Juan 17:11 - Mixteco del suroeste de Tlaxiaco Oaxaca

¹¹ ’Jee nsáꞌ kuneeꞌ ni̱ꞌ ka̱ꞌ iniꞌ ñɨ̱vɨ́ yaꞌá. Jee suviráa kino̱o ráa kuneeꞌ ráa iniꞌ ñɨ̱vɨ́ yaꞌá, jee nuꞌuꞌ chi kua̱najiaaꞌ ni̱ꞌ nu̱u̱nꞌ nú, Tátáꞌ ni̱ꞌ ya̱ ííꞌ nasɨ́kuitɨꞌ. Jee jíkánꞌ táꞌvíꞌ ni̱ꞌ nu̱u̱nꞌ nú ya̱ kumaꞌñu kusava nú ráa jín fuersáꞌ ííꞌ nú ya̱ ntaji nú nu̱u̱nꞌ ni̱ꞌ, sáva saꞌá nú ya̱ ɨɨn ni kuvi ráa kuéntáꞌ kua̱ꞌ maánú jín nuꞌuꞌ.

Juan 17:11 ပူးပေါင်းရင်းမြစ်များ

Mateo 10:16

’Jee kune̱ꞌyá rán, chi nuꞌuꞌ chúichí ni̱ꞌ ránoꞌó kɨ̱ꞌɨ̱nꞌ rán nteñu rá ñɨvɨ, kuéntáꞌ kuáꞌánꞌ rá lanchi nteñu rá váꞌúꞌ xe̱e̱nꞌ. Saáva nito koo rán kuéntáꞌ ko̱o̱ꞌ, soo kuꞌun másúꞌ saɨn iniꞌ rán kuéntáꞌ paloma.

Mateo 5:48

Saáva na̱a̱ꞌ kueꞌnu ránú kɨtíñú noo rán nu̱u̱nꞌ Ndiosíꞌ kuéntáꞌ kua̱ꞌ máá na̱a̱ꞌ kúvi Tátáꞌ ránú Ndiosíꞌ ya̱ nééꞌ antivɨ́ súkún.

Mateo 6:9

’Saáva kaꞌanꞌ rán jín Tátáꞌ rán Ndiosíꞌ suꞌva: Tátáꞌ ránꞌ, ya̱ nééꞌ antivɨ́ súkún, na̱ ka̱ꞌ kɨñúꞌún ñɨvɨ nu̱u̱nꞌ noꞌó ya̱ ííꞌ kúvi nú,

Juan 13:1

Saájee chi̱ji viko Pascua jee ya̱ jíníꞌ Jesús ya̱ nkenta ki̱vɨ̱ꞌ ya̱ kene re̱ꞌ iniꞌ ñɨ̱vɨ́ yaꞌá kɨ̱ꞌɨ̱nꞌ re̱ꞌ nu̱u̱nꞌ Tátáꞌ re̱ꞌ. Jee ñúnúunꞌ re̱ꞌ rá ñɨvɨ maáréꞌ [ya̱ súkuáꞌa re̱ꞌ ráa] ya̱ nééꞌ iniꞌ ñɨ̱vɨ́, jee ñúnúunꞌ re̱ꞌ ráa ne̱ ki̱vɨ̱ꞌ nu̱u̱nꞌ nɨ́ꞌɨ ntekuꞌ re̱ꞌ iniꞌ ñɨ̱vɨ́ yaꞌá.

Juan 13:3

Jee jíníꞌ Jesús ya̱ máá Tátáꞌ re̱ꞌ Ndiosíꞌ njia̱ꞌa nu̱u̱nꞌ re̱ꞌ nta̱ká ya̱ íyó sáva kɨꞌɨ xi̱ntíín re̱ꞌ. Jee suni jíníꞌ re̱ꞌ ya̱ ne̱ nu̱u̱nꞌ Ndiosíꞌ nkene re̱ꞌ va̱ji re̱ꞌ nu̱u̱nꞌ ñɨ̱vɨ́ yaꞌá jee jíníꞌ re̱ꞌ ya̱ yukuán kɨ̱noꞌonꞌ re̱ꞌ nu̱u̱nꞌ Ndiosíꞌ.

Juan 14:20

Jee ki̱vɨ̱ꞌ yukuán jee kuniꞌ rán ya̱ yɨ́ꞌɨ́ ni̱ꞌ iniꞌ Tátáꞌ ni̱ꞌ jín ya̱ yɨ́ꞌɨ́ rán nu̱u̱nꞌ ni̱ꞌ, jín ya̱ yɨ́ꞌɨ́ ni̱ꞌ iniꞌ ránoꞌó.

Juan 16:28

Nkene ni̱ꞌ va̱ji ni̱ꞌ ne̱ nu̱u̱nꞌ maá Tátáꞌ ni̱ꞌ, jee va̱ji ni̱ꞌ iniꞌ ñɨ̱vɨ́ yaꞌá. Jee vitan jee kene ni̱ꞌ iniꞌ ñɨ̱vɨ́ yaꞌá, jee kɨ̱noꞌonꞌ tuku ni̱ꞌ nu̱u̱nꞌ Tátáꞌ ni̱ꞌ ―nkachiꞌ Jesús.

Juan 16:33

Ntáká rá tu̱ꞌun yaꞌá nkaꞌanꞌ ni̱ꞌ jín rán sáva ne̱ va̱ꞌa kino̱o ánímaꞌ rán, chi yɨ́ꞌɨ́ rán nu̱u̱nꞌ ni̱ꞌ. Chi kiji tu̱nóꞌó nu̱u̱nꞌ rán iniꞌ ñɨ̱vɨ́ yaꞌá, soo koo neí iniꞌ rán, chi ya nku̱neí ni̱ꞌ nu̱u̱nꞌ nɨꞌɨ ya̱ niváꞌa íyó iniꞌ ñɨ̱vɨ́.

Juan 17:23

Nuꞌuꞌ, jee yɨ́ꞌɨ́ ni̱ꞌ iniꞌ ráa, jee noꞌó, yɨ́ꞌɨ́ nú iniꞌ nuꞌuꞌ, sáva kenta kuna̱a̱ꞌ nuún koo iniꞌ ráa, sáva kuniꞌ rá ñɨvɨ ñɨ̱vɨ́ ya̱ maánú nchu̱ichí nú nuꞌuꞌ, jín ya̱ ñúnúunꞌ nú ráa kuéntáꞌ ñúnúunꞌ nú nuꞌuꞌ.

Juan 17:25

’Tátáꞌ ni̱ꞌ, noꞌó chi na̱a̱ꞌ nasɨ́kuitɨꞌ kúvi nú. Soo rá ñɨvɨ ñɨ̱vɨ́ chi ntu̱ví jíníꞌ ráa iniꞌ noꞌó, soo nuꞌuꞌ chi jíníꞌ ni̱ꞌ iniꞌ noꞌó, jee jíníꞌ rá ñɨvɨ yaꞌá ya̱ noꞌó nchu̱ichí nú nuꞌuꞌ va̱ji ni.

Juan 17:6

’Chi rá ñɨvɨ nka̱ji nú iniꞌ ñɨ̱vɨ́ yaꞌá ya̱ ntaji nú ráa nu̱u̱nꞌ ni̱ꞌ, jee nstúvi ni̱ꞌ noꞌó nu̱u̱nꞌ ráa. Rá ñɨvɨ nú nkuvi ráa jee ntaji nú ráa nu̱u̱nꞌ ni̱ꞌ, jee ntɨɨn ráa ñúꞌún iniꞌ ráa tu̱ꞌun nú.

Juan 7:33

Saájee nkachiꞌ Jesús: ―Yakuꞌ ni ka̱ꞌ tiempúꞌ íyó kuneeꞌ ni̱ꞌ jín rán, jee kɨ̱noꞌonꞌ ni̱ꞌ nu̱u̱nꞌ maáréꞌ ya̱ nta̱jí nuꞌuꞌ va̱ji ni̱ꞌ.

Hechos 3:21

Jee íyó kino̱o Cristo ne̱ súkún, ne̱ tiempúꞌ nasástákoo Ndiosíꞌ nujiáá nɨꞌɨ, sánikua̱ꞌ nkachiꞌ re̱ꞌ tu̱ꞌun ya̱ njiáꞌa re̱ꞌ sákachiꞌ rá te̱e nákani tu̱ꞌun kéne yuꞌú re̱ꞌ, ne̱ tiempúꞌ nasɨ́kuitɨꞌ. Yɨ́tíñú ráa nu̱u̱nꞌ Ndiosíꞌ.

Romanos 12:5

Jee suni sukuán súnika̱ꞌ kue̱ꞌe̱ꞌ‑ó íyó, soo kuéntáꞌ ɨɨn yɨkɨkúñu kúvi‑ó ya̱ yɨ́ꞌɨ́‑ó nu̱u̱nꞌ Cristo, jee ta ɨɨn‑ó yɨ́ꞌɨ́‑ó nu̱u̱nꞌ ɨɨn inka‑ó.

Romanos 9:17

Chi káchíꞌ nu̱u̱nꞌ Tutuꞌ Ííꞌ ya̱ nkaꞌanꞌ Ndiosíꞌ jín Faraón [ya̱ nkuvi te̱e ya̱ nta̱túníꞌ ñuunꞌ Egipto]: “Jie̱ꞌe̱ꞌ yaꞌá nxi̱náa ni̱ꞌ noꞌó kunisotíñú nú, sáva kuatíñú ni̱ꞌ noꞌó sáva stúvi ni̱ꞌ fuersáꞌ ííꞌ ni̱ꞌin ni̱ꞌ, sáva te̱ku̱tu̱ꞌún jie̱ꞌe̱ꞌ ni̱ꞌ nu̱u̱nꞌ ñɨvɨ kua̱íyó ñɨ̱vɨ́”, nkachiꞌ Ndiosíꞌ.

1 Corintios 1:10

Jee jíkánꞌ táꞌvíꞌ ni̱ꞌ nu̱u̱nꞌ ránoꞌó ñaniꞌ jín ku̱ꞌva, nu̱u̱nꞌ súví I̱toꞌoꞌ‑ó Jesús ya̱ kúvi Cristo ya̱ ɨɨn ni kuvi‑ó ya̱ ɨɨn nuún ni natúꞌún rán, jee koto sáꞌá sɨ́ɨ́n rán maárán nteñu rá táꞌán rán, chisaꞌ ɨnuún koo iniꞌ antúníꞌ rán jín nuún kuꞌun iniꞌ rán.

Gálatas 3:28

Maáóránꞌ ya̱ yɨ́ꞌɨ́‑ó nu̱u̱nꞌ Cristo Jesús, ntu sɨ́ɨ́n íyó‑ó nu̱u̱nꞌ Ndiosíꞌ, sú kúvi rán ñɨvɨ Israel áxí ñɨvɨ ntu kúvi Israel, ni te̱e kúvi musúꞌ ya̱ nkeꞌen ñɨvɨ, ni te̱e xí tiñu ya̱ íñɨ́ núne, ni te̱e jín ni ñaꞌan, chi ɨɨn ni kúvi nɨꞌɨ‑ó nu̱u̱nꞌ Ndiosíꞌ, ya̱ yɨ́ꞌɨ́‑ó nu̱u̱nꞌ Cristo Jesús.

Efesios 4:4

Chi ɨɨn ni kuvi‑ó nu̱u̱nꞌ Ndiosíꞌ, kuéntáꞌ ɨɨn yɨkɨkúñu, jee ɨɨn ni Ta̱chi̱ꞌ Ííꞌ re̱ꞌ íyó jín‑ó, sánikua̱ꞌ suni nkana Ndiosíꞌ yó ya̱ ɨɨn nuún ni íyó tu̱neí iniꞌ‑ó ya̱ ni̱ꞌi̱nꞌ‑ó kuneeꞌ‑ó jín Cristo, chi nkana re̱ꞌ yó sáva ni̱ꞌi̱nꞌ‑ó maa.

Filipenses 2:9

Saáva suni Ndiosíꞌ nxi̱náa re̱ꞌ Jesús kúñáꞌnú re̱ꞌ ka̱ꞌ nu̱u̱nꞌ nɨꞌɨ. Jee njia̱ꞌa Ndiosíꞌ nu̱u̱nꞌ re̱ꞌ tiñu kúñáꞌnú ka̱ꞌ nsú káꞌ nta̱ká tiñu.

Hebreos 1:3

Jee ne̱ tu̱u̱nꞌ maá Se̱ꞌya re̱ꞌ viiꞌ kúñáꞌnú‑u mákua kúñáꞌnú re̱ꞌ, chi nuún náku‑u iniꞌ re̱ꞌ, chi ɨɨn ni kuvi ni núvíꞌ ráa. Jee tu̱ꞌun káꞌánꞌ Se̱ꞌya re̱ꞌ níso fuersáꞌ ííꞌ jee jín tu̱ꞌun tátúníꞌ Se̱ꞌya re̱ꞌ íyó kutú nɨꞌɨ ya̱ íyó. Jee sáá nkuvi nna̱sánoo‑o yó nu̱u̱nꞌ kua̱chi‑ó jie̱ꞌe̱ꞌ ya̱ nsa̱ꞌá‑a, jee nna̱kuneeꞌ‑e ichi kuáꞌá nu̱u̱nꞌ nééꞌ re̱ꞌ kúñáꞌnú re̱ꞌ tátúníꞌ re̱ꞌ ne̱ antivɨ́ súkún.

Hebreos 9:24

Chi Cristo ntu̱ví nkívɨ re̱ꞌ nu̱u̱nꞌ ííꞌ víꞌí iniꞌ veꞌi ííꞌ nu̱u̱nꞌ nsa̱ꞌá jín naꞌá rá ñɨvɨ, chi yukuán jee kua̱chi vá xínéꞌénꞌ‑e na̱ja kútúníꞌ sáá íyó nu̱u̱nꞌ ííꞌ nijia nasɨ́kuitɨꞌ ka̱ꞌ ya̱ íyó antivɨ́. Chisaꞌ nki̱vɨ nijia re̱ꞌ ne̱ máá maá antivɨ́ sáva íñɨ́ re̱ꞌ ichinúúnꞌ Ndiosíꞌ yɨ́tuvi re̱ꞌ ya̱ kúvi ya̱ váꞌa jie̱ꞌe̱ꞌ‑ó vitan.

Santiago 4:4

¡Ñɨvɨ ya̱ ntu jiáꞌnu na̱a̱ꞌ nu̱u̱nꞌ Ndiosíꞌ! Retú íyó mániꞌ táꞌán rán jín ya̱ níyo iniꞌ rá ñɨvɨ ñɨ̱vɨ́ yaꞌá, ¿á ntu jíníꞌ rán, ya̱ suvivá kúvi ya̱ túfíꞌ ta̱ꞌán rán néꞌyá rán Ndiosíꞌ? Saáva néni ɨɨn ñɨvɨ ya̱ nkuna̱a̱ꞌ iniꞌ‑i koo mániꞌ táꞌán‑a jín ya̱ níyo iniꞌ rá ñɨvɨ ñɨ̱vɨ́ yaꞌá, jee nkenta‑a kúvi‑i ñɨvɨ ya̱ túfíꞌ ta̱ꞌán‑a néꞌyá‑a Ndiosíꞌ.

1 Pedro 1:5

Chi jie̱ꞌe̱ꞌ ya̱ kúneí iniꞌ rán ya̱ sáꞌá Ndiosíꞌ jie̱ꞌe̱ꞌ rán, saáva kúmí re̱ꞌ ránoꞌó jín fuersáꞌ ííꞌ ni̱ꞌin re̱ꞌ sáva ni̱ꞌi̱nꞌ rán xinánitáꞌvíꞌ re̱ꞌ ránoꞌó ya̱ íyó stákoo‑o nsa̱ꞌá re̱ꞌ sáva stúvi nijinꞌ re̱ꞌ maa sáá kenta tióꞌ nu̱u̱nꞌ nɨ́ꞌɨ.

1 Juan 3:12

Jee koto sáꞌá‑ó kuéntáꞌ nsa̱ꞌá Caín, ya̱ ni̱ñɨ re̱ꞌ jín kui̱ꞌna̱ꞌ kúñáꞌnú, jee ñaꞌniꞌ re̱ꞌ ñaniꞌ re̱ꞌ. Jee, ¿na̱ jie̱ꞌe̱ꞌ chi ñaꞌniꞌ re̱ꞌ maa, résa? Chi rá tiñu ya̱ nsa̱ꞌá re̱ꞌ nkuvi ya̱ niváꞌa, jee rá tiñu nsa̱ꞌá ñaniꞌ re̱ꞌ nkuvi ya̱ naáꞌ.

1 Juan 5:19

Jee jíníꞌ‑ó ya̱ kúvi‑ó ñɨvɨ Ndiosíꞌ, jín ya̱ kua̱íyó kuitɨꞌ rá inka ñɨvɨ ñɨ̱vɨ́ yaꞌá ya̱ ntu yɨ́ꞌɨ́ ráa nu̱u̱nꞌ re̱ꞌ, yɨ́ꞌɨ́ ráa chi̱ji xi̱ntíín kui̱ꞌna̱ꞌ kúñáꞌnú.

Judas 1:1

Nuꞌuꞌ Judas, ya̱ kúvi ni̱ꞌ musúꞌ Jesús, níso re̱ꞌ tiñu Cristo ya̱ ñani Ndiosíꞌ re̱ꞌ sáva tatúníꞌ re̱ꞌ nu̱u̱nꞌ nɨꞌɨ. Jee kúvi ni̱ꞌ ñaniꞌ Jacobo. Jee tée ni̱ꞌ tutuꞌ yaꞌá nu̱u̱nꞌ ránoꞌó ñɨvɨ ya̱ nkana Tátáꞌ‑ó Ndiosíꞌ ránoꞌó kɨꞌɨ rán nu̱u̱nꞌ re̱ꞌ, jee ñúnúunꞌ re̱ꞌ ránoꞌó. Jee maá Jesús, ya̱ kúvi re̱ꞌ Cristo, jee kúmí re̱ꞌ ránoꞌó ya̱ yɨ́ꞌɨ́ rán xi̱ntíín re̱ꞌ.

Judas 1:24

Saájee nákuetúꞌún ni̱ꞌ Ndiosíꞌ chi maáréꞌ ví ya̱ níso fuersáꞌ ííꞌ jee kuvi kumí re̱ꞌ yó sáva ntu kininkava‑órán nu̱u̱nꞌ kua̱chi, jee kuvi saꞌá re̱ꞌ ya̱ nkóo téꞌén si̱kɨ̱ꞌ‑ó sáá kuiñɨ‑ó ichinúúnꞌ re̱ꞌ, nu̱u̱nꞌ viiꞌ nasɨ́kuitɨꞌ kúñáꞌnú re̱ꞌ, jee kusɨ̱ɨ̱ꞌ víꞌí iniꞌ‑ó jín re̱ꞌ.

Apoclipsis 15:4

Chi, ¿né ɨɨn ntu ñúyúꞌví iniꞌ‑i noꞌó, rúsa? I̱toꞌoꞌ ránꞌ, jee, ¿né ɨɨn ntu nákuetúꞌún‑u noꞌó ya̱ ntu káchíꞌ‑i ya̱ kúñáꞌnú nú, rúsa? ¡Ni ɨɨn! Chi métúꞌún maánú vá i̱i̱ꞌ. Chi kiji kua̱íyó rá ñɨvɨ ntáká nación kuneñu̱ꞌun ráa noꞌó. Chi túvi ya̱ sáꞌá nú rá tiñu na̱a̱ꞌ, sukuán jíta ráa.

Apoclipsis 19:12

Jee rá titɨ nchinúún re̱ꞌ kúvi‑i kuéntáꞌ yáá itaꞌ ñuꞌunꞌ, jee xi̱ni̱ꞌ re̱ꞌ ñúꞌún kue̱ꞌe̱ꞌ víꞌí rá corona, jee suni níso súví re̱ꞌ maáréꞌ, soo ni ɨɨn ntu̱náꞌ jíníꞌ maa, chi kua̱chi métúꞌún maáréꞌ ví ya̱ jíníꞌ maa.

Apoclipsis 4:8

Jee ni kúmíꞌ rá tékúꞌ vá, íyó i̱ñu̱ꞌ chi̱yo̱ꞌ ta ɨɨn ɨɨn ráa. Jee kua̱íyó rá ya̱ta̱ꞌ chi̱yo̱ꞌ ráa vá, jín chi̱ji chi̱yo̱ꞌ ráa nchi̱tú nchinúún ráa. Jee nuví niñuꞌ ntu jiákui̱ñɨ̱ꞌ ráa ya̱ káchíꞌ ráa: ¡Na̱ ka̱ꞌ vá i̱i̱ꞌ, i̱i̱ꞌ kúvi I̱toꞌoꞌ‑ó Ndiosíꞌ, i̱i̱ꞌ kúvi re̱ꞌ! Maáréꞌ níso fesáꞌ ííꞌ nasɨ́kuitɨꞌ, chi kúñáꞌnú nasɨ́kuitɨꞌ re̱ꞌ nu̱u̱nꞌ kua̱íyó. Maáréꞌ vá íyó nɨ́ɨ́nkání tiempúꞌ va̱ji ya̱ta̱ꞌ, maáréꞌ vá íyó vitan, jee suni maáréꞌ ví ya̱ koo nɨ́ɨ́nkání.