Juan 15:22 - Mixteco del suroeste de Tlaxiaco Oaxaca

²² ’Chi retánꞌ ntu̱ví váji ni̱ꞌ, jee ni ntu̱náꞌ kachiꞌ ni̱ꞌ nu̱u̱nꞌ ráa jee ntu̱náꞌ si̱kɨ̱ꞌ ráa koo jie̱ꞌe̱ꞌ kua̱chi ráa nékúvi. Soo vitan jee ntu íyó na̱ní si̱kɨ̱ꞌ tee ráa jie̱ꞌe̱ꞌ kua̱chi ráa.

Juan 15:22 ပူးပေါင်းရင်းမြစ်များ

Lucas 12:46

saájee nenta i̱toꞌoꞌ musúꞌ vá máá ki̱vɨ ya̱ ntu ñúꞌún iniꞌ‑i nenta re̱ꞌ jín máá hora ya̱ ntu jíníꞌ‑i, jee xe̱e̱nꞌ xinóꞌo re̱ꞌ maa jee naskánitáꞌán re̱ꞌ maa kɨ̱ꞌɨ̱nꞌ‑ɨ nu̱u̱nꞌ kunoꞌo‑o jín rá ñɨvɨ ya̱ ntu síkúnkuvi na̱a̱ꞌ ráa nu̱u̱nꞌ re̱ꞌ.

Juan 12:48

Soo ñɨvɨ ya̱ kúníichiꞌ iniꞌ‑i nuꞌuꞌ, jee ntu̱ví tɨ́ɨn‑ɨ tu̱ꞌun káꞌánꞌ ni̱ꞌ, jee ya̱ íyó ɨɨn ya̱ sanáaꞌ‑a kua̱chi si̱kɨ̱ꞌ ñɨvɨ vá jee keꞌneꞌ‑e kua̱chi si̱kɨ̱ꞌ vá. Rá tu̱ꞌun ya̱ nkachiꞌ ni̱ꞌ ví ya̱ keꞌneꞌ‑e kua̱chi vá ki̱vɨ̱ꞌ nu̱u̱nꞌ nɨ́ꞌɨ.

Juan 15:23

Chi ñɨvɨ ya̱ táꞌvi iniꞌ‑i néꞌyá‑a nuꞌuꞌ, jee suni táꞌvi iniꞌ‑i néꞌyá‑a ne̱ Tátáꞌ ni̱ꞌ.

Juan 15:24

Chi retánꞌ ni ntu̱ví nsáꞌá ni̱ꞌ rá tiñu a̱nasɨ́ váꞌa nteñu ráa, ya̱ ntu̱ví sáꞌá ni ɨɨn inka ñɨvɨ maa, jee nsáꞌ koo kua̱chi si̱kɨ̱ꞌ ráa nékúvi. Soo vitan jee ya̱ niniꞌ ráa rá tiñu ya̱ nsa̱ꞌá ni̱ꞌ jee táꞌvi iniꞌ ráa néꞌyá ráa nuꞌuꞌ jín Tátáꞌ ni̱ꞌ.

Juan 16:9

Jee stúvi kájí re̱ꞌ ya̱ íyó kua̱chi si̱kɨ̱ꞌ ráa chi ntu kúneí iniꞌ ráa nuꞌuꞌ.

Juan 19:11

Soo nna̱xiníkó Jesús: ―Ntu̱ví íyó na̱ tiñu kuniso nú sáva sanáaꞌ nú si̱kɨ̱ꞌ nuꞌuꞌ, retánꞌ nsú Ndiosíꞌ nééꞌ antivɨ́ súkún ntaji re̱ꞌ tiñu vá níso nú. Jee saáva te̱e ya̱ nna̱tají re̱ꞌ nuꞌuꞌ xi̱ntíín noꞌó, jee suvire̱ꞌ vá íyó ka̱ꞌ kua̱chi si̱kɨ̱ꞌ re̱ꞌ nsú káꞌ noꞌó.

Juan 9:41

Jee nkachiꞌ Jesús nu̱u̱nꞌ ráa: ―Retánꞌ kúvi rán kuéntáꞌ te̱e kuáá, saájee nsáꞌ kuniso rán kua̱chi rán. Soo jie̱ꞌe̱ꞌ ya̱ káchíꞌ rán ya̱ “néꞌyá ránꞌ” jee kínóo kua̱chi rán jín rán ―nkachiꞌ Jesús.

Hechos 17:30

Soo tióꞌ ya̱ta̱ꞌ ntu nsa̱ꞌá kuéntáꞌ Ndiosíꞌ ya̱ ntu jíníꞌ rá ñɨvɨ jie̱ꞌe̱ꞌ re̱ꞌ. Soo vitan tátúníꞌ re̱ꞌ nu̱u̱nꞌ kua̱íyó ñɨvɨ nu̱u̱nꞌ nɨꞌɨ ñɨ̱vɨ́ ya̱ nakani iniꞌ ráa ñujiínꞌ ráa.

Romanos 1:20

Chi sú ntu túvi re̱ꞌ, soo ne̱ sáá nsa̱ꞌá re̱ꞌ ñɨ̱vɨ́ kájíkuitɨꞌ túvi na̱sa íyó re̱ꞌ. Chi kájíkuitɨꞌ túvi ya̱ kúvi re̱ꞌ Ndiosíꞌ jín ya̱ níso re̱ꞌ fuersáꞌ ííꞌ nɨ́ɨ́nkání, chi kúvi ki̱ku̱ꞌun iniꞌ nɨꞌɨ ñɨvɨ maa jie̱ꞌe̱ꞌ rá nantíñú nsa̱ꞌá re̱ꞌ. Saáva ntu̱ví íyó kúvi nanísi̱kɨ̱ꞌ tee ñɨvɨ ya̱ ntu jíníꞌ ráa jie̱ꞌe̱ꞌ Ndiosíꞌ.

Romanos 2:1

Saájee ntu̱né íyó ya̱ tee nú si̱kɨ̱ꞌ sáva nama nú maánú, néni ɨɨn ránoꞌó ya̱ tée nú kua̱chi si̱kɨ̱ꞌ inka ñɨvɨ. Chi retú tee kua̱chi nú si̱kɨ̱ꞌ inka ñɨvɨ jee síjíta nú si̱kɨ̱ꞌ maánú, chi noꞌó ya̱ síjíta nú inka ñɨvɨ jee suni ɨɨn nuún ni sáꞌá nú ya̱ sáꞌá ráa.

Santiago 4:17

Saáva ñɨvɨ ya̱ jíníꞌ ya̱ váꞌa saꞌá‑a, jee ntu sáꞌá‑a vá, saájee sáꞌá‑a kua̱chi.

1 Pedro 2:16

Nna̱kani núne Cristo ránoꞌó nu̱u̱nꞌ xinóꞌo Ndiosíꞌ ránoꞌó jie̱ꞌe̱ꞌ kua̱chi rán, saáva kueꞌnu na̱a̱ꞌ rán jee koto jiátíñú rán ya̱ íñɨ́ núne rán sáva tee rán nanísi̱kɨ̱ꞌ saꞌá rán ya̱ niváꞌa, chisaꞌ kueꞌnu rán sáni íyó kueꞌnu rá musúꞌ Ndiosíꞌ ya̱ yɨ́ꞌɨ́ rán xi̱ntíín re̱ꞌ.