Juan 14:24 - Mixteco del suroeste de Tlaxiaco Oaxaca

²⁴ Jee ɨɨn ñɨvɨ ya̱ ntu̱ví ñúnúunꞌ‑u nuꞌuꞌ, jee ni ntu̱ví síkúnkuvi‑i tu̱ꞌun ni̱ꞌ. Jee rá tu̱ꞌun ya̱ tésóꞌo rán ya̱ káchíꞌ ni̱ꞌ, jee nsú tu̱ꞌun maáníꞌ kúvi‑i, chisaꞌ tu̱ꞌun maá Tátáꞌ ni̱ꞌ ya̱ nchu̱ichí re̱ꞌ nuꞌuꞌ kúvi rá tu̱ꞌun ya̱ káchíꞌ ni̱ꞌ.

Juan 14:24 ပူးပေါင်းရင်းမြစ်များ

Mateo 19:21

Jee nkachiꞌ Jesús nu̱u̱nꞌ‑u: ―Retú kuíni nú kuvi nú ɨɨn te̱e na̱a̱ꞌ ya̱ síkúnkuvi nɨꞌɨ, kuáꞌán, jee xi̱kó nú nɨꞌɨ rá nantíñú kúmí nú, jee ku̱ꞌva xu̱ꞌún vá nu̱u̱nꞌ rá ñɨvɨ láꞌví, saájee ni̱ꞌi̱nꞌ nú ta̱ꞌvi̱ꞌ váꞌa ka̱ꞌ yɨ́yáꞌvi víꞌí ne̱ antivɨ́ súkún. Jee neꞌenꞌ kunikɨnꞌ nú nuꞌuꞌ ―nkachiꞌ Jesús.

Juan 14:10

¿Á ntu̱ví jínúꞌ iniꞌ nú ya̱ yɨ́ꞌɨ́ Tátáꞌ ni̱ꞌ iniꞌ ni̱ꞌ jín ya̱ yɨ́ꞌɨ́ ni̱ꞌ iniꞌ Tátáꞌ ni̱ꞌ résa? Chi ntáká rá tu̱ꞌun ya̱ káchíꞌ ni̱ꞌ nu̱u̱nꞌ rán, jee nsú rá tu̱ꞌun ya̱ jiáni xi̱ni̱ꞌ maáníꞌ kúvi ya̱ káchíꞌ ni̱ꞌ. Chisaꞌ jie̱ꞌe̱ꞌ ni ka̱ꞌ ya̱ yɨ́ꞌɨ́ Tátáꞌ ni̱ꞌ iniꞌ ni̱ꞌ, jee saáva maáréꞌ sáꞌá ntáká tiñu ya̱ sáꞌá nuꞌuꞌ.

Juan 14:15

’Retú ñúnúunꞌ rán nuꞌuꞌ, jee kaníjiá rán sikúnkuvi rán rá tu̱ꞌun ya̱ nta̱túníꞌ ni̱ꞌ nu̱u̱nꞌ rán.

Juan 14:25

’Jee nkachiꞌ ni̱ꞌ rá tu̱ꞌun yaꞌá nu̱u̱nꞌ rán ni nééꞌ ni̱ꞌ jín rán.

Juan 3:11

Máá na̱a̱ꞌ vá káchíꞌ ni̱ꞌ nu̱u̱nꞌ nú ya̱ káꞌánꞌ ráníꞌ jie̱ꞌe̱ꞌ ya̱ jíníꞌ ránꞌ jee jiáꞌa ránꞌ ya̱ naáꞌ jie̱ꞌe̱ꞌ ya̱ niniꞌ ránꞌ jínúunꞌ ránꞌ. Soo ntu tɨ́ɨn rán rá tu̱ꞌun na̱a̱ꞌ káchíꞌ ránꞌ.

Juan 3:34

Chi maáréꞌ ya̱ nchu̱ichí Ndiosíꞌ re̱ꞌ, jee káꞌánꞌ re̱ꞌ rá Tu̱ꞌun Ndiosíꞌ, jee ntu ñúkúꞌvá iniꞌ Ndiosíꞌ jiáꞌa‑a Ta̱chi̱ꞌ Ííꞌ‑i [íyó jín re̱ꞌ].

Juan 5:19

Saájee nkachiꞌ Jesús nu̱u̱nꞌ ráa: ―Máá nááꞌ vá káchíꞌ ni̱ꞌ nu̱u̱nꞌ rán: Nuꞌuꞌ, ya̱ kúvi ni̱ꞌ Se̱ꞌya Ndiosíꞌ, nkúvi saꞌá ni̱ꞌ ni ɨɨn tiñu ya̱ maáníꞌ, chi kua̱chi sáꞌá ni̱ꞌ sáni néꞌyá ni̱ꞌ ya̱ sáꞌá Tátáꞌ ni̱ꞌ. Chi néni ɨɨn tiñu ya̱ sáꞌá Tátáꞌ ni̱ꞌ Ndiosíꞌ, suni sukuán nuꞌuꞌ ya̱ kúvi ni̱ꞌ Se̱ꞌya Ndiosíꞌ nuún sáꞌá ni̱ꞌ maa.

Juan 5:38

Jee ni ntu ñúꞌún tu̱ꞌun re̱ꞌ iniꞌ rán, chi nuꞌuꞌ ya̱ nchu̱ichí re̱ꞌ va̱ji ni̱ꞌ, jee ni ntu jínúꞌ iniꞌ rán nuꞌuꞌ.

Juan 7:16

Jee nna̱xiníkó Jesús nu̱u̱nꞌ ráa: ―Rá tu̱ꞌun ya̱ xínéꞌénꞌ ni̱ꞌ ránoꞌó, jee nsú tu̱ꞌun kéne iniꞌ maáníꞌ ví‑i, chisaꞌ va̱ji ne̱ nu̱u̱nꞌ maáréꞌ ya̱ nchu̱ichí re̱ꞌ nuꞌuꞌ.

Juan 7:28

Saájee sáá súkuáꞌa Jesús rá ñɨvɨ chíkéꞌi iniꞌ veñu̱ꞌun káꞌnú, jee nkaꞌanꞌ ni̱ꞌin re̱ꞌ: ―¿Á jíníꞌ nijia rán nuꞌuꞌ, jee á jíníꞌ nijia rán ne̱ núꞌ va̱ji ni̱ꞌ rúja? Soo nsáꞌ kúvi iniꞌ maáníꞌ ya̱ va̱ji ni̱ꞌ ñɨ̱vɨ́ yaꞌá. Chi maáréꞌ ya̱ nchu̱ichí re̱ꞌ nuꞌuꞌ jee na̱a̱ꞌ víꞌí re̱ꞌ. Jee ni̱ꞌ ntu̱ví jíníꞌ rán iniꞌ re̱ꞌ.

Juan 8:26

Íyó kue̱ꞌe̱ꞌ tu̱ꞌun ya̱ kachiꞌ ni̱ꞌ jie̱ꞌe̱ꞌ rán, jín suni kue̱ꞌe̱ꞌ jie̱ꞌe̱ꞌ sanáaꞌ ni̱ꞌ jie̱ꞌe̱ꞌ rán. Soo maáréꞌ ya̱ nchu̱ichí re̱ꞌ nuꞌuꞌ, na̱a̱ꞌ kúvi re̱ꞌ, jee rá tu̱ꞌun ya̱ nteso̱ꞌo ni̱ꞌ ya̱ nkachiꞌ re̱ꞌ ví rá tu̱ꞌun káchíꞌ ni̱ꞌ nu̱u̱nꞌ ñɨvɨ ñɨ̱vɨ́ yaꞌá.

Juan 8:28

Saájee nkachiꞌ Jesús: ―Nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, sáá xináa rán nuꞌuꞌ nu̱u̱nꞌ kurúsiꞌ, jee kuniꞌ rán ya̱ Nuꞌuꞌ Ví‑i, ya̱ káchíꞌ ni̱ꞌ, Jee kuniꞌ rán ya̱ ni ɨɨn tiñu ntu sáꞌá ni̱ꞌ ya̱ máá maáníꞌ. Chisaꞌ sáꞌá ni̱ꞌ sánikua̱ꞌ nxi̱néꞌénꞌ Tátáꞌ ni̱ꞌ nuꞌuꞌ, jee rá tu̱ꞌun yukuán ví ya̱ káchíꞌ ni̱ꞌ.

Juan 8:38

Nuꞌuꞌ chi káchíꞌ ni̱ꞌ tu̱ꞌun ya̱ nxi̱néꞌénꞌ Tátáꞌ ni̱ꞌ nu̱u̱nꞌ ni̱ꞌ. Saájee ránoꞌó chi sáꞌá rán tiñu ya̱ nxi̱néꞌénꞌ tátáꞌ rán nu̱u̱nꞌ rán ―nkachiꞌ Jesús.

Juan 8:42

Saájee nkachiꞌ Jesús nu̱u̱nꞌ ráa: ―Jee retánꞌ Ndiosíꞌ kúvi re̱ꞌ Tátáꞌ rán, jee kunu̱u̱nꞌ rán nuꞌuꞌ nékúvi. Chi nuꞌuꞌ, jee ne̱ nu̱u̱nꞌ Ndiosíꞌ nkene ni̱ꞌ va̱ji ni̱ꞌ. Jee nsú jie̱ꞌe̱ꞌ nkuini maáníꞌ jee va̱ji ni, chisaꞌ maáréꞌ nta̱jí re̱ꞌ nuꞌuꞌ va̱ji ni̱ꞌ.