Juan 14:16 - Mixteco del suroeste de Tlaxiaco Oaxaca

¹⁶ Jee nuꞌuꞌ, jee ka̱ka̱nꞌ táꞌvíꞌ ni̱ꞌ nu̱u̱nꞌ Tátáꞌ ni̱ꞌ, jee chuichí re̱ꞌ ɨɨn ya̱ chineí chituvi‑i nachuꞌun neí‑i iniꞌ ránoꞌó, sáva koo‑o jín rán nɨ́ɨ́nkání.

Juan 14:16 ပူးပေါင်းရင်းမြစ်များ

Mateo 28:20

Jee xinéꞌénꞌ rán ráa ya̱ kaníjiá ráa ntáká ya̱ nta̱túníꞌ ni̱ꞌ nu̱u̱nꞌ rán, jee nuꞌuꞌ koo ni̱ꞌ jín rán ntáká ki̱vɨ̱ꞌ ne̱kua̱ꞌ kenta ji̱nu tiempúꞌ nu̱u̱nꞌ nɨ́ꞌɨ. Sukuán koo.

Juan 14:14

Retú ná kúvi ya̱ ka̱ka̱nꞌ rán nu̱u̱nꞌ Tátáꞌ ni̱ꞌ nu̱u̱nꞌ súví nuꞌuꞌ jie̱ꞌe̱ꞌ yɨ́ꞌɨ́ rán nu̱u̱nꞌ ni̱ꞌ, jee saꞌá ni̱ꞌ maa.

Juan 14:18

’Jee ni nsáꞌ xinóo métúꞌún ni ránoꞌó kuéntáꞌ rá ñɨvɨ kínóo láꞌví, chi niji ni̱ꞌ nu̱u̱nꞌ rán.

Juan 14:26

Soo nu̱u̱nꞌ súví nuꞌuꞌ chuichí Tátáꞌ ni̱ꞌ Ta̱chi̱ꞌ Ííꞌ re̱ꞌ kiji‑i ya̱ maáa ví ya̱ chineí chituvi‑i nachuꞌun neí‑i iniꞌ ránoꞌó. Jee maáa vá xinéꞌénꞌ‑e ránoꞌó jie̱ꞌe̱ꞌ ntáká tu̱ꞌun ni̱ꞌ jee xinákúꞌun‑u iniꞌ rán ntáká tu̱ꞌun ni̱ꞌ ya̱ nkachiꞌ ni̱ꞌ nu̱u̱nꞌ rán.

Juan 15:26

’Jee chuichí ni̱ꞌ ɨɨn ya̱ kiji re̱ꞌ ne̱ nu̱u̱nꞌ Tátáꞌ ni̱ꞌ, jee chineí chituvi re̱ꞌ nachuꞌun neí re̱ꞌ iniꞌ ánímaꞌ rán, jee suvire̱ꞌ kúvi Ta̱chi̱ꞌ Ííꞌ ya̱ xínéꞌénꞌ re̱ꞌ tu̱ꞌun na̱a̱ꞌ. Jee sáá kene re̱ꞌ ne̱ nu̱u̱nꞌ maá Tátáꞌ ni̱ꞌ kiji re̱ꞌ jee ku̱ꞌva re̱ꞌ ya̱ naáꞌ jie̱ꞌe̱ꞌ nuꞌuꞌ.

Juan 16:22

Jee suni sukuán ntañúꞌún kúkuéká iniꞌ rán, soo tukuni nakuniꞌ ni̱ꞌ ránoꞌó, jee kusɨ̱ɨ̱ꞌ nasɨ́kuitɨꞌ iniꞌ ánímaꞌ rán. Jee ni ɨɨn ntu̱náꞌ kuvi sííyo ya̱ kúsɨ́ɨꞌ iniꞌ rán.

Juan 17:15

’Soo nsáꞌ jíkánꞌ táꞌvíꞌ ni̱ꞌ ya̱ tavaꞌ nú ráa iniꞌ ñɨ̱vɨ́ yaꞌá, chisaꞌ káchíꞌ ni̱ꞌ ya̱ kumí nú ráa nu̱u̱nꞌ maá kui̱ꞌna̱ꞌ kúñáꞌnú.

Juan 17:20

’Soo nsú kua̱chi kuitɨꞌ jie̱ꞌe̱ꞌ rá ñɨvɨ yaꞌá ví ya̱ jíkánꞌ táꞌvíꞌ ni̱ꞌ nu̱u̱nꞌ nú, chi suni jíkánꞌ táꞌvíꞌ ni̱ꞌ jie̱ꞌe̱ꞌ rá ñɨvɨ ya̱ sukuán kuneí iniꞌ ráa nuꞌuꞌ jie̱ꞌe̱ꞌ tu̱ꞌun kachitu̱ꞌún rá te̱e yaꞌá jie̱ꞌe̱ꞌ nuꞌuꞌ.

Juan 4:14

Soo ñɨvɨ ya̱ koꞌo nute ya̱ ku̱ꞌva ni̱ꞌ nu̱u̱nꞌ‑u, jee ni nsáꞌ kujichiꞌ ka̱ꞌ. Chisaꞌ nute ya̱ ku̱ꞌva ni̱ꞌ koꞌo‑o, jee kene vá iniꞌ‑i kuéntáꞌ kene nokoꞌ nute nu̱u̱nꞌ ñu̱ꞌún, jee saꞌá‑a ya̱ ni̱ꞌi̱nꞌ ñɨvɨ ya̱ kutekuꞌ‑u nɨ́ɨ́nkání jín Ndiosíꞌ ―nkachiꞌ Jesús.

Juan 7:39

Soo nkachiꞌ Jesús rá tu̱ꞌun yaꞌá jie̱ꞌe̱ꞌ Ta̱chi̱ꞌ Ííꞌ Ndiosíꞌ, chi rá ñɨvɨ ya̱ kúneí iniꞌ ráa re̱ꞌ, jee ni̱ꞌi̱nꞌ ráa Ta̱chi̱ꞌ Ííꞌ Ndiosíꞌ kɨꞌɨ‑ɨ iniꞌ ánímaꞌ ráa. Chi ni ntiáꞌan taji Ndiosíꞌ Ta̱chi̱ꞌ Ííꞌ re̱ꞌ, chi jie̱ꞌe̱ꞌ ntiáné kɨ̱naa Jesús antivɨ́ súkún nu̱u̱nꞌ kúñáꞌnú re̱ꞌ.

Hechos 1:4

Sáá nééꞌ tútú re̱ꞌ jín ráa, nta̱túníꞌ re̱ꞌ nu̱u̱nꞌ ráa: ―Koto kéne rán ñuunꞌ káꞌnú Jerusalén. Kunetu rán ne̱ ni̱ꞌi̱nꞌ rán ya̱ nchi̱sóyuꞌú Tátáꞌ ni̱ꞌ, sánikua̱ꞌ nteso̱ꞌo rán ya̱ nkachiꞌ ni̱ꞌ nu̱u̱nꞌ rán.

Hechos 13:52

Jee rá ñɨvɨ ya̱ yɨ́ꞌɨ́ ráa nu̱u̱nꞌ Jesús kúsɨ́ɨꞌ iniꞌ ráa, jee ñúchitú Ta̱chi̱ꞌ Ííꞌ Ndiosíꞌ ráa.

Hechos 9:31

Saájee rá ñɨvɨ kúneí iniꞌ ráa Jesús, ya̱ nééꞌ nɨꞌɨ ichi sánitɨ́ɨn Judea, Galilea, jín Samaria, jee nneeꞌ ñunkúún ráa. Jee jíjia iniꞌ ráa ka̱ꞌ kúneí iniꞌ ráa Jesús. Jee jiáꞌnu ráa jín ya̱ ñúyúꞌví iniꞌ ráa I̱toꞌoꞌ‑ó. Jee náchuꞌun neí Ta̱chi̱ꞌ Ííꞌ Ndiosíꞌ iniꞌ ráa. Jee va̱ji kúkueꞌeꞌ ráa.

Romanos 14:17

Chi ya̱ yɨ́ꞌɨ́‑ó naꞌá Ndiosíꞌ ya̱ tátúníꞌ re̱ꞌ nu̱u̱nꞌ‑ó jee nsáꞌ naniꞌvɨꞌ iniꞌ‑ó jie̱ꞌe̱ꞌ neyu ya̱ yájíꞌ‑ó jín ya̱ jíꞌi‑ó, chisaꞌ jie̱ꞌe̱ꞌ ya̱ kueꞌnu na̱a̱ꞌ‑ó, jín ya̱ kuneeꞌ ñunkúún‑ó jín rá ñanitáꞌán‑ó, jín ya̱ kusɨ̱ɨ̱ꞌ ánímaꞌ‑ó sáꞌá Ta̱chi̱ꞌ Ííꞌ re̱ꞌ.

Romanos 15:13

Jee maá Ndiosíꞌ ví ya̱ sáꞌá re̱ꞌ ya̱ íyó tu̱neí iniꞌ‑ó kuna̱a̱ꞌ iniꞌ‑ó ni̱ꞌi̱nꞌ‑ó ya̱ táji re̱ꞌ. Jee na̱ ka̱ꞌ saꞌá re̱ꞌ ya̱ kusɨ̱ɨ̱ꞌ nasɨ́kuitɨꞌ iniꞌ ánímaꞌ rán, jín ya̱ ne̱ va̱ꞌa kuvi ánímaꞌ rán kuneeꞌ va̱ꞌa rán, jie̱ꞌe̱ꞌ ya̱ kúneí iniꞌ rán re̱ꞌ. Jee sáva fuersáꞌ ííꞌ Ta̱chi̱ꞌ Ííꞌ re̱ꞌ saꞌá‑a ya̱ kukueꞌeꞌ víꞌí ka̱ꞌ koo tu̱neí iniꞌ rán jie̱ꞌe̱ꞌ ya̱ váꞌa nchi̱sóyuꞌú re̱ꞌ saꞌá‑a jín ránoꞌó.

Romanos 5:5

Jee ya̱ íyó tu̱neí iniꞌ‑ó yaꞌá, ntu̱ví jiáꞌa tu̱nkánuun nu̱u̱nꞌ‑ó, chi Ta̱chi̱ꞌ Ííꞌ ya̱ ntaji Ndiosíꞌ nu̱u̱nꞌ‑ó, ya̱ nchu̱chítú re̱ꞌ ánímaꞌ‑ó tu̱ꞌun ñúnúunꞌ Ndiosíꞌ yó.

Romanos 8:34

¿Né ɨɨn vá sijíta‑a yó nu̱u̱nꞌ Ndiosíꞌ résa? ¡Ntu̱ví!, chi maá Cristo Jesús ví ya̱ níꞌiꞌ re̱ꞌ jie̱ꞌe̱ꞌ‑ó, jee suni maáréꞌ ví ya̱ nna̱tekuꞌ re̱ꞌ jee nnako̱o re̱ꞌ nkene re̱ꞌ nteñu rá ni̱yɨ. Jee nééꞌ re̱ꞌ ichi kuáꞌá Ndiosíꞌ nu̱u̱nꞌ tátúníꞌ re̱ꞌ, jee suni yɨ́tuvi re̱ꞌ jíkánꞌ táꞌvíꞌ re̱ꞌ jie̱ꞌe̱ꞌ‑ó nu̱u̱nꞌ Ndiosíꞌ.

Gálatas 5:22

Soo suni túvi rá tiñu sáꞌá Ta̱chi̱ꞌ Ííꞌ Ndiosíꞌ iniꞌ ñɨvɨ kuéntáꞌ túvi rá vixíꞌ kúun yutun. Sáꞌá re̱ꞌ ya̱ ñɨvɨ: ñúnúunꞌ ráa táꞌán ráa, ñúꞌún tu̱ꞌun íyó sɨ́ɨꞌ iniꞌ ánímaꞌ ráa, nééꞌ ñunkúún ráa jín táꞌán ráa, káꞌnú iniꞌ ráa, kúváꞌa iniꞌ ráa, ma̱ni̱ꞌ iniꞌ ráa, na̱a̱ꞌ ráa nu̱u̱nꞌ rá táꞌán ráa ya̱ kúkáꞌnú iniꞌ rá ñɨvɨ ráa,

Filipenses 2:1

Saájee, nu̱u̱nꞌ íyó neí iniꞌ‑ó, jie̱ꞌe̱ꞌ ya̱ yɨ́ꞌɨ́‑ó nu̱u̱nꞌ Cristo, jee nu̱u̱nꞌ ñúnúunꞌ re̱ꞌ yó sáꞌá ya̱ núváꞌa iniꞌ‑ó, jee nu̱u̱nꞌ chíneí táꞌán Ta̱chi̱ꞌ Ííꞌ Ndiosíꞌ jín yó sáva koo ma̱ni̱ꞌ táꞌán‑ó ɨɨn inka‑ó, jee nu̱u̱nꞌ ñunkúún iniꞌ‑ó ɨɨn inka táꞌán‑ó jee nu̱u̱nꞌ kúnáꞌví iniꞌ‑ó ɨɨn inka táꞌán‑ó.

2 Tesalonicenses 2:16

I̱ña̱jée, máá maá I̱toꞌoꞌ‑ó, Jesucristo, jín Tátáꞌ‑ó, Ndiosíꞌ, suviráa ñúnúunꞌ ráa yó. Saáva násaváꞌa ráa iniꞌ‑ó nɨ́ɨ́nkání, jee nsa̱ꞌá ráa ya̱ íyó tu̱neí iniꞌ‑ó ya̱ váꞌa saꞌá ráa nu̱u̱nꞌ‑ó, jie̱ꞌe̱ꞌ íyó mániꞌ iniꞌ ráa néꞌyá ráa yó.

Hebreos 7:25

Jee rá ñɨvɨ ya̱ jiánatuꞌva ráa nu̱u̱nꞌ Ndiosíꞌ jie̱ꞌe̱ꞌ Cristo, jee saáva kávii kuitɨꞌ kuvi natavaꞌ Jesús ráa nu̱u̱nꞌ kua̱chi ráa, jee sikáku re̱ꞌ xinánitáꞌvíꞌ re̱ꞌ nɨ́ɨ́nkání ráa, chi tékúꞌ re̱ꞌ nɨ́ɨ́nkání, sáva yɨ́tuvi re̱ꞌ náma re̱ꞌ ráa nu̱u̱nꞌ Ndiosíꞌ.

1 Juan 2:1

Ránoꞌó ya̱ kúneí iniꞌ rán Jesús, ya̱ kúvi rán kuéntáꞌ se̱ꞌya ni̱ꞌ, tée ni̱ꞌ rá tu̱ꞌun yaꞌá nu̱u̱nꞌ rán sáva nsáꞌá rán kua̱chi. Soo retú néni ɨɨn‑ó saꞌá kua̱chi, jee íyó ɨɨn re̱ꞌ ya̱ yɨ́tuvi re̱ꞌ náma re̱ꞌ yó ichinúúnꞌ Tátáꞌ‑ó Ndiosíꞌ, jee suvire̱ꞌ kúvi Jesús ya̱ kúvi Cristo ya̱ na̱a̱ꞌ kúvi re̱ꞌ.

1 Juan 2:27

Soo ránoꞌó chi Ta̱chi̱ꞌ Ííꞌ ya̱ nníꞌinꞌ rán nu̱u̱nꞌ Jesús kínóo kutú‑u iniꞌ ránoꞌó. Jee saáva ntu̱ví jíniñúꞌún rán ya̱ xinéꞌénꞌ ni ɨɨn ñɨvɨ ránoꞌó [inka tu̱ꞌun], chi máá Ta̱chi̱ꞌ Ííꞌ re̱ꞌ xínéꞌénꞌ ránoꞌó nta̱ká tiñu. Jee na̱a̱ꞌ re̱ꞌ, jee ntu túꞌún re̱ꞌ. Saájee kino̱o kutú rán kɨꞌɨ rán nu̱u̱nꞌ Cristo, sánikua̱ꞌ ya̱ nxi̱néꞌénꞌ Ta̱chi̱ꞌ Ííꞌ ránoꞌó.

2 Juan 1:2

chi tu̱ꞌun na̱a̱ꞌ ñúꞌún kutú iniꞌ ánímaꞌ‑ó, jee kuꞌun‑u iniꞌ‑ó nɨ́ɨ́nkání.