Juan 17:15 - Mixteco del suroeste de Tlaxiaco Oaxaca

¹⁵ ’Soo nsáꞌ jíkánꞌ táꞌvíꞌ ni̱ꞌ ya̱ tavaꞌ nú ráa iniꞌ ñɨ̱vɨ́ yaꞌá, chisaꞌ káchíꞌ ni̱ꞌ ya̱ kumí nú ráa nu̱u̱nꞌ maá kui̱ꞌna̱ꞌ kúñáꞌnú.

Juan 17:15 ပူးပေါင်းရင်းမြစ်များ

Génesis 48:16

jee Ndiosíꞌ ya̱ kúvi máá najiáꞌáꞌ ííꞌ ya̱ nna̱kani núne nuꞌuꞌ nu̱u̱nꞌ nɨꞌɨ ya̱ niváꞌa, jee jíkánꞌ táꞌvíꞌ ni̱ꞌ ya̱ saꞌá re̱ꞌ ya̱ netuꞌ kuvi rá te̱e súchí yaꞌá. Jee jie̱ꞌe̱ꞌ ráa jee nakuꞌun iniꞌ rá ñɨvɨ súví nuꞌuꞌ jín rá súví rá tátáꞌ jííꞌ ni̱ꞌ, Abraham jín Isaac. Jee na̱ ka̱ꞌ kukueꞌeꞌ nasɨ́kuitɨꞌ ráa sáva kenta koo nasɨ́kuitɨꞌ rá se̱ꞌya ichiyúkúnꞌ kiji nu̱u̱nꞌ ráa ñɨ̱vɨ́ yaꞌá”, nkachiꞌ Israel (Jacob).

Mateo 5:37

Chisaꞌ kuvi tu̱ꞌun káchíꞌ rán “kuvi”, retú kuvi, jee retú ntu̱ví, jee “ntu̱ví”. Chi retú chísó rán ka̱ꞌ nu̱u̱nꞌ tu̱ꞌun káꞌánꞌ rán, jee yukuán kúvi ya̱ váji‑i nu̱u̱nꞌ ya̱ kíni.

Mateo 6:13

Jee koto chuꞌun nú ichi ránuꞌuꞌ kininkava ránꞌ sikúvi iniꞌ ráníꞌ nu̱u̱nꞌ kua̱chi. Jee sikáku nú ránuꞌuꞌ nu̱u̱nꞌ ya̱ níváꞌa, [chi maánú kúvi ya̱ tátúníꞌ nu̱u̱nꞌ kua̱íyó, jee níso nú fuersáꞌ ííꞌ níꞌinꞌ, jee viiꞌ nasɨ́kuitɨꞌ kúñáꞌnú nú nɨ́ɨ́nkání. Sukuán koo, Amén.] Sukuán kachiꞌ ránú.

Lucas 11:4

Jee kunekáꞌnú iniꞌ nú kune̱ꞌyá nú ránuꞌuꞌ jie̱ꞌe̱ꞌ kua̱chi sáꞌá ránꞌ, chi suni nékáꞌnú iniꞌ ránꞌ nu̱u̱nꞌ ntáká rá ñɨvɨ jie̱ꞌe̱ꞌ ya̱ níváꞌa sáꞌá ráa ránuꞌuꞌ. Jee koto chuꞌun nú ichi ránuꞌuꞌ kininkava ránꞌ sikúvi iniꞌ ráníꞌ nu̱u̱nꞌ kua̱chi. [Jee sikáku nú ránuꞌuꞌ nu̱u̱nꞌ ya̱ níváꞌa], kachiꞌ rán. Nkachiꞌ Jesús.

Lucas 22:32

Soo nuꞌuꞌ jíkánꞌ táꞌvíꞌ ni̱ꞌ jie̱ꞌe̱ꞌ nú nu̱u̱nꞌ Ndiosíꞌ sáva níta ya̱ kúneí iniꞌ nú nuꞌuꞌ. Jee sáá nakani iniꞌ nú ya̱ nsa̱ꞌá nú jee nikó nú nu̱u̱nꞌ nuꞌuꞌ saájee nasáneí nú iniꞌ ánímaꞌ rá ñanitáꞌán nú kuiñɨ ni̱ꞌin ráa ―nkachiꞌ Jesús.

Gálatas 1:4

Nso̱ko̱ꞌ Jesús maáréꞌ ya̱ níꞌiꞌ re̱ꞌ jie̱ꞌe̱ꞌ kua̱chi‑ó, sáva sikáku re̱ꞌ yó, sáva ntu íyó kaka‑ó ichi tu̱ꞌun kánéꞌén, sáni sáꞌá rá ñɨvɨ nééꞌ ñɨ̱vɨ́ vitan ya̱ ntu yɨ́ꞌɨ́ ráa nu̱u̱nꞌ re̱ꞌ. Nsa̱ꞌá re̱ꞌ suꞌva sáni kuíni Tátáꞌ‑ó Ndiosíꞌ.

2 Tesalonicenses 3:3

Soo kúvi kúneí iniꞌ‑ó I̱toꞌoꞌ‑ó chi síkúnkuvi na̱a̱ꞌ re̱ꞌ nɨꞌɨ ya̱ káchíꞌ re̱ꞌ, jee saꞌá re̱ꞌ ya̱ kuiñɨ ni̱ꞌin rán jín re̱ꞌ jee kumí re̱ꞌ ránoꞌó nu̱u̱nꞌ ya̱ kíni.

2 Timoteo 4:8

Jee vitan rá ñúꞌún va̱ꞌa ta̱ꞌvi̱ꞌ ni̱ꞌ, ya̱ taji I̱toꞌoꞌ‑ó nu̱u̱nꞌ ni̱ꞌ jie̱ꞌe̱ꞌ jiáꞌnu na̱a̱ꞌ ni̱ꞌ nu̱u̱nꞌ re̱ꞌ. Jee taji re̱ꞌ maa nu̱u̱nꞌ ni̱ꞌ ki̱vɨ̱ꞌ nenta tuku re̱ꞌ keꞌneꞌ re̱ꞌ rá kua̱chi, chi na̱a̱ꞌ jiéꞌnéꞌ re̱ꞌ kua̱chi. Jee nsú kua̱chi nu̱u̱nꞌ maáníꞌ taji re̱ꞌ ta̱ꞌvi̱ꞌ vá, chi suni ku̱ꞌva re̱ꞌ ta̱ꞌvi̱ꞌ vá nu̱u̱nꞌ nta̱ká ñɨvɨ ya̱ ñúnúunꞌ ráa ya̱ niji re̱ꞌ.

1 Juan 5:18

Jee jíníꞌ‑ó ya̱ nta̱ká rá ñɨvɨ ya̱ nsa̱ꞌá Ndiosíꞌ ya̱ nna̱kaku ráa kúvi ráa se̱ꞌya re̱ꞌ, ntu̱ví jíka ráa jín kua̱chi. Jee Jesús ya̱ nkaku re̱ꞌ va̱ji re̱ꞌ ne̱ nu̱u̱nꞌ Ndiosíꞌ jee kúvi re̱ꞌ máá Se̱ꞌya Ndiosíꞌ, jee suvire̱ꞌ chi náma re̱ꞌ ráa, jee ntu kúvi tɨɨn niva̱ꞌa kui̱ꞌna̱ꞌ kúñáꞌnú ráa.

1 Juan 5:19

Jee jíníꞌ‑ó ya̱ kúvi‑ó ñɨvɨ Ndiosíꞌ, jín ya̱ kua̱íyó kuitɨꞌ rá inka ñɨvɨ ñɨ̱vɨ́ yaꞌá ya̱ ntu yɨ́ꞌɨ́ ráa nu̱u̱nꞌ re̱ꞌ, yɨ́ꞌɨ́ ráa chi̱ji xi̱ntíín kui̱ꞌna̱ꞌ kúñáꞌnú.