Juan 15:10 - Mixteco del suroeste de Tlaxiaco Oaxaca

¹⁰ Jee retú ñúꞌún iniꞌ rán ya̱ sikúnkuvi rán rá tu̱ꞌun ya̱ tátúníꞌ ni̱ꞌ, jee sukuán kino̱o kutú rán kuiñɨ ni̱ꞌin rán nu̱u̱nꞌ tu̱ꞌun ñúnúunꞌ ni̱ꞌ ránoꞌó, sánikua̱ꞌ ñúꞌún iniꞌ ni̱ꞌ síkúnkuvi ni̱ꞌ rá tu̱ꞌun ya̱ nta̱túníꞌ Tátáꞌ ni̱ꞌ nu̱u̱nꞌ ni̱ꞌ, jee kínóo kutú ni̱ꞌ íñɨ́ ni̱ꞌin ni̱ꞌ nu̱u̱nꞌ tu̱ꞌun ñúnúunꞌ re̱ꞌ nuꞌuꞌ.

Juan 15:10 ပူးပေါင်းရင်းမြစ်များ

Juan 10:18

Chi ni ɨɨn ñɨvɨ ntu̱ví kuvi kaꞌniꞌ ráa nuꞌuꞌ, chisaꞌ maáníꞌ ví ya̱ jiáꞌayuꞌú ni̱ꞌ ya̱ kuviꞌ ni̱ꞌ. Chi níso ni̱ꞌ tiñu ñáꞌnú ííꞌ ni̱ꞌin ya̱ jiáꞌayuꞌú ni̱ꞌ ya̱ kuviꞌ ni̱ꞌ, jee suni níso ni̱ꞌ tiñu ñáꞌnú ííꞌ ni̱ꞌin ya̱ xinátekuꞌ i̱i̱ꞌ tuku ni̱ꞌ maáníꞌ. Chi sukuán nta̱túníꞌ Tátáꞌ ni̱ꞌ nu̱u̱nꞌ ni̱ꞌ ya̱ saꞌá ni̱ꞌ ―nkachiꞌ Jesús nu̱u̱nꞌ ráa.

Juan 12:49

Chi nuꞌuꞌ jee ntu̱ví káꞌánꞌ ni̱ꞌ tu̱ꞌun ya̱ kúvi iniꞌ maáníꞌ, chisaꞌ Tátáꞌ ni̱ꞌ ya̱ nchu̱ichí re̱ꞌ nuꞌuꞌ jín tiñu yaꞌá, jee maáréꞌ nta̱túníꞌ re̱ꞌ nu̱u̱nꞌ nuꞌuꞌ na̱sa íyó kachiꞌ ni̱ꞌ, jín na̱ jie̱ꞌe̱ꞌ kaꞌanꞌ ni̱ꞌ jín ñɨvɨ.

Juan 14:15

’Retú ñúnúunꞌ rán nuꞌuꞌ, jee kaníjiá rán sikúnkuvi rán rá tu̱ꞌun ya̱ nta̱túníꞌ ni̱ꞌ nu̱u̱nꞌ rán.

Juan 14:21

Chi néni ɨɨn ñɨvɨ ya̱ ñúꞌún iniꞌ‑i tu̱ꞌun ya̱ nta̱túníꞌ ni̱ꞌ jee sikúnkuvi‑i vá, jee ñɨvɨ yukuán ví ya̱ ñúnúunꞌ‑u nuꞌuꞌ, jee kunu̱u̱nꞌ Tátáꞌ ni̱ꞌ maa, jee nuꞌuꞌ kunu̱u̱nꞌ ni̱ꞌ maa, jee stúvi ni̱ꞌ na̱sa iniꞌ ni̱ꞌ nu̱u̱nꞌ ñɨvɨ vá ―nkachiꞌ Jesús.

Juan 14:23

Jee nna̱xiníkó Jesús, jee nkachiꞌ re̱ꞌ nu̱u̱nꞌ‑u: ―Ɨɨn ñɨvɨ ya̱ ñúnúunꞌ‑u nuꞌuꞌ, jee sikúnkuvi‑i tu̱ꞌun ni̱ꞌ, jee kunu̱u̱nꞌ Tátáꞌ ni̱ꞌ maa, jee ni núvíꞌ ni̱ꞌ jín Tátáꞌ ni̱ꞌ kiji ránꞌ nu̱u̱nꞌ ñɨvɨ vá, jee koo ránꞌ jín‑i.

Juan 14:31

Soo íyó kuvi sukuán sáva kuniꞌ rá ñɨvɨ ñɨ̱vɨ́ yaꞌá ya̱ ñúnúunꞌ ni̱ꞌ Tátáꞌ ni̱ꞌ, jín ya̱ síkúnkuvi ni̱ꞌ sáꞌá ni̱ꞌ sánikua̱ꞌ nta̱túníꞌ Tátáꞌ ni̱ꞌ nu̱u̱nꞌ ni̱ꞌ. Nakuiñɨꞌ‑órán, jee nkɨ́ꞌɨ́nꞌ‑órán ―nkachiꞌ Jesús.

Juan 17:4

’Nstúvi ni̱ꞌ nu̱u̱nꞌ rá ñɨvɨ íyó iniꞌ ñɨ̱vɨ́ yaꞌá ya̱ maánú ví ya̱ máá kúñáꞌnú nasɨ́kuitɨꞌ ka̱ꞌ, chi ya̱ nsi̱jínu ni̱ꞌ ntáká tiñu ya̱ ntaji nú nu̱u̱nꞌ ni̱ꞌ saꞌá ni̱ꞌ maa.

Juan 4:34

Jee nkachiꞌ Jesús nu̱u̱nꞌ ráa: ―Neyu yájíꞌ ni̱ꞌ ví ya̱ saꞌá ni̱ꞌ sáni kuíni maáréꞌ ya̱ nchu̱ichí re̱ꞌ nuꞌuꞌ va̱ji ni̱ꞌ, jín ya̱ sijínu ni̱ꞌ tiñu re̱ꞌ.

Juan 8:29

Jee Tátáꞌ ni̱ꞌ ya̱ nta̱jí re̱ꞌ nuꞌuꞌ jee íyó re̱ꞌ jín ni̱ꞌ. Jee ntu̱ví nxínóo métúꞌún re̱ꞌ nuꞌuꞌ chi sukuáni sáꞌá ni̱ꞌ tiñu ya̱ táꞌánꞌ iniꞌ re̱ꞌ néꞌyá re̱ꞌ maa ―nkachiꞌ Jesús.

Juan 8:55

Soo ni ntu̱ví jíníꞌ rán iniꞌ re̱ꞌ. Soo nuꞌuꞌ chi jíníꞌ va̱ꞌa ni̱ꞌ iniꞌ re̱ꞌ. Jee retú kachiꞌ ni̱ꞌ ya̱ ntu̱ví jíníꞌ ni̱ꞌ re̱ꞌ, saájee kuvi ni̱ꞌ ɨɨn te̱e túꞌún nékúvi kuéntáꞌ ránoꞌó. Soo jíníꞌ va̱ꞌa ni̱ꞌ iniꞌ re̱ꞌ, jee chúꞌun iniꞌ ni̱ꞌ tu̱ꞌun re̱ꞌ.

1 Corintios 7:19

Chi ntu̱náꞌ yɨ́yáꞌvi‑i retú íyó circuncidado‑o, jee ntu̱náꞌ yɨ́yáꞌvi retú ntu íyó circuncidado‑o. Chisaꞌ ya̱ ñáꞌnú ka̱ꞌ ví ya̱ sikúnkuvi‑ó rá tu̱ꞌun ya̱ nta̱túníꞌ Ndiosíꞌ.

1 Tesalonicenses 4:1

Jee ntañúꞌún kaꞌanꞌ ráníꞌ jie̱ꞌe̱ꞌ inka ka̱ꞌ tiñu. Ránoꞌó, ñaniꞌ jín ku̱ꞌva, jee jie̱ꞌe̱ꞌ yɨ́ꞌɨ́ ráníꞌ nu̱u̱nꞌ I̱toꞌoꞌ‑ó Jesús jee jíkánꞌ táꞌvíꞌ ránꞌ nu̱u̱nꞌ ránoꞌó jee xíníꞌvɨ́ꞌ ránꞌ iniꞌ ránoꞌó, ya̱ kukueꞌeꞌ víꞌí ka̱ꞌ kaka rán sánikua̱ꞌ nxi̱néꞌénꞌ ránꞌ ránoꞌó na̱sa íyó kaka rán sáva kuva̱ꞌa iniꞌ Ndiosíꞌ kune̱ꞌyá re̱ꞌ na̱sa jíka rán, sánikua̱ꞌ ya jiáꞌnu rán.

Hebreos 7:26

Jee saáva, Jesús kúvi nijia re̱ꞌ su̱tu̱ꞌ maá kúñáꞌnú nasɨ́kuitɨꞌ ka̱ꞌ sáni jíniñúꞌún‑ó. Chi i̱i̱ꞌ víꞌí re̱ꞌ, chi ni ntu̱ví kua̱chi re̱ꞌ, jee íyó noo re̱ꞌ, jee íyó sɨ́ɨ́n re̱ꞌ nu̱u̱nꞌ rá ñɨvɨ íyó kua̱chi, jee nkenta kúñáꞌnú nasɨ́kuitɨꞌ re̱ꞌ ne̱ nu̱u̱nꞌ súkún nasɨ́kuitɨꞌ ka̱ꞌ antivɨ́.

2 Pedro 2:21

Chi va̱ꞌa ka̱ꞌ kuvi ráa retánꞌ sukuán jee ntu níníꞌ ráa ichi na̱a̱ꞌ jie̱ꞌe̱ꞌ Jesús nékúvi, nsú káꞌ niniꞌ ráa maa jee nxi̱nóo ráa maa nni̱kóyátá ráa nu̱u̱nꞌ tu̱ꞌun ííꞌ ya̱ nta̱túníꞌ Ndiosíꞌ ya̱ kúvi tu̱ꞌun ya̱ nníꞌinꞌ ráa.

1 Juan 2:3

Nu̱u̱nꞌ síkúnkuvi‑ó rá tiñu tátúníꞌ re̱ꞌ, jee suꞌva kukáꞌnú nijia iniꞌ‑ó ya̱ ma̱ni̱ꞌ‑ó jín Ndiosíꞌ.

1 Juan 2:5

Soo néni ɨɨn ñɨvɨ ya̱ síkúnkuvi ráa tu̱ꞌun re̱ꞌ, jee ñɨvɨ yaꞌá máá naáꞌ nijia ya̱ nijia iniꞌ ráa ñúnúunꞌ ráa Ndiosíꞌ, jee jie̱ꞌe̱ꞌ yaꞌá jíníꞌ‑ó ya̱ yɨ́ꞌɨ́‑ó nu̱u̱nꞌ re̱ꞌ.

1 Juan 2:6

Jee ñɨvɨ ya̱ káchíꞌ ya̱ kino̱o kutú‑u kɨꞌɨ‑ɨ nu̱u̱nꞌ re̱ꞌ, jee íyó ya̱ kueꞌnu‑u kuéntáꞌ ñaꞌnu Jesús.

1 Juan 5:3

Chi tu̱ꞌun ñúnúunꞌ‑ó Ndiosíꞌ kúvi yaꞌá ya̱ síkúnkuvi‑ó rá tu̱ꞌun nta̱túníꞌ re̱ꞌ. Jee rá tiñu nta̱túníꞌ re̱ꞌ chi nsáꞌ véi ví‑i.

Apoclipsis 22:14

Saáva na̱ ka̱ꞌ netuꞌ ka̱ꞌ kuvi rá ñɨvɨ ya̱ nasánoo ráa iniꞌ ánímaꞌ ráa nu̱u̱nꞌ ya̱ níváꞌa, jee yukuán kúvi kuéntáꞌ nakete ráa saꞌma ráa. Jee sukuán íyó ni̱ꞌi̱nꞌ ráa ya̱ kuvi kajiꞌ ráa ya̱ vixíꞌ kúun yutun ya̱ sáꞌá ya̱ kutekuꞌ ráa nɨ́ɨ́nkání yukuán, jee íyó ni̱ꞌi̱nꞌ ráa ya̱ kuvi ki̱vɨ ráa rá yuvéꞌí ñuunꞌ ííꞌ yukuán.