Juan 13:33 - Mixteco del suroeste de Tlaxiaco Oaxaca

³³ ’Ránoꞌó, ya̱ kúvi kuéntáꞌ se̱ꞌya ni̱ꞌ, vitan jee yakuꞌ ni tiempúꞌ ka̱ꞌ íyó kuneeꞌ ni̱ꞌ jín ránoꞌó. Jee kuíre nanukú rán nuꞌuꞌ, soo kuéntáꞌ ya̱ nkachiꞌ ni̱ꞌ nu̱u̱nꞌ rá te̱e kúñáꞌnú nu̱u̱nꞌ ñɨvɨ Israel, jee suni sukuán káchíꞌ ni̱ꞌ nu̱u̱nꞌ rán vitan ya̱: Nu̱u̱nꞌ kɨ̱ꞌɨ̱nꞌ ni̱ꞌ, jee nkúvi kɨ̱ꞌɨ̱nꞌ rán.

Juan 13:33 ပူးပေါင်းရင်းမြစ်များ

Juan 13:36

Jee nkachiꞌ Simón Pedro nu̱u̱nꞌ Jesús: ―I̱toꞌoꞌ, ¿né núꞌ kɨ̱ꞌɨ̱nꞌ nú? Jee nna̱xiníkó Jesús: ―Nu̱u̱nꞌ kɨ̱ꞌɨ̱nꞌ ni̱ꞌ, jee nkúvi kunikɨnꞌ nú nuꞌuꞌ ntañúꞌún. Soo ne̱ kuéé ka̱ꞌ jee kunikɨnꞌ nú nuꞌuꞌ ―nkachiꞌ Jesús.

Juan 14:19

Yakuꞌ ni ka̱ꞌ ki̱vɨ̱ꞌ jee nku̱níꞌ ka̱ꞌ rá ñɨvɨ ñɨ̱vɨ́ yaꞌá nuꞌuꞌ, soo ránoꞌó chi kuniꞌ rán nuꞌuꞌ. Chi jie̱ꞌe̱ꞌ tékúꞌ ni̱ꞌ nɨ́ɨ́nkání, jee saáva suni sukuán ránoꞌó ranika̱ꞌ kutekuꞌ rán nɨ́ɨ́nkání jín ni̱ꞌ.

Juan 14:2

Chi nu̱u̱nꞌ nééꞌ Tátáꞌ ni̱ꞌ jee íyó kue̱ꞌe̱ꞌ víꞌí nu̱u̱nꞌ íyó kuneeꞌ ñɨvɨ. Jee retánꞌ ntu̱ví íyó, jee nsáꞌ kachiꞌ ni̱ꞌ maa sukuán nu̱u̱nꞌ rán. Jee saáva kɨ̱ꞌɨ̱nꞌ ni̱ꞌ saꞌá túꞌva ni̱ꞌ nu̱u̱nꞌ kuneeꞌ rán.

Juan 7:36

¿Ná kuíni káchíꞌ tu̱ꞌun yaꞌá ya̱ nkachiꞌ re̱ꞌ: “Nanukú rán nuꞌuꞌ, soo ni nsáꞌ naniꞌinꞌ rán nuꞌuꞌ, chi nu̱u̱nꞌ kɨ̱ꞌɨ̱nꞌ ni̱ꞌ kuneeꞌ ni̱ꞌ, jee nkúvi kɨ̱ꞌɨ̱nꞌ rán kuneeꞌ rán yukuán”, rúja? ―nkachiꞌ rá te̱e vá.

Gálatas 4:19

Ránoꞌó se̱ꞌya maáníꞌ. Nóꞌo ni̱ꞌ kuéntáꞌ téꞌnéꞌ iniꞌ ɨɨn ñaꞌan káku se̱ꞌya, chi nóꞌo ni̱ꞌ suꞌva ne̱kua̱ꞌ sama iniꞌ rán ne̱ nuún koo iniꞌ ánímaꞌ rán jín Cristo.

1 Juan 2:1

Ránoꞌó ya̱ kúneí iniꞌ rán Jesús, ya̱ kúvi rán kuéntáꞌ se̱ꞌya ni̱ꞌ, tée ni̱ꞌ rá tu̱ꞌun yaꞌá nu̱u̱nꞌ rán sáva nsáꞌá rán kua̱chi. Soo retú néni ɨɨn‑ó saꞌá kua̱chi, jee íyó ɨɨn re̱ꞌ ya̱ yɨ́tuvi re̱ꞌ náma re̱ꞌ yó ichinúúnꞌ Tátáꞌ‑ó Ndiosíꞌ, jee suvire̱ꞌ kúvi Jesús ya̱ kúvi Cristo ya̱ na̱a̱ꞌ kúvi re̱ꞌ.

1 Juan 4:4

Ránoꞌó ya̱ kúvi kuéntáꞌ se̱ꞌya ni̱ꞌ, kúvi rán ñɨvɨ Ndiosíꞌ. Jee nku̱neí rán jín rá ñɨvɨ xínáꞌví vá, ya̱ ntu xínáꞌví ráa ránoꞌó, chi máá kúñáꞌnú ka̱ꞌ ví Ta̱chi̱ꞌ Ííꞌ Ndiosíꞌ ya̱ yɨ́ꞌɨ́ iniꞌ ánímaꞌ ránoꞌó, nsú káꞌ ta̱chi̱ꞌ kúneí jín rá ñɨvɨ yɨ́ꞌɨ́ ñujiínꞌ ñɨ̱vɨ́ yaꞌá.

1 Juan 5:21

Ránoꞌó ya̱ kúvi kuéntáꞌ rá se̱ꞌya ni̱ꞌ, kumí rán maárán ya̱ chusává rán maárán nu̱u̱nꞌ rá nantíñú ya̱ nsú Ndiosíꞌ tékúꞌ ví ráa, ya̱ néñu̱ꞌun rá ñɨvɨ ñɨ̱vɨ́. Suꞌva koo. Amén.