Juan 17:24 - Mixteco del suroeste de Tlaxiaco Oaxaca

²⁴ ’Tátáꞌ ni̱ꞌ, jee rá ñɨvɨ ya̱ ntaji nú nu̱u̱nꞌ ni̱ꞌ, jee kuíni ni̱ꞌ ya̱ suni maáráa kuneeꞌ ráa jín nuꞌuꞌ nu̱u̱nꞌ kuneeꞌ ni̱ꞌ, sáva kuniꞌ ráa na̱ja viiꞌ nasɨ́kuitɨꞌ kúñáꞌnú ni̱ꞌ ya̱ ntaji nú nu̱u̱nꞌ ni̱ꞌ, chi ñúnúunꞌ nú nuꞌuꞌ ne̱ ntiáꞌan ka̱ꞌ nsa̱ꞌá nú ñɨ̱vɨ́.

Juan 17:24 ပူးပေါင်းရင်းမြစ်များ

Génesis 45:13

Jee kuáꞌán rán jee nakani rán nu̱u̱nꞌ tátáꞌ ni̱ꞌ jie̱ꞌe̱ꞌ nɨꞌɨ tiñu níso ni̱ꞌ kúñáꞌnú ni̱ꞌ nu̱u̱nꞌ ñuꞌun Egipto, jín nɨꞌɨ ya̱ niniꞌ rán yaꞌá. Ya̱chi̱ꞌ rán kua̱keꞌen rán tátáꞌ ni̱ꞌ jee kiji rán jín re̱ꞌ yaꞌá ―nkachiꞌ José.

Mateo 25:21

Jee nkachiꞌ i̱toꞌoꞌ re̱ꞌ nu̱u̱nꞌ re̱ꞌ: “Va̱ꞌa nsa̱ꞌá nú, chi musúꞌ va̱ꞌa síkínkuvi na̱a̱ꞌ kúvi nú. Chi síkúnkuvi na̱a̱ꞌ nú jín yakuꞌ tiñu lúlí, saájee kani ni̱ꞌ noꞌó nu̱u̱nꞌ kue̱ꞌe̱ꞌ tiñu ñáꞌnú ka̱ꞌ. Ki̱vɨ nu̱u̱nꞌ nasaꞌá sɨ́ɨꞌ ni̱ꞌ iniꞌ nú jín nuꞌuꞌ, ya̱ kúvi I̱toꞌoꞌ nú”, nkachiꞌ i̱toꞌoꞌ musúꞌ vá.

Mateo 25:23

Jee nkachiꞌ i̱toꞌoꞌ re̱ꞌ nu̱u̱nꞌ re̱ꞌ: “Va̱ꞌa nsa̱ꞌá nú, chi musúꞌ va̱ꞌa síkúnkuvi na̱a̱ꞌ kúvi nú. Chi síkúnkuvi na̱a̱ꞌ nú jín yakuꞌ tiñu lúlí, saájee kani ni̱ꞌ noꞌó nu̱u̱nꞌ kue̱ꞌe̱ꞌ tiñu ñáꞌnú ka̱ꞌ. Ki̱vɨ nu̱u̱nꞌ nasaꞌá sɨ́ɨꞌ ni̱ꞌ iniꞌ nú jín nuꞌuꞌ, ya̱ kúvi I̱toꞌoꞌ nú”, nkachiꞌ i̱toꞌoꞌ musúꞌ vá.

Mateo 25:34

’Saájee nuꞌuꞌ ya̱ kúvi ni̱ꞌ ya̱ tátúníꞌ nu̱u̱nꞌ nɨꞌɨ jee kachiꞌ ni̱ꞌ nu̱u̱nꞌ rá ñɨvɨ íñɨ́ ichi kuáꞌá ni̱ꞌ: “Neꞌenꞌ ránoꞌó, ya̱ netuꞌ kúvi rán nsa̱ꞌá Tátáꞌ ni̱ꞌ, jee ni̱ꞌi̱nꞌ rán ta̱ꞌvi̱ꞌ ya̱ váꞌa ya̱ yɨ́ꞌɨ́ rán xi̱ntíín re̱ꞌ tátúníꞌ re̱ꞌ nu̱u̱nꞌ rán ya̱ ya íyó túꞌva‑a ne̱ sáá nka̱jiéꞌé ña̱ko̱o ñɨ̱vɨ́ yaꞌá nsa̱ꞌá re̱ꞌ.

Mateo 26:29

Jee káchíꞌ ni̱ꞌ nu̱u̱nꞌ rán, ya̱ ne̱ vitan ni nsáꞌ koꞌo ni̱ꞌ ka̱ꞌ nixiꞌ yaꞌá ya̱ vixíꞌ kúun yokúꞌúꞌ uva, nekuaꞌ kenta ki̱vɨ̱ꞌ nakoꞌo jiáá tuku ni̱ꞌ maa jín rán sáá nakɨ̱ꞌɨ nɨꞌɨ xi̱ntíín Ndiosíꞌ jee tátúníꞌ re̱ꞌ nu̱u̱nꞌ nɨꞌɨ ―nkachiꞌ Jesús.

Lucas 12:37

Jee na̱ ka̱ꞌ netuꞌ ka̱ꞌ ví rá musúꞌ vá sáá nenta i̱toꞌoꞌ xí tiñu ráa jee naniꞌinꞌ re̱ꞌ ráa ya̱ íyó nito ráa. Jee máá naáꞌ nijia vá káchíꞌ ni̱ꞌ nu̱u̱nꞌ rán ya̱ suni ne̱ maá i̱toꞌoꞌ ráa nasatúꞌva re̱ꞌ maáréꞌ, jee sikúneeꞌ re̱ꞌ ráa yumesáꞌ, jee chisó re̱ꞌ nu̱u̱nꞌ ráa ya̱ kajiꞌ ráa.

Lucas 23:43

Saájee nkachiꞌ Jesús nu̱u̱nꞌ re̱ꞌ: ―Máá nááꞌ vá káchíꞌ ni̱ꞌ nu̱u̱nꞌ nú ya̱ ne̱ vitan kuneeꞌ nú jín nuꞌuꞌ ne̱ nu̱u̱nꞌ viiꞌ víꞌí íyó antivɨ́ súkún nu̱u̱nꞌ nééꞌ Ndiosíꞌ ―nkachiꞌ Jesús.

Juan 1:14

Jee maáréꞌ ya̱ kúvi Tu̱ꞌun vá nkenta nkuvi re̱ꞌ ɨɨn te̱e ñunéꞌyúꞌ jee nneeꞌ re̱ꞌ nteñu‑ó. Jee niniꞌ ránꞌ ya̱ viiꞌ nasɨ́kuitɨꞌ kúñáꞌnú re̱ꞌ. Kúñáꞌnú re̱ꞌ chi Se̱ꞌya métúꞌún Ndiosíꞌ kúvi re̱ꞌ ya̱ váji ne̱ nu̱u̱nꞌ Tátáꞌ‑ó Ndiosíꞌ. Jee ntántúníꞌ íyó mániꞌ iniꞌ re̱ꞌ néꞌyá re̱ꞌ yó jee mani kúvi re̱ꞌ ya̱ nááꞌ ya̱ saꞌ víꞌí káꞌ stúvi ya̱ nááꞌ jie̱ꞌe̱ꞌ Ndiosíꞌ.

Juan 12:26

Jee retú íyó ne̱ ni ɨɨn sátíñú‑u nu̱u̱nꞌ nuꞌuꞌ, jee íyó‑o kunikɨnꞌ‑ɨ nuꞌuꞌ. Chi ñɨvɨ ya̱ sátíñú nu̱u̱nꞌ nuꞌuꞌ, jee nu̱u̱nꞌ kuneeꞌ ni̱ꞌ jee suni yukuán kuneeꞌ musúꞌ ni̱ꞌ. Jee retú íyó ɨɨn ñɨvɨ sátíñú nu̱u̱nꞌ nuꞌuꞌ, jee saꞌá Tátáꞌ ni̱ꞌ ya̱ kúñáꞌnú ráa.

Juan 14:3

Jee sáá kɨ̱ꞌɨ̱nꞌ ni̱ꞌ jee saꞌá túꞌva ni̱ꞌ nu̱u̱nꞌ kuneeꞌ rán, jee kiji tuku ni̱ꞌ, jee kinake̱ꞌen ni̱ꞌ ránoꞌó, sáva suni kuneeꞌ rán nu̱u̱nꞌ kuneeꞌ ni̱ꞌ.

Juan 15:9

’Kuéntáꞌ sánikua̱ꞌ ñúnúunꞌ Tátáꞌ ni̱ꞌ nuꞌuꞌ, jee suni sukuán ñúnúunꞌ ni̱ꞌ ránoꞌó. Jee íyó kino̱o kutú rán kuiñɨ ni̱ꞌin rán nu̱u̱nꞌ tu̱ꞌun ñúnúunꞌ ni̱ꞌ ránoꞌó.

Juan 17:2

Chi ntaji nú tiñu níso ni̱ꞌ ya̱ tátúníꞌ ni̱ꞌ nu̱u̱nꞌ ntáká ñɨvɨ ñɨ̱vɨ́, sáva ntáká rá ñɨvɨ ya̱ ntaji nú nu̱u̱nꞌ ni̱ꞌ kɨꞌɨ ráa nu̱u̱nꞌ ni̱ꞌ, ni̱ꞌi̱nꞌ ráa ya̱ kutekuꞌ ráa nɨ́ɨ́nkání jín‑ó saꞌá ni̱ꞌ.

Juan 17:22

Jee suni kuéntáꞌ ntaji nú tiñu kúñáꞌnú nu̱u̱nꞌ nuꞌuꞌ, jee suni sukuán njia̱ꞌa ni tiñu kúñáꞌnú nu̱u̱nꞌ ráa kuniso ráa, sáva ɨɨn ni kuvi ráa, kuéntáꞌ maánú jín nuꞌuꞌ.

Juan 17:5

Vitan jee noꞌó, Tátáꞌ ni̱ꞌ, nasaꞌá tuku ya̱ kuñáꞌnú tuku ni̱ꞌ ne̱ nu̱u̱nꞌ nééꞌ nú, kuéntáꞌ kua̱ꞌ kúñáꞌnú ni̱ꞌ jín nú ne̱ sáá ntiáꞌan kɨ̱ko̱o ñɨ̱vɨ́ yaꞌá.

Juan 6:37

Chi nta̱ká ñɨvɨ ya̱ táji Tátáꞌ ni̱ꞌ nu̱u̱nꞌ ni̱ꞌ, jee natuꞌva ráa nuꞌuꞌ. Jee ɨɨn ñɨvɨ natuꞌva‑a nuꞌuꞌ ni nsáꞌ sukuíta ni̱ꞌ maa nu̱u̱nꞌ ni̱ꞌ.

Juan 6:39

Jee yaꞌá kúvi ya̱ kuíni maáréꞌ ya̱ nchu̱ichí nuꞌuꞌ, ya̱ nta̱ká rá ñɨvɨ ya̱ ntaji re̱ꞌ nu̱u̱nꞌ ni̱ꞌ, jee nsáꞌ sukuíta ni̱ꞌ ni ɨɨn, chisaꞌ xinátekuꞌ i̱i̱ꞌ ni̱ꞌ ráa jee xinákóo ni̱ꞌ ráa kene ráa nteñu rá níꞌiꞌ ki̱vɨ̱ꞌ nu̱u̱nꞌ nɨ́ꞌɨ.

Juan 8:58

Jee nkachiꞌ Jesús nu̱u̱nꞌ ráa: ―Máá nááꞌ vá káchíꞌ ni̱ꞌ nu̱u̱nꞌ rán, ya̱ ne̱ ntiáꞌan ka̱ꞌ kaku Abraham, jee ya̱ íyó nuꞌuꞌ ―nkachiꞌ Jesús.

1 Corintios 13:12

Chi vitan jee nsú nɨꞌɨ jíníꞌ‑ó jie̱ꞌe̱ꞌ Ndiosíꞌ, chi íyó kuéntáꞌ retánꞌ néꞌyá‑ó nu̱u̱nꞌ ɨɨn espejo ya̱ túvi neenꞌ, soo tiempúꞌ ichinúúnꞌ jee kune̱ꞌyá‑ó nu̱u̱nꞌ máá maá Ndiosíꞌ jín nchinúún‑ó. Vitan jíníꞌ ni̱ꞌ yakuꞌ ya̱ nstúvi Ndiosíꞌ nu̱u̱nꞌ‑ó, soo tiempúꞌ yukuán kuniꞌ noo nɨꞌɨ kuitɨꞌ, kuéntáꞌ sánikua̱ꞌ jíníꞌ noo maá Ndiosíꞌ nuꞌuꞌ.

2 Corintios 3:18

Jee jie̱ꞌe̱ꞌ sukuán, váchóo nta̱ká maáó kuéntáꞌ ntu ka̱ꞌ násɨ́ꞌ nu̱u̱nꞌ‑ó. Chi kúvi‑ó kuéntáꞌ ɨɨn espejo néꞌyá‑ó ya̱ viiꞌ kúñáꞌnú I̱toꞌoꞌ‑ó jee jiánu̱te̱ꞌ‑ó nuva I̱toꞌoꞌ‑ó, chi maa Ta̱chi̱ꞌ Ííꞌ re̱ꞌ sáꞌá ya̱ ne̱ jíꞌín‑ó viiꞌ kua̱ꞌa̱nꞌ kua̱ꞌa̱nꞌ kúvi‑ó sánikua̱ꞌ viiꞌ kúñáꞌnú I̱toꞌoꞌ‑ó, chi ya̱ viiꞌ kua̱ꞌa̱nꞌ sáma re̱ꞌ iniꞌ‑ó sáva koo‑ó kuéntáꞌ íyó maá I̱toꞌoꞌ‑ó. Suꞌva sáꞌá I̱toꞌoꞌ‑ó ya̱ maáréꞌ ví Ta̱chi̱ꞌ Ííꞌ.

2 Corintios 4:6

Chi Ndiosíꞌ ví ya̱ nta̱túníꞌ re̱ꞌ ya̱ tu̱u̱nꞌ ñuꞌunꞌ nu̱u̱nꞌ neenꞌ sáá nsa̱ꞌá re̱ꞌ ñɨ̱vɨ́. Suni maá Ndiosíꞌ ví ya̱ stúúnꞌ re̱ꞌ iniꞌ ánímaꞌ‑ó sáva tu̱u̱nꞌ iniꞌ ánímaꞌ‑ó ya̱ kuniꞌ‑ó ya̱ viiꞌ nasɨ́kuitɨꞌ kúñáꞌnú re̱ꞌ chi jíníꞌ‑ó iniꞌ Jesús ya̱ kúvi Cristo, kuéntáꞌ jiánu̱te̱ꞌ nu̱u̱nꞌ re̱ꞌ.

2 Corintios 5:8

Soo ne̱ yuchí kúneí iniꞌ‑ó Ndiosíꞌ, jee kée ka̱ꞌ kene‑ó veꞌi‑ó yaꞌá, ya̱ kúvi yɨkɨkúñu‑ó, jee kɨ̱ꞌɨ̱nꞌ‑ó nu̱u̱nꞌ kuneeꞌ‑ó jín I̱toꞌoꞌ‑ó.

Filipenses 1:23

Chi várésukuán jee tasáva ví ni̱ꞌ jee saꞌá ni̱ꞌ ni nuvi tiñu. Chi nóꞌónꞌ iniꞌ ni̱ꞌ ya̱ kuviꞌ ni̱ꞌ, jee kuneeꞌ ni̱ꞌ jín Cristo, nu̱u̱nꞌ ñuunꞌ íyó súkún, chi va̱ꞌa víꞌí ka̱ꞌ ví yaꞌá nu̱u̱nꞌ ni̱ꞌ.

1 Tesalonicenses 4:17

Jee kuíre rá maáó ya̱ nkino̱o‑ó tékúꞌ i̱i̱ꞌ‑ó ka̱ꞌ, jee xináa tútú Ndiosíꞌ yó jín ráa nu̱u̱nꞌ rá vi̱ko̱ꞌ. Jee naketáꞌán‑ó I̱toꞌoꞌ‑ó nu̱u̱nꞌ ta̱chi̱ꞌ víjin súkún. Saájee kuneeꞌ‑ó jín I̱toꞌoꞌ‑ó nɨ́ɨ́nkání.

1 Pedro 1:21

Chi jie̱ꞌe̱ꞌ Cristo jee jínúꞌ iniꞌ rán Ndiosíꞌ, ya̱ kúvi re̱ꞌ ya̱ nna̱xinátekuꞌ i̱i̱ꞌ tuku re̱ꞌ Cristo nnene‑e nteñu rá níyɨ, jee nnu̱ñáꞌnú nasɨ́kuitɨꞌ‑ɨ nsa̱ꞌá re̱ꞌ, jee saáva kúneí iniꞌ rán ínúꞌ iniꞌ rán Ndiosíꞌ, jee íyó kutú tu̱neí iniꞌ rán nétu rán ya̱ saꞌá re̱ꞌ.

1 Juan 3:2

Ránoꞌó ya̱ ñúnúunꞌ ni̱ꞌ, vitan jee se̱ꞌya Ndiosíꞌ kúvi‑ó. Soo ntiáꞌan tu̱vi ná kúvi ya̱ koo maáó tiempúꞌ ichinúúnꞌ. Soo jíníꞌ‑ó ya̱ sáá kitu̱vi Jesús niji re̱ꞌ, jee nuún koo‑ó jín re̱ꞌ kuéntáꞌ íyó maáréꞌ, chi kuniꞌ‑ó re̱ꞌ sánikua̱ꞌ íyó nijia re̱ꞌ.

Apoclipsis 21:22

Jee ni ntu̱ví níníꞌ ni̱ꞌ ni ɨɨn veñu̱ꞌun iniꞌ ñuunꞌ vá, chi maá I̱toꞌoꞌ‑ó Ndiosíꞌ ya̱ níso re̱ꞌ fesáꞌ ííꞌ ni̱ꞌin ya̱ kúñáꞌnú nasɨ́kuitɨꞌ re̱ꞌ nu̱u̱nꞌ kua̱íyó, jee maáréꞌ jín Lanchi Lúlí kúvi veñu̱ꞌun íyó iniꞌ ñuunꞌ yukuán.

Apoclipsis 3:21

’Jee ñɨvɨ ya̱ kuneí‑i si̱kɨ̱ꞌ ya̱ níváꞌa jín nu̱u̱nꞌ kui̱ꞌna̱ꞌ kúñáꞌnú, jee ku̱ꞌva ni̱ꞌ ya̱ kuneeꞌ ñɨvɨ vá jín nuꞌuꞌ nu̱u̱nꞌ teyuꞌ ni̱ꞌ nu̱u̱nꞌ tátúníꞌ ni̱ꞌ, kuéntáꞌ kua̱ꞌ nku̱neí ni̱ꞌ si̱kɨ̱ꞌ tiñu níváꞌa jee nééꞌ ni̱ꞌ jín Tááꞌ ni̱ꞌ nu̱u̱nꞌ teyuꞌ re̱ꞌ nu̱u̱nꞌ tátúníꞌ re̱ꞌ.