Juan 14:10 - Mixteco del suroeste de Tlaxiaco Oaxaca

¹⁰ ¿Á ntu̱ví jínúꞌ iniꞌ nú ya̱ yɨ́ꞌɨ́ Tátáꞌ ni̱ꞌ iniꞌ ni̱ꞌ jín ya̱ yɨ́ꞌɨ́ ni̱ꞌ iniꞌ Tátáꞌ ni̱ꞌ résa? Chi ntáká rá tu̱ꞌun ya̱ káchíꞌ ni̱ꞌ nu̱u̱nꞌ rán, jee nsú rá tu̱ꞌun ya̱ jiáni xi̱ni̱ꞌ maáníꞌ kúvi ya̱ káchíꞌ ni̱ꞌ. Chisaꞌ jie̱ꞌe̱ꞌ ni ka̱ꞌ ya̱ yɨ́ꞌɨ́ Tátáꞌ ni̱ꞌ iniꞌ ni̱ꞌ, jee saáva maáréꞌ sáꞌá ntáká tiñu ya̱ sáꞌá nuꞌuꞌ.

Juan 14:10 ပူးပေါင်းရင်းမြစ်များ

Juan 10:30

Chi nuꞌuꞌ jín Tátáꞌ ni̱ꞌ, jee ɨɨn ni̱ꞌ kúvi ránꞌ ―nkachiꞌ Jesús.

Juan 10:38

Soo retú sáꞌá ni̱ꞌ tiñu re̱ꞌ, asúꞌ ntu̱ví jínúꞌ iniꞌ rán nuꞌuꞌ, íyó i̱nu̱ꞌ iniꞌ rán ya̱ tiñu Tátáꞌ ni̱ꞌ ví rá tiñu sáꞌá ni̱ꞌ, sáva kukáꞌnú iniꞌ rán jee xiníꞌin rán kuniꞌ rán ya̱ yɨ́ꞌɨ́ Tátáꞌ ni̱ꞌ iniꞌ ni̱ꞌ jín ya̱ yɨ́ꞌɨ́ ni̱ꞌ iniꞌ Tátáꞌ ni̱ꞌ ―nkachiꞌ Jesús.

Juan 11:26

Jee nta̱ká rá tékúꞌ jee kúneí iniꞌ ráa nuꞌuꞌ, ni nsáꞌ kuviꞌ ánímaꞌ ráa chi koo ráa jín Ndiosíꞌ. ¿Á jínúꞌ iniꞌ nú rá tu̱ꞌun yaꞌá? ―nkachiꞌ Jesús.

Juan 12:49

Chi nuꞌuꞌ jee ntu̱ví káꞌánꞌ ni̱ꞌ tu̱ꞌun ya̱ kúvi iniꞌ maáníꞌ, chisaꞌ Tátáꞌ ni̱ꞌ ya̱ nchu̱ichí re̱ꞌ nuꞌuꞌ jín tiñu yaꞌá, jee maáréꞌ nta̱túníꞌ re̱ꞌ nu̱u̱nꞌ nuꞌuꞌ na̱sa íyó kachiꞌ ni̱ꞌ, jín na̱ jie̱ꞌe̱ꞌ kaꞌanꞌ ni̱ꞌ jín ñɨvɨ.

Juan 14:11

Íyó i̱nu̱ꞌ iniꞌ rán nuꞌuꞌ ya̱ yɨ́ꞌɨ́ ni̱ꞌ iniꞌ Tátáꞌ ni̱ꞌ, jín ya̱ yɨ́ꞌɨ́ Tátáꞌ ni̱ꞌ iniꞌ ni̱ꞌ. Jee retú ntu̱ví jínúꞌ iniꞌ rán ya̱ káchíꞌ ni̱ꞌ, íyó ji̱nu̱ꞌ iniꞌ rán jie̱ꞌe̱ꞌ rá tiñu ya̱ sáꞌá ni̱ꞌ.

Juan 14:20

Jee ki̱vɨ̱ꞌ yukuán jee kuniꞌ rán ya̱ yɨ́ꞌɨ́ ni̱ꞌ iniꞌ Tátáꞌ ni̱ꞌ jín ya̱ yɨ́ꞌɨ́ rán nu̱u̱nꞌ ni̱ꞌ, jín ya̱ yɨ́ꞌɨ́ ni̱ꞌ iniꞌ ránoꞌó.

Juan 14:24

Jee ɨɨn ñɨvɨ ya̱ ntu̱ví ñúnúunꞌ‑u nuꞌuꞌ, jee ni ntu̱ví síkúnkuvi‑i tu̱ꞌun ni̱ꞌ. Jee rá tu̱ꞌun ya̱ tésóꞌo rán ya̱ káchíꞌ ni̱ꞌ, jee nsú tu̱ꞌun maáníꞌ kúvi‑i, chisaꞌ tu̱ꞌun maá Tátáꞌ ni̱ꞌ ya̱ nchu̱ichí re̱ꞌ nuꞌuꞌ kúvi rá tu̱ꞌun ya̱ káchíꞌ ni̱ꞌ.

Juan 17:8

Chi ntáká rá tu̱ꞌun ya̱ ntaji nú nu̱u̱nꞌ ni̱ꞌ, jee njia̱ꞌa ni̱ꞌ maa nu̱u̱nꞌ ráa. Jee ntɨɨn ráa ñúꞌún iniꞌ ráa maa, chi nku̱káꞌnú iniꞌ ráa ya̱ máá naáꞌ nijia kúvi ya̱ ne̱ nu̱u̱nꞌ maánú nkene ni̱ꞌ va̱ji ni̱ꞌ, jee suni ni̱nu̱ꞌ iniꞌ ráa ya̱ maánú nchu̱ichí nú nuꞌuꞌ va̱ji ni̱ꞌ jín tiñu sáꞌá ni̱ꞌ.

Juan 3:2

Jee ña̱ꞌa̱nꞌ te̱e yaꞌá yakuááꞌ nu̱u̱nꞌ nééꞌ Jesús, jee nkachiꞌ re̱ꞌ nu̱u̱nꞌ Jesús: ―Mestrúꞌ, jíníꞌ ránꞌ ya̱ máá Ndiosíꞌ nchu̱ichí noꞌó va̱ji nú sáva xínéꞌénꞌ nú rá tu̱ꞌun re̱ꞌ, kuéntáꞌ ɨɨn Mestrúꞌ nu̱u̱nꞌ ránꞌ. Chi ni̱ꞌ ɨɨn ñɨvɨ nsáꞌ kúvi saꞌá rá seña a̱nasɨ́ sáꞌá nú, retú ntu íyó Ndiosíꞌ jín‑i.

Juan 5:17

Jee nkachiꞌ Jesús nu̱u̱nꞌ ráa: ―Tátáꞌ ni̱ꞌ nɨ́ɨ́nkání sátíñú re̱ꞌ ne̱ vitan, jee suni sukuán sátíñú ni̱ꞌ.

Juan 5:19

Saájee nkachiꞌ Jesús nu̱u̱nꞌ ráa: ―Máá nááꞌ vá káchíꞌ ni̱ꞌ nu̱u̱nꞌ rán: Nuꞌuꞌ, ya̱ kúvi ni̱ꞌ Se̱ꞌya Ndiosíꞌ, nkúvi saꞌá ni̱ꞌ ni ɨɨn tiñu ya̱ maáníꞌ, chi kua̱chi sáꞌá ni̱ꞌ sáni néꞌyá ni̱ꞌ ya̱ sáꞌá Tátáꞌ ni̱ꞌ. Chi néni ɨɨn tiñu ya̱ sáꞌá Tátáꞌ ni̱ꞌ Ndiosíꞌ, suni sukuán nuꞌuꞌ ya̱ kúvi ni̱ꞌ Se̱ꞌya Ndiosíꞌ nuún sáꞌá ni̱ꞌ maa.

Juan 7:16

Jee nna̱xiníkó Jesús nu̱u̱nꞌ ráa: ―Rá tu̱ꞌun ya̱ xínéꞌénꞌ ni̱ꞌ ránoꞌó, jee nsú tu̱ꞌun kéne iniꞌ maáníꞌ ví‑i, chisaꞌ va̱ji ne̱ nu̱u̱nꞌ maáréꞌ ya̱ nchu̱ichí re̱ꞌ nuꞌuꞌ.

Juan 8:28

Saájee nkachiꞌ Jesús: ―Nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, sáá xináa rán nuꞌuꞌ nu̱u̱nꞌ kurúsiꞌ, jee kuniꞌ rán ya̱ Nuꞌuꞌ Ví‑i, ya̱ káchíꞌ ni̱ꞌ, Jee kuniꞌ rán ya̱ ni ɨɨn tiñu ntu sáꞌá ni̱ꞌ ya̱ máá maáníꞌ. Chisaꞌ sáꞌá ni̱ꞌ sánikua̱ꞌ nxi̱néꞌénꞌ Tátáꞌ ni̱ꞌ nuꞌuꞌ, jee rá tu̱ꞌun yukuán ví ya̱ káchíꞌ ni̱ꞌ.

Juan 8:38

Nuꞌuꞌ chi káchíꞌ ni̱ꞌ tu̱ꞌun ya̱ nxi̱néꞌénꞌ Tátáꞌ ni̱ꞌ nu̱u̱nꞌ ni̱ꞌ. Saájee ránoꞌó chi sáꞌá rán tiñu ya̱ nxi̱néꞌénꞌ tátáꞌ rán nu̱u̱nꞌ rán ―nkachiꞌ Jesús.

Juan 8:40

Soo vitan jee ránoꞌó, jee níꞌvɨ́ꞌ iniꞌ rán kaꞌniꞌ rán nuꞌuꞌ, ya̱ kúvi ni ɨɨn te̱e ya̱ nkachiꞌ ya̱ naáꞌ nu̱u̱nꞌ rán, ya̱ nteso̱ꞌo ni̱ꞌ ya̱ nkachiꞌ Ndiosíꞌ nu̱u̱nꞌ ni̱ꞌ. Abraham chi ntu̱ví nsa̱ꞌá re̱ꞌ sukuán.

Hechos 10:38

Jesús kúvi re̱ꞌ te̱e ñuunꞌ Nazaret. Jíníꞌ rán ya̱ ñani Ndiosíꞌ re̱ꞌ jee njia̱ꞌa‑a nu̱u̱nꞌ re̱ꞌ Ta̱chi̱ꞌ Ííꞌ‑i jín fuersáꞌ ííꞌ‑i. Jee ni̱kónúun re̱ꞌ nsa̱ꞌá re̱ꞌ ya̱ váꞌa, jee nxi̱núvi re̱ꞌ rá ñɨvɨ nóꞌo sáꞌá kui̱ꞌna̱ꞌ kúñáꞌnú, chi Ndiosíꞌ íñɨ́ jín re̱ꞌ.

2 Corintios 5:19

Chi jie̱ꞌe̱ꞌ ya̱ nsa̱ꞌá Cristo, nsa̱ꞌá Ndiosíꞌ ya̱ kúvi númániꞌ rá ñɨvɨ ñɨ̱vɨ́ jín re̱ꞌ. Jee ntu̱ví nnásikúniꞌi re̱ꞌ si̱kɨ̱ꞌ ráa rá kua̱chi nsa̱ꞌá ráa ya̱ njia̱ꞌa ráa nu̱u̱nꞌ ya̱ nta̱túníꞌ re̱ꞌ. Jee nte̱tíñú re̱ꞌ ránuꞌuꞌ ya̱ káchítu̱ꞌún ráníꞌ tu̱ꞌun re̱ꞌ jie̱ꞌe̱ꞌ ya̱ kúvi numa̱ni̱ꞌ re̱ꞌ jín rá ñɨvɨ.

Colosenses 1:19

Chi sɨ̱ɨ̱ꞌ nkuvi iniꞌ Ndiosíꞌ ya̱ nchi̱tú iniꞌ Cristo kua̱ꞌ nɨꞌɨ ya̱ íyó maá Ndiosíꞌ.

Colosenses 2:9

Chi yɨ́ꞌɨ́ kua̱ꞌ nɨꞌɨ ya̱ íyó maá Ndiosíꞌ iniꞌ Cristo ya̱ kúvi re̱ꞌ te̱e ya̱ íyó yɨkɨkúñu re̱ꞌ.

1 Juan 5:7

Chi [ne̱ antivɨ́ nu̱u̱nꞌ nééꞌ Ndiosíꞌ] íyó u̱ni̱ꞌ ya̱ jiáꞌa ráa ya̱ naáꞌ jie̱ꞌe̱ꞌ tu̱ꞌun yaꞌá: [máá Tátáꞌ‑ó Ndiosíꞌ, jín máá Jesús, ya̱ naní tu̱ꞌun vá, jín Ta̱chi̱ꞌ Ííꞌ re̱ꞌ. Jee ni núníꞌ ráa yaꞌá ɨɨn nuún ni jiáꞌa ráa ya̱ naáꞌ.]