Juan 15:14 - Mixteco del suroeste de Tlaxiaco Oaxaca

¹⁴ ’Jee ránoꞌó, chi ñɨvɨ kámani jín ni̱ꞌ kúvi rán, retú síkúnkuvi na̱a̱ꞌ nijia rán rá tu̱ꞌun ni̱ꞌ ya̱ nta̱túníꞌ ni̱ꞌ nu̱u̱nꞌ rán.

Juan 15:14 ပူးပေါင်းရင်းမြစ်များ

Mateo 12:50

Chi néni ɨɨn ñɨvɨ ya̱ sáꞌá‑a sáni kuíni Tátáꞌ ni̱ꞌ Ndiosíꞌ ya̱ nééꞌ antivɨ́ súkún, jee suvi‑i ví ñaniꞌ ni̱ꞌ jín ku̱ꞌva ni̱ꞌ jín náánꞌ ni̱ꞌ ―nkachiꞌ Jesús.

Lucas 12:4

’Káchíꞌ ni̱ꞌ nu̱u̱nꞌ ránoꞌó ya̱ ma̱ni̱ꞌ rán jín ni̱ꞌ ya̱ koto yúꞌví rán rá ñɨvɨ ya̱ jiáꞌníꞌ ráa ñunéꞌyúꞌ, jee ré ñaꞌniꞌ ráa jee ni ntu̱náꞌ kúvi saꞌá ráa ka̱ꞌ.

Juan 13:17

Retú jiáku̱ꞌun iniꞌ rán rá tu̱ꞌun yaꞌá, jee na̱ ka̱ꞌ va̱ꞌa ka̱ꞌ kúvi rán retú sikúnkuvi rán maa.

Juan 14:15

’Retú ñúnúunꞌ rán nuꞌuꞌ, jee kaníjiá rán sikúnkuvi rán rá tu̱ꞌun ya̱ nta̱túníꞌ ni̱ꞌ nu̱u̱nꞌ rán.

Juan 14:21

Chi néni ɨɨn ñɨvɨ ya̱ ñúꞌún iniꞌ‑i tu̱ꞌun ya̱ nta̱túníꞌ ni̱ꞌ jee sikúnkuvi‑i vá, jee ñɨvɨ yukuán ví ya̱ ñúnúunꞌ‑u nuꞌuꞌ, jee kunu̱u̱nꞌ Tátáꞌ ni̱ꞌ maa, jee nuꞌuꞌ kunu̱u̱nꞌ ni̱ꞌ maa, jee stúvi ni̱ꞌ na̱sa iniꞌ ni̱ꞌ nu̱u̱nꞌ ñɨvɨ vá ―nkachiꞌ Jesús.

Juan 14:28

’Ya nteso̱ꞌo rán ya̱ nkachiꞌ ni̱ꞌ nu̱u̱nꞌ rán: “Kɨ̱ꞌɨ̱nꞌ ni̱ꞌ, jee niji ni̱ꞌ nu̱u̱nꞌ rán.” Jee retú ñúnúunꞌ rán nuꞌuꞌ, yukuán re íyó tu̱ꞌun kusɨ̱ɨ̱ꞌ iniꞌ ánímaꞌ rán ya̱ kɨ̱ꞌɨ̱nꞌ noꞌonꞌ ni̱ꞌ nu̱u̱nꞌ Tátáꞌ ni̱ꞌ. Chi Tátáꞌ ni̱ꞌ vá kúñáꞌnú nasɨ́kuitɨꞌ ka̱ꞌ nsú káꞌ nuꞌuꞌ.

Juan 2:5

Saájee nkachiꞌ nánáꞌ Jesús nu̱u̱nꞌ rá ñɨvɨ ya̱ chúꞌun nixiꞌ: ―Saꞌá rán néni ɨɨn tiñu ya̱ kachiꞌ re̱ꞌ nu̱u̱nꞌ rán ―nkachiꞌ ña.

Santiago 2:23

Jee suꞌva nkuvi ya̱ nkachiꞌ Tu̱ꞌun Ndiosíꞌ níso nu̱u̱nꞌ Tutuꞌ Ííꞌ ya̱ káchíꞌ: Ni̱nu̱ꞌ iniꞌ Abraham Ndiosíꞌ, jee jie̱ꞌe̱ꞌ vá nkuna̱a̱ꞌ iniꞌ Ndiosíꞌ ya̱ kínóo na̱a̱ꞌ re̱ꞌ nu̱u̱nꞌ‑u, jee nna̱ní re̱ꞌ te̱e ma̱ni̱ꞌ jín Ndiosíꞌ.

1 Juan 5:3

Chi tu̱ꞌun ñúnúunꞌ‑ó Ndiosíꞌ kúvi yaꞌá ya̱ síkúnkuvi‑ó rá tu̱ꞌun nta̱túníꞌ re̱ꞌ. Jee rá tiñu nta̱túníꞌ re̱ꞌ chi nsáꞌ véi ví‑i.