Juan 17:14 - Mixteco del suroeste de Tlaxiaco Oaxaca

¹⁴ Jee njia̱ꞌa ni̱ꞌ tu̱ꞌun nú nu̱u̱nꞌ ráa, soo rá ñɨvɨ ñɨ̱vɨ́ yaꞌá ya̱ ntu yɨ́ꞌɨ́ rává xi̱ntíín nú jee táꞌvi iniꞌ rává néꞌyá rává ráa, chi ntu íñɨ́ ráa ichi jiáꞌnu rává, kuéntáꞌ su jín nuꞌuꞌ ya̱ ntu̱ví yɨ́ꞌɨ́ ni̱ꞌ ñujiínꞌ rá ñɨvɨ ñɨ̱vɨ́ yaꞌá.

Juan 17:14 ပူးပေါင်းရင်းမြစ်များ

Génesis 3:15

Jee saꞌá ni̱ꞌ ya̱ tu̱fi̱ꞌ ta̱ꞌán noꞌó jín ñaꞌan vá, jín ya̱ tu̱fi̱ꞌ ta̱ꞌán se̱ꞌya ichiyúkúnꞌ nú jín se̱ꞌya ichiyúkúnꞌ ña. Jee ɨɨn se̱ꞌya ichiyúkúnꞌ ña xtufíꞌ re̱ꞌ xi̱ni̱ꞌ nú, jee suvinú xtufíꞌ xu̱jieꞌéꞌ re̱ꞌ.

Marcos 10:39

Suviráa nkachiꞌ: ―Kuvi. Jee nkachiꞌ Jesús nu̱u̱nꞌ ráa: ―Ya̱ kunoꞌo ni̱ꞌ, kunoꞌo rán. Jee ya̱ kuanuté ni̱ꞌ jín tu̱nóꞌó kuanuté rán.

Juan 17:16

Chi ntu íñɨ́ ráa ichi jiáꞌnu rá ñɨvɨ ñɨ̱vɨ́ yaꞌá, kuéntáꞌ sú nuꞌuꞌ ntu yɨ́ꞌɨ́ ni̱ꞌ nu̱u̱nꞌ ñujiínꞌ ñɨvɨ ñɨ̱vɨ́ yaꞌá.

Juan 17:8

Chi ntáká rá tu̱ꞌun ya̱ ntaji nú nu̱u̱nꞌ ni̱ꞌ, jee njia̱ꞌa ni̱ꞌ maa nu̱u̱nꞌ ráa. Jee ntɨɨn ráa ñúꞌún iniꞌ ráa maa, chi nku̱káꞌnú iniꞌ ráa ya̱ máá naáꞌ nijia kúvi ya̱ ne̱ nu̱u̱nꞌ maánú nkene ni̱ꞌ va̱ji ni̱ꞌ, jee suni ni̱nu̱ꞌ iniꞌ ráa ya̱ maánú nchu̱ichí nú nuꞌuꞌ va̱ji ni̱ꞌ jín tiñu sáꞌá ni̱ꞌ.

Juan 7:7

Chi rá ñɨvɨ íyó ñɨ̱vɨ́ yaꞌá, jee ntu̱ví kúvi kuꞌun táꞌvi iniꞌ ráa kune̱ꞌyá ráa ránoꞌó. Soo nuꞌuꞌ chi ñúꞌún táꞌvi iniꞌ ráa néꞌyá ráa nuꞌuꞌ, chi jiáꞌa ni̱ꞌ ya̱ naáꞌ jie̱ꞌe̱ꞌ ráa chi stúvi ni̱ꞌ ya̱ niváꞌa kúvi rá tiñu sáꞌá ráa.

Juan 8:23

Saájee nkachiꞌ Jesús nu̱u̱nꞌ ráa: ―Ránoꞌó chi ñɨvɨ ñɨ̱vɨ́ chi̱ji yaꞌá kúvi rán. Soo nuꞌuꞌ chi ne̱ ñuunꞌ antivɨ́ súkún si̱kɨ̱ꞌ va̱ji ni̱ꞌ. Jee ránoꞌó chi ñɨvɨ ñɨ̱vɨ́ yaꞌá kúvi rán. Soo nuꞌuꞌ chi nsú ñɨ̱vɨ́ yaꞌá va̱ji ni̱ꞌ.

1 Juan 3:12

Jee koto sáꞌá‑ó kuéntáꞌ nsa̱ꞌá Caín, ya̱ ni̱ñɨ re̱ꞌ jín kui̱ꞌna̱ꞌ kúñáꞌnú, jee ñaꞌniꞌ re̱ꞌ ñaniꞌ re̱ꞌ. Jee, ¿na̱ jie̱ꞌe̱ꞌ chi ñaꞌniꞌ re̱ꞌ maa, résa? Chi rá tiñu ya̱ nsa̱ꞌá re̱ꞌ nkuvi ya̱ niváꞌa, jee rá tiñu nsa̱ꞌá ñaniꞌ re̱ꞌ nkuvi ya̱ naáꞌ.

1 Juan 3:13

Ránoꞌó ñaniꞌ ni̱ꞌ jín ku̱ꞌva ni̱ꞌ, koto kúsɨ́ɨ́n iniꞌ rán retú rá ñɨvɨ yɨ́ꞌɨ́ ñujiínꞌ jiáꞌnu ñɨvɨ ñɨ̱vɨ́ yaꞌá táꞌvi iniꞌ ráa néꞌyá ráa ránoꞌó.