Juan 16:25 - Mixteco del suroeste de Tlaxiaco Oaxaca

²⁵ ’Nkachiꞌ ni̱ꞌ nu̱u̱nꞌ rán rá tu̱ꞌun kúnkunuún káꞌánꞌ. Soo kiji rá ki̱vɨ̱ꞌ ya̱ nsáꞌ kaꞌanꞌ ni̱ꞌ ka̱ꞌ jín rán rá tu̱ꞌun kúnkunuún káꞌánꞌ, chisaꞌ kájí ni kachitu̱ꞌún ni̱ꞌ nu̱u̱nꞌ rán tu̱ꞌun jie̱ꞌe̱ꞌ Tátáꞌ ni̱ꞌ.

Juan 16:25 ပူးပေါင်းရင်းမြစ်များ

Marcos 4:13

Jee nkachiꞌ re̱ꞌ nu̱u̱nꞌ ráa: ―¿Á ntu jiáku̱ꞌun iniꞌ rán tu̱ꞌun yaꞌá ya̱ kúnkunuún káꞌánꞌ? ¿Ré ntu̱ví jiáku̱ꞌun iniꞌ rán yaꞌá, na̱ja ki̱ku̱ꞌun iniꞌ rán nɨꞌɨ rá inka ka̱ꞌ tu̱ꞌun ya̱ kúnkunuún káꞌánꞌ rúja?

Marcos 4:34

Ntáká íchí nkaꞌanꞌ re̱ꞌ jín ráa, jee sukuáni nkaꞌanꞌ re̱ꞌ rá tu̱ꞌun ya̱ kúnkunuún vá. Soo nkachiꞌ sɨ́ɨ́n re̱ꞌ nu̱u̱nꞌ rá te̱e, ya̱ súkuáꞌa re̱ꞌ ráa, ná kuíni káchíꞌ ntáká rá tu̱ꞌun vá.

Marcos 8:32

Na̱a̱ꞌ kuitɨꞌ nkachiꞌ re̱ꞌ tu̱ꞌun yaꞌá. I̱ña̱jée kua̱ꞌa̱nꞌ sɨ́ɨ́n Pedro jín re̱ꞌ jee nka̱jiéꞌé‑e núxeenꞌ‑e nu̱u̱nꞌ re̱ꞌ jie̱ꞌe̱ꞌ káchíꞌ re̱ꞌ sukuán.

Juan 10:24

Jee rá te̱e kúñáꞌnú nu̱u̱nꞌ Israel nkuti̱yu̱ꞌ ráa nu̱u̱nꞌ Jesús, jee nkachiꞌ ráa: ―¿Na̱sa ka̱ꞌ tiempúꞌ vá íyó chuꞌun níní nú iniꞌ ránꞌ? Retú noꞌó ví máá Cristo, jee kachiꞌ kájí maa nu̱u̱nꞌ ránꞌ.

Juan 10:6

Jee tu̱ꞌun yaꞌá nkachiꞌ Jesús nu̱u̱nꞌ ráa ya̱ kúnkunuún káꞌánꞌ‑a jie̱ꞌe̱ꞌ [maáréꞌ jín rá ñɨvɨ re̱ꞌ]. Soo ni ntu̱ví ñáku̱ꞌun iniꞌ ráa na̱ jie̱ꞌe̱ꞌ kúvi ya̱ nkachiꞌ re̱ꞌ nu̱u̱nꞌ ráa.

Juan 16:12

’Jee íyó kue̱ꞌe̱ꞌ víꞌí ka̱ꞌ jie̱ꞌe̱ꞌ tu̱ꞌun ya̱ íyó kachiꞌ ni̱ꞌ nu̱u̱nꞌ rán, soo ntu kúvi kachiꞌ ni̱ꞌ maa, chi nsáꞌ kúneí rán ka̱ꞌ kɨ̱ku̱ꞌun iniꞌ rán maa vitan.

Juan 16:2

Chi tavaꞌ ráa ránoꞌó iniꞌ rá veꞌi sinagoga nu̱u̱nꞌ kútútú rá ñɨvɨ Israel jee nkúꞌva ráa ka̱ꞌ ki̱vɨ rán nteñu ráa. Jee nsú kua̱chi sukuán ni chi kenta ki̱vɨ̱ꞌ ya̱ néni ɨɨn ráa kaꞌniꞌ‑i ránoꞌó, jee kukaꞌvi iniꞌ‑i ya̱ ɨɨn tiñu váꞌa sáꞌá‑a nu̱u̱nꞌ Ndiosíꞌ.

Juan 16:32

Vitan jee ya̱ nku̱yatin hora, jee ya̱ nkenta tiempúꞌ, ya̱ kutenuun ta ɨɨn ɨɨn rán kɨ̱noꞌonꞌ rán ta veꞌi rán, jee xinóo métúꞌún rán nuꞌuꞌ. Soo nsáꞌ kino̱o métúꞌún ni̱ꞌ, chi íyó Tátáꞌ ni̱ꞌ jín ni̱ꞌ.

2 Corintios 4:2

Jee jíníi̱yo ráníꞌ sáꞌá ránꞌ rá tiñu yɨ́séꞌí ya̱ kúvi tu̱ꞌun kánuun sáꞌá ñɨvɨ. Jee ni ntu̱ví jíka ránꞌ jín tiñu máñáꞌ. Jee ni ntu̱ví sáma ránꞌ sáá káꞌánꞌ Tu̱ꞌun Ndiosíꞌ. Chisaꞌ stúvi nijinꞌ ránꞌ tu̱ꞌun na̱a̱ꞌ Ndiosíꞌ, jee sukuán nákutíñú rán jie̱ꞌe̱ꞌ maáránꞌ sáva kuniꞌ nta̱ká rá ñɨvɨ ne̱ ánímaꞌ ráa ya̱ na̱a̱ꞌ íyó ránꞌ. Jee jíníꞌ maá Ndiosíꞌ ya̱ na̱a̱ꞌ íyó ránꞌ.