Juan 17:13 - Mixteco del suroeste de Tlaxiaco Oaxaca

¹³ ’Soo vitan jee kua̱najiaaꞌ ni̱ꞌ nu̱u̱nꞌ nééꞌ nú, soo ni nééꞌ ni̱ꞌ ntíꞌ ka̱ꞌ iniꞌ ñɨ̱vɨ́ yaꞌá jee káchíꞌ ni̱ꞌ rá tu̱ꞌun yaꞌá, sáva chitú ya̱ kusɨ̱ɨ̱ꞌ nasɨ́kuitɨꞌ iniꞌ ánímaꞌ ráa, kuéntáꞌ kúsɨ́ɨꞌ iniꞌ nuꞌuꞌ.

Juan 17:13 ပူးပေါင်းရင်းမြစ်များ

Juan 13:3

Jee jíníꞌ Jesús ya̱ máá Tátáꞌ re̱ꞌ Ndiosíꞌ njia̱ꞌa nu̱u̱nꞌ re̱ꞌ nta̱ká ya̱ íyó sáva kɨꞌɨ xi̱ntíín re̱ꞌ. Jee suni jíníꞌ re̱ꞌ ya̱ ne̱ nu̱u̱nꞌ Ndiosíꞌ nkene re̱ꞌ va̱ji re̱ꞌ nu̱u̱nꞌ ñɨ̱vɨ́ yaꞌá jee jíníꞌ re̱ꞌ ya̱ yukuán kɨ̱noꞌonꞌ re̱ꞌ nu̱u̱nꞌ Ndiosíꞌ.

Juan 15:11

Nkachiꞌ ni̱ꞌ rá tu̱ꞌun yaꞌá nu̱u̱nꞌ rán, sáva kusɨ̱ɨ̱ꞌ iniꞌ ánímaꞌ rán kuéntáꞌ kúsɨ́ɨꞌ iniꞌ ni̱ꞌ, jee sáva chuchítú ni̱ꞌ nu̱u̱nꞌ kúsɨ́ɨꞌ iniꞌ ánímaꞌ rán.

Juan 16:33

Ntáká rá tu̱ꞌun yaꞌá nkaꞌanꞌ ni̱ꞌ jín rán sáva ne̱ va̱ꞌa kino̱o ánímaꞌ rán, chi yɨ́ꞌɨ́ rán nu̱u̱nꞌ ni̱ꞌ. Chi kiji tu̱nóꞌó nu̱u̱nꞌ rán iniꞌ ñɨ̱vɨ́ yaꞌá, soo koo neí iniꞌ rán, chi ya nku̱neí ni̱ꞌ nu̱u̱nꞌ nɨꞌɨ ya̱ niváꞌa íyó iniꞌ ñɨ̱vɨ́.

Juan 17:11

’Jee nsáꞌ kuneeꞌ ni̱ꞌ ka̱ꞌ iniꞌ ñɨ̱vɨ́ yaꞌá. Jee suviráa kino̱o ráa kuneeꞌ ráa iniꞌ ñɨ̱vɨ́ yaꞌá, jee nuꞌuꞌ chi kua̱najiaaꞌ ni̱ꞌ nu̱u̱nꞌ nú, Tátáꞌ ni̱ꞌ ya̱ ííꞌ nasɨ́kuitɨꞌ. Jee jíkánꞌ táꞌvíꞌ ni̱ꞌ nu̱u̱nꞌ nú ya̱ kumaꞌñu kusava nú ráa jín fuersáꞌ ííꞌ nú ya̱ ntaji nú nu̱u̱nꞌ ni̱ꞌ, sáva saꞌá nú ya̱ ɨɨn ni kuvi ráa kuéntáꞌ kua̱ꞌ maánú jín nuꞌuꞌ.

Juan 3:29

Chi te̱e tánáꞌá ví ya̱ íyó re̱ꞌ jín ñaꞌan tánáꞌá jín re̱ꞌ. Soo te̱e ya̱ ma̱ni̱ꞌ jín te̱e tánáꞌá vá jee íñɨ́ re̱ꞌ jín te̱e tánáꞌá vá jee tésóꞌo re̱ꞌ rá tu̱ꞌun káꞌánꞌ‑a. Jee kúsɨ́ɨꞌ nasɨ́kuitɨꞌ iniꞌ re̱ꞌ tésóꞌo re̱ꞌ ya̱ káchíꞌ te̱e tánáꞌá vá. Saájee suni sukuán chítú ya̱ kúsɨ́ɨꞌ iniꞌ ni̱ꞌ.

Juan 7:33

Saájee nkachiꞌ Jesús: ―Yakuꞌ ni ka̱ꞌ tiempúꞌ íyó kuneeꞌ ni̱ꞌ jín rán, jee kɨ̱noꞌonꞌ ni̱ꞌ nu̱u̱nꞌ maáréꞌ ya̱ nta̱jí nuꞌuꞌ va̱ji ni̱ꞌ.

Hechos 13:52

Jee rá ñɨvɨ ya̱ yɨ́ꞌɨ́ ráa nu̱u̱nꞌ Jesús kúsɨ́ɨꞌ iniꞌ ráa, jee ñúchitú Ta̱chi̱ꞌ Ííꞌ Ndiosíꞌ ráa.

Romanos 14:17

Chi ya̱ yɨ́ꞌɨ́‑ó naꞌá Ndiosíꞌ ya̱ tátúníꞌ re̱ꞌ nu̱u̱nꞌ‑ó jee nsáꞌ naniꞌvɨꞌ iniꞌ‑ó jie̱ꞌe̱ꞌ neyu ya̱ yájíꞌ‑ó jín ya̱ jíꞌi‑ó, chisaꞌ jie̱ꞌe̱ꞌ ya̱ kueꞌnu na̱a̱ꞌ‑ó, jín ya̱ kuneeꞌ ñunkúún‑ó jín rá ñanitáꞌán‑ó, jín ya̱ kusɨ̱ɨ̱ꞌ ánímaꞌ‑ó sáꞌá Ta̱chi̱ꞌ Ííꞌ re̱ꞌ.

Gálatas 5:22

Soo suni túvi rá tiñu sáꞌá Ta̱chi̱ꞌ Ííꞌ Ndiosíꞌ iniꞌ ñɨvɨ kuéntáꞌ túvi rá vixíꞌ kúun yutun. Sáꞌá re̱ꞌ ya̱ ñɨvɨ: ñúnúunꞌ ráa táꞌán ráa, ñúꞌún tu̱ꞌun íyó sɨ́ɨꞌ iniꞌ ánímaꞌ ráa, nééꞌ ñunkúún ráa jín táꞌán ráa, káꞌnú iniꞌ ráa, kúváꞌa iniꞌ ráa, ma̱ni̱ꞌ iniꞌ ráa, na̱a̱ꞌ ráa nu̱u̱nꞌ rá táꞌán ráa ya̱ kúkáꞌnú iniꞌ rá ñɨvɨ ráa,

Hebreos 12:2

Kunenu̱u̱nꞌ‑ó Jesús ya̱ nu̱u̱nꞌ maáréꞌ va̱ji ya̱ kuneí iniꞌ‑ó re̱ꞌ, jee síkújia re̱ꞌ iniꞌ‑ó ya̱ kuneí va̱ꞌa iniꞌ‑ó re̱ꞌ ne̱ nu̱u̱nꞌ nɨꞌɨ. Chi ñeꞌneꞌ iniꞌ re̱ꞌ nnoꞌo re̱ꞌ nu̱u̱nꞌ kurúsiꞌ, jee ntu ntɨ́ɨn kuéntáꞌ re̱ꞌ ya̱ ku̱ꞌva rá ñɨvɨ tu̱nkánuun nu̱u̱nꞌ re̱ꞌ ya̱ kuviꞌ re̱ꞌ sukuán, chi njia̱ꞌa Ndiosíꞌ re̱ꞌ ya̱ kusɨ̱ɨ̱ꞌ víꞌí iniꞌ re̱ꞌ ichinúúnꞌ jee suni nna̱kuneeꞌ re̱ꞌ ichi kuáꞌá teyuꞌ nu̱u̱nꞌ nééꞌ Ndiosíꞌ tátúníꞌ‑i.

1 Juan 1:4

Tée ráníꞌ rá tu̱ꞌun yaꞌá nu̱u̱nꞌ ránú sáva chuchítú ya̱ kúsɨ́ɨꞌ iniꞌ ánímaꞌ ránú.

2 Juan 1:12

Íyó kue̱ꞌe̱ꞌ na̱ tu̱ꞌun tee ni̱ꞌ nu̱u̱nꞌ rán, soo ntu kuíni ni̱ꞌ tee ni̱ꞌ maa jín tinta nu̱u̱nꞌ tutuꞌ, chi íyó tu̱ꞌun neí iniꞌ ni̱ꞌ ya̱ kua̱jiane̱ꞌyá ni̱ꞌ ránoꞌó, jee kaꞌanꞌ máá maáó sáva ji̱nu iniꞌ ni̱ꞌ ya̱ kusɨ̱ɨ̱ꞌ iniꞌ ánímaꞌ‑ó.