”, nkachiꞌ Jesús ―nkachiꞌ ni u̱vi̱ꞌ rá te̱e vá.

Juan 18:29

Saáva nkene Pilato nu̱u̱nꞌ ráa jee nkachiꞌ re̱ꞌ nu̱u̱nꞌ ráa: ―¿Na̱ jie̱ꞌe̱ꞌ chíkuáchi rán te̱e yaꞌá?

Juan 18:31

Saájee nkachiꞌ Pilato nu̱u̱nꞌ ráa: ―Kuáꞌán rán jín‑i jee saꞌá na̱a̱ꞌ rán kua̱chi si̱kɨ̱ꞌ‑ɨ kua̱ꞌ káchíꞌ ley rán. Jee nna̱xiníkó rá te̱e kúñáꞌnú nu̱u̱nꞌ ñuunꞌ Israel nu̱u̱nꞌ re̱ꞌ: ―Soo ntu jiáꞌa te̱e tátúnúꞌ Roma nu̱u̱nꞌ ránuꞌuꞌ kaꞌniꞌ ránꞌ ni ɨɨn ñɨvɨ.

Juan 19:12

Jee ne̱ hora yukuán jee núkú Pilato na̱ja siaáꞌ re̱ꞌ Jesús. Soo rá te̱e kúñáꞌnú nu̱u̱nꞌ ñɨvɨ Israel kánajíín ráa jee káchíꞌ ráa: ―Retú siaáꞌ nú te̱e yaꞌá, jee ntu̱ví kámani nú jín te̱e nísotíñú tátúníꞌ nu̱u̱nꞌ ñuunꞌ Roma. Chi néni ɨɨn te̱e ya̱ saꞌá‑a maáa te̱e nísotíñú, jee íñɨ́ re̱ꞌ si̱kɨ̱ꞌ te̱e tátúníꞌ nu̱u̱nꞌ ñuunꞌ Roma ―nkachiꞌ ráa.

Hechos 3:13

Ndiosíꞌ ví re̱ꞌ ya̱ nneñu̱ꞌun rá jííꞌ‑ó yanaꞌán Abraham jín Isaac jín Jacob. Jee suni Ndiosíꞌ ví re̱ꞌ ya̱ nneñu̱ꞌun rá inka tátáꞌ jííꞌ‑ó yanaꞌán re̱ꞌ. Suvire̱ꞌ ví ya̱ nsa̱ꞌá re̱ꞌ ya̱ kúñáꞌnú Se̱ꞌya re̱ꞌ Jesús. Jee suvirán nna̱ku̱ꞌva rán Jesús nu̱u̱nꞌ rá te̱e néetiñu. Jee suvirán nku̱ichi iniꞌ rán maa nu̱u̱nꞌ Pilato, sú nkuna̱a̱ꞌ iniꞌ re̱ꞌ siaáꞌ re̱ꞌ maa.

2 Timoteo 2:9

Jee jie̱ꞌe̱ꞌ tu̱ꞌun yaꞌá nóꞌo ni̱ꞌ tu̱nóꞌó, jee ne̱ núꞌníꞌ ni̱ꞌ jín cadena ka̱a, yɨ́ꞌɨ́ ni̱ꞌ iniꞌ veka̱a, kuéntáꞌ ɨɨn te̱e sáꞌá kua̱chi ni̱ꞌin ví ni̱ꞌ. Soo Tu̱ꞌun Ndiosíꞌ, nsáꞌ núꞌníꞌ‑i.

1 Pedro 4:15

Jee saáva koto sáꞌá rán tiñu jiáꞌníꞌ ta̱ꞌán, áxí ya̱ sákuíꞌná, áxí rá tiñu níváꞌa, áxí rá tiñu ya̱ kíní‑i maáa nu̱u̱nꞌ ñujiínꞌ rá inka ñɨvɨ, jee saáva retú kunoꞌo‑ó soo ntu íyó kunoꞌo rán jie̱ꞌe̱ꞌ rá tiñu vá jie̱ꞌe̱ꞌ ya̱ ntu nsa̱ꞌá rán maa.